१ कोरीन्थुपा 9
9
कुछापगी आङजा
1ङाला राङवाङ मेताले? ङा कुछाप च्यीक माले? ङी होरी चोवो येशुला ज्या माङ्युवाले? चोवोगी नाङ ङी लेगागी ढेबुगो, खेक्या माले? 2मी श्येम्माक्याई क्षीदु ङा कुछाप च्यीक मेन्नाः, खीकी क्षीदु ङा हीन। घीझ्येरी ॱनाना चोवोगी नाङ, ङा कुछाप च्यीक हीन्गीनगी ताकगो खेक्या लाक। 3ङाला खा ताङगीनक्याई क्षीदु ङी लेन नी दे लाक, 4हेक्याला शा-थुङ झ्यीयेगी आङजा मेताले? 5श्येम्मा कुछापक्या धाङ चोवोगी नोक्या धाङ केफास च्योक्रे, हेक्याला धेपा झ्यीगीन केमी ठीक्ती डोयेगी आङजा मेताले? 6याङना ङा धाङ बारनाबा च्यीगा, राङगी छोवा क्यायेला लेगा मीझ्यीयेगी आङजा मेताले? 7राङगी डोसोङ तारी, ॱमाक्मी लेगा सी़ झ्यीगीलाक से? घुन्डुमगी दुम्रा ताप्ती होदेगी ढेबुगो सी़ मेशागीलाक से? रा-लुक ख्यु चारी, सी़ होदेगी होमा ॱमीथुङगीलाक से?
8मीगी साम्सुने च्यीगा ङा देरे ॱनालाक से? क्षो़ठीमगीयाः देरेराङ ॱमीसुङाई? 9घीझ्येरी ॱनाना मोशेगी क्षो़ठीमला देरे ढीक हो़तालाक, “ॱङीमा च्याक्कीन ॱलुङगी खाला खाउ ॱमाकाक।” धा ॱलुङक्याई क्षीदु को़न्क्षोक थुक खुरा जेदालाक से? 10खोङबागी दे होराङक्याई क्षीदुराङ सुङा माले? दे नी होराङक्याई क्षीदुराङ सुवालाक घीझ्येरी ॱनाना श्यीङ ॱङोगीन धाङ ॱङीमा च्याक्कीनगी लोदोकगी कादा थोप्येगी रेवा झ्येरी, लेगा झ्यी घोलालाक।
11हेक्याई खीकी खोक्दु सेम्ङीगी साङा ताप हो़ना, खीकी जीक्तेनगी हुङघुङने हीकी लोदोक धी़ ॱमेक्षोक्वाले? 12श्येम्माक्याला खीकी हुङघुङने रोक्राम थोप्येगी आङजा हो़ना, हेक्याला देले क्षे आङजा हो़तामाले? घीहीन्ना हीकी दे आङजागी भेचो़ माझ्येहो़क हीना मास्यीकागी ताम्शाङला ॱनो़ ॱमेक्यायेगी क्षीदु, हेक्या दो़न घीरीला शो़गोम झ्यीदीहो़क। 13क्षो़खाङदु श्याप्ची श्युगीनगी राङगी शामा क्षो़खाङनेराङ शालाक धेनी क्षो़ठीला श्याप्ची श्युगीनगी क्षो़पानेराङ राङगी कादा लेन्दालाक ॱनेरी, खेक्या ॱमेस्येलाले? 14देरेराङ झ्येरी ताम्शाङ स्येगीनक्यालाः ताम्शाङ स्येगीन लेगागी गोनेराङ, छोवा क्यायेला रोक्राम थोप्घोगुलाक ॱनेरी चोवोगी का ॱनाङ हो़तालाक।
15हीना दे आङजाक्याने ङी च्यीयाः भेचो़ माझ्येहो़क। धेनी खेक्याई ङाला देरे झ्यीदास्योक ॱनेरी, ङी दो़न देक्या ढीयामेन। घीझ्येरी ॱनाना ङी ङोम्सो झ्यीयेगी दो़न दे ङाने ठोक्तु च्युक्वा ले, ङा स्यीना घागुलाक। 16होझ्येरी ङी ताम्शाङ स्येना, ङाला ङोम्सो झ्यीयेगी दो़न घीया मेक घीझ्येरी ॱनाना ताम्शाङ स्येये माना, ङाला थापस्यी श्येम्मा मेक। ङी ताम्शाङ ॱमेस्येना ङाला क्षेपा फोक्वास्योक। 17घीझ्येरी ॱनाना ङा ङारी थेदी ताम्शाङ स्येना, ङाला ज्यागा हो़क। हीना ङी ङारी थेदी मेन्नाः, ताम्शाङ स्येयेगी गेन दे ङाला चोवालाक। 18धा ॱहाना ङी ज्यागागो घी ले? ताम्शाङ स्येयेगी लेगाला ङारी आङजागी थोप्ताङ ॱमेचाला धेनी रीङ मेलेन्दा ताम्शाङ स्येये राक्ये दे, च्यीगा ङी ज्यागा लाक।
19ङा मी सी़याः होकदु मेनाः हीना मी माङागी सेम क्योप्येगी क्षीदु, ङा ङाराङ घीरीगी ॱयोक्पो झ्युहो़क। 20याहुदापाक्याई सेम क्योप्येगी क्षीदु, ङा याहुदापाक्यामुला याहुदापा च्योक्रेराङ झ्युवी। क्षो़ठीमगी होकदु हो़गीनक्याई सेम क्योप्येगी क्षीदु (ङा ङाराङ क्षो़ठीमगी होकदु मेनाः), ङा क्षो़ठीमगी होकदु हो़गीनक्यामुला क्षो़ठीमगी होकदु धेगीनक्या च्योक्रे झ्युवी। 21क्षो़ठीम मेगीनक्याई सेम क्योप्येगी क्षीदु, ङा क्षो़ठीम मेगीनक्यामुला क्षो़ठीम मेगीन च्योक्रे झ्युवी। हीना ङा ङाराङ को़न्क्षोकगी क्षो़ठीमने डारी मेन्दा, ङा मास्यीकागी ठीम होकला धे हो़तालाक। 22धेपाला क्योवा हो़गीनक्याई सेम क्योप्येगी क्षीदु ङा धेपाला क्योवा हो़गीनक्यामुला, धेपाला क्योवा च्योक्रे झ्युवी। थापस्यी घीरीगी थोक्ने, मी रीङगागी सेम क्योप्येगी क्षीदु ङा मी घीरी क्षीदु दे घीरी झ्युवी।
23मी श्येम्माक्याईमुला ताम्शाङगी झ्यीलाप थोप्येगी क्षीदु, ङा दे घीरी ताम्शाङगी क्षीदु झ्यीदाहीन। 24भाङ ताङगीन ढेन्दुरला, भाङ ताङगीन घीरी भाङ ताङालाक हीना ज्यागागो च्यीकला च्यीगा थोबालाक ॱनेरी, खेक्याला स्येये मेते? होझ्येरी ज्यागा थोप्येगी क्षीदु भाङ तोङ। 25चेमोला दुरकीनक्या दो़न घीरीला राङ छो़ शीम्गीन हुङालाक। खुङक्या मेताला डुगीन ज्यागागी क्षीदु देरे झ्यीदालाक हीना होराङक्या मेताला मेडोगीन ज्यागागी क्षीदु झ्यीदालाक। 26होझ्येरी ङा ॱमीक्यु मेश्या भाङ ॱमेताङ हो़क। धेनी ॱलुङबुला जोक्री श्युरकीन च्योक्रे, ङा मीश्युरहो़क। 27हीना मी श्येम्माक्याला ताम्शाङ स्येछारती, ङा ङाराङगी ज्यागागो मेस्योरयेगी क्षीदु, ङा ङारी ली़ला छो़ शीम्दी, वाङ होकदु धी़लीहो़क।
Currently Selected:
१ कोरीन्थुपा 9: LOY
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
१ कोरीन्थुपा 9
9
कुछापगी आङजा
1ङाला राङवाङ मेताले? ङा कुछाप च्यीक माले? ङी होरी चोवो येशुला ज्या माङ्युवाले? चोवोगी नाङ ङी लेगागी ढेबुगो, खेक्या माले? 2मी श्येम्माक्याई क्षीदु ङा कुछाप च्यीक मेन्नाः, खीकी क्षीदु ङा हीन। घीझ्येरी ॱनाना चोवोगी नाङ, ङा कुछाप च्यीक हीन्गीनगी ताकगो खेक्या लाक। 3ङाला खा ताङगीनक्याई क्षीदु ङी लेन नी दे लाक, 4हेक्याला शा-थुङ झ्यीयेगी आङजा मेताले? 5श्येम्मा कुछापक्या धाङ चोवोगी नोक्या धाङ केफास च्योक्रे, हेक्याला धेपा झ्यीगीन केमी ठीक्ती डोयेगी आङजा मेताले? 6याङना ङा धाङ बारनाबा च्यीगा, राङगी छोवा क्यायेला लेगा मीझ्यीयेगी आङजा मेताले? 7राङगी डोसोङ तारी, ॱमाक्मी लेगा सी़ झ्यीगीलाक से? घुन्डुमगी दुम्रा ताप्ती होदेगी ढेबुगो सी़ मेशागीलाक से? रा-लुक ख्यु चारी, सी़ होदेगी होमा ॱमीथुङगीलाक से?
8मीगी साम्सुने च्यीगा ङा देरे ॱनालाक से? क्षो़ठीमगीयाः देरेराङ ॱमीसुङाई? 9घीझ्येरी ॱनाना मोशेगी क्षो़ठीमला देरे ढीक हो़तालाक, “ॱङीमा च्याक्कीन ॱलुङगी खाला खाउ ॱमाकाक।” धा ॱलुङक्याई क्षीदु को़न्क्षोक थुक खुरा जेदालाक से? 10खोङबागी दे होराङक्याई क्षीदुराङ सुङा माले? दे नी होराङक्याई क्षीदुराङ सुवालाक घीझ्येरी ॱनाना श्यीङ ॱङोगीन धाङ ॱङीमा च्याक्कीनगी लोदोकगी कादा थोप्येगी रेवा झ्येरी, लेगा झ्यी घोलालाक।
11हेक्याई खीकी खोक्दु सेम्ङीगी साङा ताप हो़ना, खीकी जीक्तेनगी हुङघुङने हीकी लोदोक धी़ ॱमेक्षोक्वाले? 12श्येम्माक्याला खीकी हुङघुङने रोक्राम थोप्येगी आङजा हो़ना, हेक्याला देले क्षे आङजा हो़तामाले? घीहीन्ना हीकी दे आङजागी भेचो़ माझ्येहो़क हीना मास्यीकागी ताम्शाङला ॱनो़ ॱमेक्यायेगी क्षीदु, हेक्या दो़न घीरीला शो़गोम झ्यीदीहो़क। 13क्षो़खाङदु श्याप्ची श्युगीनगी राङगी शामा क्षो़खाङनेराङ शालाक धेनी क्षो़ठीला श्याप्ची श्युगीनगी क्षो़पानेराङ राङगी कादा लेन्दालाक ॱनेरी, खेक्या ॱमेस्येलाले? 14देरेराङ झ्येरी ताम्शाङ स्येगीनक्यालाः ताम्शाङ स्येगीन लेगागी गोनेराङ, छोवा क्यायेला रोक्राम थोप्घोगुलाक ॱनेरी चोवोगी का ॱनाङ हो़तालाक।
15हीना दे आङजाक्याने ङी च्यीयाः भेचो़ माझ्येहो़क। धेनी खेक्याई ङाला देरे झ्यीदास्योक ॱनेरी, ङी दो़न देक्या ढीयामेन। घीझ्येरी ॱनाना ङी ङोम्सो झ्यीयेगी दो़न दे ङाने ठोक्तु च्युक्वा ले, ङा स्यीना घागुलाक। 16होझ्येरी ङी ताम्शाङ स्येना, ङाला ङोम्सो झ्यीयेगी दो़न घीया मेक घीझ्येरी ॱनाना ताम्शाङ स्येये माना, ङाला थापस्यी श्येम्मा मेक। ङी ताम्शाङ ॱमेस्येना ङाला क्षेपा फोक्वास्योक। 17घीझ्येरी ॱनाना ङा ङारी थेदी ताम्शाङ स्येना, ङाला ज्यागा हो़क। हीना ङी ङारी थेदी मेन्नाः, ताम्शाङ स्येयेगी गेन दे ङाला चोवालाक। 18धा ॱहाना ङी ज्यागागो घी ले? ताम्शाङ स्येयेगी लेगाला ङारी आङजागी थोप्ताङ ॱमेचाला धेनी रीङ मेलेन्दा ताम्शाङ स्येये राक्ये दे, च्यीगा ङी ज्यागा लाक।
19ङा मी सी़याः होकदु मेनाः हीना मी माङागी सेम क्योप्येगी क्षीदु, ङा ङाराङ घीरीगी ॱयोक्पो झ्युहो़क। 20याहुदापाक्याई सेम क्योप्येगी क्षीदु, ङा याहुदापाक्यामुला याहुदापा च्योक्रेराङ झ्युवी। क्षो़ठीमगी होकदु हो़गीनक्याई सेम क्योप्येगी क्षीदु (ङा ङाराङ क्षो़ठीमगी होकदु मेनाः), ङा क्षो़ठीमगी होकदु हो़गीनक्यामुला क्षो़ठीमगी होकदु धेगीनक्या च्योक्रे झ्युवी। 21क्षो़ठीम मेगीनक्याई सेम क्योप्येगी क्षीदु, ङा क्षो़ठीम मेगीनक्यामुला क्षो़ठीम मेगीन च्योक्रे झ्युवी। हीना ङा ङाराङ को़न्क्षोकगी क्षो़ठीमने डारी मेन्दा, ङा मास्यीकागी ठीम होकला धे हो़तालाक। 22धेपाला क्योवा हो़गीनक्याई सेम क्योप्येगी क्षीदु ङा धेपाला क्योवा हो़गीनक्यामुला, धेपाला क्योवा च्योक्रे झ्युवी। थापस्यी घीरीगी थोक्ने, मी रीङगागी सेम क्योप्येगी क्षीदु ङा मी घीरी क्षीदु दे घीरी झ्युवी।
23मी श्येम्माक्याईमुला ताम्शाङगी झ्यीलाप थोप्येगी क्षीदु, ङा दे घीरी ताम्शाङगी क्षीदु झ्यीदाहीन। 24भाङ ताङगीन ढेन्दुरला, भाङ ताङगीन घीरी भाङ ताङालाक हीना ज्यागागो च्यीकला च्यीगा थोबालाक ॱनेरी, खेक्याला स्येये मेते? होझ्येरी ज्यागा थोप्येगी क्षीदु भाङ तोङ। 25चेमोला दुरकीनक्या दो़न घीरीला राङ छो़ शीम्गीन हुङालाक। खुङक्या मेताला डुगीन ज्यागागी क्षीदु देरे झ्यीदालाक हीना होराङक्या मेताला मेडोगीन ज्यागागी क्षीदु झ्यीदालाक। 26होझ्येरी ङा ॱमीक्यु मेश्या भाङ ॱमेताङ हो़क। धेनी ॱलुङबुला जोक्री श्युरकीन च्योक्रे, ङा मीश्युरहो़क। 27हीना मी श्येम्माक्याला ताम्शाङ स्येछारती, ङा ङाराङगी ज्यागागो मेस्योरयेगी क्षीदु, ङा ङारी ली़ला छो़ शीम्दी, वाङ होकदु धी़लीहो़क।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society