ရောမ နိဒါန်း
နိဒါန်း
ရောမ အသင်းတော်သို့ ပေါလု၏ ပီးစာကို ခရစ်တော်မွီးဖွားပြီးနောက် ၅၄–၅၈ ခုနှစ် ကာလကြားတွင် တမန်တော်ပေါလု ရီသားထားခဟန်ဟိပါသည်။ ပေါလုသည် ရောမမြို့သို့ မရောက်နိုင်သောကြောင့် ရောမမြို့၌ဟိသော ယုဒလူမျိုးခရစ်ယာန်တိနှင့် ယုဒလူမျိုး မဟုတ်သော ခရစ်ယာန်တိကို သွန်သင်ရန် ဤစာကို ပို့လိုက်ခြင်းဖြစ်၏။ သူသည် ကောရိန့်မြို့၌ တည်းခိုနိန်သောအချိန်တွင် ဤစာကို ရီးလိုက်ခြင်း ဖြစ်၏။ ပေါလုသည် လူမျိုးအားလုံး ခရစ်တော်ကို ယုံကြည်၍ နာခံလိုက်လျှောက် ကြစီခြင်းငှာ ဤစာကို ရီးလိုက်ခြင်းဖြစ်၏ (၁၆.၂၆)။
ရောမ အသင်းတော်သို့ ပေါလု၏ပီးစာသည် နီရာတိုင်းမှာ ဟိနိန်ကြသော ခရစ်ယာန်တိအတွက် အခါခပ်သိမ်း အရေးကြီးသော စာတစ်စောင်ဖြစ်ပါသည်။ အကြောင်းမူကား ယေသျှုခရစ်တော်အားဖြင့် ငါရို့ရနိုင်သော ကယ်တင်ခြင်းကို စိစိစပ်စပ် ယှင်းယှင်းလင်းလင်း ယှင်းပြထားသောကြောင့် ဖြစ်ပါသည်။ ပေါလုက ခရစ်တော်၏သတင်းကောင်းတရားတော်ကို ဓမ္မဟောင်းနှင့် ဆက်စပ်ဖော်ပြထား၏။ ပညာသျှင်တိက ၁.၁၆ သည် ဤစာအုပ်၏ အဓိကအကျဆုံး ကျမ်းချက်ဟု ထောက်ပြထားကြ၏။ ထိုကျမ်းချက်၌ “ငါသည် သတင်းကောင်းတရားတော်၌ ရှက်ကြောက်ခြင်း မဟိ၊ အကြောင်းမူကား ဤတရားသည် ရှီးဦးစွာ၌ ယုဒလူ၊ ထို့နောက် တခြားလူမျိုးတိနှင့်တကွ ယုံကြည်သူအားလုံးကို ကယ်တင်ခြင်းပီးနိုင်သော ဘုရားသခင်၏တန်ခိုးတော် ဖြစ်သောကြောင့် ဖြစ်၏” ဟူ၍ ဆိုထား၏။ ရောမ အသင်းတော်သို့ ပီးစာ၏ ပထမပိုင်း (အခန်းကြီး ၁—၁၂) သည် လေးနက်သော ဓမ္မပညာပိုင်းဖြစ်ပြီး၊ ဒုတိယပိုင်း (အခန်းကြီး ၁၃—၁၅) တွင် ခရစ်ယာန်အသက်တာ၌ လက်တွိ့ကျင့်သုံးရမည့် သွန်သင်ချက်များစွာ ပါဟိ၏။
အကြောင်းအရာ အကျဉ်းချုပ်
၁။ ပေါလုသည် သူ့ကိုယ်သူ မိတ်ဆက်ခြင်းဖြင့် သူ၏စာကို ရိုးယှင်းစွာ အစပြုရီးထားပြီး ဇာသူ့ကို ရီးသားထားကြောင်း ပြောပြထား၏။ (၁.၁–၁၅)
၂။ ပြီးနောက်၊ သူက လူ့ဇာတိအကြောင်းနှင့် ယေသျှုခရစ်တော်အားဖြင့် ကယ်တင်ခြင်းရနိုင်ကြောင်းကို ရီးသားထား၏ (၁.၁၆—၁၁.၃၆)
၃။ ထို့နောက်၊ ပေါလုက ခရစ်ယာန်အသက်ရှင်မှုအတွက် လက်တွိ့ကျင့်သုံးမှုဆိုင်ရာ ဩဝါဒများစွာကို ရီးသားထားပါသည် (၁၂.၁—၁၅.၁၃)
၄။ သူသည် ရောမမြို့ အသင်းတော်၌ဟိကြသော လူတိကို နှုတ်ဆက်စကားပြောကာ ဤစာကို နိဂုံးချုပ်ထားပါသည် (၁၆.၁–၂၇)
Currently Selected:
ရောမ နိဒါန်း: NTRKB25
Highlight
Share
Copy
Want to have your highlights saved across all your devices? Sign up or sign in
© The Word for the World International, 2025.