Fúcihum 50
50
Ñikul Sakob
1Suseef ñeer náñup, nagaab eñalen paayool min ahuu. 2Suseef nasen bulago újagagaool úsontena min gulogos paayool muloosoor jambil aput ; ngukaan wan alobiil mee. 3Naŋ min nja gupii mee ngukaan, eñalen yaayu gucookoocookoor yo wátiiŋe gunak gafaŋ gúruba (40). Bugara Esípt nguhuu Sakob gunak gafaŋ gúfaajiir nꞌguñen (70).
4Nan guhuool mee gufaak, Suseef narok bugara yaŋ áyiih aahu : « Eéni múmbaam músuumuusuum, jibonket jijow jirogom áyiih aahu 5mara paayom bala acet, arogandok ikaliool mbil ifogool nꞌfuyaagool fan awok mee mꞌmof mara Kanaan. Icíinoociin nakahenom bulago min ijow ifogulool níbaañul. » 6Ayíih aahu násuupulool arogool : « Ujow úfogul paayi naŋ min ukaliool mee. »
7Suseef nan ammee nejow bu gafok paayool, bugara yaŋ áyiih aahu, nꞌújagaga áyiih aahu, nꞌunafaan bugara Esípt ngulagenool, 8bugo mꞌbugara yaŋool, nꞌgutiool, nꞌfiil fara paayool peepe. Ngukat to mꞌmof mara Goseen guleehiil son sikajiil déhooro. 9Upooyaiil guceeiil nguŋar sisaret, bugaagu ngujiŋ nꞌsipilinj min gútinen Suseef. Gayooŋ gaagu gubabaj sembe.
10Nan gujow mee jaram gútiiŋ nꞌeŋaan yan guroge mee Ataad, yammee nꞌgapana Suruden, to ngukulool mee gakul gáamak. Suseef akukul paayool gunak goono futok nꞌgúruba. 11Ekanaaniit yaayu gacin dó mee mꞌmof maamu, nan guñow mee bakuler baabu nꞌeŋaan yan guroge mee Ataad, ngurok : « Ñaañu ñikul ñigogor bugara Esípt. » Yo ecil mee ngurok tin taahu nꞌgapana gara Suruden : « Abel-Misira » (yo yommee : Ñikul ñara Esípt).
12Ñeer guleeh Sakob ngukaan wan paayiil arogiil mee. 13Nguteb eñalenool bu mꞌmof mara Kanaan min gufogool dó mꞌbúwaay bammee mꞌbarager bara Makapela bújooŋoor Mamure, ban Aburaham anoom mee nꞌEfuroŋ ahiitiit aahu mimbil kaan guyaagool. 14Suseef nan afok mee paayool afaak, nábaañul bu nꞌEsípt, ho nꞌgutiool mꞌbugan galagenool mee.
Suseef nabonket gutiool
15Ñeer gutii Suseef nan guñow mee mara paayiil acecet, ngurogoor : « Alaal pére Suseef be ebaŋolaal funamben min alugen ñiñuget ñan ukaanaalool mee ? » 16Nguboñ gurok Suseef : « Paayi furim fe nakahóli bala acet. 17Aroge “Mbil ubonket guti'i mara síjunubeiil son ñiñuget ñan gukaani mee.” Maregen maregen, gukaanikaan ñiñuget, bare gúciiniciin mbil ubonkehiil, mara gúyinenyinen Atúuha han paayi áyinen mee. Suseef nan ajam mee gurim ge, nahuu. »
18Ñeer gutiool fannaiil ngújool guyahool gújuul ngurogool : « Elí emiigeeli ! » 19Suseef narogiil : « Jambil jísebi, ilet Atúuha ! 20Jicamenencamen ekaanom ñiñuget, bare Atúuha nálowul ño akaan majage, mara nacamene gapagen bugan gamemmeeŋ naŋ min jon mee neñow yo jaat. 21Jambil jibaañ jísebi benen, maareer ínje be esenuul múcahoaay buguul nꞌguleehuul. » Gurim gaagu ngúsuum gutiool, úyegehiil nubeb.
Ecet Suseef
22Suseef bugo nꞌfiil fara paayool nꞌEsípt ngucine. Suseef abaje símit ceme nꞌsímit guñen (110) kindiŋ nacet. 23Añoñow gambac gáfaaten gara guleeh Efurem. Benen to, guleeh Maakir ammee aleeh amaañen hara Manaase, bugo gubajibaj fácil Suseef, aleebiileeb.
24Funak fucee, Suseef narok gutiool : « Injé be ecet ; bare Atúuha bu gáriikenuul ban nápurenuul dáare mꞌmof mee mara Esípt bu mꞌmof man arok mee be esen Aburaham nꞌIsaak, mꞌpaayolaal Sakob. 25Maregen maregen, Atúuha bu gáriikenuul. Ñeer jikaliom buguul be eŋar eñalenom min jijow. »
26Suseef acehe ho babajer símit ceme nꞌsímit guñen (110). Ngulogosool muloosoor min gubaŋool nꞌekees mꞌmof mara Esípt.
Currently Selected:
Fúcihum 50: gsl
Highlight
Share
Copy
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.
Fúcihum 50
50
Ñikul Sakob
1Suseef ñeer náñup, nagaab eñalen paayool min ahuu. 2Suseef nasen bulago újagagaool úsontena min gulogos paayool muloosoor jambil aput ; ngukaan wan alobiil mee. 3Naŋ min nja gupii mee ngukaan, eñalen yaayu gucookoocookoor yo wátiiŋe gunak gafaŋ gúruba (40). Bugara Esípt nguhuu Sakob gunak gafaŋ gúfaajiir nꞌguñen (70).
4Nan guhuool mee gufaak, Suseef narok bugara yaŋ áyiih aahu : « Eéni múmbaam músuumuusuum, jibonket jijow jirogom áyiih aahu 5mara paayom bala acet, arogandok ikaliool mbil ifogool nꞌfuyaagool fan awok mee mꞌmof mara Kanaan. Icíinoociin nakahenom bulago min ijow ifogulool níbaañul. » 6Ayíih aahu násuupulool arogool : « Ujow úfogul paayi naŋ min ukaliool mee. »
7Suseef nan ammee nejow bu gafok paayool, bugara yaŋ áyiih aahu, nꞌújagaga áyiih aahu, nꞌunafaan bugara Esípt ngulagenool, 8bugo mꞌbugara yaŋool, nꞌgutiool, nꞌfiil fara paayool peepe. Ngukat to mꞌmof mara Goseen guleehiil son sikajiil déhooro. 9Upooyaiil guceeiil nguŋar sisaret, bugaagu ngujiŋ nꞌsipilinj min gútinen Suseef. Gayooŋ gaagu gubabaj sembe.
10Nan gujow mee jaram gútiiŋ nꞌeŋaan yan guroge mee Ataad, yammee nꞌgapana Suruden, to ngukulool mee gakul gáamak. Suseef akukul paayool gunak goono futok nꞌgúruba. 11Ekanaaniit yaayu gacin dó mee mꞌmof maamu, nan guñow mee bakuler baabu nꞌeŋaan yan guroge mee Ataad, ngurok : « Ñaañu ñikul ñigogor bugara Esípt. » Yo ecil mee ngurok tin taahu nꞌgapana gara Suruden : « Abel-Misira » (yo yommee : Ñikul ñara Esípt).
12Ñeer guleeh Sakob ngukaan wan paayiil arogiil mee. 13Nguteb eñalenool bu mꞌmof mara Kanaan min gufogool dó mꞌbúwaay bammee mꞌbarager bara Makapela bújooŋoor Mamure, ban Aburaham anoom mee nꞌEfuroŋ ahiitiit aahu mimbil kaan guyaagool. 14Suseef nan afok mee paayool afaak, nábaañul bu nꞌEsípt, ho nꞌgutiool mꞌbugan galagenool mee.
Suseef nabonket gutiool
15Ñeer gutii Suseef nan guñow mee mara paayiil acecet, ngurogoor : « Alaal pére Suseef be ebaŋolaal funamben min alugen ñiñuget ñan ukaanaalool mee ? » 16Nguboñ gurok Suseef : « Paayi furim fe nakahóli bala acet. 17Aroge “Mbil ubonket guti'i mara síjunubeiil son ñiñuget ñan gukaani mee.” Maregen maregen, gukaanikaan ñiñuget, bare gúciiniciin mbil ubonkehiil, mara gúyinenyinen Atúuha han paayi áyinen mee. Suseef nan ajam mee gurim ge, nahuu. »
18Ñeer gutiool fannaiil ngújool guyahool gújuul ngurogool : « Elí emiigeeli ! » 19Suseef narogiil : « Jambil jísebi, ilet Atúuha ! 20Jicamenencamen ekaanom ñiñuget, bare Atúuha nálowul ño akaan majage, mara nacamene gapagen bugan gamemmeeŋ naŋ min jon mee neñow yo jaat. 21Jambil jibaañ jísebi benen, maareer ínje be esenuul múcahoaay buguul nꞌguleehuul. » Gurim gaagu ngúsuum gutiool, úyegehiil nubeb.
Ecet Suseef
22Suseef bugo nꞌfiil fara paayool nꞌEsípt ngucine. Suseef abaje símit ceme nꞌsímit guñen (110) kindiŋ nacet. 23Añoñow gambac gáfaaten gara guleeh Efurem. Benen to, guleeh Maakir ammee aleeh amaañen hara Manaase, bugo gubajibaj fácil Suseef, aleebiileeb.
24Funak fucee, Suseef narok gutiool : « Injé be ecet ; bare Atúuha bu gáriikenuul ban nápurenuul dáare mꞌmof mee mara Esípt bu mꞌmof man arok mee be esen Aburaham nꞌIsaak, mꞌpaayolaal Sakob. 25Maregen maregen, Atúuha bu gáriikenuul. Ñeer jikaliom buguul be eŋar eñalenom min jijow. »
26Suseef acehe ho babajer símit ceme nꞌsímit guñen (110). Ngulogosool muloosoor min gubaŋool nꞌekees mꞌmof mara Esípt.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.