Efɛsitɔnŋ kiri 6
6
Tiraŋ kiri fa arì jifinŋ kiri bi ki
1Tiraŋ ni, á ǹʼma Ŋuntiŋ ki bira, á i á jifinŋ kiri wulu pa, sabu ninki fu-i. 2« Nʼtiŋ ki fa nʼɲiŋ ki gbɛ. » Kirinŋ wɔ sariya ki ru, cinŋ wɔ̀ bi-i, tɔnwɔri i bili ǹʼsun, ka i niŋ cinŋ bimaan ki jɔnɔ ki i. 3Niŋ tɔnwɔri ki i tu : « Nwɔma ŋi i ɲaanfɛfili kila, niŋ fa ŋi i shi ŋmani kila pwɔkulinŋ ki sun. »#Pobi ki 20.12; Sariya kiri 5.1.
4Ábɛɛ daŋ tiŋ kiri, á fa á daŋ kiri ciirujuu kì, á kí rakilika shɔ, kí i gbɛ, á i kí racinka shɔ Ŋuntiŋ ki wɔ wulu kiri wu.
Ŋununtiŋ kiri fa arɔɔ joŋ kiri bi ki
5Ábɛɛ joŋ kiri, ŋununtiŋ wɔ̀ri i ábɛɛ ra ka juniɲa ka ru kwumaŋ, á nini wulu pa, á i baara ki ma kí tɛ kɛmi fa gbɛbi fa ciirufɔɔbi wu, miŋ tu ábɛɛ ra ji ǹʼma-a Kirisa yɛri ki tɛ. 6Á fa baara ki ma kí ɲaanna, miŋ tu ábɛɛ ǹʼtɛ, á i á yɛri bidi bantenŋ tan kí tɛ kì, nka á baara ki ma á ciiru ki bataa wu, nwɔ̀ di-i Kirinŋ tɛ, miŋ tu Kirisa wɔ joŋ ni i. 7Á baara ki ma á ciiru ki bataa wu, miŋ tu ábɛɛ ra ji ǹʼma-a Ŋuntiŋ ki tɛ, á fa ǹʼma, miŋ tu ábɛɛ ǹʼma-a konaŋ ni tɛ kì. 8Á ǹʼtɔ tu koŋ fɔn tenŋ tenŋ, joŋ bili ŋununtiŋ sun, tu yi bataa ra ta yɔɔ sali ki kila Ŋuntiŋ ki gbɛ, ŋì i kɛɲɛ yɔɔ shɔɔrinŋ mamaan kiri wu.
9Ábɛɛ ŋununtiŋ ni, á áwɔ joŋ kiri paka shɔ, á fa juu kí sun kì, sabu ábɛɛ i ǹʼtɔ-a tu ábɛɛ fa kí fɔn Ŋununtiŋ ki kirinpɔlila cuunŋ, tu niŋ koŋ san-a koŋ nu kì.
Bilinatɔnŋ kiri wɔ karitanfinŋ kiri bi ki
10Mɔ́ɔ́n wulu lakɔɔra ki i kaa, tu á baraka de á yɛri ru, ŋì i po Ŋuntiŋ ki wɔ sotinbi sinaŋ ki ru. 11Kirinŋ kari tanfinŋ wɔ̀ri wɔri-i ábɛɛ tɛ, á yìrì bataa shi bo á sun, nwɔma á i so tu-i, á i shitaanni wɔ daalinŋ kiri kari. 12Sabu yibɔɔ kwurukwuru ki ye-a konanmini ni wu kì, nka yibɛɛ fa ɲinijɛ kiri fa arì ŋununtiŋ kiri i ǹʼye-a, nini wɔ̀ri i sotinbi kiri fa barakatiŋ kiri i, nwɔ̀ri sɔɔ juniɲa ka ŋununu mancinŋ ki ru. 13Niŋ ki ra, á Kirinŋ wɔ kari tanfinŋ kiri bataa shi dɔɔ, nwɔma a waaci furu kiri na na waarinŋ wɔ̀ ru, á i so kila ɲa ki sun, á i ǹʼkari, fɔ á i ǹʼso a daŋ na, ŋì fa na so ábɛɛ san-i á ta ru kì.
14Á tuka shɔ ǹʼjɛŋ. Á sɛli ki ji áwɔ nukɔliyaa ki i, á i telibi ki ji áwɔ peejɛrɛbi ki i. 15Kirinŋ wɔ Wulujii wɔ̀ i ɲaanfɛfili ki wɔri-ra, á i niŋ sunjorama ki ji a kanŋ na kari. 16Bilinabi ki ji áwɔ mwɔnjɛnsuupee ki i waarinŋ bataa ru, á niŋ ma, ábɛɛ ra so shitaanni wɔ mwɔŋ tuutiŋ kiri ŋununafu-i, á i yìrì byi ninki wu. 17Á Kirinŋ wɔ koŋ mwu bi ki ji a ŋununa peebunfila ki i, á i Ɲiniwɔlinŋ ki wɔ kari tan baamwuru ki shi, ninwɔ̀ i Kirinŋ wɔ wulu ki i.
18Á Kirinŋ nafɛ waarinŋ bataa ru Ɲiniwɔlinŋ ki wɔ sotinbi ki wu. Á fa yɛli niŋ na kì, á tu Kirinŋ nafɛ ki ra waarinŋ bataa ru, á i Kirinŋ nafɛ-ri Kirinŋ wɔ wɔlinŋ kiri bataa tɛ, 19á i ǹʼnafɛ míŋ yɛri ki tɛ, nwɔma Kirinŋ yɛrima ki i ńʼwɔ bi wulu kiri de ńʼdaru, ŋí i so Kirinŋ wɔ Wulujii ki gonto ki ji-i konaŋ kiri wu ŋununsɔɔbi wu. 20Hali míŋ ji nkasu ru dɔɔ, míŋ i Kirinŋ wɔ koŋ ɲaannashimaan i Wulujii ki birama ki tɛ, ninki bira, míŋ kɔlimaan yɛ jɔlɔkɔ ri ra. Niŋ ki ra, á Kirinŋ nafɛ míŋ tɛ, nwɔma míŋ i so wulubi-i ŋununsɔɔbi wu, miŋ tu ǹʼkakan-i ŋì i bi ɲaan wɔ̀ tɛ.
Pooli wɔ coolinŋ nakɔɔra ki
21Yi tindaŋ Tisike, ninwɔ̀ bidi-i míŋ tɛ haali, niŋ fa ntiŋ i ji Ŋuntiŋ ki tɛ baara matɔnŋ sɔbɛ ɛ, niŋ a ta míŋ bi ki ɲaanbi ábɛɛ tɛ nmaŋ, nwɔma á i míŋ ma baara ki tɔ. 22Ntiŋ bo ta ŋuŋ ki bataa i ábɛɛ tɛ, nwɔma ntiŋ i ta yibɛɛ wulu bi ábɛɛ tɛ, niŋ fa ntiŋ i á siratu.
23Yi tiŋ Kirinŋ fa yi Ŋuntiŋ Yesu Kirisa ɲaanfɛfili fa bidintɛbi niŋ fa bilinabi wɔri yi tindaŋ kiri bataa tɛ. 24Yi Ŋuntiŋ Yesu Kirisa bidi-i nwɔ̀ri tɛ kusɛbɛ arì sɔbɛ ra, tu Kirinŋ awɔ shɔɔrinŋ ki ma nini bataa tɛ.
Currently Selected:
Efɛsitɔnŋ kiri 6: JOB
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc.
Efɛsitɔnŋ kiri 6
6
Tiraŋ kiri fa arì jifinŋ kiri bi ki
1Tiraŋ ni, á ǹʼma Ŋuntiŋ ki bira, á i á jifinŋ kiri wulu pa, sabu ninki fu-i. 2« Nʼtiŋ ki fa nʼɲiŋ ki gbɛ. » Kirinŋ wɔ sariya ki ru, cinŋ wɔ̀ bi-i, tɔnwɔri i bili ǹʼsun, ka i niŋ cinŋ bimaan ki jɔnɔ ki i. 3Niŋ tɔnwɔri ki i tu : « Nwɔma ŋi i ɲaanfɛfili kila, niŋ fa ŋi i shi ŋmani kila pwɔkulinŋ ki sun. »#Pobi ki 20.12; Sariya kiri 5.1.
4Ábɛɛ daŋ tiŋ kiri, á fa á daŋ kiri ciirujuu kì, á kí rakilika shɔ, kí i gbɛ, á i kí racinka shɔ Ŋuntiŋ ki wɔ wulu kiri wu.
Ŋununtiŋ kiri fa arɔɔ joŋ kiri bi ki
5Ábɛɛ joŋ kiri, ŋununtiŋ wɔ̀ri i ábɛɛ ra ka juniɲa ka ru kwumaŋ, á nini wulu pa, á i baara ki ma kí tɛ kɛmi fa gbɛbi fa ciirufɔɔbi wu, miŋ tu ábɛɛ ra ji ǹʼma-a Kirisa yɛri ki tɛ. 6Á fa baara ki ma kí ɲaanna, miŋ tu ábɛɛ ǹʼtɛ, á i á yɛri bidi bantenŋ tan kí tɛ kì, nka á baara ki ma á ciiru ki bataa wu, nwɔ̀ di-i Kirinŋ tɛ, miŋ tu Kirisa wɔ joŋ ni i. 7Á baara ki ma á ciiru ki bataa wu, miŋ tu ábɛɛ ra ji ǹʼma-a Ŋuntiŋ ki tɛ, á fa ǹʼma, miŋ tu ábɛɛ ǹʼma-a konaŋ ni tɛ kì. 8Á ǹʼtɔ tu koŋ fɔn tenŋ tenŋ, joŋ bili ŋununtiŋ sun, tu yi bataa ra ta yɔɔ sali ki kila Ŋuntiŋ ki gbɛ, ŋì i kɛɲɛ yɔɔ shɔɔrinŋ mamaan kiri wu.
9Ábɛɛ ŋununtiŋ ni, á áwɔ joŋ kiri paka shɔ, á fa juu kí sun kì, sabu ábɛɛ i ǹʼtɔ-a tu ábɛɛ fa kí fɔn Ŋununtiŋ ki kirinpɔlila cuunŋ, tu niŋ koŋ san-a koŋ nu kì.
Bilinatɔnŋ kiri wɔ karitanfinŋ kiri bi ki
10Mɔ́ɔ́n wulu lakɔɔra ki i kaa, tu á baraka de á yɛri ru, ŋì i po Ŋuntiŋ ki wɔ sotinbi sinaŋ ki ru. 11Kirinŋ kari tanfinŋ wɔ̀ri wɔri-i ábɛɛ tɛ, á yìrì bataa shi bo á sun, nwɔma á i so tu-i, á i shitaanni wɔ daalinŋ kiri kari. 12Sabu yibɔɔ kwurukwuru ki ye-a konanmini ni wu kì, nka yibɛɛ fa ɲinijɛ kiri fa arì ŋununtiŋ kiri i ǹʼye-a, nini wɔ̀ri i sotinbi kiri fa barakatiŋ kiri i, nwɔ̀ri sɔɔ juniɲa ka ŋununu mancinŋ ki ru. 13Niŋ ki ra, á Kirinŋ wɔ kari tanfinŋ kiri bataa shi dɔɔ, nwɔma a waaci furu kiri na na waarinŋ wɔ̀ ru, á i so kila ɲa ki sun, á i ǹʼkari, fɔ á i ǹʼso a daŋ na, ŋì fa na so ábɛɛ san-i á ta ru kì.
14Á tuka shɔ ǹʼjɛŋ. Á sɛli ki ji áwɔ nukɔliyaa ki i, á i telibi ki ji áwɔ peejɛrɛbi ki i. 15Kirinŋ wɔ Wulujii wɔ̀ i ɲaanfɛfili ki wɔri-ra, á i niŋ sunjorama ki ji a kanŋ na kari. 16Bilinabi ki ji áwɔ mwɔnjɛnsuupee ki i waarinŋ bataa ru, á niŋ ma, ábɛɛ ra so shitaanni wɔ mwɔŋ tuutiŋ kiri ŋununafu-i, á i yìrì byi ninki wu. 17Á Kirinŋ wɔ koŋ mwu bi ki ji a ŋununa peebunfila ki i, á i Ɲiniwɔlinŋ ki wɔ kari tan baamwuru ki shi, ninwɔ̀ i Kirinŋ wɔ wulu ki i.
18Á Kirinŋ nafɛ waarinŋ bataa ru Ɲiniwɔlinŋ ki wɔ sotinbi ki wu. Á fa yɛli niŋ na kì, á tu Kirinŋ nafɛ ki ra waarinŋ bataa ru, á i Kirinŋ nafɛ-ri Kirinŋ wɔ wɔlinŋ kiri bataa tɛ, 19á i ǹʼnafɛ míŋ yɛri ki tɛ, nwɔma Kirinŋ yɛrima ki i ńʼwɔ bi wulu kiri de ńʼdaru, ŋí i so Kirinŋ wɔ Wulujii ki gonto ki ji-i konaŋ kiri wu ŋununsɔɔbi wu. 20Hali míŋ ji nkasu ru dɔɔ, míŋ i Kirinŋ wɔ koŋ ɲaannashimaan i Wulujii ki birama ki tɛ, ninki bira, míŋ kɔlimaan yɛ jɔlɔkɔ ri ra. Niŋ ki ra, á Kirinŋ nafɛ míŋ tɛ, nwɔma míŋ i so wulubi-i ŋununsɔɔbi wu, miŋ tu ǹʼkakan-i ŋì i bi ɲaan wɔ̀ tɛ.
Pooli wɔ coolinŋ nakɔɔra ki
21Yi tindaŋ Tisike, ninwɔ̀ bidi-i míŋ tɛ haali, niŋ fa ntiŋ i ji Ŋuntiŋ ki tɛ baara matɔnŋ sɔbɛ ɛ, niŋ a ta míŋ bi ki ɲaanbi ábɛɛ tɛ nmaŋ, nwɔma á i míŋ ma baara ki tɔ. 22Ntiŋ bo ta ŋuŋ ki bataa i ábɛɛ tɛ, nwɔma ntiŋ i ta yibɛɛ wulu bi ábɛɛ tɛ, niŋ fa ntiŋ i á siratu.
23Yi tiŋ Kirinŋ fa yi Ŋuntiŋ Yesu Kirisa ɲaanfɛfili fa bidintɛbi niŋ fa bilinabi wɔri yi tindaŋ kiri bataa tɛ. 24Yi Ŋuntiŋ Yesu Kirisa bidi-i nwɔ̀ri tɛ kusɛbɛ arì sɔbɛ ra, tu Kirinŋ awɔ shɔɔrinŋ ki ma nini bataa tɛ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc.