Mabikiri 9
9
Sɔɔli bilika ɲaan ki Yesu ra
(Mabikiri 22.3–16; 26.9–20; Galasitɔnŋ kiri 1.1–16)
1Niŋ waaci ki ru, Sɔɔli tɔnnabi ki bataa wuru bilinatɔnŋ kiri rukɛni bi ki fa kí kilɛn bi ki i. Ntiŋ i ta Kirinŋ tɛ sarakawɔrɔtɔnŋ kiri tɛ, 2ntiŋ i ta nini nafɛ tu kí sɛbɛ#9.2 Niŋ sɛbɛ ki wuru faan wɔri-ra ntiŋ tɛ, ntiŋ i bilinatɔnŋ kiri pa-ri, koŋ fa ntiŋ suu niŋ sun kì. wɔri a tɛ, a i ta niŋ wɔri Yawutu kiri wɔ kalinfu ŋununtiŋ kiri tɛ Damasi, nwɔma, a afinŋ Ŋuntiŋ ki wɔ saa tiritɔnŋ kiri bɛɛ ri kila nmaŋ, shuru bili mari sun, a i nini pa kɔli tiri Yerusalɛmu.
3Ntiŋ tirira ki tu-i Damasi, ntiŋ myɛmaan juu niŋ kili ki tɛ kɔ, manaanŋ tenŋ nu, manisarinŋ i po kirinpɔli ki ra, ŋì i na tu ntiŋ sun. 4Ntiŋ i fɛɛn fwuniŋ sun, ntiŋ i wulu bɛɛ rama tu : « Sɔɔli, Sɔɔli, miŋ míŋ cɔɔri-ra nfɛnŋ na? » 5Sɔɔli i nanɔri tan tu : « Ábɛɛ nkɛnŋ, Ŋuntiŋ? » Ŋuntiŋ ki i ntiŋ nupwulu tu : « Míŋ i Yesu, miŋ i nwɔ̀ ki cɔɔri-ra, míŋ yɛ. 6Dɔnsaŋ, jɔrɔkɔ de kili ki ru, miŋ a nwɔ̀ ma, niŋ a ta bi miŋ tɛ nmaŋ. »
7Sɔɔli tirishi kiri wulu ki rama wuru-i, nka kí wulubitɔnŋ ki ja-ri kì. Niŋ i tɔnŋ mwu kí bataa wu. 8Sɔɔli i jɔrɔkɔ san fwuniŋ ki sun, ntiŋ ɲaninaŋ kiri rawwulumaan ki, ntiŋ maannaja kili kì. Niŋ na, kí i ntiŋ gbɛ pa de Damasi kili ki ru. 9Sunŋ byaŋ ciiru, ntiŋ i tu ɲaanfwuu u, ntiŋ nufinŋ nu kì, ntiŋ dumiŋ ju mwunu kì.
10Bilinatɔnŋ bɛɛ wuru Damasi, nwɔ̀ tɔ wuru tu Ananiyasi. Ŋuntiŋ ki i a yɛri ji niŋ wu, ǹʼtu ntiŋ tɛ : « Ananiyasi! » Ananiyasi i ǹʼnupwulu : « Haan! Míŋ i kaa Ŋuntiŋ. » 11Ŋuntiŋ ki tu : « Jɔrɔkɔ nukwululula, kí i saa wɔ̀ dɔri-ra tu Telimaan, ŋi i tiri niŋ fan Yudasi wɔ mani ki ru. A miŋ so niŋ mani nu, ŋi i nanɔri tan koŋ bɛɛ bi sun, niŋ koŋ ki tɔ ki i tu Sɔɔli, nwɔ̀ i po-a Tarisi kili ki ra. Ntiŋ i niŋ mani nu, ntiŋ i Kirinŋ nafɛ-ri. 12Ntiŋ wɔ nafɛ ki ciiru, ntiŋ koŋ bɛɛ ja-i, nwɔ̀ tɔ i tu Ananiyasi, tu niŋ i de fu ki ru afinŋ fan, ntiŋ i a gbɛ ki bili afinŋ ɲaninaŋ kiri sun, nwɔma a i maannaja sɛbɛ. »
13Ananiyasi i ǹʼnupwulu tu : « Ŋuntiŋ! Koŋ mwɔɔnna koŋ ka wɔ bijɛ kiri bi-i míŋ ɲaanna, ntiŋ nini wɔ̀ri ma-i ábɔɔ konanbi wɔlinŋ ki wu Yerusalɛmu. 14Ntiŋ na-i kwumaŋ sɛbɛ tanmaan wu, nwɔ̀ i faan wɔri-ra ntiŋ tɛ ŋì i po Kirinŋ tɛ sarakawɔrɔtɔnŋ kiri ŋununtiŋ kiri gbɛ, tu ntiŋ koŋ finŋ woo finŋ kila bili-la ábɛɛ ra, tu ntiŋ i nintiŋ pa. » 15Nka Ŋuntiŋ ki i ǹʼbi Ananiyasi tɛ tu : « Tiri, sabu míŋ koŋ ka ɲaannashi-i, tu ntiŋ i ji ńʼwɔ cinŋ matɔnŋ i. Ntiŋ i míŋ wulu bi shiya tɔri kiri fa arɔɔ masa kiri tɛ, niŋ fa Isirayɛli konanbi ki tɛ, kí i ńʼtɔ. 16Ntiŋ kakan-i ntiŋ i ɲaanfɛkwulu bi wɔ̀ri pa a ra míŋ bira, míŋ a na nini ji ntiŋ wu. » 17Niŋ na, Ananiyasi i jɔrɔkɔ tiri. Ntiŋ ta-i so fu ki ru waarinŋ wɔ̀ ru, ntiŋ i a gbɛ kiri bili Sɔɔli sun, ntiŋ i ǹʼbi tu : « Míŋ tindaŋ Sɔɔli, Ŋuntiŋ Yesu wɔ̀ a yɛri ji-i miŋ wu, ŋì i miŋ tu kwumaŋ na saa ki fan, mìnki míŋ cin na-i miŋ tɛ, nwɔma miŋ ɲaninaŋ kiri i maannaja ǹʼŋunaŋ i, ŋi i faa Ɲiniwɔlinŋ ki ra. » 18Mìŋ manaanŋ tenŋ ki ru, finŋ kulinŋ katari bishi bɛɛ ri i po fɛɛn san Sɔɔli ɲaninaŋ kiri sun, yìrì i maannaja. Ntiŋ i jɔrɔkɔ, kí i ntiŋ wu. 19Niŋ kɔɔtɛ, ntiŋ i nufinŋ nu, ntiŋ i faan kila.
Sɔɔli Kirinŋ wɔ wulu wɔ̀ bi-i Damasi
Sɔɔli i sɔɔ tu Damasi bilinatɔnŋ kiri fan sunŋ dama. 20Mìŋ waaci tenŋ ki ru, ntiŋ i ǹʼsunjo de-ri Yawutu kiri wɔ kalinfu kiri ru, tu Yesu Kirinŋ Danshuru ki i. 21Nwɔ̀ri bataa wuru ntiŋ wɔ wulu kiri rama-a, ǹʼwuru bo-a nini bataa tɔnŋ sun, kí i ǹʼbi-ri tu : « Konwɔtiŋ wuru bilinatɔnŋ kiri cɔɔri-ra Yerusalɛmu, niŋ i ji-i kili wa? Ntiŋ na-ni kwumaŋ wɔ kiri bɛɛ ri pa kɔli tiri Kirinŋ tɛ sarakawɔrɔtɔnŋ kiri ŋununtiŋ kiri tɛ kì wa? » 22Niŋ waari ru, ǹʼbɛɛ wuru bo-a Sɔɔli wɔ bilinabi ki baraka ki sun. Ntiŋ wuru ǹʼbi-a konaŋ kiri tɛ, tu Yesu Kirinŋ Ɲaannakonshimaan ki i. Yawutu wɔ̀ri wuru Damasi, ŋì i bo nini fɔn tɔnŋ sun, kí arì bi wulu tɔ kili kì.
23Waaci bɛɛ na-i so, Yawutu kiri i fu ǹʼsun tu arì Sɔɔli kilɛnka ɲaan ceeli. 24Niŋ ki ciiru, kí wuru kili ki demantɔnŋ kiri pɛrɛkɛ-a cii fa sunŋ, nwɔma arì i ntiŋ kila pa. Sɔɔli tɔɔn i bo niŋ wulu kiri ru, 25niŋ na, bilinatɔnŋ kiri i po ntiŋ wu cii fan, kí i ta ntiŋ jɛri, kili ki kalinkalinŋ ki kɔɔtɛ, shɛɛrinŋ ciiru.#9.25 shɛɛrinŋ ciiru : Kí yaa ri kɔli wuru shɛɛrinŋ ki cɛru miŋ tu kulu li sɔɔ yaa, kí i Sɔɔli bo niŋ nu, kí i ntiŋ jɛri kalinkalinŋ ki kɔɔtɛ.
Sɔɔli somaan ki Yerusalɛmu kili ki ru
26Sɔɔli a pwulu so-i Yerusalɛmu waarinŋ wɔ̀ ru, ntiŋ wuru ǹʼtɛ a i a bo bilinatɔnŋ kiri fan, nka nini bataa i kɛni-ni ntiŋ jɛŋ, sabu kí bili-li ǹʼna tu ntiŋ ji-ri arìbɛɛ bɛɛ ɛ kì. 27Niŋ ki ra, Barinabasi i ta ntiŋ wu cindaŋ kiri tɛ. Sɔɔli Ŋuntiŋ ki ja-i, ŋì i wulu ki bi ntiŋ tɛ ɲaan wɔ̀ tɛ saa ki fan, niŋ fa ntiŋ i ji Yesu bi ki sunjo tɔnnafurubi wu ɲaan wɔ̀ tɛ Damasi kili ki ru, Barinabasi i nini bataa ɲaanbi kí tɛ sɛbɛ.
28Ŋì i shi ninki sun, Sɔɔli i tu a maanni-na cindaŋ kiri fan Yerusalɛmu mani ki bataa ru, kí i Ŋuntiŋ ki bi ki sunjo-ri ŋununfurubi wu. 29Yawutu wɔ̀ri wuru Girɛkiwulu ki bi-a, ntiŋ fa nini i sɔsɔɔlinŋ tan-ni Yesu bi ki sun, nka nini fani wuru ǹʼceeli-la arì i ntiŋ kilɛn. 30Bilinatɔnŋ kiri niŋ tɔ-i waarinŋ wɔ̀ ru, kí i ta ntiŋ bosaara fɔ Sensare. Niŋ kɔɔtɛ, kí i ntiŋ bo tiri Tarisi kili ki ra.
31Niŋ waaci ki ru, bilinatɔnŋ wɔ̀ri wuru Yude niŋ fa Galile fa Samari kɛniŋ kiri bataa ru, nini ɲaanfɛfilimaan wuru-i. Kí i arìmaŋ cunadi-ri, kí i tiri-ri kulubi wu Ŋuntiŋ ki wɔ saa ki fan, kí i bwuu-ri Ɲiniwɔlinŋ ki baraka ra.
Ene kene bi ki Pyɛɛri gbɛ
32Pyɛɛri wuru a maanni de-a kɛniŋ ki bataa ru. Jibi bɛɛ, ntiŋ i ta so wɔlinŋ kiri tɛ kili bɛɛ ra, nwɔ̀ tɔ wuru tu Lida. 33Ntiŋ i koŋ bɛɛ kila niŋ mani nu, nwɔ̀ tɔ wuru tu Ene. Niŋ bilimaan wuru bilifinŋ nu kabi fɔ jiri fulupɔni. Niŋ koŋ ki kɛlinŋ fuuli ki fɔn beenimaan wuru-i.
34Pyɛɛri i ǹʼbi niŋ tɛ tu : « Ene, Yesu Kirisa miŋ kene-i. Jɔrɔkɔ, ŋi i nʼwɔ bilifinŋ ki jɔrɔkɔ. » Mìŋ manaanŋ tenŋ ki ru, ntiŋ i jɔrɔkɔ. 35Lida fa Sarɔnŋ kili ki ru tɔnŋ kiri bataa niŋ ja-i, kí i bilinabi tan Ŋuntiŋ Yesu ra.
36Mari bilinatɔnŋ bɛɛ wuru Yope kili ki ru, nwɔ̀ tɔ wuru tu Tabita, kí i nmari dɔri-ri sɛbɛ tu Dɔrikasi. Nmari wuru shɔɔrinŋ ki ma-a waarinŋ bataa ru, nmari i ye-ri gbɛwɔ kiri tɛ. 37Niŋ mari ki i na kira, nmari i beeni. Kí i nmari kwuu ki wu, kí i ǹʼbili sankasoŋ bɛɛ ru. 38Lida fa Yope nari-ri arìmaŋ na kì. Yope bilinatɔnŋ kiri ǹʼnama-i tu Pyɛɛri a kila Lida kili ki ru waarinŋ wɔ̀ ru, kí i koŋ fuuli cin tiri, ntiŋ dɔri na nukwululula.
39Mìŋ manaanŋ tenŋ ki ru, ntiŋ i tiri kí fan. Kí so-i, kí i tiri ntiŋ wu sankasoŋ ki ciiru. Kanimari kiri bataa i arì kpaan ntiŋ tɛ, kí i ŋuntan-ni. Tabita juulinŋ wɔ̀ri myɛ wɔri tu wuru kí tɛ, kí i nini ji ntiŋ wu. 40Niŋ na, Pyɛɛri tu konaŋ ki bataa po taanna. Ntiŋ i a kwushiri, ntiŋ i Kirinŋ nafɛ. Niŋ kɔɔtɛ, ntiŋ a rapwulu konkwuu ki kɛlintɛ, ntiŋ i ǹʼbi tu : « Tabita, jɔrɔkɔ! » Mari ki i a ɲaninaŋ kiri rawwulu. Nmari Pyɛɛri ja-i waarinŋ wɔ̀ ru, nmari i jɔrɔkɔ sɔɔ a cɛsun. 41Pyɛɛri i nmari pa jɔrɔkɔ a gbɛ sun, niŋ kɔɔtɛ, ntiŋ i kanimari kiri fa wɔlinŋ pyɛ kiri dɔri de, ntiŋ i na Tabita ɲaninkulutɔnŋ ki ji kí wu. 42Yopetɔnŋ kiri bataa i niŋ bi ki tɔ, kí mwɔɔnna i bilinabi ma Ŋuntiŋ ki ra. 43Pyɛɛri i cin Yope kili ki ru, kaatɔnŋ bɛɛ fan awɔ mani nu, nwɔ̀ tɔ wuru tu Simɔŋ.
Currently Selected:
Mabikiri 9: JOB
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.
Mabikiri 9
9
Sɔɔli bilika ɲaan ki Yesu ra
(Mabikiri 22.3–16; 26.9–20; Galasitɔnŋ kiri 1.1–16)
1Niŋ waaci ki ru, Sɔɔli tɔnnabi ki bataa wuru bilinatɔnŋ kiri rukɛni bi ki fa kí kilɛn bi ki i. Ntiŋ i ta Kirinŋ tɛ sarakawɔrɔtɔnŋ kiri tɛ, 2ntiŋ i ta nini nafɛ tu kí sɛbɛ#9.2 Niŋ sɛbɛ ki wuru faan wɔri-ra ntiŋ tɛ, ntiŋ i bilinatɔnŋ kiri pa-ri, koŋ fa ntiŋ suu niŋ sun kì. wɔri a tɛ, a i ta niŋ wɔri Yawutu kiri wɔ kalinfu ŋununtiŋ kiri tɛ Damasi, nwɔma, a afinŋ Ŋuntiŋ ki wɔ saa tiritɔnŋ kiri bɛɛ ri kila nmaŋ, shuru bili mari sun, a i nini pa kɔli tiri Yerusalɛmu.
3Ntiŋ tirira ki tu-i Damasi, ntiŋ myɛmaan juu niŋ kili ki tɛ kɔ, manaanŋ tenŋ nu, manisarinŋ i po kirinpɔli ki ra, ŋì i na tu ntiŋ sun. 4Ntiŋ i fɛɛn fwuniŋ sun, ntiŋ i wulu bɛɛ rama tu : « Sɔɔli, Sɔɔli, miŋ míŋ cɔɔri-ra nfɛnŋ na? » 5Sɔɔli i nanɔri tan tu : « Ábɛɛ nkɛnŋ, Ŋuntiŋ? » Ŋuntiŋ ki i ntiŋ nupwulu tu : « Míŋ i Yesu, miŋ i nwɔ̀ ki cɔɔri-ra, míŋ yɛ. 6Dɔnsaŋ, jɔrɔkɔ de kili ki ru, miŋ a nwɔ̀ ma, niŋ a ta bi miŋ tɛ nmaŋ. »
7Sɔɔli tirishi kiri wulu ki rama wuru-i, nka kí wulubitɔnŋ ki ja-ri kì. Niŋ i tɔnŋ mwu kí bataa wu. 8Sɔɔli i jɔrɔkɔ san fwuniŋ ki sun, ntiŋ ɲaninaŋ kiri rawwulumaan ki, ntiŋ maannaja kili kì. Niŋ na, kí i ntiŋ gbɛ pa de Damasi kili ki ru. 9Sunŋ byaŋ ciiru, ntiŋ i tu ɲaanfwuu u, ntiŋ nufinŋ nu kì, ntiŋ dumiŋ ju mwunu kì.
10Bilinatɔnŋ bɛɛ wuru Damasi, nwɔ̀ tɔ wuru tu Ananiyasi. Ŋuntiŋ ki i a yɛri ji niŋ wu, ǹʼtu ntiŋ tɛ : « Ananiyasi! » Ananiyasi i ǹʼnupwulu : « Haan! Míŋ i kaa Ŋuntiŋ. » 11Ŋuntiŋ ki tu : « Jɔrɔkɔ nukwululula, kí i saa wɔ̀ dɔri-ra tu Telimaan, ŋi i tiri niŋ fan Yudasi wɔ mani ki ru. A miŋ so niŋ mani nu, ŋi i nanɔri tan koŋ bɛɛ bi sun, niŋ koŋ ki tɔ ki i tu Sɔɔli, nwɔ̀ i po-a Tarisi kili ki ra. Ntiŋ i niŋ mani nu, ntiŋ i Kirinŋ nafɛ-ri. 12Ntiŋ wɔ nafɛ ki ciiru, ntiŋ koŋ bɛɛ ja-i, nwɔ̀ tɔ i tu Ananiyasi, tu niŋ i de fu ki ru afinŋ fan, ntiŋ i a gbɛ ki bili afinŋ ɲaninaŋ kiri sun, nwɔma a i maannaja sɛbɛ. »
13Ananiyasi i ǹʼnupwulu tu : « Ŋuntiŋ! Koŋ mwɔɔnna koŋ ka wɔ bijɛ kiri bi-i míŋ ɲaanna, ntiŋ nini wɔ̀ri ma-i ábɔɔ konanbi wɔlinŋ ki wu Yerusalɛmu. 14Ntiŋ na-i kwumaŋ sɛbɛ tanmaan wu, nwɔ̀ i faan wɔri-ra ntiŋ tɛ ŋì i po Kirinŋ tɛ sarakawɔrɔtɔnŋ kiri ŋununtiŋ kiri gbɛ, tu ntiŋ koŋ finŋ woo finŋ kila bili-la ábɛɛ ra, tu ntiŋ i nintiŋ pa. » 15Nka Ŋuntiŋ ki i ǹʼbi Ananiyasi tɛ tu : « Tiri, sabu míŋ koŋ ka ɲaannashi-i, tu ntiŋ i ji ńʼwɔ cinŋ matɔnŋ i. Ntiŋ i míŋ wulu bi shiya tɔri kiri fa arɔɔ masa kiri tɛ, niŋ fa Isirayɛli konanbi ki tɛ, kí i ńʼtɔ. 16Ntiŋ kakan-i ntiŋ i ɲaanfɛkwulu bi wɔ̀ri pa a ra míŋ bira, míŋ a na nini ji ntiŋ wu. » 17Niŋ na, Ananiyasi i jɔrɔkɔ tiri. Ntiŋ ta-i so fu ki ru waarinŋ wɔ̀ ru, ntiŋ i a gbɛ kiri bili Sɔɔli sun, ntiŋ i ǹʼbi tu : « Míŋ tindaŋ Sɔɔli, Ŋuntiŋ Yesu wɔ̀ a yɛri ji-i miŋ wu, ŋì i miŋ tu kwumaŋ na saa ki fan, mìnki míŋ cin na-i miŋ tɛ, nwɔma miŋ ɲaninaŋ kiri i maannaja ǹʼŋunaŋ i, ŋi i faa Ɲiniwɔlinŋ ki ra. » 18Mìŋ manaanŋ tenŋ ki ru, finŋ kulinŋ katari bishi bɛɛ ri i po fɛɛn san Sɔɔli ɲaninaŋ kiri sun, yìrì i maannaja. Ntiŋ i jɔrɔkɔ, kí i ntiŋ wu. 19Niŋ kɔɔtɛ, ntiŋ i nufinŋ nu, ntiŋ i faan kila.
Sɔɔli Kirinŋ wɔ wulu wɔ̀ bi-i Damasi
Sɔɔli i sɔɔ tu Damasi bilinatɔnŋ kiri fan sunŋ dama. 20Mìŋ waaci tenŋ ki ru, ntiŋ i ǹʼsunjo de-ri Yawutu kiri wɔ kalinfu kiri ru, tu Yesu Kirinŋ Danshuru ki i. 21Nwɔ̀ri bataa wuru ntiŋ wɔ wulu kiri rama-a, ǹʼwuru bo-a nini bataa tɔnŋ sun, kí i ǹʼbi-ri tu : « Konwɔtiŋ wuru bilinatɔnŋ kiri cɔɔri-ra Yerusalɛmu, niŋ i ji-i kili wa? Ntiŋ na-ni kwumaŋ wɔ kiri bɛɛ ri pa kɔli tiri Kirinŋ tɛ sarakawɔrɔtɔnŋ kiri ŋununtiŋ kiri tɛ kì wa? » 22Niŋ waari ru, ǹʼbɛɛ wuru bo-a Sɔɔli wɔ bilinabi ki baraka ki sun. Ntiŋ wuru ǹʼbi-a konaŋ kiri tɛ, tu Yesu Kirinŋ Ɲaannakonshimaan ki i. Yawutu wɔ̀ri wuru Damasi, ŋì i bo nini fɔn tɔnŋ sun, kí arì bi wulu tɔ kili kì.
23Waaci bɛɛ na-i so, Yawutu kiri i fu ǹʼsun tu arì Sɔɔli kilɛnka ɲaan ceeli. 24Niŋ ki ciiru, kí wuru kili ki demantɔnŋ kiri pɛrɛkɛ-a cii fa sunŋ, nwɔma arì i ntiŋ kila pa. Sɔɔli tɔɔn i bo niŋ wulu kiri ru, 25niŋ na, bilinatɔnŋ kiri i po ntiŋ wu cii fan, kí i ta ntiŋ jɛri, kili ki kalinkalinŋ ki kɔɔtɛ, shɛɛrinŋ ciiru.#9.25 shɛɛrinŋ ciiru : Kí yaa ri kɔli wuru shɛɛrinŋ ki cɛru miŋ tu kulu li sɔɔ yaa, kí i Sɔɔli bo niŋ nu, kí i ntiŋ jɛri kalinkalinŋ ki kɔɔtɛ.
Sɔɔli somaan ki Yerusalɛmu kili ki ru
26Sɔɔli a pwulu so-i Yerusalɛmu waarinŋ wɔ̀ ru, ntiŋ wuru ǹʼtɛ a i a bo bilinatɔnŋ kiri fan, nka nini bataa i kɛni-ni ntiŋ jɛŋ, sabu kí bili-li ǹʼna tu ntiŋ ji-ri arìbɛɛ bɛɛ ɛ kì. 27Niŋ ki ra, Barinabasi i ta ntiŋ wu cindaŋ kiri tɛ. Sɔɔli Ŋuntiŋ ki ja-i, ŋì i wulu ki bi ntiŋ tɛ ɲaan wɔ̀ tɛ saa ki fan, niŋ fa ntiŋ i ji Yesu bi ki sunjo tɔnnafurubi wu ɲaan wɔ̀ tɛ Damasi kili ki ru, Barinabasi i nini bataa ɲaanbi kí tɛ sɛbɛ.
28Ŋì i shi ninki sun, Sɔɔli i tu a maanni-na cindaŋ kiri fan Yerusalɛmu mani ki bataa ru, kí i Ŋuntiŋ ki bi ki sunjo-ri ŋununfurubi wu. 29Yawutu wɔ̀ri wuru Girɛkiwulu ki bi-a, ntiŋ fa nini i sɔsɔɔlinŋ tan-ni Yesu bi ki sun, nka nini fani wuru ǹʼceeli-la arì i ntiŋ kilɛn. 30Bilinatɔnŋ kiri niŋ tɔ-i waarinŋ wɔ̀ ru, kí i ta ntiŋ bosaara fɔ Sensare. Niŋ kɔɔtɛ, kí i ntiŋ bo tiri Tarisi kili ki ra.
31Niŋ waaci ki ru, bilinatɔnŋ wɔ̀ri wuru Yude niŋ fa Galile fa Samari kɛniŋ kiri bataa ru, nini ɲaanfɛfilimaan wuru-i. Kí i arìmaŋ cunadi-ri, kí i tiri-ri kulubi wu Ŋuntiŋ ki wɔ saa ki fan, kí i bwuu-ri Ɲiniwɔlinŋ ki baraka ra.
Ene kene bi ki Pyɛɛri gbɛ
32Pyɛɛri wuru a maanni de-a kɛniŋ ki bataa ru. Jibi bɛɛ, ntiŋ i ta so wɔlinŋ kiri tɛ kili bɛɛ ra, nwɔ̀ tɔ wuru tu Lida. 33Ntiŋ i koŋ bɛɛ kila niŋ mani nu, nwɔ̀ tɔ wuru tu Ene. Niŋ bilimaan wuru bilifinŋ nu kabi fɔ jiri fulupɔni. Niŋ koŋ ki kɛlinŋ fuuli ki fɔn beenimaan wuru-i.
34Pyɛɛri i ǹʼbi niŋ tɛ tu : « Ene, Yesu Kirisa miŋ kene-i. Jɔrɔkɔ, ŋi i nʼwɔ bilifinŋ ki jɔrɔkɔ. » Mìŋ manaanŋ tenŋ ki ru, ntiŋ i jɔrɔkɔ. 35Lida fa Sarɔnŋ kili ki ru tɔnŋ kiri bataa niŋ ja-i, kí i bilinabi tan Ŋuntiŋ Yesu ra.
36Mari bilinatɔnŋ bɛɛ wuru Yope kili ki ru, nwɔ̀ tɔ wuru tu Tabita, kí i nmari dɔri-ri sɛbɛ tu Dɔrikasi. Nmari wuru shɔɔrinŋ ki ma-a waarinŋ bataa ru, nmari i ye-ri gbɛwɔ kiri tɛ. 37Niŋ mari ki i na kira, nmari i beeni. Kí i nmari kwuu ki wu, kí i ǹʼbili sankasoŋ bɛɛ ru. 38Lida fa Yope nari-ri arìmaŋ na kì. Yope bilinatɔnŋ kiri ǹʼnama-i tu Pyɛɛri a kila Lida kili ki ru waarinŋ wɔ̀ ru, kí i koŋ fuuli cin tiri, ntiŋ dɔri na nukwululula.
39Mìŋ manaanŋ tenŋ ki ru, ntiŋ i tiri kí fan. Kí so-i, kí i tiri ntiŋ wu sankasoŋ ki ciiru. Kanimari kiri bataa i arì kpaan ntiŋ tɛ, kí i ŋuntan-ni. Tabita juulinŋ wɔ̀ri myɛ wɔri tu wuru kí tɛ, kí i nini ji ntiŋ wu. 40Niŋ na, Pyɛɛri tu konaŋ ki bataa po taanna. Ntiŋ i a kwushiri, ntiŋ i Kirinŋ nafɛ. Niŋ kɔɔtɛ, ntiŋ a rapwulu konkwuu ki kɛlintɛ, ntiŋ i ǹʼbi tu : « Tabita, jɔrɔkɔ! » Mari ki i a ɲaninaŋ kiri rawwulu. Nmari Pyɛɛri ja-i waarinŋ wɔ̀ ru, nmari i jɔrɔkɔ sɔɔ a cɛsun. 41Pyɛɛri i nmari pa jɔrɔkɔ a gbɛ sun, niŋ kɔɔtɛ, ntiŋ i kanimari kiri fa wɔlinŋ pyɛ kiri dɔri de, ntiŋ i na Tabita ɲaninkulutɔnŋ ki ji kí wu. 42Yopetɔnŋ kiri bataa i niŋ bi ki tɔ, kí mwɔɔnna i bilinabi ma Ŋuntiŋ ki ra. 43Pyɛɛri i cin Yope kili ki ru, kaatɔnŋ bɛɛ fan awɔ mani nu, nwɔ̀ tɔ wuru tu Simɔŋ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.