Galasitɔnŋ kiri 5
5
Á fa á yɛri ji joŋ ni i kili kì
1Kirisa yibɛɛ mwu san-i jonbi ki wu, nwɔma yi fa ji joŋ ni i kili kì, niŋ na, á á cɛrukɔli, nwɔma á fa na pwulu de jonbi ki ru kili kì. 2Ayiwa, míŋ Pooli i ǹʼbi-a ábɛɛ tɛ, ńʼtu konwɔtiŋ a yɛri sɔɔpeefɛ sariya ki bira, ńʼtu Kirisa a finŋ tɔri shɔ nintiŋ sun kili kì. 3Míŋ a pwulu ǹʼsun sɛbɛ, ńʼtu konwɔtiŋ a yɛri sɔɔpeefɛ ńʼtu ntiŋ kakan ntiŋ i a kulu sariya ki bataa tɛ. 4Ábɛɛ wɔ̀ri i telibi ki ceeli-la Kirinŋ ɲaanfɛ sariya ki baraka ra, ábɛɛ á san-i Kirisa ra, niŋ na, ábɛɛ Kirinŋ wɔ shɔɔrinŋ ki ru kili kì.
5Nwɔ̀ i yibɛɛ, yibɛɛ bili-i ǹʼna tu yibɛɛ ra ji koŋ telimaan ni i Kirinŋ ɲaanfɛ bilinabi ki baraka ra. Yibɛɛ i ninki sunsuu-ra Ɲiniwɔlinŋ ki wɔ sotinbi ki baraka ra. 6Sabu yibɛɛ wɔ̀ri bili-i Yesu Kirisa ra, nʼsɔɔpeefɛ woo, nʼsɔɔpeefɛ kì woo, niŋ bi sinaŋ i kì. Nwɔ̀ ki i bi sinaŋ ki i, niŋ i bilinabi i, nwɔ̀ i yibɛɛ po-a bi kiri ma sun bidintɛbi wu.
7Ábɛɛ wuru bilika shɔ-a, nkɛnŋ ábɛɛ suu san niŋ saa shɔɔrinŋ ki sun, ninwɔ̀ i sɛli ki i? 8Kirinŋ wɔ̀ ábɛɛ dɔri-i, niŋ ɲakilila ki po niŋ gbɛ kì dɛ! 9Miŋ tu kí i ǹʼbi-a ɲaan wɔ̀ tɛ : « Lenfe pyaanŋ i fani ki bataa tuutuu-ra. » 10Nka niŋ fa a fɔn na míŋ ɲakili sɔɔmaan yɛ ábɛɛ bira Ŋuntiŋ ki baraka ra, ńʼtu ábɛɛ ra saa tɔri shi kì. Nka koŋ woo koŋ i ábɛɛ fɔni-na, Kirinŋ a kiti ki fɛɛn nintiŋ sun.
11Ńʼtindaŋ ni, a míŋ ji wuru sɔɔpeefɛmaanna ki wulu ki sunjo-a, ŋí i ǹʼbi-ri tu ninki kakan ŋì i ma, koŋ wuru-ra ji míŋ cɔɔri-ra jiŋ kì. Niŋ fa Kirisa kpinkpisuu ki bi ki wuru-ra ji kwulu-la koŋ na kili kì. 12Nwɔ̀ri i ábɛɛ fɔni-na, tu nini fa ǹʼtu sɔɔpeefɛmaanna ki bantenŋ sun kì, tu kí ǹʼbataa tɛri san nmaŋ.
Konanmini dintɛ bi jɛ ki niŋ fa Ɲiniwɔlinŋ ki dintɛ bi ki
(Ɔrɔmutɔnŋ kiri 8.1–14; 13.12–14)
13Ńʼtindaŋ ni, Kirinŋ ábɛɛ dɔri-i tu á tu á yɛrɛtɛ, nka á fa niŋ ji á dintɛ bi ri mamaanna i kì. Á á kaashi ki bidi á tɛ, á i ji ámaŋ tɛ baara matɔnŋ ni i. 14Sabu, sariya ki bataa i kila-a ka wulu kanŋ tenŋ ka ru : « Nʼkaashi ki bidi nʼtɛ miŋ tu nʼyɛrima ki. »#Sarakawɔrɔtɔnŋ kiri 19.18; Luki 10.25–37. 15Nka ábɛɛ jɔrɔkɔ ámaŋ cɛfan miŋ tu kpalinŋ ni, á i ámaŋ ɲiin-ni, niŋ fa á i ámaŋ nu-ni, niŋ na, á á yɛri cɔye ábɛɛ fa na kɔ ámaŋ na kì dɛ!
16Míŋ a nwɔ̀ bi ábɛɛ tɛ, niŋ i kaa : á tiri, á i kɛɲɛ Ɲiniwɔlinŋ ki dintɛ bi ki wu. A niŋ ma, ábɛɛ ra tiri kɛɲɛ firi ki dintɛ bi jɛ kiri wu kili kì. 17Sabu bi wɔ̀ri bidi Ɲiniwɔlinŋ ki tɛ kì, firi ki ɲaniŋ i po-a nini tɛ. Bi wɔ̀ri bidi-i firi ki tɛ, Ɲiniwɔlinŋ ki ɲaniŋ i po-a nini tɛ sɛbɛ kì. Yìrì i arìmaŋ kari-ra, nwɔma ábɛɛ i ǹʼtɛ á i nwɔ̀ ma, ábɛɛ fa so niŋ ma-i kì. 18Nka a Ɲiniwɔlinŋ ki ji ábɛɛ jɛnpa-a, niŋ na ábɛɛ sariya ki wɔ faan ki fɛ kili kì.
19Firi ki mabi kiri tɔ-i, nini i kari i : nankulunbi, nɔɔkɔnɔbi, ɲaankwunŋ pabalibi, 20pɛli tanmaanna, baabi, juubi, sɔsɔɔlinŋ, kari, tɛnbi, tɔnkwulu, bomaŋ na bi ri, kɔɔye maŋ na bi kiri, fubalibi kiri, 21ɲaannajuubi bi kiri, lɔrutɛfɛ bi kiri, wulatinbi bi kiri fa niŋ bishi bi kiri. Míŋ i ábɛɛ racin-a miŋ tu míŋ dali wuru ŋí i ǹʼbi ja ábɛɛ tɛ ɲaan wɔ̀ tɛ, ńʼtu konwɔtiŋ ni niŋ bishi bi kiri ma-a, ńʼtu nini tɔri dantenŋ a Kirinŋ wɔ Masabi ki kila kì.
22Nka Ɲiniwɔlinŋ ki i bi wɔ̀ bo-a koŋ tɔnŋ ki ra, niŋ i bidintɛbi, ciirudibi, ɲaanfɛfili, tɔnsunfili, shɔɔrinŋ, sunmakwulupa, telibi, 23sawari, niŋ fa yɛri rasɔɔmaanna. Sariya tɔri tenŋ niŋ bi bishi kiri kari-ra kì.
24Sabu nwɔ̀ri i Yesu Kirisa wɔ ri, nini arì firi ki fa arì dintɛ bi jɛ kiri bataa kpinkpi-i suu ki sun.
25Ɲiniwɔlinŋ ki ɲaninkulutɔnbi ki wɔri-i yibɛɛ tɛ, niŋ na, yi tiri kɛɲɛ ǹʼdintɛ bi ki wu. 26Yi fa ji koŋ nagbɛmaan ni i kì, yi fa yimaŋ tɔnsunpa-ri yi i yimaŋ tɛnbi tan-ni waarinŋ bataa ru kì.
Currently Selected:
Galasitɔnŋ kiri 5: JOB
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc.
Galasitɔnŋ kiri 5
5
Á fa á yɛri ji joŋ ni i kili kì
1Kirisa yibɛɛ mwu san-i jonbi ki wu, nwɔma yi fa ji joŋ ni i kili kì, niŋ na, á á cɛrukɔli, nwɔma á fa na pwulu de jonbi ki ru kili kì. 2Ayiwa, míŋ Pooli i ǹʼbi-a ábɛɛ tɛ, ńʼtu konwɔtiŋ a yɛri sɔɔpeefɛ sariya ki bira, ńʼtu Kirisa a finŋ tɔri shɔ nintiŋ sun kili kì. 3Míŋ a pwulu ǹʼsun sɛbɛ, ńʼtu konwɔtiŋ a yɛri sɔɔpeefɛ ńʼtu ntiŋ kakan ntiŋ i a kulu sariya ki bataa tɛ. 4Ábɛɛ wɔ̀ri i telibi ki ceeli-la Kirinŋ ɲaanfɛ sariya ki baraka ra, ábɛɛ á san-i Kirisa ra, niŋ na, ábɛɛ Kirinŋ wɔ shɔɔrinŋ ki ru kili kì.
5Nwɔ̀ i yibɛɛ, yibɛɛ bili-i ǹʼna tu yibɛɛ ra ji koŋ telimaan ni i Kirinŋ ɲaanfɛ bilinabi ki baraka ra. Yibɛɛ i ninki sunsuu-ra Ɲiniwɔlinŋ ki wɔ sotinbi ki baraka ra. 6Sabu yibɛɛ wɔ̀ri bili-i Yesu Kirisa ra, nʼsɔɔpeefɛ woo, nʼsɔɔpeefɛ kì woo, niŋ bi sinaŋ i kì. Nwɔ̀ ki i bi sinaŋ ki i, niŋ i bilinabi i, nwɔ̀ i yibɛɛ po-a bi kiri ma sun bidintɛbi wu.
7Ábɛɛ wuru bilika shɔ-a, nkɛnŋ ábɛɛ suu san niŋ saa shɔɔrinŋ ki sun, ninwɔ̀ i sɛli ki i? 8Kirinŋ wɔ̀ ábɛɛ dɔri-i, niŋ ɲakilila ki po niŋ gbɛ kì dɛ! 9Miŋ tu kí i ǹʼbi-a ɲaan wɔ̀ tɛ : « Lenfe pyaanŋ i fani ki bataa tuutuu-ra. » 10Nka niŋ fa a fɔn na míŋ ɲakili sɔɔmaan yɛ ábɛɛ bira Ŋuntiŋ ki baraka ra, ńʼtu ábɛɛ ra saa tɔri shi kì. Nka koŋ woo koŋ i ábɛɛ fɔni-na, Kirinŋ a kiti ki fɛɛn nintiŋ sun.
11Ńʼtindaŋ ni, a míŋ ji wuru sɔɔpeefɛmaanna ki wulu ki sunjo-a, ŋí i ǹʼbi-ri tu ninki kakan ŋì i ma, koŋ wuru-ra ji míŋ cɔɔri-ra jiŋ kì. Niŋ fa Kirisa kpinkpisuu ki bi ki wuru-ra ji kwulu-la koŋ na kili kì. 12Nwɔ̀ri i ábɛɛ fɔni-na, tu nini fa ǹʼtu sɔɔpeefɛmaanna ki bantenŋ sun kì, tu kí ǹʼbataa tɛri san nmaŋ.
Konanmini dintɛ bi jɛ ki niŋ fa Ɲiniwɔlinŋ ki dintɛ bi ki
(Ɔrɔmutɔnŋ kiri 8.1–14; 13.12–14)
13Ńʼtindaŋ ni, Kirinŋ ábɛɛ dɔri-i tu á tu á yɛrɛtɛ, nka á fa niŋ ji á dintɛ bi ri mamaanna i kì. Á á kaashi ki bidi á tɛ, á i ji ámaŋ tɛ baara matɔnŋ ni i. 14Sabu, sariya ki bataa i kila-a ka wulu kanŋ tenŋ ka ru : « Nʼkaashi ki bidi nʼtɛ miŋ tu nʼyɛrima ki. »#Sarakawɔrɔtɔnŋ kiri 19.18; Luki 10.25–37. 15Nka ábɛɛ jɔrɔkɔ ámaŋ cɛfan miŋ tu kpalinŋ ni, á i ámaŋ ɲiin-ni, niŋ fa á i ámaŋ nu-ni, niŋ na, á á yɛri cɔye ábɛɛ fa na kɔ ámaŋ na kì dɛ!
16Míŋ a nwɔ̀ bi ábɛɛ tɛ, niŋ i kaa : á tiri, á i kɛɲɛ Ɲiniwɔlinŋ ki dintɛ bi ki wu. A niŋ ma, ábɛɛ ra tiri kɛɲɛ firi ki dintɛ bi jɛ kiri wu kili kì. 17Sabu bi wɔ̀ri bidi Ɲiniwɔlinŋ ki tɛ kì, firi ki ɲaniŋ i po-a nini tɛ. Bi wɔ̀ri bidi-i firi ki tɛ, Ɲiniwɔlinŋ ki ɲaniŋ i po-a nini tɛ sɛbɛ kì. Yìrì i arìmaŋ kari-ra, nwɔma ábɛɛ i ǹʼtɛ á i nwɔ̀ ma, ábɛɛ fa so niŋ ma-i kì. 18Nka a Ɲiniwɔlinŋ ki ji ábɛɛ jɛnpa-a, niŋ na ábɛɛ sariya ki wɔ faan ki fɛ kili kì.
19Firi ki mabi kiri tɔ-i, nini i kari i : nankulunbi, nɔɔkɔnɔbi, ɲaankwunŋ pabalibi, 20pɛli tanmaanna, baabi, juubi, sɔsɔɔlinŋ, kari, tɛnbi, tɔnkwulu, bomaŋ na bi ri, kɔɔye maŋ na bi kiri, fubalibi kiri, 21ɲaannajuubi bi kiri, lɔrutɛfɛ bi kiri, wulatinbi bi kiri fa niŋ bishi bi kiri. Míŋ i ábɛɛ racin-a miŋ tu míŋ dali wuru ŋí i ǹʼbi ja ábɛɛ tɛ ɲaan wɔ̀ tɛ, ńʼtu konwɔtiŋ ni niŋ bishi bi kiri ma-a, ńʼtu nini tɔri dantenŋ a Kirinŋ wɔ Masabi ki kila kì.
22Nka Ɲiniwɔlinŋ ki i bi wɔ̀ bo-a koŋ tɔnŋ ki ra, niŋ i bidintɛbi, ciirudibi, ɲaanfɛfili, tɔnsunfili, shɔɔrinŋ, sunmakwulupa, telibi, 23sawari, niŋ fa yɛri rasɔɔmaanna. Sariya tɔri tenŋ niŋ bi bishi kiri kari-ra kì.
24Sabu nwɔ̀ri i Yesu Kirisa wɔ ri, nini arì firi ki fa arì dintɛ bi jɛ kiri bataa kpinkpi-i suu ki sun.
25Ɲiniwɔlinŋ ki ɲaninkulutɔnbi ki wɔri-i yibɛɛ tɛ, niŋ na, yi tiri kɛɲɛ ǹʼdintɛ bi ki wu. 26Yi fa ji koŋ nagbɛmaan ni i kì, yi fa yimaŋ tɔnsunpa-ri yi i yimaŋ tɛnbi tan-ni waarinŋ bataa ru kì.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc.