Kisah Para Rasul 5
5
Ananias ma Safira
5:1-11
1Tomwat sa ngarany Ananias, sawany Safira, radu a rfenri nir ompak lolan. 2Radu a rfat ma lese ma rnau ompak kotaky a ne ketan, ma ral ketan ber mangsidkwar. 3Nempa Petrus a nfalak ber i, “Ananias, safema mlwarat smwangat yatkar nir ulun, nwayat ma mlwepusuk Ratu Smwangtany, ma mnwau ompak kotaky a ne rufuky ber ko? 4Ompak a ne mfwenri nre to mfwenri e, iane ko nime, ma farlan mfwenri e, doit a ne ko nime nbal. Ma safema mose farane? Ko to mlwepusuk kam nempa mlwepusuk Ratu!” 5Noak ma Ananias ndengar Petrus nfalak farane, i nfufw ma nmat. Mpa tomwatar monuk ma rdengar ngrie ne ramtaut resi. 6Ne tabweryar ketnir rma ma rpule i, betno ror i far burit ma rafonak i. 7Fafa jamar tel a relak Ananias sawany nti dalam. Nempa i to nafai ngrie ne fuky. 8Ne Petrus nenrat i, “Mpe ompak ma midu sawam a mfyenri ne e, kotaky monuk ye lo e?” Ne Ananias sawany a nfalak, “Au! Kotaky a ne.” 9Mpa Petrus a nfalak ber i, “Safema midu sawam a mfyat ma lese ma miteman Ratu Smwangtany? Mswalan! Tomwatar ma rafonak sawam a ne rbali sir lo. Ma keta ror ko far burit a nbal.” 10Metryat farye bate ne nfufw ma nmat na Petrus sounlury. Noak ma tabweryar a ne rti dalam e, rtungan ma nmat lo. Ne ror i far burit ma rafonak i nlosir sawany. 11Mpe tomwatar ma ralele Ratu ma tomwatar monuk ma rdengar ngrie ne ramtaut resi.
Mangsidkwar rose kabain mpasalnar
5:12-16
12Mangsidkwar a ne rose kabain mpasalnar yadin ma neluk fanikar ber tomwat ngayadin. Tomwatar monuk ma ralele Ratu ne dalmir lese ma rafburat sir dedesar a na Siflyoi Salomo. 13Ma tomwatar ma to ralele Yesus to fen lese nbaran ma nafburat i nor tomwatar ma ralele Ratu ne. Nempa tomwatar monuk a ne ralang resi sir. 14Ma nti a nti e, bate merwane ma ralele Mangnrur Silai ne rtafal ma yadin sir. 15Iane nwayat ma ror mangafansar far burit, ma rfele sir a na mpeluk ma kirar na dalamten kaumpwar nema Petrus nlanre e, ninuny diat sir. 16Tomwatar yadin a nbal rma rof pnuar na Yerusalem seriny baldu. Sir rma e, ror mangafansar, ma tomwatar ma smwangat yatkar a rsung sir, mpa sir monuk a ne rangamon.
Rnau mangsidkwar a ne na sel
5:17-42
17Mpe Mangsomp Silai numur ni manglartar reng ma rose kabar sa ber mangsidkwar a ne, fali dalmir maninik. Sir ye rof faburat Saduki. 18Ne romat sir, betno rnau sir a na sel. 19Nempa ni nronram e, malaekat a nbanril sel a ne ni fofoltar, betno nor sir far burit, ma nfalak ber sir, 20“Mtyi mimdir Ratu Ni Das Silai ni latyompur ma mifwibar ber tomwat ngayadin safe-safe monuk ma Mangnrur Silai naftutu na momorip beberi.” 21Mpe rlarat safe ma nfalak a ne ma ni bobolisin e, rti Ratu Ni Das Silai ni latyompur ma raftutu na iane. To dodo a nbal e, Mangsomp Silai nor ni manglartar rluan mangtetak agamar ma rafburat sir ma rsidang. Sir a ne maken Yahudyar monuk. Mpe rluan tomwatar ma rti ral mangsidkwar a ne rof sel. 22Nempa tomwatar ma rluan sir a ne rait sel e, to rtungan sir lo. Mpa rbali sir, ma rafbotin feti, 23“Kam mti sel ma msalan e, ni fofoltar raktem ma nangafel, ma mangajakar rajak a na fofolat. Nempa mbanril fofolat e, to kekes lo.” 24Noak ma ulun ma najake Ratu Ni Das Silai ma mangsompar ulnir rdengar farane, rampriang ma raenrat sir feti safe diat mangsidkwar a ne. 25Nempa merwan sa nma ma nfalak ber sir, “Mdyengar! Tomwatar ma mnyau sir a na sel a ne, ramin Ratu Ni Das Silai ni latyompur ma raftutu tomwat ngayadin!” 26Mpene mangajakar na Ratu Ni Das Silai nir ulun nor ni tomwatar rti ral sir. Nempa to rfengarat sir, fali ramtaut feti keta tomwat ngayadin rakjai sir. 27Ne ror mangsidkwar a ne far mangtetak agamar ma Mangsomp Silai ma renrat sir. 28“Kam mose mteri desar a kmi ma kete miftutu tomwatar na Tomwate ne. Nempa kmi mifmelir mir anftutu ne na Yerusalem ni kateman. Ma myose ma mfyasale kam na Tomwate ne ni mamate.”#Mat. 27:25 29Nempa Petrus ma mangsidkwar a ne rfalak, “Ka kam dedesar ma mlarat Ratu, ma to mlarat tomwatar. 30Ratu ma empninrar nusninrar rsatngur ber I a ne, nafmorip a nbali Yesus ma msyangwalu mfyen I a ne. 31Ratu nafdas I na seriny fian ma neluk Mangnrure ma nfair tomwatar, nema Israelar bise ma rtate nir salar ma Ratu nlure sir. 32Kam ye ma maktem Ratu Smwangtany msalan kabanir monuk a ne. Ratu nal Smwangtany a ne ber tomwatar monuk ma rlarat Ni faretar.”
33Noak ma mangtetkar rdengar farane rares desar, mpa rfat ma lese ma rfen mangsidkwar a ne. 34Tomwat Farisyar sa nof mangtetkar a ne ngarany Gamaliel. I ye mangaftutu Musa ni faretar ma tomwatar yadin ralang i. I namdir ma nluan ma ror mangsidkwar a ne far burit a fuky, 35betno nfalak ber mangtetak agamar ne, “Hei tomwat Israelar! Mdyaun fen ngamone keta myose safe ber tomwatar ye. 36Luryain e, tomwat sa ngarany Teudas nma ma naboti feti mangonbain silayar sa i ma ni manglartar fafa raty fat. Nempa rfen i, ma ni manglartar a ne samele sabali sir terik ma omp monuk sir. 37Lama Teudas nlie, tomwat sa nbotin a nbal noak ma ral monuk tomwatar ngarnir. I ngarany Yudas nof Galilea. I nwayat ma tomwatar yadin rbangal mangfaret Romar, mpa rfen i a nbal. Ma ni manglartar a ne samele sabali sir. 38Mpa mdyengar ma kfwalak, msyalan lonri motak tomwatar a ne ma kete myose sasaf sir. Farlan nir rerengyar nre langtwar a ne nof tomwate e, keta rlie. 39Nempa farlan nof Ratu e, keta to bise myose mtyeri sir. Ma se nafai feti kmi ye ma mbyangal Ratu lo.” Mangtetkar a ne rlangun Gamaliel ni snyurat. 40Mpa rtar mangsidkwar a ne ma raus a rbabal sir, ma rfalak ber sir feti kete raftutu na Yesus a nbal betno rtate sir. 41Mangsidkwar a ne rti a rtate mangtetkar ror dalmir senange. Sir rafai feti Ratu nfil sir lo ma tomwatar rafbwere sir fali rlarat Yesus. 42Ma lerar monuk e, dedesar ma raftutu na Ratu Ni Das Silai ni latyompur ma tomwatar nir dasar, ma rafwibar Ibar Ngamone na Yesus feti, I ye Ray Silai.
Currently Selected:
Kisah Para Rasul 5: YMD
Highlight
Copy
Compare
Share
Want to have your highlights saved across all your devices? Sign up or sign in
© Yayasan Pemberdayaan Masyarakat Desa © Wycliffe Bible Translators, Inc. All rights reserved.
Kisah Para Rasul 5
5
Ananias ma Safira
5:1-11
1Tomwat sa ngarany Ananias, sawany Safira, radu a rfenri nir ompak lolan. 2Radu a rfat ma lese ma rnau ompak kotaky a ne ketan, ma ral ketan ber mangsidkwar. 3Nempa Petrus a nfalak ber i, “Ananias, safema mlwarat smwangat yatkar nir ulun, nwayat ma mlwepusuk Ratu Smwangtany, ma mnwau ompak kotaky a ne rufuky ber ko? 4Ompak a ne mfwenri nre to mfwenri e, iane ko nime, ma farlan mfwenri e, doit a ne ko nime nbal. Ma safema mose farane? Ko to mlwepusuk kam nempa mlwepusuk Ratu!” 5Noak ma Ananias ndengar Petrus nfalak farane, i nfufw ma nmat. Mpa tomwatar monuk ma rdengar ngrie ne ramtaut resi. 6Ne tabweryar ketnir rma ma rpule i, betno ror i far burit ma rafonak i. 7Fafa jamar tel a relak Ananias sawany nti dalam. Nempa i to nafai ngrie ne fuky. 8Ne Petrus nenrat i, “Mpe ompak ma midu sawam a mfyenri ne e, kotaky monuk ye lo e?” Ne Ananias sawany a nfalak, “Au! Kotaky a ne.” 9Mpa Petrus a nfalak ber i, “Safema midu sawam a mfyat ma lese ma miteman Ratu Smwangtany? Mswalan! Tomwatar ma rafonak sawam a ne rbali sir lo. Ma keta ror ko far burit a nbal.” 10Metryat farye bate ne nfufw ma nmat na Petrus sounlury. Noak ma tabweryar a ne rti dalam e, rtungan ma nmat lo. Ne ror i far burit ma rafonak i nlosir sawany. 11Mpe tomwatar ma ralele Ratu ma tomwatar monuk ma rdengar ngrie ne ramtaut resi.
Mangsidkwar rose kabain mpasalnar
5:12-16
12Mangsidkwar a ne rose kabain mpasalnar yadin ma neluk fanikar ber tomwat ngayadin. Tomwatar monuk ma ralele Ratu ne dalmir lese ma rafburat sir dedesar a na Siflyoi Salomo. 13Ma tomwatar ma to ralele Yesus to fen lese nbaran ma nafburat i nor tomwatar ma ralele Ratu ne. Nempa tomwatar monuk a ne ralang resi sir. 14Ma nti a nti e, bate merwane ma ralele Mangnrur Silai ne rtafal ma yadin sir. 15Iane nwayat ma ror mangafansar far burit, ma rfele sir a na mpeluk ma kirar na dalamten kaumpwar nema Petrus nlanre e, ninuny diat sir. 16Tomwatar yadin a nbal rma rof pnuar na Yerusalem seriny baldu. Sir rma e, ror mangafansar, ma tomwatar ma smwangat yatkar a rsung sir, mpa sir monuk a ne rangamon.
Rnau mangsidkwar a ne na sel
5:17-42
17Mpe Mangsomp Silai numur ni manglartar reng ma rose kabar sa ber mangsidkwar a ne, fali dalmir maninik. Sir ye rof faburat Saduki. 18Ne romat sir, betno rnau sir a na sel. 19Nempa ni nronram e, malaekat a nbanril sel a ne ni fofoltar, betno nor sir far burit, ma nfalak ber sir, 20“Mtyi mimdir Ratu Ni Das Silai ni latyompur ma mifwibar ber tomwat ngayadin safe-safe monuk ma Mangnrur Silai naftutu na momorip beberi.” 21Mpe rlarat safe ma nfalak a ne ma ni bobolisin e, rti Ratu Ni Das Silai ni latyompur ma raftutu na iane. To dodo a nbal e, Mangsomp Silai nor ni manglartar rluan mangtetak agamar ma rafburat sir ma rsidang. Sir a ne maken Yahudyar monuk. Mpe rluan tomwatar ma rti ral mangsidkwar a ne rof sel. 22Nempa tomwatar ma rluan sir a ne rait sel e, to rtungan sir lo. Mpa rbali sir, ma rafbotin feti, 23“Kam mti sel ma msalan e, ni fofoltar raktem ma nangafel, ma mangajakar rajak a na fofolat. Nempa mbanril fofolat e, to kekes lo.” 24Noak ma ulun ma najake Ratu Ni Das Silai ma mangsompar ulnir rdengar farane, rampriang ma raenrat sir feti safe diat mangsidkwar a ne. 25Nempa merwan sa nma ma nfalak ber sir, “Mdyengar! Tomwatar ma mnyau sir a na sel a ne, ramin Ratu Ni Das Silai ni latyompur ma raftutu tomwat ngayadin!” 26Mpene mangajakar na Ratu Ni Das Silai nir ulun nor ni tomwatar rti ral sir. Nempa to rfengarat sir, fali ramtaut feti keta tomwat ngayadin rakjai sir. 27Ne ror mangsidkwar a ne far mangtetak agamar ma Mangsomp Silai ma renrat sir. 28“Kam mose mteri desar a kmi ma kete miftutu tomwatar na Tomwate ne. Nempa kmi mifmelir mir anftutu ne na Yerusalem ni kateman. Ma myose ma mfyasale kam na Tomwate ne ni mamate.”#Mat. 27:25 29Nempa Petrus ma mangsidkwar a ne rfalak, “Ka kam dedesar ma mlarat Ratu, ma to mlarat tomwatar. 30Ratu ma empninrar nusninrar rsatngur ber I a ne, nafmorip a nbali Yesus ma msyangwalu mfyen I a ne. 31Ratu nafdas I na seriny fian ma neluk Mangnrure ma nfair tomwatar, nema Israelar bise ma rtate nir salar ma Ratu nlure sir. 32Kam ye ma maktem Ratu Smwangtany msalan kabanir monuk a ne. Ratu nal Smwangtany a ne ber tomwatar monuk ma rlarat Ni faretar.”
33Noak ma mangtetkar rdengar farane rares desar, mpa rfat ma lese ma rfen mangsidkwar a ne. 34Tomwat Farisyar sa nof mangtetkar a ne ngarany Gamaliel. I ye mangaftutu Musa ni faretar ma tomwatar yadin ralang i. I namdir ma nluan ma ror mangsidkwar a ne far burit a fuky, 35betno nfalak ber mangtetak agamar ne, “Hei tomwat Israelar! Mdyaun fen ngamone keta myose safe ber tomwatar ye. 36Luryain e, tomwat sa ngarany Teudas nma ma naboti feti mangonbain silayar sa i ma ni manglartar fafa raty fat. Nempa rfen i, ma ni manglartar a ne samele sabali sir terik ma omp monuk sir. 37Lama Teudas nlie, tomwat sa nbotin a nbal noak ma ral monuk tomwatar ngarnir. I ngarany Yudas nof Galilea. I nwayat ma tomwatar yadin rbangal mangfaret Romar, mpa rfen i a nbal. Ma ni manglartar a ne samele sabali sir. 38Mpa mdyengar ma kfwalak, msyalan lonri motak tomwatar a ne ma kete myose sasaf sir. Farlan nir rerengyar nre langtwar a ne nof tomwate e, keta rlie. 39Nempa farlan nof Ratu e, keta to bise myose mtyeri sir. Ma se nafai feti kmi ye ma mbyangal Ratu lo.” Mangtetkar a ne rlangun Gamaliel ni snyurat. 40Mpa rtar mangsidkwar a ne ma raus a rbabal sir, ma rfalak ber sir feti kete raftutu na Yesus a nbal betno rtate sir. 41Mangsidkwar a ne rti a rtate mangtetkar ror dalmir senange. Sir rafai feti Ratu nfil sir lo ma tomwatar rafbwere sir fali rlarat Yesus. 42Ma lerar monuk e, dedesar ma raftutu na Ratu Ni Das Silai ni latyompur ma tomwatar nir dasar, ma rafwibar Ibar Ngamone na Yesus feti, I ye Ray Silai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Yayasan Pemberdayaan Masyarakat Desa © Wycliffe Bible Translators, Inc. All rights reserved.