Nar 15
15
1An neremim nevin netakasipe Judia maitite marua mamatikun pian ilar min mama, Takama kasasigipenan kamiar kama tehwaga te Moses, riakis to nosmiuhan kamiar.
2An netakamaiwoia mamarevipuk ilar min ilar Paul mene Barnabas, an netakani mama Paul mene Barnabas mene ilar min nevin takaruan to apostelo min mene elder min le Jerusalem to nehrapukan uk.
3An nahwak min netakahilipen ilar, netakarua marier le Fenisia mene Sameria mamaiusito in nelelegan taha nerem Jentail, an netakarol nagienan asul to pian ilar min.
4An netakarua Jerusalem, an nahwak min mene apostelo min mene elder min netakarir ilar, an netakamaiusito in naremnar min Wuhgin ramol kam ilar.
5Mero neremin nevin le nahuto taha Farisi min, nerem kamani nuparhienan, netakairmig mamani, Takakeikei kasigipen ilar kani to ilar moma takarol nowa taha Moses.
6An apostelo min mene elder min netakarhwafugen mama takarhinatin nakaran uk.
7An nehrapukahrapukan reknamibor, an Piter neterermig mameni to ilar, Piak min, kamiar nakarhinatin mama le nian aupan Wuhgin ramahmpen le kamiar moma le hnuluk nerem Jentail tepairou nakaran ut mamani nuparhienan lan.
8An Wuhgin ierem rhinatin nekitil ramausito esas in ilar mofen Nanumun Ausim kam ilar kama katar mene.
9An remesolpusenan katar mene ilar, mahmapel nekin ilar le nuparhienan.
10Mero in ka retol nakamarofenan kam Wuhgin, mama tenakaihlau kasulia le nemulkenuan nahwak min ierem riputar min mene katar kaseisanenan to nasulian in.
11Mero katar takani nuparhienan lan mama tapos miuh katar le nevitan te Ieremera Iesu rolkoma ilar.
12An nahuto petum netesaikaran, an netakamaitelag kam Barnabas mene Saul kamuausito in nimtatin min mene narepuk min Wuhgin ramol le neki nerem Jentail le ilau.
13An netukuopas nakaran, an Jems neteraram mameni,
14Piak min, Aiteleg ru in io, Simion reknamausito in moma Wuhgin ramaupan mua to Jentail min moma terosita le nekin liar neremim to netigen.
15An nakaran taha profeta min kamani nar karena le nar uk, rolkoma kamrai,
16Nar min uk terua muan ita an io tiapleleg,
An tiapol mun nimwa taha Devid ierem ramam,
An tiapol mun nar kamhwasesan lan
An tiaperkit mun,
17Moma nivit in neremim teparegasin Ieremera,
Mene Jentail min nerem Netigok kamaunin to ilar,
18Ieremera rameni, ierem ramol nar min uk khinatin le nerwowunan.
19Mero to nar uk io tiakhwaprai moma tesailikiamtean nerem kamaleleg to Wuhgin le neki Jentail min.
20Mero takarai nawowa to ilar moma takaipas nar kamhwasigen nanuma nar in, mene tehwaga tat le beravin, mene nar kamatil mene nita.
21Mero in ka le nepsen neremim nuhu mene towe mene neremim nevin le nauanu min kamatikun le Moses, an kamahwin le nimwa ahwak min le nian ausim min.
22An neteravit to apostelo min mene elder min mene neli nahwak min petum mama takaihmpen ieremim mil le ilar mahilipen ilau to Antiok, ilar Paul mene Barnabas, Judas ierem netigen Barsabas mene Sailas, ieremera mil le pian ilar min.
23An netakarai marofen le nelimin ilar, mama, Apostelo min mene piamiar min elder min iakamarai nagienan to kamiar piemar min le neki Jentail min Antiok mene Siria mene Sailisia.
24Mero in ka iemairou mama nevin kamasipe le kamar kamailikiamta kamiar le nakaran, maitaken nanumamiar, ierem min iemesarofenan nowa kam ilar.
25Ramavit to kamar, kenol nekimar karena, mama tiakaihmpen ieremim mahilipena kam kamiar, ilar Barnabas mene Saul ierem keikei mil temar.
26Ierem mil kamuarai nanumun ilau to netige Ieremera tetar, Iesu Kristo.
27An iaknahilipena Judas mene Sailas, an ilau tepuani mun nar karena le nakaran.
28Mero in ka ramavit to Nanumun Ausim mene to kamar moma tieseihlaupenean narpukam le kamiar iribor le nar min uk tenakaikkeikei marol, mama Tenakaipas nar kamhwasig nanumun nar in, mene nita, mene nar kamatil, mene tehwaga tat le beravin.
29An takama tenakamairouena kamiar le nar min uk, teneparol tehwaga ut. Imamiar.
30An kehnalita ilar netakarua le Antiok. An netakarhwafugen nahuto marofen nawowa kam ilar.
31An ilar netakaihwin nawowa, netakaigen to nakaran ka.
32An Judas mene Sailas, ilau mun profeta mil, netukuakar kam pian ilar min le nakaran ribor, mamiaol asanen ilar.
33An netakairik iken le nian nevin, an pian ilar min netakahilipen mun ilau le nemelinuan to nerem kamahlipen ilau.
34Mero ramavit to Sailas moma teramarik iken.
35Mero Paul mene Barnabas netakamuarik Antiok, mamuatikun mamuausito in nakaran te Ieremera, ilar nevin mun.
36An nian nevin neterua muan Paul netereni to Barnabas, Pas kalau kialelegpen mun muahm pialau min le nauanu min kamuausito in nakaran te Ieremera iken, muoma kameitawal.
37An Barnabas neterolkeikei moma terir mun Jon ierem netigen Mark.
38Mero Paul rama resevitan moma terir ierem ramapas ilau Pamfilia meseroupenan ilau to nolan nar.
39An netakamuakar kam ilau min ton an netikiaos aprai navenan tenilau, an Barnabas neterir Mark masua muan Saipras.
40Mero Paul neterahmpen Sailas, an pian ilar min netakaihlau in to nevitan taha Ieremera, an neterier.
41An neteramavan petum le Siria mene Sailisia, mamol asanen nahwak min.
Currently Selected:
Nar 15: LEN1902
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
