Galasitɔnŋ kiri 4
4
1Míŋ i ǹʼtɛ ŋí i nwɔ̀ bi, niŋ i kaa : a kanishitɔnŋ ki ji faa daŋ i, ǹʼfa joŋ fɔn i tenŋ i, hali finŋ fɔn bataa ji ǹʼwɔ. 2Ŋì i tu-a a rakilitɔnŋ kiri fa awɔ bi ɲaanpotɔnŋ kiri gbɛfɛ, fɔ ŋì i ta so ǹʼtiŋ ki wɔ waaci bimaan ki sun. 3Yibɛɛ i mìŋ ɲaan tenŋ ki tɛ sɛbɛ, ŋì i yibɛɛ tu tiranbi ki ru, yibɛɛ wuru juniɲa ki ru finŋ gbansanŋ kiri wɔ joŋ ni i. 4Nka waaci bimaan ki na-i so waarinŋ wɔ̀ ru, Kirinŋ a Danshuru ki cin na-i. Mari i ǹʼji, ŋì i a kulu sariya ki tɛ, 5nwɔma nwɔ̀ri wuru sariya ki wɔ jonbi ki fɛ, ŋì i nini ŋunsan, ŋì i yi ji Kirinŋ wɔ rakilidaŋ ni i.
6Yibɛɛ ji-i Kirinŋ daŋ ni i, sɛli ki ra. Niŋ ki ra, Kirinŋ a Danshuru ki ɲini ki bo yibɛɛ ciiru, nwɔ̀ i fali-la ŋì i bi-ri tu : « Yibɛɛ Tiŋ Baba! » 7Niŋ ki ra, miŋ joŋ i kili kì, fɔ Kirinŋ daŋ i, ayiwa a miŋ ji Kirinŋ daŋ i, miŋ i ǹʼkanishitɔnŋ i Kirinŋ baraka ra.
Pooli ciirufɔnɔbi ki Galasitɔnŋ kiri bira
8Waaci wɔ̀ ru ábɛɛ wuru Kirinŋ tɔ-a kì, ninki ncin wuru-i ábɛɛ i finŋ ni gbɛ-ri, nwɔ̀ri Kirinŋ i kì. 9Nka dɔnsaŋ ábɛɛ Kirinŋ tɔ-i, ɲaan tɔri tɛ, Kirinŋ ábɛɛ tɔ-i. Finŋ wɔ̀ri bi tɔri shɔ-a kì, ǹʼji dɔɔkunŋ ábɛɛ i á pwulu-li nini sun sɛbɛ, á i á yɛri ji-ri nini wɔ joŋ ni i?
10Ábɛɛ i jibi kiri bɛɛ ri gbɛ-a, á i ɲɛ kiri bɛɛ ri gbɛ-ri, á i jiri ki waaci kiri bɛɛ ri gbɛ-ri, á i jiri kiri bɛɛ ri gbɛ-ri. 11Míŋ i kɛni-na ńʼtu míŋ baara wɔ̀ bataa ma-i ábɛɛ kanfɛ, ńʼtu niŋ fa ji ǹʼgbansanŋ i kì.
12Ńʼtindaŋ ni, míŋ i ábɛɛ rafɛ-a ńʼtu á ji miŋ tu míŋ, sabu míŋ ńʼyɛri ji-i ábɛɛ sali. Ábɛɛ bijɛ tɔri dantenŋ ma míŋ wu kì. 13Ábɛɛ ǹʼtɔ-i tu míŋ ta jɔnɔ ki ábɛɛ tɛ, ŋí i ta Kirinŋ wɔ Wulujii ki bi á tɛ, tu niŋ ji mɔ́ɔ́n kira sababu ra. 14Mɔ́ɔ́n kira ki ji wuru kɔrɔbɔ bi i, ábɛɛ gbɛ, nka niŋ tɔri ábɛɛ ɲii míŋ nu kì, á dumiŋ ńʼnufyɛ kì. Nka ábɛɛ míŋ paka shɔ-i miŋ tu Kirinŋ wɔ mɛlɛkɛn ki bɛɛ, walima Yesu Kirisa yɛrima ki. 15Ábɛɛ ciirudi wuru míŋ bira kusɛbɛ niŋ waari ru, niŋ ciirudi ki da dɔɔ? Míŋ a ǹʼbi ńʼtu, niŋ waaci ki ru, ńʼtu a ǹʼji wuru so-a ma-i, ńʼtu ábɛɛ wuru-ra á ɲaninaŋ kiri po wɔri míŋ tɛ. 16Míŋ sɛli ki wɔ̀ bi-i ábɛɛ tɛ, ninki míŋ bi furu-i ábɛɛ sun dɔnsaŋ wa?
17Koŋ wɔ̀ri i kwurukwuru de-a ábɛɛ wu, kí i ǹʼtɛ arì i ábɛɛ fa míŋ kɔɔye yimaŋ na, nwɔma á i ǹʼpa arì cɛfan. 18A ábɛɛ ji á cɛrukɔli-la bi shɔɔrinŋ ma ki ra, niŋ shɔ-i, nka niŋ fa ji míŋ ɲaanna bi bantenŋ i kì. 19Ńʼdaŋ ni, míŋ cɔɔrimaan i faa ábɛɛ bira miŋ tu mari ra ji awɔ daŋ ji ciiyaa ra, fɔ ŋì i ta so waaci wɔ̀ ru, míŋ na ǹʼja tu ábɛɛ ji Yesu Kirisa bilinatɔnŋ sɔbɛ ri i. 20Ǹʼdi wuru míŋ tɛ ŋí i ji ábɛɛ fan ka waaci ka ru, nwɔma ŋí i ńʼwulubika ki rapwulu, sabu míŋ ɲakili sɔɔmaan i ábɛɛ bira kì.
Sara fa Agari bi ki ɲaanjiwulu ki
21Ábɛɛ wɔ̀ri i ǹʼtɛ á i tiri kɛɲɛ sariya ki wu, sariya ki i nwɔ̀ bi-a, ábɛɛ niŋ nama-a kì wa? 22Ǹʼsɛbɛ-i Kirinŋ wɔ wulu ki ru tu, danshuru fuuli wuru Aburahamu gbɛ, tu daŋ tenŋ ki wuru jonmari daŋ i, tu tenŋ ki ɲiŋ ki i ji mari i, nwɔ̀ wuru joŋ i kì. 23Jonmari ki danshuru ki ji kɛɲɛ-i konanmini ɲakilila wu, nka mari wɔ̀ wuru joŋ i kì, niŋ wɔ ki i ji kɛɲɛ Kirinŋ wɔ tɔnwɔri ki wu. 24Kɔri tɔri i ka mari fuuli ka bi ki ra : ka mari fuuli kari i Kirinŋ wɔ tɔnwɔri fuuli wulu bi-a. Tɔnwɔri wɔ̀ tan-i Sinayi tɔnŋ ki sun, niŋ i jonmari Agari, niŋ jidaŋ kiri i ji-a joŋ ni i.
25Jonmari ki i Sinayi tɔnŋ ki i, nwɔ̀ i Arabu kɛniŋ ki ru. Nmari i miŋ tu Yerusalɛmu wɔ̀ i nmaŋ jiŋ, sabu niŋ fa a daŋ kiri i jonbi ki ra. 26Nka Sara, ninwɔ̀ i cuunŋ Yerusalɛmu ki i, niŋ joŋ i kì. Ninki i yi bataa ɲiŋ ki i. 27Sabu ǹʼsɛbɛ-i tu :
« Mari daŋ jibali, nʼciirudi!
Daŋ ji ciiyaa minwɔ̀ pa-i sun kì,
nʼciirudi yaalinŋ po!
Sabu mari wɔ̀ tu-i a cinancinŋ,
niŋ a daŋ mwɔɔnna kila,
ŋì i fwuu mari shurutiŋ ki sun. »#Esayi 54.1.
28Nwɔ̀ i ábɛɛ, ńʼtindaŋ ni, ábɛɛ i Kirinŋ wɔ tɔnwɔri ki daŋ ni i, miŋ tu Ishaka. 29Aburahamu danshuru wɔ̀ ji kɛɲɛ wuru konanmini ɲakilila ki wu, Isimayɛli kɔniŋ, niŋ wuru Ishaka cɔɔri-ra, ninwɔ̀ ji kɛɲɛ wuru Kirinŋ Ɲini ki wɔ tɔnwɔri ki baraka ra. Ǹʼyɔ faa mìŋ ɲaan tenŋ ki tɛ haali jiŋ. 30Nka Kirinŋ wɔ wulu ki ǹʼdanwɔ bi-a? Ǹʼtu : « Jonmari ki fa a daŋ ki kalikali, sabu jonmari ki danshuru ki wɔ lu kani ki ru, ŋuntiŋ mari ki danshuru ki fan kì. »#Tɔnpa ki 21.10. 31Niŋ na, ńʼtindaŋ ni, yibɛɛ jonmari ki daŋ ni i kì, yibɛɛ i jiyɛrɛtɛ mari ki daŋ ni i.
Currently Selected:
Galasitɔnŋ kiri 4: JOB
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc.
Galasitɔnŋ kiri 4
4
1Míŋ i ǹʼtɛ ŋí i nwɔ̀ bi, niŋ i kaa : a kanishitɔnŋ ki ji faa daŋ i, ǹʼfa joŋ fɔn i tenŋ i, hali finŋ fɔn bataa ji ǹʼwɔ. 2Ŋì i tu-a a rakilitɔnŋ kiri fa awɔ bi ɲaanpotɔnŋ kiri gbɛfɛ, fɔ ŋì i ta so ǹʼtiŋ ki wɔ waaci bimaan ki sun. 3Yibɛɛ i mìŋ ɲaan tenŋ ki tɛ sɛbɛ, ŋì i yibɛɛ tu tiranbi ki ru, yibɛɛ wuru juniɲa ki ru finŋ gbansanŋ kiri wɔ joŋ ni i. 4Nka waaci bimaan ki na-i so waarinŋ wɔ̀ ru, Kirinŋ a Danshuru ki cin na-i. Mari i ǹʼji, ŋì i a kulu sariya ki tɛ, 5nwɔma nwɔ̀ri wuru sariya ki wɔ jonbi ki fɛ, ŋì i nini ŋunsan, ŋì i yi ji Kirinŋ wɔ rakilidaŋ ni i.
6Yibɛɛ ji-i Kirinŋ daŋ ni i, sɛli ki ra. Niŋ ki ra, Kirinŋ a Danshuru ki ɲini ki bo yibɛɛ ciiru, nwɔ̀ i fali-la ŋì i bi-ri tu : « Yibɛɛ Tiŋ Baba! » 7Niŋ ki ra, miŋ joŋ i kili kì, fɔ Kirinŋ daŋ i, ayiwa a miŋ ji Kirinŋ daŋ i, miŋ i ǹʼkanishitɔnŋ i Kirinŋ baraka ra.
Pooli ciirufɔnɔbi ki Galasitɔnŋ kiri bira
8Waaci wɔ̀ ru ábɛɛ wuru Kirinŋ tɔ-a kì, ninki ncin wuru-i ábɛɛ i finŋ ni gbɛ-ri, nwɔ̀ri Kirinŋ i kì. 9Nka dɔnsaŋ ábɛɛ Kirinŋ tɔ-i, ɲaan tɔri tɛ, Kirinŋ ábɛɛ tɔ-i. Finŋ wɔ̀ri bi tɔri shɔ-a kì, ǹʼji dɔɔkunŋ ábɛɛ i á pwulu-li nini sun sɛbɛ, á i á yɛri ji-ri nini wɔ joŋ ni i?
10Ábɛɛ i jibi kiri bɛɛ ri gbɛ-a, á i ɲɛ kiri bɛɛ ri gbɛ-ri, á i jiri ki waaci kiri bɛɛ ri gbɛ-ri, á i jiri kiri bɛɛ ri gbɛ-ri. 11Míŋ i kɛni-na ńʼtu míŋ baara wɔ̀ bataa ma-i ábɛɛ kanfɛ, ńʼtu niŋ fa ji ǹʼgbansanŋ i kì.
12Ńʼtindaŋ ni, míŋ i ábɛɛ rafɛ-a ńʼtu á ji miŋ tu míŋ, sabu míŋ ńʼyɛri ji-i ábɛɛ sali. Ábɛɛ bijɛ tɔri dantenŋ ma míŋ wu kì. 13Ábɛɛ ǹʼtɔ-i tu míŋ ta jɔnɔ ki ábɛɛ tɛ, ŋí i ta Kirinŋ wɔ Wulujii ki bi á tɛ, tu niŋ ji mɔ́ɔ́n kira sababu ra. 14Mɔ́ɔ́n kira ki ji wuru kɔrɔbɔ bi i, ábɛɛ gbɛ, nka niŋ tɔri ábɛɛ ɲii míŋ nu kì, á dumiŋ ńʼnufyɛ kì. Nka ábɛɛ míŋ paka shɔ-i miŋ tu Kirinŋ wɔ mɛlɛkɛn ki bɛɛ, walima Yesu Kirisa yɛrima ki. 15Ábɛɛ ciirudi wuru míŋ bira kusɛbɛ niŋ waari ru, niŋ ciirudi ki da dɔɔ? Míŋ a ǹʼbi ńʼtu, niŋ waaci ki ru, ńʼtu a ǹʼji wuru so-a ma-i, ńʼtu ábɛɛ wuru-ra á ɲaninaŋ kiri po wɔri míŋ tɛ. 16Míŋ sɛli ki wɔ̀ bi-i ábɛɛ tɛ, ninki míŋ bi furu-i ábɛɛ sun dɔnsaŋ wa?
17Koŋ wɔ̀ri i kwurukwuru de-a ábɛɛ wu, kí i ǹʼtɛ arì i ábɛɛ fa míŋ kɔɔye yimaŋ na, nwɔma á i ǹʼpa arì cɛfan. 18A ábɛɛ ji á cɛrukɔli-la bi shɔɔrinŋ ma ki ra, niŋ shɔ-i, nka niŋ fa ji míŋ ɲaanna bi bantenŋ i kì. 19Ńʼdaŋ ni, míŋ cɔɔrimaan i faa ábɛɛ bira miŋ tu mari ra ji awɔ daŋ ji ciiyaa ra, fɔ ŋì i ta so waaci wɔ̀ ru, míŋ na ǹʼja tu ábɛɛ ji Yesu Kirisa bilinatɔnŋ sɔbɛ ri i. 20Ǹʼdi wuru míŋ tɛ ŋí i ji ábɛɛ fan ka waaci ka ru, nwɔma ŋí i ńʼwulubika ki rapwulu, sabu míŋ ɲakili sɔɔmaan i ábɛɛ bira kì.
Sara fa Agari bi ki ɲaanjiwulu ki
21Ábɛɛ wɔ̀ri i ǹʼtɛ á i tiri kɛɲɛ sariya ki wu, sariya ki i nwɔ̀ bi-a, ábɛɛ niŋ nama-a kì wa? 22Ǹʼsɛbɛ-i Kirinŋ wɔ wulu ki ru tu, danshuru fuuli wuru Aburahamu gbɛ, tu daŋ tenŋ ki wuru jonmari daŋ i, tu tenŋ ki ɲiŋ ki i ji mari i, nwɔ̀ wuru joŋ i kì. 23Jonmari ki danshuru ki ji kɛɲɛ-i konanmini ɲakilila wu, nka mari wɔ̀ wuru joŋ i kì, niŋ wɔ ki i ji kɛɲɛ Kirinŋ wɔ tɔnwɔri ki wu. 24Kɔri tɔri i ka mari fuuli ka bi ki ra : ka mari fuuli kari i Kirinŋ wɔ tɔnwɔri fuuli wulu bi-a. Tɔnwɔri wɔ̀ tan-i Sinayi tɔnŋ ki sun, niŋ i jonmari Agari, niŋ jidaŋ kiri i ji-a joŋ ni i.
25Jonmari ki i Sinayi tɔnŋ ki i, nwɔ̀ i Arabu kɛniŋ ki ru. Nmari i miŋ tu Yerusalɛmu wɔ̀ i nmaŋ jiŋ, sabu niŋ fa a daŋ kiri i jonbi ki ra. 26Nka Sara, ninwɔ̀ i cuunŋ Yerusalɛmu ki i, niŋ joŋ i kì. Ninki i yi bataa ɲiŋ ki i. 27Sabu ǹʼsɛbɛ-i tu :
« Mari daŋ jibali, nʼciirudi!
Daŋ ji ciiyaa minwɔ̀ pa-i sun kì,
nʼciirudi yaalinŋ po!
Sabu mari wɔ̀ tu-i a cinancinŋ,
niŋ a daŋ mwɔɔnna kila,
ŋì i fwuu mari shurutiŋ ki sun. »#Esayi 54.1.
28Nwɔ̀ i ábɛɛ, ńʼtindaŋ ni, ábɛɛ i Kirinŋ wɔ tɔnwɔri ki daŋ ni i, miŋ tu Ishaka. 29Aburahamu danshuru wɔ̀ ji kɛɲɛ wuru konanmini ɲakilila ki wu, Isimayɛli kɔniŋ, niŋ wuru Ishaka cɔɔri-ra, ninwɔ̀ ji kɛɲɛ wuru Kirinŋ Ɲini ki wɔ tɔnwɔri ki baraka ra. Ǹʼyɔ faa mìŋ ɲaan tenŋ ki tɛ haali jiŋ. 30Nka Kirinŋ wɔ wulu ki ǹʼdanwɔ bi-a? Ǹʼtu : « Jonmari ki fa a daŋ ki kalikali, sabu jonmari ki danshuru ki wɔ lu kani ki ru, ŋuntiŋ mari ki danshuru ki fan kì. »#Tɔnpa ki 21.10. 31Niŋ na, ńʼtindaŋ ni, yibɛɛ jonmari ki daŋ ni i kì, yibɛɛ i jiyɛrɛtɛ mari ki daŋ ni i.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc.