१ कोरीन्थुपा 8
8
ल्हाकुन्डाला पुपा शामागी कोरला
1धा ल्हाकुन्डाला पुपा शामागी कोरला, ङा ॱनाहीन। होराङ घीरीला स्येयो़न हो़गीनगो, होराङला स्येये हो़तालाक। स्येयो़नगी ङागेल केरु च्युक्वालाक हीना झाम्पागी च्यीकगी च्यीकला यारके ताङालाक। 2मी च्यीकगी “ङाला स्येयेहो़क” ॱनेरी साम्ना, खी़ स्येघो़गीनगो खी़ ॱमेस्येलालाक। 3हीना को़न्क्षोकला चेवा झ्यीगीन मीगोला, को़न्क्षोकगी ङो खेन्दालाक।
4धा ॱहाना ल्हाकुन्डाला पुपा शामागी कोरला ॱनाना “ल्हाकुन्डा नी हो़याः मेतालाक।” धेनी “को़न्क्षोक च्यीक माना श्येम्मा मेतालाक।” ॱनेरी, होराङला स्येये हो़तालाक। 5मी रीङगाक्याई ॱनाम-सा ॱङी नाङला, श्युक्कीन ल्हाक्या ॱङोन्ने हो़तालाक ॱनेरी ॱनालाक। धेनी मीङ च्यीगागी ल्हाक्या हो़ना, 6हीना होरी क्षीदु याप को़न्क्षोक च्यीका हो़तालाक। खोङने राङ ॱङोपो घीरी झ्युवालाक धेनी खोङगी क्षीदुराङ होराङ छोवा क्यालालाक। धेनी चोवो च्यीक नी, येशु मास्यीका लाक धेनी खोङगी थोक्ने ॱङोपो घीरी झ्युवालाक धेनी खोङने होराङ छोवा क्यालालाक।
7घीहीनाः मी घीरीला दे स्येयो़न मेयोङालाक। हीना मी रीङगाला ल्हाकुन्डा क्षो़येगो घोम्सासा झ्युरी, खुङक्या हुरे शामा शी घाङला ॱङोन्ने कुन्डाला पुपा लाक ॱनेरी सामालाक। धेनी खुङक्याई साम्लोगो क्योवा झ्युरी, खुङक्या ॱमेचाङा झ्युङालाक। 8हीना शामागी होराङला को़न्क्षोक डुङदु ङ्येयाः मेशोवालाक। धेनी मेशानाः ॱनो़ये घीया मेतालाक धेनी शाना फेन्ये घीया मेतालाक।
9हीना खीकी राङवाङ दे धेपा तेन्पो मेगीनक्याला काक्दो माझ्युङवास्योक। 10घीझ्येरी ॱनाना साम्लो क्योवा हो़गीनक्याई खे स्येयो़न हो़गीनक्याला, ल्हाकुन्डागी क्षो़खाङ नाङदु शागीनगो थोङना, खुङक्यागीयाः ल्हाकुन्डाला पुपा शामा शायेला ॱलोगोक झ्यीगीमाले? 11होझ्येरी खीकी स्येयो़नगी थोक्ने, साम्लो क्योवा हो़गीन पी़नगो मेताला डुगीलाक। धेनी मास्यीका नी, खी़ क्षीदुवा ढोङवालाक। 12धा देरे झ्येरी खेक्या खेरी पी़नक्याई ग्याप्केलदु धीक्पा झ्येरी, खुङक्याई साम्लो क्योवागोला ॱनो़ क्यारी, खेक्याई मास्यीकालाः धीक्पा झ्यीदालाक। 13होझ्येरी शामागी ङी पी़नला धीक्पा झ्यीदु च्युक्ना, ङा खोला धीक्पे नाङ छी़दु ॱमीच्युक्येगी क्षीदु नामा स्या मेशा।
Currently Selected:
१ कोरीन्थुपा 8: LOY
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
१ कोरीन्थुपा 8
8
ल्हाकुन्डाला पुपा शामागी कोरला
1धा ल्हाकुन्डाला पुपा शामागी कोरला, ङा ॱनाहीन। होराङ घीरीला स्येयो़न हो़गीनगो, होराङला स्येये हो़तालाक। स्येयो़नगी ङागेल केरु च्युक्वालाक हीना झाम्पागी च्यीकगी च्यीकला यारके ताङालाक। 2मी च्यीकगी “ङाला स्येयेहो़क” ॱनेरी साम्ना, खी़ स्येघो़गीनगो खी़ ॱमेस्येलालाक। 3हीना को़न्क्षोकला चेवा झ्यीगीन मीगोला, को़न्क्षोकगी ङो खेन्दालाक।
4धा ॱहाना ल्हाकुन्डाला पुपा शामागी कोरला ॱनाना “ल्हाकुन्डा नी हो़याः मेतालाक।” धेनी “को़न्क्षोक च्यीक माना श्येम्मा मेतालाक।” ॱनेरी, होराङला स्येये हो़तालाक। 5मी रीङगाक्याई ॱनाम-सा ॱङी नाङला, श्युक्कीन ल्हाक्या ॱङोन्ने हो़तालाक ॱनेरी ॱनालाक। धेनी मीङ च्यीगागी ल्हाक्या हो़ना, 6हीना होरी क्षीदु याप को़न्क्षोक च्यीका हो़तालाक। खोङने राङ ॱङोपो घीरी झ्युवालाक धेनी खोङगी क्षीदुराङ होराङ छोवा क्यालालाक। धेनी चोवो च्यीक नी, येशु मास्यीका लाक धेनी खोङगी थोक्ने ॱङोपो घीरी झ्युवालाक धेनी खोङने होराङ छोवा क्यालालाक।
7घीहीनाः मी घीरीला दे स्येयो़न मेयोङालाक। हीना मी रीङगाला ल्हाकुन्डा क्षो़येगो घोम्सासा झ्युरी, खुङक्या हुरे शामा शी घाङला ॱङोन्ने कुन्डाला पुपा लाक ॱनेरी सामालाक। धेनी खुङक्याई साम्लोगो क्योवा झ्युरी, खुङक्या ॱमेचाङा झ्युङालाक। 8हीना शामागी होराङला को़न्क्षोक डुङदु ङ्येयाः मेशोवालाक। धेनी मेशानाः ॱनो़ये घीया मेतालाक धेनी शाना फेन्ये घीया मेतालाक।
9हीना खीकी राङवाङ दे धेपा तेन्पो मेगीनक्याला काक्दो माझ्युङवास्योक। 10घीझ्येरी ॱनाना साम्लो क्योवा हो़गीनक्याई खे स्येयो़न हो़गीनक्याला, ल्हाकुन्डागी क्षो़खाङ नाङदु शागीनगो थोङना, खुङक्यागीयाः ल्हाकुन्डाला पुपा शामा शायेला ॱलोगोक झ्यीगीमाले? 11होझ्येरी खीकी स्येयो़नगी थोक्ने, साम्लो क्योवा हो़गीन पी़नगो मेताला डुगीलाक। धेनी मास्यीका नी, खी़ क्षीदुवा ढोङवालाक। 12धा देरे झ्येरी खेक्या खेरी पी़नक्याई ग्याप्केलदु धीक्पा झ्येरी, खुङक्याई साम्लो क्योवागोला ॱनो़ क्यारी, खेक्याई मास्यीकालाः धीक्पा झ्यीदालाक। 13होझ्येरी शामागी ङी पी़नला धीक्पा झ्यीदु च्युक्ना, ङा खोला धीक्पे नाङ छी़दु ॱमीच्युक्येगी क्षीदु नामा स्या मेशा।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society