1 Tesalonia 5
5
1Uku pani inu eiei, Iare enu eiei ane, revareva kikirinaiai uku eria uakeina, ovaki airavaki e.
2Uku noro ipali’inake kapoi Amua anu lare aneliviai anelia orau avapu a’a kipere pani ai anena.
3A’a erau voa kurumakeia’ane, Airu pani eire, iawka anu pani ane! oava oro ai emoki anena, orau a’e enu ukua kinia‐kukunu anena; oro area‐enavapea.
4A noro muru ai keiapea, ovaki airavaki e, avapu a’a orau pamea varuna’avai liapea;
5Uku noro uriria Pamea anu mere, lare enu mere ane. Enei kipere enu a’a peo, muru unu a’a peo.
6Ou uku eiai, pani va’au unu a’a orau, enei awaw pa keiai, enei rokonamaki, lai kekepa mi’inamaki ane.
7Uku oro ane oro awaw keina, kipere pani ai oro awaw keina, oro ane oro iara ere na’ana, kipere pani ai oro na’ana.
8A enei lare enu a’a enei lai kekepa li’inamaki, pirimaroakoa, umu ane, enu ukari vaupa enei luki’emi’?-?inamaki, iawka anu araea’araea kiku eiai enei ainamaki.
9Uku Eloi evere’aiape Una ia’ia miai, a i ene Amua Iesu Keriso mere enei iawka miai;
10U ane enei eiai U imunave, enei rokoane naea, enei imuane naea, Una rokoa enei aua‐miane‐iai.
11Ou uku eiai noro iviri‐naine, nomo a’a monou‐monou una a’a paiokanamoki, orau noro limakina kapoi.
12Oro ane noro awkono avao ai iaki limakina, oro nomo omoro a’a ane ekalesia iaki eiai, nomo ipawkia a’a ane, noro avioia ipekine, ovaki airavaki e;
13Noro umu‐ekane ane uku omo iaki eiai. Noro awkono avao ai airu noro mi’ine.
14Enei nanuku‐nakana, ovaki airavaki e, larilia a’a anu e’ei ipekiai, lai eapa a’a paiekavai, kape eapa a’a iviri‐eiai, a’a uriria eiai noro lai kekepa‐liai.
15Oivirine a’a kavani lipi awkunavaia lipi opara eiai; ima pani evorone ima‐na?-?lauai, pani va’au unu a’a uriria eiai ane.
16Panipani ai kopaili’ine.
17Panipani ai nawki‐awkane.
18Rokoa anu awku kavakava eiai kopai‐awkane; uku orau Eloi inu lai Keriso Iesu ai rokona noro eiai.
19Avaea pa nomoai.
20Laikorava voa lari pa liai.
21Voa uriria ipia‐emi’ine, voa ima a’akine.
22Namea anu aipo kavakava mere noro laikine.
23Eloi ane, U ane U airu awkuna, U iaa iki nai?-?namoki; nomo avaea, imunu ane, kape ane, eivirinamoki, uku noro mua eria keia’ane‐iai ene Amua Iesu Keriso onu anea pani ai.
24U ane U laea‐nalauna U miki rokona, Una iaki U anana evere’eakana ane.
25Ovaki airavaki e, enei eiai noro Eloi nawki‐awkane.
26Aroa a’a uriria iaa ane epo emi’ine, kepeine ane.
27I Amua anu nawi nai nakina ei revareva aroa a’a uriria paku ai oraine.
28Ene Amua Iesu Keriso onu la’aruku noro mi’ine.
Currently Selected:
1 Tesalonia 5: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
