ရောမ နိဒါန်း
နိဒါန်း
ရောမ သင်းတော်ဟှို ပေါလုရဲ့ ပေးစာဟှာ ခရစ်တော် မွီးဘီးန ၅၄ န ၅၈ ခုနှစ်ကြားမာ တမန်တော် ပေါလုဟှ ရေးဟှားဟှယ်။ ပေါလုဟှာ ရောမဗြို့ဟှို သွားရသေးဘဲဟှူကြောန့် ရောမဗြို့မာရှိဟှူ ယုဒလူမျိုးန လူမျိုးခြား ခရစ်ယာန်လေဟှို သွန်သန်ဟှို့တွပ် အယ်စာဟှို ရေးလိုက်ဟှယ်။ သူဟှာ အယ်ခီဒူးဟှ ကောရိန့်ဗြို့မာ နေနေဟှူကြောန့် အယ်ဗြို့ဟှနေဘီး အယ်စာဟှို ရေးလိုက်ဟှူဇာဖြစ်ဟှယ်။ လူမျိုးလေ ဂူလောင်းဟှာ ယေရှုခရစ်တော်ဟှို ယောင်ကြည်ဘီး နားထောန်ပါ ဆိုဘီး ပေါလုဟှ ရေးဟှားလေဟှယ် (၁၆.၂၆)။
ရောမသင်းတော်ဟှို ပေါလုရဲ့ ပေးစာဟှာ နေရာတိုင်းမာရှိဟှူ ခရစ်ယာန်လေတွပ် ရေးကီးဟှူ စာဖြစ်ဟှယ်။ ဖြားဖြစ်ကြောန့်နူးဆိုဟှာ ပေါလုဟှာ ယေရှုခရစ်တော် အားဖြင့်ဘဲ့ ကယ်တန်ရှင်း ရနိုင်ဟှယ် ဆိုဘီး ရှင်းရှင်းလန်းလန်းဟှား ရှင်းပြဟှားဟှယ်။ ပေါလုဟှာ ယေရှုခရစ်တော်ရဲ့ ဒန်းကောန်းဟှို ဓမ္မဟောန်ကျမ်းနလည်း ခိဆစ်ပေးဟှားဟှယ်။ ကျမ်းစာပညာရှင်လေ ဘောင်ဂီးဟှာ “ငါဟှာ ခရစ်တော်ရဲ့ ဒန်းကောန်းတွပ် လောင်းဝ ယှစ်ကြော့‑က်ဇာ မှေ့ဟှ။ ဖြားဖြစ်ကြောန့်နူးဆိုဟှာ အယ်ဒန်းကောန်းဟှာ ရင်ဦးဆောင်း ယုဒလူမျိုး၊ နော့‑က်မှ လူမျိုးခြားလေထဲမာ ယောင်ကြည်လတ်ခံလာဟှို့ သူလေဂူလောင်းဟှို ကယ်တန်ပေးဟှူ ဘုရားသခင်ရဲ့ တဂိုးတော်ဖြစ်ပါဟှယ်” ဆိုဘီး အယ်ကျမ်းထဲဟှ ရရာတိုင်း ရေးကီးဇာဟှို ၁.၁၆ ထော့‑က်ခံဂေ့ဟှယ်။ ရောမကျမ်းရဲ့ ပထမပိုင်းဟှာ (၁—၁၂) နတ်နဲဟှူ သီအိုလော်ဂျီ ဖြစ်ဘီး ဒုတိယပိုင်းဟှာ (၁၃—၁၅) ခရစ်ယာန် သတ်ရှင်ရှင်း ပေါင်ဇံတွပ် လတ်တွိက္လဟှူ လမ်းညွန်ချစ်လေ ဘောင်ဂီးပါဝမ်လေဟှယ်။
ကြောန်းရာ ကျဉ်းချောက်
၁။ ပေါလုဟှာ ထောင်းဇံတိုင်းဘဲ့ သူ့ကိုယ်သူ မိတ်ဆစ်ရှင်းအားဖြင့် အယ်ကျမ်းဟှို စပြုဟှားဘီး ဖယ်လူလေနားဟှို ရေးဟှားဟှယ် ဆိုဘီး ပြောနေဟှူကြောန်း (၁.၁–၁၅)
၂။ သူဟှာ လူ့သားမျိုးနွယ်ရဲ့ ခြေနေန ဆိုင်ဟှူဇာန ယေရှုခရစ်တော်အားဖြင့်ဘဲ့ ကယ်တန်ခံရမယ် ဆိုဇာဟှို ရေးဟှားဟှူကြောန်း (၁.၁၆—၁၁.၃၆)
၃။ ပေါလုဟှာ ခရစ်ယာန်သတ်ရှင်ရှင်း ပေါင်ဇံတွပ် လတ်တွိက္လဟှူ လမ်းညွှန်ချစ်လေ ဘောင်းဂီးဟှို ရေးဟှားဟှူကြောန်း (၁၂.၁—၁၅.၁၃)
၄။ သူဟှာ ရောမသင်းတော်ဟှ သင်းဝမ်သူလေဟှို နှောက်ဆစ်စကား ဘောင်းဂီး ပြောရှင်းအားဖြင့် ရောမကျမ်းဟှို နိဂေါင်းချောက်ဟှားဟှူကြောန်း (၁၆.၁–၂၇)
Currently Selected:
ရောမ နိဒါန်း: NTDWB24
Highlight
Copy
Compare
Share
Want to have your highlights saved across all your devices? Sign up or sign in
© The Word for the World International, 2024.