1 तिमुथियुस 2
2
सब लोगन के काजै पिराथना
1अब मैं सबते पैहले जि कैहरौऊं कै बिनती, पिराथना, निवेदन, और धन्यबाद सब लोगन के काजै परमेस्वर कूं दिये जामें। 2राजा और सब अधिकारिन के काजैऊ पिराथना करे करौ, जाते हम चैन के संग सान्ती ते सबरी भक्ती और परमेस्वर के काजै आदर ते जीबन जी सकैं। 3जा तरैह ते पिराथना करबौ भलौ है और हमारे उद्धारकरता परमेस्वर कूं भाबै 4परमेस्वर चाहबै कै सब लोगन कूं उद्धार मिलै और सब सच्चाई कूं अच्छी तरैह ते जानें, 5चौंकि एकई परमेस्वर है, और परमेस्वर और मनुस्यन के बीच में एकई बिचौलिया है, और बू ईसू मसीह है जो खुद एक मनुस्य है। 6बानें अपने आप कूं सबन के उद्धार के काजै फिरौती के रूप में दे दियौ जाते कै सही समै पै जि गबाही दई जावै कै परमेस्वर सबन नें बचाबौ चाहबै। 7#2 तीमु 1:11और मैं सच कैह रयौऊं, झूंठ नांय बोल रयो कै मैं जाई मारें पिरचारक, भेजौ भयौ चेला और गैर यहुदिन काजै भरोसे और सच्चाई को उपदेसक ठहरायो गयौ हूं।
8मैं जि चांहू कै हर एक आदमी गुस्सा और झगड़े कूं छोड़कै अपने पबित्र हात जोड़कर पिराथना करे करें।
9 #
1 पत 3:3
बैसेई माताऐं और बहनऊं सरम और संयम के संग सादगी भरे कपड़न ते अपने आपकूं संमारे, ना की बाल गूंथकें, सौने और मोतीन के गहने पहर कें और ना कीमती कपड़ा पहर कें संमारे, 10चौंकि परमेस्वर की भक्ति मैं रैवे बारी औरतन के काजै जेई ठीक है कै बे अपने आप कूं भले कामन ते संमारे।
11धरम की सिछा सीखबे के समै औरत अधीनता में रैहकै आग्याकारिता ते सिछा ग्रहन करें। 12और मैं जि कहरौऊं कै औरत ना तौ आदमिन कूं सिछा दैबै और ना बिनपै पै हुकम चलाबे पर चुपचाप रैहबै। 13चौंकि आदम पैहले बनांयौ बाद में हब्बा बनाई, 14और आदम बहकाबे में नांय आयौ पर औरत बहकाबे में आयकें पापी बनी। 15जाके बाबजूद औरत बच्चा पैदा करबे के द्वारा उद्धार पाबैगी, और बाय चहिऐ कै बू संयम के संग भरोसे में पिरेम और पबित्रता मैं स्थिर रैहबै।
Currently Selected:
1 तिमुथियुस 2: BRAJ
Highlight
Share
Copy
Want to have your highlights saved across all your devices? Sign up or sign in
NonCommercial-NoDerivatives 4.0 International (CC BY-NC-ND 4.0)
