Nar 23
23
1An Paul neteramahm tumututum nerem asul mameni, Piak min, iemamarik le nemri Wuhgin le nekiuk ravit am meroatis nian uk.
2An ieremera le nuhwasigenan, Aananaias, netereni to nerem kamailil iwaket ton moma takarep hnulin.
3An Paul netereni ton, Wuhgin terepep ik, ik nepai kamol retuan. An ik nakamowata to nuhwapraian io le nowa asul, an nakameni moma takep io kati nowa asul lan?
4An nerem kamailil iwaket netakani, ik nakametat ieremera le nuhwasigenan te Wuhgin?
5An Paul netereni, Piak min, iemetiktik am moma in ieremera le nuhwasigenan; mero in ka kamrai, Tenesenian nakartetan le ieremera le neremim taham.
6Mero Paul neterhinatin moma ilar nevin Sadiusi min mene nevin Farisi min, an netereni apahm le neki nerem asul, Piak min, io Farisi ker neri Farisi min; to natigetean mene nermigan mun te nerem kamaremis kenehrapuk touio.
7An netereni nar uk an tikhu neteribor to Farisi min mene Sadiusi min, an nahuto reknotaprai.
8Mero in ka Sadiusi min kamani mama nermigan mun rika mene agelo mene nanumutil rika mun, mero Farisi min kamani nuparhienan le ilau kiten.
9An nakaran neteribor aken, an nerem kamatikun nevin le nahuto le Farisi min netakairmig marol tikhu mamani, Iesaihman tehwaga tat ker le ieremim uk; mero takama nanumun reknakar ton wa agelo?
10An tikhu neteramibor, an ieremera neteragen moma Paul tepeasesin le ilar, an netereni to soldier min mama takaitite marevita in le nekin ilar mariripen le nimwa asul.
11An lapin oatisig Ieremera neterail ton mameni, Agien, mero in ka rolkoma ik nemausito in naremnar min lak Jerusalem, rolmok lan tenakakeikei mausito mun in Rom.
12An neterhakak Ju min netakani nowa nekin ilar min mameitat atu ilar mamani mama tesaruganan mesaramnuman mairoatis takarhwapnin Paul.
13An ilar rika le ieremim kiu mowau nerem kamani nowa nekin ilar min.
14An ilar netakarua to neremera le nuhwasigenan mene nerem asul mamani, Iemeitat atu kamar maivel ton mama tieseipaihan nar ker meroatis tiakarhwapnin Paul.
15Mero in ka le nar uk kamiar mene nerem asul min tenakani to ieremera le soldier min mama terir in mua to kamiar, mama tenakarhwaprai etuatu aken naremnar min tahan; an kamar iaknaiwata matu to hnoan in aupan in nuean iwaket.
16An neri noine Paul netererou nemelakenan tenilar, an neterua muan le nimwa asul mameni to Paul.
17An Paul neteraunin sentiurion ker netereni, Ir temalua uk muan to ieremera mero in ka ramos nar ker terausito in kam in.
18An neteros in mir muan to ieremera mameni, Paul ierem rakamel imwa ramaunipun io ton mehrapuk tonio moma tiakir temalua uk mua tonik mero in ka ramos nar ker tereni tonik.
19An ieremera neteros nelimin mir ikalin, neteramerhapuk ton ilau pusen, Neta un nakama tenakausito in kam io?
20An netereni moma, Ju min kenani nowa nekin ilar min mama takaihrapuk tonik mama tolauk nekir Paul matite muan to nerem asul moma tenepehrapuk etuatu aken to nar ker lan.
21Mero ik tenesosan nowa tenilar, mero in ka nevin le ilar kamaimel aken ton, rika le ieremim kiu mowau, nerem kameitat atu ilar mama tesarugana mesaramnuman meroatis takahro in, an towek kenaiwata ita mameitanin nar tenakani.
22An ieremera neterhalita temalua ka meni ton, moma, Tenesenian to nar ker moma nekneni nar min uk tonio.
23An neteraunipun sentiurion kiu ton mameni, Uepinapina le soldier min 200 moma karuan mairoatis Sesaria, mene nerem takaisua le hors ilar 70, mene nerem karos suk ilar 200, to aur ierem rol kisil lapin.
24An (netereni moma) takaros hors min moma takaihlau Paul lan, markin in to Filiks ieremera le nemihwan.
25An netererai nawowa, nubalakin rol mok lan.
26Klaudias Lisias to ieremera vit aken Filiks, Agien.
27Ju min kamerhiapatin ieremim uk, an iwaket am karhwanin an io iava to ilar le soldier min mevita in, mero in ka iamerou moma in ierem Rom.
28An iemolkeikei moma tiakhinatin noukari nar ilar kameitat in ton, an iemir in matite muan to nerem asul tenilar.
29Ierem iemahm moma kameitat in to naremnar min le nowa asul tenilar, mero resolan moma kameitat in to noukari nar to nemisan wa nelisan.
30An kameni apu tonio moma tepemelaken to ieremim ka, an ihwe am iehmalipena in tonik, an iemeni to nerem kameitat in moma takaitat in le nemram.
31An soldier min, rolkoma kameni to ilar, netakaros Paul marir in lapin marua Antipatris.
32An lauk in netakaipas nerem kamaisua le hors karir in maruan, an netakaleleg pen mun le nimwa asul.
33An ilar netakaruan Sesaria marofen nawowa kam ieremera, an netakarep iatou mun Paul ton.
34An netarahwin neterererhapuk ton moma ierem le ten peten, an netererou moma in ierem Sailisia.
35Netereni, Tiaperou nar lam le nian nerem kameitat ik takarua mun. An netereni moma takahlau in le nimwa asul taha Herod.
Currently Selected:
Nar 23: LEN1902
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
