Nar 21
21
1An kamar iemaipas ilar maisua marua etuatu Kos, an lauk in iemarua Rouds, an iemasipe iken marua Patara.
2An iemaihm niko ker rameukafugen pen Fenisia, netiakaruan lan marier.
3An netiakaihm Saipras, an iemaipas le temar mul, netiakarua Siria, netiakaruat Tair, mero in ka iken niko terosibat nauta iken.
4An iemaihm nahwak min mamairik iken nian katilum mekiu; an ilar netakani to Paul le Nanumun moma teresuenan Jerusalem.
5An nian min ka neterua muan le kamar, netiakarier mamaruan, an ilar muka neberavin mene nowasuas mene netakarir kamar maruan leutain iatou le nauanu, an netiakarenum noulimar le nemaklakel mameihwak mamaiuietuin kamar min;
6An kamar netiakaruan le niko, mero ilar netakalelegpen mun imwan ilar,
7An iemarol naunin nasuean le Tair netiakaruat Ptolemeis, an iemeikar kam piemar min, netiakairik to ilar nian karena.
8An lauk in netiakarier maruan Sesaria; an iemaruan le nimwa te Filip, ierem ramausito in nakaran ut, karena le ilar nerem katilum mekiu, netiakamairik ton.
9An ieremim uk nererin neberewasuas kuer kamaivan am, ierem min kamatikun.
10An iemairik iken nian nevin, an profeta ker, netigen Akabas, netersipen Judia matite mua.
11An neterua to kamar mos katout taha Paul an melis atu nelimin mene nelikin mameni, Nanumun Ausim rameni mok lan, Ju min Jerusalem tepalis ieremim ierem tahan katout uk maiuraipen le nelimi Jentail min.
12An netiakairou nar min uk, an kamar mene nerem kamairik iken iemamaikeikei kam in mama teresetan muan Jerusalem.
13An Paul neteraram, Neta nakamarol mamaisak mamahipu nekiuk? Mero in ka iakolkeikei moma resolan moma nelisaman io mero moma tiakemis mun Jerusalem to Netige Ieremera Iesu.
14An netereseteleganin nakaran, an kamar netiakaipas mamani, Pas nowa Ieremera tapol.
15An oatisig le nian min ka iemarepinapina temar, an maret maruan Jerusalem.
16An nahwak nevin Sesaria netakairoupa kamar, marir Mnason ierem Saipras ierem ramohwak nuhu, ierem kamar tiapamairik le nimwa tahan.
17An neitiakarua Jerusalem, an piemar min netakarir kamar le nagienan.
18An lauk in Paul neteruan kamar min to Jems, an elder min netakarhwafugen mun iken.
19An neterakar kam ilar mamausito in karena kiten naremnar min Wuhgin ramol le neki nerem Jentail le nolatkokunan nar tahan.
20An ilar netakairou netakani vivi Wuhgin, an netakani ton, Ik nakamahm, piemar, moma neremim tausand kuhu le Ju min nerem kamani nuparhienan, an ilar muka kaisanen aken to nowa asul.
21An kamausito in ik kam ilar kama nakametikun Ju min nerem kamairik le neki nerem Jentail moma takaipas Moses, mameni to ilar moma tesaisigipenan nererin ilar mesaivanan le tehwaga min ka.
22Mero neta nar? Tepairou parhien mama neknua,
23Mero in ka ol nar uk kamar tiakani tonik: neremim kuer kamairik kamar min ilar nerem kamani atu ita nar teparol.
24Ir ilar hmapel ik kamiar min ilar, an mos nemrin nar tenilar moma takaikis novanun ilar; an neremim petum teparhinatin mama noukari nar rika le nar min kamausito in lam to ilar, mero moma nakamavan etuatu am mamol mun nowa asul.
25Mero le Jentail min ierem min kenani nuparhienan, kamar iemarai marhwaprai mama takamairou ena ilar to nar kamhwasigen nanumun nar in mene to nita mene to nar kamatil mene to tehwaga tat le beravin.
26An Paul neterir neremim ka, an lauk in neterhapel in ilar min muan le nimwa ahwak, mausito in naunin nian te hnapelan meroatis nofenan pusen pusen to ilar min kenofen.
27An nian katilum mekiu iwaket rua muan, an Ju min nerem kamasipe Esia netakaihm in le nimwa ahwak, netakaisulasul nahuto petum netakaihlaupen nelimin ilar lan.
28An netakani apahm, Nerem Israel, aisitu, in uk ierem rametikun neremim petum le ten min, mametat nahuto mene nowa asul mene nimwa uk; an ramir mun nerem Krik le nimwa ahwak mametaken nimwa ausim uk.
29Mero in ka kamaihm aupan Trofimas ierem Efesas ilau min le nauanu, an nekin ilar neterakahmo moma Paul ramir in le nimwa ahwak.
30An nauanu petum kenasalasul, an neremim netakari was, an netakarhiapatin Paul marukakin iatou le nimwa ahwak, an ihwe am kehnarig in tapin min.
31An ilar kamama takarhwapnin in, an nausitoan neterua to ieremera le nahuto le soldier min moma Jerusalem petum kenasulasul.
32An ihwe am neteros soldier min mene nerem kamairemera le ilar, mari maitite maruan to ilar, an ilar netakaihm ieremera mene soldier min an netakaipas hnoan Paul.
33An Ieremera neterua iwaket mehiapatin in, an netereni moma tikikaupen us kiu lan, an netererhapuk moma in pehe an neta ramol.
34An nevin le nahuto netakani apahm nar ker; an nevin netakani apahm nar pusen ker. An riakis ton moma terhinatin nuparhienan mero in ka to nakarouloulan, an netereni moma tikiripen in le nimwa asul.
35An neterua le nikaukau, an netakol moma soldier min kamales in mero in ka to nahgin neremim.
36Mero in ka nahuto le neremim kamairoupen mamani apahm, Hwapnin in.
37An Paul iwaket am kiripen le nimwa asul, an netereni to ieremera, Rematu tonio moma tiakani nar ker tonik? An netereni, Nikhinatin nakaran Krik?
38An nesolan moma ik ierem Ijipt ka ierem ramasulasul miripen leluan neremim 4,000 nerem kamahro til?
39Mero Paul netereni, Io ierem Ju le Tarsas le Sailisia, ierem le nauanu resolan moma iresuas; an tiakahrapuk tonik moma tenakpas io iakakar kam neremim.
40An neterehganin, an Paul neterail le nikaukau meptut neremim le nelimin, an neteramniwan aken, an neterakar kam ilar le nakaran Hibru mameni.
Currently Selected:
Nar 21: LEN1902
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
Nar 21
21
1An kamar iemaipas ilar maisua marua etuatu Kos, an lauk in iemarua Rouds, an iemasipe iken marua Patara.
2An iemaihm niko ker rameukafugen pen Fenisia, netiakaruan lan marier.
3An netiakaihm Saipras, an iemaipas le temar mul, netiakarua Siria, netiakaruat Tair, mero in ka iken niko terosibat nauta iken.
4An iemaihm nahwak min mamairik iken nian katilum mekiu; an ilar netakani to Paul le Nanumun moma teresuenan Jerusalem.
5An nian min ka neterua muan le kamar, netiakarier mamaruan, an ilar muka neberavin mene nowasuas mene netakarir kamar maruan leutain iatou le nauanu, an netiakarenum noulimar le nemaklakel mameihwak mamaiuietuin kamar min;
6An kamar netiakaruan le niko, mero ilar netakalelegpen mun imwan ilar,
7An iemarol naunin nasuean le Tair netiakaruat Ptolemeis, an iemeikar kam piemar min, netiakairik to ilar nian karena.
8An lauk in netiakarier maruan Sesaria; an iemaruan le nimwa te Filip, ierem ramausito in nakaran ut, karena le ilar nerem katilum mekiu, netiakamairik ton.
9An ieremim uk nererin neberewasuas kuer kamaivan am, ierem min kamatikun.
10An iemairik iken nian nevin, an profeta ker, netigen Akabas, netersipen Judia matite mua.
11An neterua to kamar mos katout taha Paul an melis atu nelimin mene nelikin mameni, Nanumun Ausim rameni mok lan, Ju min Jerusalem tepalis ieremim ierem tahan katout uk maiuraipen le nelimi Jentail min.
12An netiakairou nar min uk, an kamar mene nerem kamairik iken iemamaikeikei kam in mama teresetan muan Jerusalem.
13An Paul neteraram, Neta nakamarol mamaisak mamahipu nekiuk? Mero in ka iakolkeikei moma resolan moma nelisaman io mero moma tiakemis mun Jerusalem to Netige Ieremera Iesu.
14An netereseteleganin nakaran, an kamar netiakaipas mamani, Pas nowa Ieremera tapol.
15An oatisig le nian min ka iemarepinapina temar, an maret maruan Jerusalem.
16An nahwak nevin Sesaria netakairoupa kamar, marir Mnason ierem Saipras ierem ramohwak nuhu, ierem kamar tiapamairik le nimwa tahan.
17An neitiakarua Jerusalem, an piemar min netakarir kamar le nagienan.
18An lauk in Paul neteruan kamar min to Jems, an elder min netakarhwafugen mun iken.
19An neterakar kam ilar mamausito in karena kiten naremnar min Wuhgin ramol le neki nerem Jentail le nolatkokunan nar tahan.
20An ilar netakairou netakani vivi Wuhgin, an netakani ton, Ik nakamahm, piemar, moma neremim tausand kuhu le Ju min nerem kamani nuparhienan, an ilar muka kaisanen aken to nowa asul.
21An kamausito in ik kam ilar kama nakametikun Ju min nerem kamairik le neki nerem Jentail moma takaipas Moses, mameni to ilar moma tesaisigipenan nererin ilar mesaivanan le tehwaga min ka.
22Mero neta nar? Tepairou parhien mama neknua,
23Mero in ka ol nar uk kamar tiakani tonik: neremim kuer kamairik kamar min ilar nerem kamani atu ita nar teparol.
24Ir ilar hmapel ik kamiar min ilar, an mos nemrin nar tenilar moma takaikis novanun ilar; an neremim petum teparhinatin mama noukari nar rika le nar min kamausito in lam to ilar, mero moma nakamavan etuatu am mamol mun nowa asul.
25Mero le Jentail min ierem min kenani nuparhienan, kamar iemarai marhwaprai mama takamairou ena ilar to nar kamhwasigen nanumun nar in mene to nita mene to nar kamatil mene to tehwaga tat le beravin.
26An Paul neterir neremim ka, an lauk in neterhapel in ilar min muan le nimwa ahwak, mausito in naunin nian te hnapelan meroatis nofenan pusen pusen to ilar min kenofen.
27An nian katilum mekiu iwaket rua muan, an Ju min nerem kamasipe Esia netakaihm in le nimwa ahwak, netakaisulasul nahuto petum netakaihlaupen nelimin ilar lan.
28An netakani apahm, Nerem Israel, aisitu, in uk ierem rametikun neremim petum le ten min, mametat nahuto mene nowa asul mene nimwa uk; an ramir mun nerem Krik le nimwa ahwak mametaken nimwa ausim uk.
29Mero in ka kamaihm aupan Trofimas ierem Efesas ilau min le nauanu, an nekin ilar neterakahmo moma Paul ramir in le nimwa ahwak.
30An nauanu petum kenasalasul, an neremim netakari was, an netakarhiapatin Paul marukakin iatou le nimwa ahwak, an ihwe am kehnarig in tapin min.
31An ilar kamama takarhwapnin in, an nausitoan neterua to ieremera le nahuto le soldier min moma Jerusalem petum kenasulasul.
32An ihwe am neteros soldier min mene nerem kamairemera le ilar, mari maitite maruan to ilar, an ilar netakaihm ieremera mene soldier min an netakaipas hnoan Paul.
33An Ieremera neterua iwaket mehiapatin in, an netereni moma tikikaupen us kiu lan, an netererhapuk moma in pehe an neta ramol.
34An nevin le nahuto netakani apahm nar ker; an nevin netakani apahm nar pusen ker. An riakis ton moma terhinatin nuparhienan mero in ka to nakarouloulan, an netereni moma tikiripen in le nimwa asul.
35An neterua le nikaukau, an netakol moma soldier min kamales in mero in ka to nahgin neremim.
36Mero in ka nahuto le neremim kamairoupen mamani apahm, Hwapnin in.
37An Paul iwaket am kiripen le nimwa asul, an netereni to ieremera, Rematu tonio moma tiakani nar ker tonik? An netereni, Nikhinatin nakaran Krik?
38An nesolan moma ik ierem Ijipt ka ierem ramasulasul miripen leluan neremim 4,000 nerem kamahro til?
39Mero Paul netereni, Io ierem Ju le Tarsas le Sailisia, ierem le nauanu resolan moma iresuas; an tiakahrapuk tonik moma tenakpas io iakakar kam neremim.
40An neterehganin, an Paul neterail le nikaukau meptut neremim le nelimin, an neteramniwan aken, an neterakar kam ilar le nakaran Hibru mameni.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.