Nar 22
22
1Piak min mene Tata min, airou naraman tahak to kamiar towek.
2An ilar netakairou mama ramakar kam ilar le nakaran Hibru an netakarika aken ena. An netereni,
3Io ierem Ju, iemait Tarsas le Sailisia, mero kametikun io le nauanu uk le neliki Kamaliel, kametikun le tehwaga etuatu le nowa riputar min, an nekiuk ramesanen to Wuhgin, rolkoma kamiar muka nakamarol towe mene.
4An iemamalikiamta Suatu uk to nemisan, an iemamelis mamehlau le nimwa iakis naman mene neberavin.
5Rolkoma ieremera mun le nuhwasigenan mene nerem asul min kamaiusito in io. Ierem min iemamos mun nawowa to ilar to pian ilar min, an iemakavan Damaskas moma tiakalis miripa Jerusalem nerem iken mun, moma takho ilar.
6An iemakavan mua iwaket to nar Damaskas lalukiat, an ihwe am nisia asul netersipe le neai masiakapun elauelau in io.
7An netiakam le namapten, netiakarou nakaran reni tonio, Saul, Saul, retol nakamalikiamta io?
8An netiakaram, Ik pehe, Ieremera? An netereni tonio, Io Iesu ierem Nasareth, ierem ik nakamalikiamta io.
9An nerem kamairoupa io netakaihm nisia, mero kasairouan noia ierem ramakar kam io.
10An netiakani, Neta tiakol, Ieremera? An Ieremera netereni tonio, Armig muan Damaskas, an tepeni tonik iken nar min kenehlau tonik moma tenakol.
11An iemesahman nar mero in ka nevitan le nisia ka, an nerem kamairoupa netakaros nelimok marir io, an netiakavan Damaskas.
12An ieremim ker Ananaias ieremim ut le nowa asul, nausitoan tahan ramavit le Ju min kamairik iken.
13Neterua tonio mail iwaket mameni tonio, Piak Saul, ahm mun nar; an le aur ka io iemetet mahm in.
14An netereni, Wuhgin te riputar min reknahmpen ik moma tenakhinatin nowa tahan, an moma tenakahm Ierem Irmatu, an moma tenakarou nakaran le hnulin.
15Mero in ka tapol ik iahmesas tahan le nar min nemahm mamerou.
16An towek retol nakamol tanipen? Armig mos nebaptisoan hmapel ita tehwaga tat taham mamasak in netigen.
17An iemlelegpen mun Jerusalem mamohwak le nimwa ahwak, an nar pa neterua lak.
18An iemahm in rameni tonio, ol hwaihwai mier hwaihwai le Jerusalem, mero in ka tepesairouan tonik nausitoesesan in io.
19An o iemeni, Ieremera, Ilar atu karhinatin mama iemehlau le nimwa iakis makahmo le nimwa ahwak min nerem kamani nuparhienan lam.
20An loanian kavi nita Stifen iahmesas taham, io mun iemamail iwaket mehganin, an iemamahm ut napen te nerem kamarho in.
21An netereni tonio, Uan, mero in ka tiafhalipen ik isou to nerem Jentail.
22An ilar netakamaiteleg kam in meroatis nakaran ka an netakaihwatin nakaran tenilar, mamani, Osita neremim rol mok lan le nemapten, mero in ka resevitan moma teramarik.
23An ilar netakamaisak apahm mahipu napen tenilar, mameilaketin nemoulul le namoagoag.
24An ieremera netereni moma tikiripen in le nimwa asul, an netereni moma takahro maitkoigen moma terhinatin noukari nar ilar kameikar apahm mok lan ton.
25An ilar netakalis in le nevige iatipun, an Paul netereni to sentiurion ierem ramail iwaket, Rematu to kamiar tenakahro ierem Rom ierem kaseniesesan le tehwaga tat tahan?
26An sentiurion netererou, neteruan to ieremera mameni ton, moma, Neta nakama tenakol? Mero in ka ieremim uk in ierem Rom.
27An ieremera neterua mameni ton, Ani tonio, ik ierem Rom? An in netereni, Nuparhien.
28An ieremera neteraram, Io iamos asul nemrin moma takol io ierem le nauanu ka. An Paul netereni, Mero iemait (ierem Rom).
29An ihwe am nerem kamama takaitiko ton netakaipas in; an ieremera mun neteramagen mero in ka rhinatin moma in ierem Rom an mero in ka remelis in.
30An lauk in rolkeikei moma terhinatin nuparhienan le nar Ju min kameitat in ton, netererisin in, netereni moma neremera le nuhwasigenan mene nerem asul min takarhwafugen ilar min, an neterir Paul matite mep iatou in to ilar.
Currently Selected:
Nar 22: LEN1902
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
Nar 22
22
1Piak min mene Tata min, airou naraman tahak to kamiar towek.
2An ilar netakairou mama ramakar kam ilar le nakaran Hibru an netakarika aken ena. An netereni,
3Io ierem Ju, iemait Tarsas le Sailisia, mero kametikun io le nauanu uk le neliki Kamaliel, kametikun le tehwaga etuatu le nowa riputar min, an nekiuk ramesanen to Wuhgin, rolkoma kamiar muka nakamarol towe mene.
4An iemamalikiamta Suatu uk to nemisan, an iemamelis mamehlau le nimwa iakis naman mene neberavin.
5Rolkoma ieremera mun le nuhwasigenan mene nerem asul min kamaiusito in io. Ierem min iemamos mun nawowa to ilar to pian ilar min, an iemakavan Damaskas moma tiakalis miripa Jerusalem nerem iken mun, moma takho ilar.
6An iemakavan mua iwaket to nar Damaskas lalukiat, an ihwe am nisia asul netersipe le neai masiakapun elauelau in io.
7An netiakam le namapten, netiakarou nakaran reni tonio, Saul, Saul, retol nakamalikiamta io?
8An netiakaram, Ik pehe, Ieremera? An netereni tonio, Io Iesu ierem Nasareth, ierem ik nakamalikiamta io.
9An nerem kamairoupa io netakaihm nisia, mero kasairouan noia ierem ramakar kam io.
10An netiakani, Neta tiakol, Ieremera? An Ieremera netereni tonio, Armig muan Damaskas, an tepeni tonik iken nar min kenehlau tonik moma tenakol.
11An iemesahman nar mero in ka nevitan le nisia ka, an nerem kamairoupa netakaros nelimok marir io, an netiakavan Damaskas.
12An ieremim ker Ananaias ieremim ut le nowa asul, nausitoan tahan ramavit le Ju min kamairik iken.
13Neterua tonio mail iwaket mameni tonio, Piak Saul, ahm mun nar; an le aur ka io iemetet mahm in.
14An netereni, Wuhgin te riputar min reknahmpen ik moma tenakhinatin nowa tahan, an moma tenakahm Ierem Irmatu, an moma tenakarou nakaran le hnulin.
15Mero in ka tapol ik iahmesas tahan le nar min nemahm mamerou.
16An towek retol nakamol tanipen? Armig mos nebaptisoan hmapel ita tehwaga tat taham mamasak in netigen.
17An iemlelegpen mun Jerusalem mamohwak le nimwa ahwak, an nar pa neterua lak.
18An iemahm in rameni tonio, ol hwaihwai mier hwaihwai le Jerusalem, mero in ka tepesairouan tonik nausitoesesan in io.
19An o iemeni, Ieremera, Ilar atu karhinatin mama iemehlau le nimwa iakis makahmo le nimwa ahwak min nerem kamani nuparhienan lam.
20An loanian kavi nita Stifen iahmesas taham, io mun iemamail iwaket mehganin, an iemamahm ut napen te nerem kamarho in.
21An netereni tonio, Uan, mero in ka tiafhalipen ik isou to nerem Jentail.
22An ilar netakamaiteleg kam in meroatis nakaran ka an netakaihwatin nakaran tenilar, mamani, Osita neremim rol mok lan le nemapten, mero in ka resevitan moma teramarik.
23An ilar netakamaisak apahm mahipu napen tenilar, mameilaketin nemoulul le namoagoag.
24An ieremera netereni moma tikiripen in le nimwa asul, an netereni moma takahro maitkoigen moma terhinatin noukari nar ilar kameikar apahm mok lan ton.
25An ilar netakalis in le nevige iatipun, an Paul netereni to sentiurion ierem ramail iwaket, Rematu to kamiar tenakahro ierem Rom ierem kaseniesesan le tehwaga tat tahan?
26An sentiurion netererou, neteruan to ieremera mameni ton, moma, Neta nakama tenakol? Mero in ka ieremim uk in ierem Rom.
27An ieremera neterua mameni ton, Ani tonio, ik ierem Rom? An in netereni, Nuparhien.
28An ieremera neteraram, Io iamos asul nemrin moma takol io ierem le nauanu ka. An Paul netereni, Mero iemait (ierem Rom).
29An ihwe am nerem kamama takaitiko ton netakaipas in; an ieremera mun neteramagen mero in ka rhinatin moma in ierem Rom an mero in ka remelis in.
30An lauk in rolkeikei moma terhinatin nuparhienan le nar Ju min kameitat in ton, netererisin in, netereni moma neremera le nuhwasigenan mene nerem asul min takarhwafugen ilar min, an neterir Paul matite mep iatou in to ilar.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.