Efɛsitɔnŋ kiri 5
5
Bilinatɔnŋ kiri kakan-i kí i tiri manisarinŋ ki tɛ ɲaan wɔ̀ tɛ
(Tesalonikitɔnŋ kiri (1) 4.1–8; Korɛntitɔnŋ kiri (1) 6.9–11)
1Dɔnsaŋ, miŋ tu ábɛɛ i Kirinŋ daŋ ni i, á bi i ji di ǹʼtɛ, á ji ǹʼnakitiiri i. 2Ábɛɛ mabi kiri bataa ru, á á kaashi ki bidi á tɛ ǹʼbataa ru, miŋ tu Kirisa i ábɛɛ bidi-a a tɛ ɲaan wɔ̀ tɛ, ŋì a yɛri ki wɔri-i saraka Kirinŋ tɛ yibɛɛ ŋunfɛ, niŋ fani i di Kirinŋ tɛ.
3Nankulunbi ki fa nɔɔkɔnɔbi kwuru ki bataa fa fyikatinbi ki dantenŋ tɔ fa nama ábɛɛ faninmwuŋ kì, nini fu Kirinŋ wɔ wɔlinŋ kiri kanfɛ kì. 4Ábɔɔ wulu kulinŋ bi ki fa áwɔ myɛɛnbi wulu bi ki fa áwɔ janfarawulu sunfurumaan ki shɔ sɛbɛ kì dɛ! Finŋ wɔ̀ fu-i, niŋ i ábɔɔ baraka birama ki i Kirinŋ tɛ. 5Á ka tɔ á i ǹʼfɔɔ, tu nankulinŋ kiri fa koŋ nɔɔmaan kiri fa koŋ fyikatiŋ kiri dantenŋ wɔ lu Kirisa fa Kirinŋ wɔ Masabi ki ru kì, kí i miŋ tu pɛli tantiiri.
6Á fa ncusun koŋ i á sunnɛɛn wulu tawɔ ri wu kì, sabu niŋ wulu bishi kiri i ncin-a Kirinŋ wɔ tɔnkwulu ki i so-ri awɔ wulu pabali kiri sun.
7Niŋ ki ra, á fa de kɔ́ɔ́ toŋ ki ru kì, á fa dɛbɛ kí fan arɔɔ bi kulinŋ kiri ru kì. 8Ábɛɛ wuru mancinŋ i sun, nka dɔnsaŋ ábɛɛ i manisarinŋ i Ŋuntiŋ ki ra. Niŋ na, á tiri miŋ tu manisarinŋ daŋ ni. 9Shɔɔrinŋ kwuru ki fa telibi ki fa sɛli ki i po-a manisarinŋ ki ru. 10Á á banba, á i Ŋuntiŋ ki dintɛ bi kiri ɲaan ceeli, á i yìrì tɔ.
11Konaŋ kiri i bi wɔ̀ri ma-a mancinŋ ki ru, á fa á kanŋ de nini nu fyewu kì, nka á kɔ́ɔ́ bi kulinŋ kiri ji kí wu manisarinŋ tɛ. 12Sabu niŋ koŋ kiri i bi wɔ̀ri ma-a radu ru, hali niŋ bi kiri rakali ki i ɲaankwunŋ i. 13Kí i bi wɔ̀ri ma-a radu ki ru, waarinŋ wɔ̀ ru ábɛɛ nini ji manisarinŋ ki tɛ, yìrì ɲaan i tɔ-a, sabu finŋ woo finŋ ja ji manisarinŋ tɛ, niŋ i napwulu ji-a manisarinŋ i. 14Niŋ ki ra, ŋì i bi tu :
« Minwɔ̀ i ɲinintan-a, ŋmɛni!
Ŋmɛni po san konkwuu kiri kanfɛ,
nwɔma Kirisa i manisarinŋ po nʼtɛ. »
15Á á yɛri cɔye, á i á tirikanŋ ki tɔ. Á fa ji ɲakili bali li i kì, nka á ji ɲakilitiŋ ni i. 16Kirinŋ waaci wɔ̀ wɔri-i ábɛɛ tɛ, á baara shɔɔrinŋ ma niŋ ciiru, sabu jiŋ sunŋ ki shɔ kì. 17Niŋ ki ra, á fa ji koŋ ɲakili bali li i kì, nka á á banba, á i á tɔɔnye, nwɔma á i Ŋuntiŋ ki dintɛ bi ki tɔ.
18Á fa á yɛri ɲaannafini lɔ wu kì, niŋ i koŋ ɲini ki li-a, nka á faa Ɲiniwɔlinŋ ki ra. 19Á shupɔri ámaŋ tɛ, ŋì i po Kirinŋ tɛ shu kiri#5.19 Shu kiri sɛbɛ ki i, ninwɔ̀ i dɔri-ra tu Nsaburu. ru, niŋ fa Kirinŋ wɔ shu kiri ru, niŋ fa Ɲiniwɔlinŋ ki shu wɔ̀ri wɔri-i. Á niŋ shu kiri pɔri Ŋuntiŋ ki tɛ, á i ǹʼgbɛ á ciiru ki bataa wu. 20Á coolinŋ wɔri Tiŋ Kirinŋ tɛ waarinŋ bataa ru, finŋ bataa bira yibɛɛ Ŋuntiŋ Yesu Kirisa tɔ ra.
Mari fa a shinŋ bi ki
(Kɔlɔsitɔnŋ kiri 3.18 ŋì i ta bo 4.1; Pyɛɛri (1) 2.18–25; 3.2–7)
21Ábɛɛ wɔ̀ri i kɛni-na Kirisa jɛŋ, á á sunjɛri ámaŋ tɛ. 22Ábɛɛ mari kiri, á á kulu á shinŋ kiri tɛ miŋ tu ábɛɛ i á kulu-la Ŋuntiŋ ki tɛ ɲaan wɔ̀ tɛ, 23sabu shuru ki i awɔ mari ki ŋununtiŋ i, miŋ tu Kirisa i awɔ bilinatɔnŋ kwuru ki bataa ki ŋununtiŋ i ɲaan wɔ̀ tɛ. Bilinatɔnŋ kiri i Kirisa firi ki i, mìntiŋ ki i ji niŋ firi ki Mwutɔnŋ ki i. 24Niŋ ki ra, bilinatɔnŋ kiri kulu-i Kirisa tɛ ɲaan wɔ̀ tɛ, mari kiri arì kulu arì shinŋ kiri tɛ mìŋ ɲaan ki tɛ finŋ bataa bi ru.
25Nwɔ̀ i ábɛɛ shuru kiri i, koŋ fɔn awɔ mari bidi a tɛ, miŋ tu Kirisa bilinatɔnŋ kwuru ki bidi-i a tɛ ɲaan wɔ̀ tɛ, fɔ ntiŋ a yɛri wɔri, ntiŋ i beeni ǹʼbira, 26nwɔma ŋì i fɔɔ wurama ki ra, ju ra niŋ fa Kirinŋ wɔ wulu ki wu, ŋì i kila, ŋì i ǹʼji awɔ. 27Ŋì niŋ ma-i, nwɔma bilinatɔnŋ kwuru ki nɔɔritiŋ i so tu-i afinŋ ɲaanfɛ, nɔɔmaŋ walima mɔrɔmɔrɔmaŋ walima niŋ bishi fa ja ǹʼna kì, nka ǹʼfɔɔmaan fa ǹʼpɔlibali i ji-i.
28Mìŋ ɲaan tenŋ ki tɛ, shuru kiri kakan-i kí i arɔɔ mari kiri bidi arì tɛ, miŋ tu arì yɛrima kiri firi kiri. Koŋ woo koŋ i awɔ mari ki bidi-a a tɛ, ntiŋ i a yɛri ki bidi-a a tɛ, niŋ i. 29Koŋ tɔri tenŋ a firi ki bikwɔ-a a yɛri sun kì, nka ntiŋ i ǹʼnade-a, ntiŋ i a ɲakili tu ǹʼna, miŋ tu Kirisa i ǹʼma-a bilinatɔnŋ kwuru kiri wu ɲaan wɔ̀ tɛ, 30sabu yibɛɛ bataa tenŋ tenŋ i Kirisa firi ki mani ki bɛɛ ɛ.
31Niŋ ki ra, ǹʼsɛbɛ-i Kirinŋ wɔ wulu sɛbɛ ki ru tu : « Shuru ra na a san a tiŋ fa a ɲiŋ na, tu ntiŋ i ta a da awɔ mari ki ra, tu kí koŋ fuuli ki i ji koŋ tenŋ i. »#5.31 Ka wulu ka bi-i Tɔnpa ki 1.27 ki fa 2.24 kiri ru. 32Ka i gonto sinaŋ i, míŋ i ǹʼbi-a ŋí i ǹʼsan Kirisa fa bilinatɔnŋ kwuru kiri faninmwuŋ ki bi sun.
33Nka, ǹʼyɔ bi-a ábɛɛ bi sun sɛbɛ, ábɛɛ shuru kiri bataa tenŋ tenŋ kakan-i, á i áwɔ mari ki bidi á tɛ, miŋ tu á yɛrima kiri, tu mari kiri fani i arì shinŋ kiri gbɛ-ri.
Currently Selected:
Efɛsitɔnŋ kiri 5: JOB
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc.
Efɛsitɔnŋ kiri 5
5
Bilinatɔnŋ kiri kakan-i kí i tiri manisarinŋ ki tɛ ɲaan wɔ̀ tɛ
(Tesalonikitɔnŋ kiri (1) 4.1–8; Korɛntitɔnŋ kiri (1) 6.9–11)
1Dɔnsaŋ, miŋ tu ábɛɛ i Kirinŋ daŋ ni i, á bi i ji di ǹʼtɛ, á ji ǹʼnakitiiri i. 2Ábɛɛ mabi kiri bataa ru, á á kaashi ki bidi á tɛ ǹʼbataa ru, miŋ tu Kirisa i ábɛɛ bidi-a a tɛ ɲaan wɔ̀ tɛ, ŋì a yɛri ki wɔri-i saraka Kirinŋ tɛ yibɛɛ ŋunfɛ, niŋ fani i di Kirinŋ tɛ.
3Nankulunbi ki fa nɔɔkɔnɔbi kwuru ki bataa fa fyikatinbi ki dantenŋ tɔ fa nama ábɛɛ faninmwuŋ kì, nini fu Kirinŋ wɔ wɔlinŋ kiri kanfɛ kì. 4Ábɔɔ wulu kulinŋ bi ki fa áwɔ myɛɛnbi wulu bi ki fa áwɔ janfarawulu sunfurumaan ki shɔ sɛbɛ kì dɛ! Finŋ wɔ̀ fu-i, niŋ i ábɔɔ baraka birama ki i Kirinŋ tɛ. 5Á ka tɔ á i ǹʼfɔɔ, tu nankulinŋ kiri fa koŋ nɔɔmaan kiri fa koŋ fyikatiŋ kiri dantenŋ wɔ lu Kirisa fa Kirinŋ wɔ Masabi ki ru kì, kí i miŋ tu pɛli tantiiri.
6Á fa ncusun koŋ i á sunnɛɛn wulu tawɔ ri wu kì, sabu niŋ wulu bishi kiri i ncin-a Kirinŋ wɔ tɔnkwulu ki i so-ri awɔ wulu pabali kiri sun.
7Niŋ ki ra, á fa de kɔ́ɔ́ toŋ ki ru kì, á fa dɛbɛ kí fan arɔɔ bi kulinŋ kiri ru kì. 8Ábɛɛ wuru mancinŋ i sun, nka dɔnsaŋ ábɛɛ i manisarinŋ i Ŋuntiŋ ki ra. Niŋ na, á tiri miŋ tu manisarinŋ daŋ ni. 9Shɔɔrinŋ kwuru ki fa telibi ki fa sɛli ki i po-a manisarinŋ ki ru. 10Á á banba, á i Ŋuntiŋ ki dintɛ bi kiri ɲaan ceeli, á i yìrì tɔ.
11Konaŋ kiri i bi wɔ̀ri ma-a mancinŋ ki ru, á fa á kanŋ de nini nu fyewu kì, nka á kɔ́ɔ́ bi kulinŋ kiri ji kí wu manisarinŋ tɛ. 12Sabu niŋ koŋ kiri i bi wɔ̀ri ma-a radu ru, hali niŋ bi kiri rakali ki i ɲaankwunŋ i. 13Kí i bi wɔ̀ri ma-a radu ki ru, waarinŋ wɔ̀ ru ábɛɛ nini ji manisarinŋ ki tɛ, yìrì ɲaan i tɔ-a, sabu finŋ woo finŋ ja ji manisarinŋ tɛ, niŋ i napwulu ji-a manisarinŋ i. 14Niŋ ki ra, ŋì i bi tu :
« Minwɔ̀ i ɲinintan-a, ŋmɛni!
Ŋmɛni po san konkwuu kiri kanfɛ,
nwɔma Kirisa i manisarinŋ po nʼtɛ. »
15Á á yɛri cɔye, á i á tirikanŋ ki tɔ. Á fa ji ɲakili bali li i kì, nka á ji ɲakilitiŋ ni i. 16Kirinŋ waaci wɔ̀ wɔri-i ábɛɛ tɛ, á baara shɔɔrinŋ ma niŋ ciiru, sabu jiŋ sunŋ ki shɔ kì. 17Niŋ ki ra, á fa ji koŋ ɲakili bali li i kì, nka á á banba, á i á tɔɔnye, nwɔma á i Ŋuntiŋ ki dintɛ bi ki tɔ.
18Á fa á yɛri ɲaannafini lɔ wu kì, niŋ i koŋ ɲini ki li-a, nka á faa Ɲiniwɔlinŋ ki ra. 19Á shupɔri ámaŋ tɛ, ŋì i po Kirinŋ tɛ shu kiri#5.19 Shu kiri sɛbɛ ki i, ninwɔ̀ i dɔri-ra tu Nsaburu. ru, niŋ fa Kirinŋ wɔ shu kiri ru, niŋ fa Ɲiniwɔlinŋ ki shu wɔ̀ri wɔri-i. Á niŋ shu kiri pɔri Ŋuntiŋ ki tɛ, á i ǹʼgbɛ á ciiru ki bataa wu. 20Á coolinŋ wɔri Tiŋ Kirinŋ tɛ waarinŋ bataa ru, finŋ bataa bira yibɛɛ Ŋuntiŋ Yesu Kirisa tɔ ra.
Mari fa a shinŋ bi ki
(Kɔlɔsitɔnŋ kiri 3.18 ŋì i ta bo 4.1; Pyɛɛri (1) 2.18–25; 3.2–7)
21Ábɛɛ wɔ̀ri i kɛni-na Kirisa jɛŋ, á á sunjɛri ámaŋ tɛ. 22Ábɛɛ mari kiri, á á kulu á shinŋ kiri tɛ miŋ tu ábɛɛ i á kulu-la Ŋuntiŋ ki tɛ ɲaan wɔ̀ tɛ, 23sabu shuru ki i awɔ mari ki ŋununtiŋ i, miŋ tu Kirisa i awɔ bilinatɔnŋ kwuru ki bataa ki ŋununtiŋ i ɲaan wɔ̀ tɛ. Bilinatɔnŋ kiri i Kirisa firi ki i, mìntiŋ ki i ji niŋ firi ki Mwutɔnŋ ki i. 24Niŋ ki ra, bilinatɔnŋ kiri kulu-i Kirisa tɛ ɲaan wɔ̀ tɛ, mari kiri arì kulu arì shinŋ kiri tɛ mìŋ ɲaan ki tɛ finŋ bataa bi ru.
25Nwɔ̀ i ábɛɛ shuru kiri i, koŋ fɔn awɔ mari bidi a tɛ, miŋ tu Kirisa bilinatɔnŋ kwuru ki bidi-i a tɛ ɲaan wɔ̀ tɛ, fɔ ntiŋ a yɛri wɔri, ntiŋ i beeni ǹʼbira, 26nwɔma ŋì i fɔɔ wurama ki ra, ju ra niŋ fa Kirinŋ wɔ wulu ki wu, ŋì i kila, ŋì i ǹʼji awɔ. 27Ŋì niŋ ma-i, nwɔma bilinatɔnŋ kwuru ki nɔɔritiŋ i so tu-i afinŋ ɲaanfɛ, nɔɔmaŋ walima mɔrɔmɔrɔmaŋ walima niŋ bishi fa ja ǹʼna kì, nka ǹʼfɔɔmaan fa ǹʼpɔlibali i ji-i.
28Mìŋ ɲaan tenŋ ki tɛ, shuru kiri kakan-i kí i arɔɔ mari kiri bidi arì tɛ, miŋ tu arì yɛrima kiri firi kiri. Koŋ woo koŋ i awɔ mari ki bidi-a a tɛ, ntiŋ i a yɛri ki bidi-a a tɛ, niŋ i. 29Koŋ tɔri tenŋ a firi ki bikwɔ-a a yɛri sun kì, nka ntiŋ i ǹʼnade-a, ntiŋ i a ɲakili tu ǹʼna, miŋ tu Kirisa i ǹʼma-a bilinatɔnŋ kwuru kiri wu ɲaan wɔ̀ tɛ, 30sabu yibɛɛ bataa tenŋ tenŋ i Kirisa firi ki mani ki bɛɛ ɛ.
31Niŋ ki ra, ǹʼsɛbɛ-i Kirinŋ wɔ wulu sɛbɛ ki ru tu : « Shuru ra na a san a tiŋ fa a ɲiŋ na, tu ntiŋ i ta a da awɔ mari ki ra, tu kí koŋ fuuli ki i ji koŋ tenŋ i. »#5.31 Ka wulu ka bi-i Tɔnpa ki 1.27 ki fa 2.24 kiri ru. 32Ka i gonto sinaŋ i, míŋ i ǹʼbi-a ŋí i ǹʼsan Kirisa fa bilinatɔnŋ kwuru kiri faninmwuŋ ki bi sun.
33Nka, ǹʼyɔ bi-a ábɛɛ bi sun sɛbɛ, ábɛɛ shuru kiri bataa tenŋ tenŋ kakan-i, á i áwɔ mari ki bidi á tɛ, miŋ tu á yɛrima kiri, tu mari kiri fani i arì shinŋ kiri gbɛ-ri.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc.