Kisah Para Rasul 6
6
Rfil tomwatar itw ma rtulung tomwatar ma rawatan
6:1-7
1Na noak a ne, Yesus Ni manglartar rtafal ma yadin sir. Ne tomwat Yahudyar ma ral Yunani liriny nroke nraki sir ber tomwat Yahudyar ma ral Ibrani liriny, fali rsaman dotyar ma tnyamar ber nir bat somar#6:1 Tomwat Ibranyar ye snyain feti tomwat Yahudyar ma ral Aram liriny. e to feleles. 2Ne Yesus Ni mangsiduk buti resin du a ne rafburat monuk manglartar ma rfalak ber sir, “Farlan msalan lan ma msaman dotyar ma tnyamar, iane to nangafel fali to let ber kam ma mafwibar Ratu Ni ngribatnir. 3Mpa wangur, ni ngafele e mfyil tomwatar itw nof a kmi. Sir a ne ma ka tomwatar ralang sir, nir anfai silai ma Ratu Smwangtany norang sir, ma mal karyae ne ber sir, 4nema mal mate lan ma msampayang ma mafwibar Ratu Ni ngribatnir.”
5Tomwatar monuk a ne ryoding nir tatakar a ne. Ne sir rfil Stefanus, fali nalele desar Yesus ma nfen ber Ratu Smwangtany. Rfil a nbal, Filipus, Prokhorus, Nikanor, Timon, Parmenas, ma Nikolaus nof Antiokhia ma npafe agame Yahudi. 6Sir ror tomwatar itw a ne ber mangsidkwar nema rsampayang ma rsaup limnir a na sir.
7Mpene ibar nof Ratu ntafal ma namelir. Ma manglartar a na Yerusalem rtafal ma yadin sir, ma mangsompar yadin a nbal ma rlarat Yesus.
Tomwatar romat Stefanus
6:8-15
8Ratu nal nimet ma kuase silai ber Stefanus mpa bise nose kabain mpasalnar ma fanikar ber tomwat ngayadin. 9Nempa tomwatar ketnir rof agame Yahudi rabangal ror i. Sir a ne soranyar na das sampayang ma rtar feti tomwat Libertini,#6:9 Libertini ye faburat sa nof Yahudyar ma luryain e rmpan kawar. Nempa lere ye to rmpan kawar lo fali rtebus sir lo. tomwatar a ne rof Kirene ma Aleksandria. Sir raktem tomwat Yahudyar rof Kilikia ma Asia. 10Nempa sir to rbangal ral safe ma Stefanus a nfalak, fali Ratu Smwangtany nal anfai silai ber i ma natanuk. 11Ne rsewe tomwatar ketnir ma rfalak “Kam mdengar feti tomwate ne nafbwere Musa ma Ratu!” 12Sir rose farane la rfule tomwatar, ma mangfaret Yahudyar, numur mangaftutu Musa ni faretar. Nema romat i ma ror i ber mangtetak agame. 13Ne mangtungan lepuskwar a ne rfalak, “Tomwate ye dedesar ma nafbwere Ratu Ni Das Silai ma Musa ni tetetkar. 14Kam mdengar ma nfalak feti, ‘Yesus tomwat Nasaret a ne, keta nsose Ratu Ni Das Silai ye, ma nkes monuk ninr wewelmpampanar ma Musa nau ber kit.’” 15Tomwatar monuk ma ramin sidang a ne rfon dedesar Stefanus. Sir rsalan souny e farlan malaekat.
Currently Selected:
Kisah Para Rasul 6: YMD
Highlight
Copy
Compare
Share
Want to have your highlights saved across all your devices? Sign up or sign in
© Yayasan Pemberdayaan Masyarakat Desa © Wycliffe Bible Translators, Inc. All rights reserved.
Kisah Para Rasul 6
6
Rfil tomwatar itw ma rtulung tomwatar ma rawatan
6:1-7
1Na noak a ne, Yesus Ni manglartar rtafal ma yadin sir. Ne tomwat Yahudyar ma ral Yunani liriny nroke nraki sir ber tomwat Yahudyar ma ral Ibrani liriny, fali rsaman dotyar ma tnyamar ber nir bat somar#6:1 Tomwat Ibranyar ye snyain feti tomwat Yahudyar ma ral Aram liriny. e to feleles. 2Ne Yesus Ni mangsiduk buti resin du a ne rafburat monuk manglartar ma rfalak ber sir, “Farlan msalan lan ma msaman dotyar ma tnyamar, iane to nangafel fali to let ber kam ma mafwibar Ratu Ni ngribatnir. 3Mpa wangur, ni ngafele e mfyil tomwatar itw nof a kmi. Sir a ne ma ka tomwatar ralang sir, nir anfai silai ma Ratu Smwangtany norang sir, ma mal karyae ne ber sir, 4nema mal mate lan ma msampayang ma mafwibar Ratu Ni ngribatnir.”
5Tomwatar monuk a ne ryoding nir tatakar a ne. Ne sir rfil Stefanus, fali nalele desar Yesus ma nfen ber Ratu Smwangtany. Rfil a nbal, Filipus, Prokhorus, Nikanor, Timon, Parmenas, ma Nikolaus nof Antiokhia ma npafe agame Yahudi. 6Sir ror tomwatar itw a ne ber mangsidkwar nema rsampayang ma rsaup limnir a na sir.
7Mpene ibar nof Ratu ntafal ma namelir. Ma manglartar a na Yerusalem rtafal ma yadin sir, ma mangsompar yadin a nbal ma rlarat Yesus.
Tomwatar romat Stefanus
6:8-15
8Ratu nal nimet ma kuase silai ber Stefanus mpa bise nose kabain mpasalnar ma fanikar ber tomwat ngayadin. 9Nempa tomwatar ketnir rof agame Yahudi rabangal ror i. Sir a ne soranyar na das sampayang ma rtar feti tomwat Libertini,#6:9 Libertini ye faburat sa nof Yahudyar ma luryain e rmpan kawar. Nempa lere ye to rmpan kawar lo fali rtebus sir lo. tomwatar a ne rof Kirene ma Aleksandria. Sir raktem tomwat Yahudyar rof Kilikia ma Asia. 10Nempa sir to rbangal ral safe ma Stefanus a nfalak, fali Ratu Smwangtany nal anfai silai ber i ma natanuk. 11Ne rsewe tomwatar ketnir ma rfalak “Kam mdengar feti tomwate ne nafbwere Musa ma Ratu!” 12Sir rose farane la rfule tomwatar, ma mangfaret Yahudyar, numur mangaftutu Musa ni faretar. Nema romat i ma ror i ber mangtetak agame. 13Ne mangtungan lepuskwar a ne rfalak, “Tomwate ye dedesar ma nafbwere Ratu Ni Das Silai ma Musa ni tetetkar. 14Kam mdengar ma nfalak feti, ‘Yesus tomwat Nasaret a ne, keta nsose Ratu Ni Das Silai ye, ma nkes monuk ninr wewelmpampanar ma Musa nau ber kit.’” 15Tomwatar monuk ma ramin sidang a ne rfon dedesar Stefanus. Sir rsalan souny e farlan malaekat.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Yayasan Pemberdayaan Masyarakat Desa © Wycliffe Bible Translators, Inc. All rights reserved.