3 Ioane 1
1
1Mai‐vaki inu revareva una naumuki a’a Gaio eiai. Nai umu‐nikana kapoi.
2Na naumuki a’a e, nai nawki‐awkana ni awku uriria everevereane‐iai, kape venea awku ni miane‐iai, orau ni imunu evereverena.
3Aroa a’a anea’ane, oro ioneliane ane, uku ni miki‐rokoa voa miki eiai, voa miki ni kamaiali’ina ane, nai kopaili’ina kapoi.
4Kopai ovara e nai miape. Uru viriai na mere voa miki kamaialimakina, na kopai‐mai ioure.
5Na naumuki a’a e, ni opara uriria ni miki‐rokoa limakina aroa a’a eiai, lia, oro awku eiai, oro ane oro kikoro a’a keina.
6Ekalesia paku ai oro ioneliane euna uku ni umu eiai; uku ni Eloi inu kaupu a’a omo aki ai paiekavai ni imaliakana.
7Uku Keriso eiai oro eleane euna, kavani eria lai unuku a’a mere oro mi’ina.
8Ou uku eiai enei umu ipekiai limakina uku enei paioka a’a keia’ane‐iai voa miki upurukiai.
9Ekalesia eiai nai revareva kikirinave, a Dioterepe, uku amua pokoiai oro awkono avao ai u umuli’ina, na voa viriai u inakali’ina.
10Ei uku eiai nai anea’ane una voa mako, voa keve?-?rakevera ane, enei eiai nai aikapea. U lai aukiapea uku voa e kuruai, aroa a’a u eiviriapea, a’a ane aroa a’a eiviriai oro umuli’ina u eina, Ekalesia mere laeina ane.
11Na naumuki a’a e, lipi opara pa ipi‐awmiai, a ima opara ipi‐emi’ine. U ane panipani ai opara ima u li’ina u Eloi inu a’a keina: a u ane panipani ai lipi opara u li’ina Eloi u inamu‐oiape.
12A’a uriria, voa miki ane, Demeterio onu uru kepoina. Enei awku una uru kepoina, ni ipali’ina ima uru e enei kepoina.
13Voa aila kuruniai nai mi’ina, a ei voa pepa kikiriai nai umu‐a‐li’inakea.
14Maura pani ai inamu‐niai nai araea’araea li’ina, ou pani enere voa akinava?-?kana. Airu mi’ine. Ene a’a keponina. Ene a’a ni kepeine.
Currently Selected:
3 Ioane 1: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.