1 Korinito 3
3
1Ovaki airavaki e, avaea a’a orau nai kurunaiai a‐li’inavea, kape‐i’ima a’a orau kurunaiai nai i’inuakei’inave, upi orau Keriso laru ai.
2Ame nai nakuane euna, pei kane peo; noro venea?-?a‐kei’inavea pei kane navai; eai pei kane noro navai liapea.
3Eai noro kape‐i’ima a’a keina. Nomo awkono avao ai namani, iara ane, keia’ane, noro kape‐i’ima a’a peana, pani va’au unu opara noro liapeana?
4A’a monou erau voa kuruane, Nai Paulo onu a’a; a’a mo kuruane, Nai Apolo onu a’a; noro kape‐i’ima a’a peana?
5Paulo koana? Apolo ane u koana? Orere Eloi inu aivara a’a keina, i orere enu omoro voa mere, orau a’a kavakava Amua iva awkunave, noro pirimaroakoanave.
6Nai uru kininave, Apolo veve ere‐orekanave: a Eloi uru lala’avai rokoa awkunave.
7Uru kinia a’a peo, ere orekava a’a peo, uru rokoa awkuna. Eloi uru lala’avai rokoa ekuna, uriria upai U epe’epe rokona.
8Uru kinia a’a, veve ere?-?orekava a’a ane, orere lai monou mi’ina uru eiai; a’a kavakava una iaki orau u kavani miakana.
9Uku enere Apolo ane Eloi eiai, Eloi kiripai ane, iaki li’ina: noro Eloi inu aura, noro Eloi inu marea ane.
10Uku iaki liai Eloi veruku ikunave, marea la‐oka lai evera a’a orau, marea anu u’uri nai aiekiane euna, u’uri upa mere a’a mo la‐okamakina. A’a kavakava oivirinamoki u ima la‐okavai.
11U’uri aiakeina U Iesu Keriso, u’uri e a’a aiai liapea.
12Kurua u’uri upa mere laiko moni marea naea, urupu moni marea naea, rawre moni marea naea, iri marea naea, pono marea naea, mami marea naea, a’a la‐oka’ane,
13A’a monou‐monou unu iaki ipawkiakeiakana. Keriso onu lare iaki inu miki ipawkiakana, uku kurua lare enei ai iau luki‐awmiakeiakana aneliviai anelia, iau a’a anu iaki ipia‐miakana.
14A’a anu iaki keia’ane u la‐oka’ane euna, u kavani miakana.
15A’a anu iaki iau ruaw?-?kavakeia’ane, una iaki u paukiakana: a u iawkavakeiakana a’a orau iau mere lakiakeina.
16Noro ipapeana noro Eloi inu iaa marea keina, Eloi inu Avaea ane noro laru ai pokoina?
17A’a Eloi inu iaa marea upu‐liane, kurua a’a Eloi avakana: uku Eloi inu iaa marea iaa keina, kurua iaa marea noro keina.
18A’a una nane ewaea pa awkavai. Nomo a’a monou laikora’ane u lai evera keina ei pani va’au eiai, u avuavu a’a evere’enamoki u lai evera evere’eane‐iai kapoi.
19Uku ei pani va’au unu lai evera avuavu keina Eloi inu paku ai. Ei voa kikiriakeina, Lai evera a’a i omo ewaea U ekeni‐ekana.
20Ei voa awku kikiriakeina, Amua ipali’ina lai evera a’a anu lai avuavu keina.
21Ou uku eiai a’a meramera voa pa kuruai una omoro a’a eiai. Uku awku uriria nomo awku keina;
22Paulo naea, Apolo naea Kepa naea, pani va’au naea, rokoa naea, imua naea, eai pani inu awku naea, iru pani inu awku naea; awku uriria nomo awku keina;
23Noro Keriso onu a’a keina, Keriso ane Eloi inu keina.
Currently Selected:
1 Korinito 3: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
