Mabikiri 8
8
1-2Sɔɔli yɛrima ki a tu wuru Ecɛni kilɛn ki ra. Ntiŋ beenimaan ki kɔɔtɛ, Kirinŋ jɛŋ kɛnitɔnŋ bɛɛ ri i ta ntiŋ kwuu ki shi, kí i ta ǹʼye. Kí i ntiŋ beŋ ŋuntan kusɛbɛ.
Bilinatɔnŋ kiri cɔɔri bi ki Yerusalɛmu
Mìŋ shikaŋ tenŋ ki ru, Yawutu kiri i cɔɔri sinaŋ shi tu ki tɔnpa bilinatɔnŋ kiri ra Yerusalɛmu. Bilinatɔnŋ kiri bataa i jeɲe ta Yude fa Samari sɔɔta kiri bataa ru, cindaŋ kiri bantenŋ i tu Yerusalɛmu nmaŋ. 3Niŋ waari ru, Sɔɔli i jɔrɔkɔ bilinatɔnŋ kiri cɛfan, ntiŋ wuru ǹʼtɛ a i kí bataa kilɛn kɔ. Ntiŋ wuru de-a kaniŋ kiri bataa sun, ntiŋ i bilinatɔnŋ kiri, ǹʼshuru bili ǹʼmari sun, ntiŋ i kí pa bo-ri nkasu ru.
Kirinŋ wɔ wulu ki so bi ki Samari sɔɔta ki ru
4Bilinatɔnŋ wɔ̀ri bili po san wuru Yerusalɛmu, nini wuru de-a mani ki bataa ru, kí i Kirinŋ wɔ Wulujii ki bi-ri. 5Niŋ waaci ki ru, Filipu i so Samari kili bɛɛ ra, ntiŋ i Kirinŋ Ɲaannakonshimaan ki wulu ki sunjo niŋ mani nu. 6Niŋ kili ki ru tɔnŋ kiri niŋ wulu kiri rama-i, kí i ntiŋ wɔ kabakobi mamaan kiri ja waarinŋ wɔ̀ ru, kí fɔn bataa i arì tɔɔncuka shɔ ntiŋ tɛ. 7Sɛli ki ra, ntiŋ wuru ɲinijɛtiŋ kiri wɔ ɲinijɛ kiri kalikali po san-a kí ru. Ɲinijɛ kiri pora ki wuru yaalinpo-a faanna, mwurunku kiri fa kanŋ tenŋ kiri i kene-ni. 8Niŋ i ji ciirudibi sinaŋ niŋ kili ki bataa ru.
9Koŋ bɛɛ wuru juu niŋ kili ki ru nmaŋ, nwɔ̀ tɔ wuru tu Simɔŋ. Niŋ wuru donpatiŋ i. Ntiŋ mabi kiri wuru bo-a Samaritɔnŋ kiri tɔnŋ sun, ntiŋ i a yɛri ji-ri koŋ sinaŋ i. 10Konaŋ ki bataa kɔli wuru ntiŋ na, daanwulu bili bwuumaan sun, kí i ǹʼbi-ri tu : « Ka koŋ ka i Kirinŋ wɔ Sotinbi sinaŋ ki i dɛ! » 11Kí kɔli wuru ntiŋ na, sabu ntiŋ wɔ donpatinbi bi kiri cin wuru bo-a kí tɔnŋ sun kɔ. 12Nka, Filipu na-i Kirinŋ wɔ Masabi ki fa Yesu Kirisa Wulujii ki bi waarinŋ wɔ̀ ru, konaŋ kiri i bili niŋ na, kí i wu, shuru bili mari sun. 13Donpatiŋ Simɔŋ tu afinŋ yɛrima ki bilinabi tan, kí i ntiŋ wu, ntiŋ i tu Filipu cɛfan sɛbɛ. Niŋ wuru taanmashɛ wɔ̀ri fa kabakobi wɔ̀ri ma-a, nini i ntiŋ ciiru daalinŋ kɔ.
Samaritɔnŋ kiri wɔ Ɲiniwɔlinŋ ki kila bi ki
14Cindaŋ kiri tu-i Yerusalɛmu, kí i ǹʼnama tu Samaritɔnŋ kiri bɛɛ ri arì tu, kí i bili Kirinŋ wɔ wulu ki ra. Kí i Pyɛɛri fa Yuhana cin ta nini tɛ. 15Nini so-i Samari kili ki ru waarinŋ wɔ̀ ru, kí i Kirinŋ nafɛ bilinatɔnŋ kiri tɛ, nwɔma kí i Ɲiniwɔlinŋ ki kila. 16Sɛli ki ra, niŋ bilinatɔnŋ kiri wu waari ki ru, kí wu wuru Ŋuntiŋ Yesu tɔ ki bantenŋ na, Ɲiniwɔlinŋ ki jɛri-ri kí sun sun kì. 17Niŋ na, Pyɛɛri fa Yuhana i arì gbɛ bili bilinatɔnŋ kiri sun, kí i Ɲiniwɔlinŋ ki kila. 18Simɔŋ ǹʼja-i tu bilinatɔnŋ kiri Ɲiniwɔlinŋ ki kila cindaŋ kiri wɔ gbɛ bili ǹʼsun ki ra waarinŋ wɔ̀ ru, ntiŋ i na wari wu Pyɛɛri fa Yuhana tɛ, 19tu : « Á ka sotinbi ka bɛɛ wɔri míŋ tɛ, nwɔma a míŋ ńʼgbɛ bili konwɔtiŋ sun, nintiŋ yɛrima ki i Ɲiniwɔlinŋ ki kila. » 20Pyɛɛri i ǹʼbi ntiŋ tɛ tu : « Miŋ i ǹʼmiiri-ra tu Kirinŋ wɔ kafinŋ ki so-a sa-i wari ra wa? Nʼfa nʼwɔ wari ki, Kirinŋ á fɔn fuuli ki haliki! 21Mɔɔn lu ka kafinŋ ka ru kì, miŋ yɛri fa ǹʼkakan kì, sabu miŋ ciiru ki fɔɔmaan i Kirinŋ ɲaanfɛ kì. 22Ntɔri bi nʼwɔ ɲakilila jɛ ka bira, ŋi i Ŋuntiŋ ki rafɛ, tu ŋì i ǹʼtu nʼtɛ, a niŋ ji-a so ma-i. 23Míŋ ǹʼja-i tu miŋ ciiru ki faa ɲaannajuubi ki ra, fɔ ŋi i ji bijɛ ki wɔ joŋ i. »#8.23 Ǹʼbɛɛ ri tu bijɛ ki wɔ yaa ki kɔli-i miŋ yɛɛra.
24Simɔŋ i ǹʼbi Pyɛɛri fa Yuhana tɛ tu : « Ábɛɛ yɛrima kiri Ŋuntiŋ ki rafɛ míŋ tɛ, nwɔma ábɛɛ nwɔ̀ bi-i, niŋ fa míŋ kila kì. » 25Pyɛɛri fa Yuhana Ŋuntiŋ ki Wulujii ki sunjo kɔ-i konaŋ kiri tɛ waarinŋ wɔ̀ ru, kí i arì pwulu tiri-ri Yerusalɛmu. Kí i Wulujii ki sunjo ta-ri Samari kili kiri mwɔɔnna na arì gbɛ.
Filipu fa Ecopitɔnŋ ki bi ki
26Niŋ kɔɔtɛ, Ŋuntiŋ ki wɔ mɛlɛkɛn ki bɛɛ i ǹʼbi Filipu tɛ tu : « Jɔrɔkɔ tiri woroduu kɛlintɛ, saa wɔ̀ i po-a Yerusalɛmu ŋì i tiri-ri Gasa, ŋi i tiri niŋ fan, koŋ de-a ninwɔ̀ fan kili kì. » 27Filipu i jɔrɔkɔ tiri shuu. Niŋ waaci ki ru, Ecopitɔnŋ bɛɛ wuru yiri-ra Yerusalɛmu Kirinŋ gbɛmaŋ nu, niŋ wuru Ecopi masamari Kandasi wɔ baara matɔnŋ sinaŋ ki bɛɛ, nwɔ̀ wuru nmari wɔ nafulu ki bataa ŋununu. 28Ntiŋ sɔɔ wuru awɔ suuwotoro ki ru, ntiŋ i a pwulu tiri-ri awɔ mani nu, ntiŋ i cintɔnŋ Esayi wɔ sɛbɛ ki kali-li. 29Ɲiniwɔlinŋ ki i ǹʼbi Filipu tɛ : « Tiri suuwotoro ka ra. » 30Filipu i bili ta suuwotoro ki ra, ntiŋ i cintɔnŋ Esayi wɔ sɛbɛ ki kali wulu lama ntiŋ gbɛ, ntiŋ i ntiŋ nanɔri tu : « Miŋ i mani wɔ̀ kali-la kaa, ǹʼyɔ nwɔ̀ bi-a, miŋ niŋ tɔ-i wa? » 31Niŋ koŋ ki i ntiŋ nupwulu : « Míŋ a so niŋ tɔ-i dɔɔkunŋ, a koŋ ǹʼɲaanbi míŋ tɛ kì? » Ntiŋ i Filipu rafɛ tu niŋ de sɔɔ a fan suuwotoro ki ru. 32Ntiŋ wuru Esayi wɔ sɛbɛ ki mani wɔ̀ kali-la, niŋ wuru ǹʼbi-a tu :
« Ntiŋ a gbansan-i miŋ tu saa,
kí i nwɔ̀ pa tiri-ra a kilɛnmaŋ nu.
Aawe, ntiŋ a suncɔ-i miŋ tu saa bulaaŋ,
kí i nwɔ̀ kaan tɛri-ra.
Ntiŋ a tɔnŋ nawwulu kì.
33Kí ntiŋ nufyɛ-i, kí i baa ntiŋ sun.
Kí i daŋ sɔɔ ntiŋ wɔ ɲaninkulutɔnbi ki ra pwɔkulinŋ sun jona,
hali nupo ka tɔri tu ntiŋ na kì! »
34Koŋ ki tu Filipu tɛ : « Míŋ miŋ nafɛ-a, cintɔnŋ ki ka wulu ka bi-a nkɛnŋ sun? A yɛrima ki sun daa, walima koŋ tɔri? » 35Filipu i ǹʼtɔnpa niŋ mani kalimaan ki sun, ntiŋ i Yesu Wulujii ki bi koŋ ki tɛ. 36Ŋì i kí tirira ki tu saa ki fan, kí i ta so ju sun. Koŋ ki tu niŋ na : « Ju i kaa, nfɛnŋ míŋ suu-ra wu ki sun? » 37[Filipu i ntiŋ nupwulu tu : « A miŋ bilinabi ki ma nʼciiru ki bataa wu, miŋ a so wu-i. » Koŋ ki tu : « Míŋ bili-i ǹʼna tu Yesu Kirisa Kirinŋ Danshuru ki i. »] 38Niŋ na, Ecopitɔnŋ ki i suuwotoro ki tu, Filipu i jɛri ntiŋ wu ju ki ru, ntiŋ i ntiŋ wu.
39Kí po san-i ju ki ru waarinŋ wɔ̀ ru, Ŋuntiŋ ki ɲini ki i Filipu shi tiri, Ecopitɔnŋ ki ntiŋ ja kili kì. Nka niŋ ciirudimaan i tiri awɔ saa fan. 40Filipu i ta a yɛri ja Ansɔti kili ki ra. Ntiŋ tirira ki Sensare, ntiŋ de-i kili woo kili la, ntiŋ i Kirinŋ wɔ Wulujii ki bi nini bataa ra.
Currently Selected:
Mabikiri 8: JOB
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.
Mabikiri 8
8
1-2Sɔɔli yɛrima ki a tu wuru Ecɛni kilɛn ki ra. Ntiŋ beenimaan ki kɔɔtɛ, Kirinŋ jɛŋ kɛnitɔnŋ bɛɛ ri i ta ntiŋ kwuu ki shi, kí i ta ǹʼye. Kí i ntiŋ beŋ ŋuntan kusɛbɛ.
Bilinatɔnŋ kiri cɔɔri bi ki Yerusalɛmu
Mìŋ shikaŋ tenŋ ki ru, Yawutu kiri i cɔɔri sinaŋ shi tu ki tɔnpa bilinatɔnŋ kiri ra Yerusalɛmu. Bilinatɔnŋ kiri bataa i jeɲe ta Yude fa Samari sɔɔta kiri bataa ru, cindaŋ kiri bantenŋ i tu Yerusalɛmu nmaŋ. 3Niŋ waari ru, Sɔɔli i jɔrɔkɔ bilinatɔnŋ kiri cɛfan, ntiŋ wuru ǹʼtɛ a i kí bataa kilɛn kɔ. Ntiŋ wuru de-a kaniŋ kiri bataa sun, ntiŋ i bilinatɔnŋ kiri, ǹʼshuru bili ǹʼmari sun, ntiŋ i kí pa bo-ri nkasu ru.
Kirinŋ wɔ wulu ki so bi ki Samari sɔɔta ki ru
4Bilinatɔnŋ wɔ̀ri bili po san wuru Yerusalɛmu, nini wuru de-a mani ki bataa ru, kí i Kirinŋ wɔ Wulujii ki bi-ri. 5Niŋ waaci ki ru, Filipu i so Samari kili bɛɛ ra, ntiŋ i Kirinŋ Ɲaannakonshimaan ki wulu ki sunjo niŋ mani nu. 6Niŋ kili ki ru tɔnŋ kiri niŋ wulu kiri rama-i, kí i ntiŋ wɔ kabakobi mamaan kiri ja waarinŋ wɔ̀ ru, kí fɔn bataa i arì tɔɔncuka shɔ ntiŋ tɛ. 7Sɛli ki ra, ntiŋ wuru ɲinijɛtiŋ kiri wɔ ɲinijɛ kiri kalikali po san-a kí ru. Ɲinijɛ kiri pora ki wuru yaalinpo-a faanna, mwurunku kiri fa kanŋ tenŋ kiri i kene-ni. 8Niŋ i ji ciirudibi sinaŋ niŋ kili ki bataa ru.
9Koŋ bɛɛ wuru juu niŋ kili ki ru nmaŋ, nwɔ̀ tɔ wuru tu Simɔŋ. Niŋ wuru donpatiŋ i. Ntiŋ mabi kiri wuru bo-a Samaritɔnŋ kiri tɔnŋ sun, ntiŋ i a yɛri ji-ri koŋ sinaŋ i. 10Konaŋ ki bataa kɔli wuru ntiŋ na, daanwulu bili bwuumaan sun, kí i ǹʼbi-ri tu : « Ka koŋ ka i Kirinŋ wɔ Sotinbi sinaŋ ki i dɛ! » 11Kí kɔli wuru ntiŋ na, sabu ntiŋ wɔ donpatinbi bi kiri cin wuru bo-a kí tɔnŋ sun kɔ. 12Nka, Filipu na-i Kirinŋ wɔ Masabi ki fa Yesu Kirisa Wulujii ki bi waarinŋ wɔ̀ ru, konaŋ kiri i bili niŋ na, kí i wu, shuru bili mari sun. 13Donpatiŋ Simɔŋ tu afinŋ yɛrima ki bilinabi tan, kí i ntiŋ wu, ntiŋ i tu Filipu cɛfan sɛbɛ. Niŋ wuru taanmashɛ wɔ̀ri fa kabakobi wɔ̀ri ma-a, nini i ntiŋ ciiru daalinŋ kɔ.
Samaritɔnŋ kiri wɔ Ɲiniwɔlinŋ ki kila bi ki
14Cindaŋ kiri tu-i Yerusalɛmu, kí i ǹʼnama tu Samaritɔnŋ kiri bɛɛ ri arì tu, kí i bili Kirinŋ wɔ wulu ki ra. Kí i Pyɛɛri fa Yuhana cin ta nini tɛ. 15Nini so-i Samari kili ki ru waarinŋ wɔ̀ ru, kí i Kirinŋ nafɛ bilinatɔnŋ kiri tɛ, nwɔma kí i Ɲiniwɔlinŋ ki kila. 16Sɛli ki ra, niŋ bilinatɔnŋ kiri wu waari ki ru, kí wu wuru Ŋuntiŋ Yesu tɔ ki bantenŋ na, Ɲiniwɔlinŋ ki jɛri-ri kí sun sun kì. 17Niŋ na, Pyɛɛri fa Yuhana i arì gbɛ bili bilinatɔnŋ kiri sun, kí i Ɲiniwɔlinŋ ki kila. 18Simɔŋ ǹʼja-i tu bilinatɔnŋ kiri Ɲiniwɔlinŋ ki kila cindaŋ kiri wɔ gbɛ bili ǹʼsun ki ra waarinŋ wɔ̀ ru, ntiŋ i na wari wu Pyɛɛri fa Yuhana tɛ, 19tu : « Á ka sotinbi ka bɛɛ wɔri míŋ tɛ, nwɔma a míŋ ńʼgbɛ bili konwɔtiŋ sun, nintiŋ yɛrima ki i Ɲiniwɔlinŋ ki kila. » 20Pyɛɛri i ǹʼbi ntiŋ tɛ tu : « Miŋ i ǹʼmiiri-ra tu Kirinŋ wɔ kafinŋ ki so-a sa-i wari ra wa? Nʼfa nʼwɔ wari ki, Kirinŋ á fɔn fuuli ki haliki! 21Mɔɔn lu ka kafinŋ ka ru kì, miŋ yɛri fa ǹʼkakan kì, sabu miŋ ciiru ki fɔɔmaan i Kirinŋ ɲaanfɛ kì. 22Ntɔri bi nʼwɔ ɲakilila jɛ ka bira, ŋi i Ŋuntiŋ ki rafɛ, tu ŋì i ǹʼtu nʼtɛ, a niŋ ji-a so ma-i. 23Míŋ ǹʼja-i tu miŋ ciiru ki faa ɲaannajuubi ki ra, fɔ ŋi i ji bijɛ ki wɔ joŋ i. »#8.23 Ǹʼbɛɛ ri tu bijɛ ki wɔ yaa ki kɔli-i miŋ yɛɛra.
24Simɔŋ i ǹʼbi Pyɛɛri fa Yuhana tɛ tu : « Ábɛɛ yɛrima kiri Ŋuntiŋ ki rafɛ míŋ tɛ, nwɔma ábɛɛ nwɔ̀ bi-i, niŋ fa míŋ kila kì. » 25Pyɛɛri fa Yuhana Ŋuntiŋ ki Wulujii ki sunjo kɔ-i konaŋ kiri tɛ waarinŋ wɔ̀ ru, kí i arì pwulu tiri-ri Yerusalɛmu. Kí i Wulujii ki sunjo ta-ri Samari kili kiri mwɔɔnna na arì gbɛ.
Filipu fa Ecopitɔnŋ ki bi ki
26Niŋ kɔɔtɛ, Ŋuntiŋ ki wɔ mɛlɛkɛn ki bɛɛ i ǹʼbi Filipu tɛ tu : « Jɔrɔkɔ tiri woroduu kɛlintɛ, saa wɔ̀ i po-a Yerusalɛmu ŋì i tiri-ri Gasa, ŋi i tiri niŋ fan, koŋ de-a ninwɔ̀ fan kili kì. » 27Filipu i jɔrɔkɔ tiri shuu. Niŋ waaci ki ru, Ecopitɔnŋ bɛɛ wuru yiri-ra Yerusalɛmu Kirinŋ gbɛmaŋ nu, niŋ wuru Ecopi masamari Kandasi wɔ baara matɔnŋ sinaŋ ki bɛɛ, nwɔ̀ wuru nmari wɔ nafulu ki bataa ŋununu. 28Ntiŋ sɔɔ wuru awɔ suuwotoro ki ru, ntiŋ i a pwulu tiri-ri awɔ mani nu, ntiŋ i cintɔnŋ Esayi wɔ sɛbɛ ki kali-li. 29Ɲiniwɔlinŋ ki i ǹʼbi Filipu tɛ : « Tiri suuwotoro ka ra. » 30Filipu i bili ta suuwotoro ki ra, ntiŋ i cintɔnŋ Esayi wɔ sɛbɛ ki kali wulu lama ntiŋ gbɛ, ntiŋ i ntiŋ nanɔri tu : « Miŋ i mani wɔ̀ kali-la kaa, ǹʼyɔ nwɔ̀ bi-a, miŋ niŋ tɔ-i wa? » 31Niŋ koŋ ki i ntiŋ nupwulu : « Míŋ a so niŋ tɔ-i dɔɔkunŋ, a koŋ ǹʼɲaanbi míŋ tɛ kì? » Ntiŋ i Filipu rafɛ tu niŋ de sɔɔ a fan suuwotoro ki ru. 32Ntiŋ wuru Esayi wɔ sɛbɛ ki mani wɔ̀ kali-la, niŋ wuru ǹʼbi-a tu :
« Ntiŋ a gbansan-i miŋ tu saa,
kí i nwɔ̀ pa tiri-ra a kilɛnmaŋ nu.
Aawe, ntiŋ a suncɔ-i miŋ tu saa bulaaŋ,
kí i nwɔ̀ kaan tɛri-ra.
Ntiŋ a tɔnŋ nawwulu kì.
33Kí ntiŋ nufyɛ-i, kí i baa ntiŋ sun.
Kí i daŋ sɔɔ ntiŋ wɔ ɲaninkulutɔnbi ki ra pwɔkulinŋ sun jona,
hali nupo ka tɔri tu ntiŋ na kì! »
34Koŋ ki tu Filipu tɛ : « Míŋ miŋ nafɛ-a, cintɔnŋ ki ka wulu ka bi-a nkɛnŋ sun? A yɛrima ki sun daa, walima koŋ tɔri? » 35Filipu i ǹʼtɔnpa niŋ mani kalimaan ki sun, ntiŋ i Yesu Wulujii ki bi koŋ ki tɛ. 36Ŋì i kí tirira ki tu saa ki fan, kí i ta so ju sun. Koŋ ki tu niŋ na : « Ju i kaa, nfɛnŋ míŋ suu-ra wu ki sun? » 37[Filipu i ntiŋ nupwulu tu : « A miŋ bilinabi ki ma nʼciiru ki bataa wu, miŋ a so wu-i. » Koŋ ki tu : « Míŋ bili-i ǹʼna tu Yesu Kirisa Kirinŋ Danshuru ki i. »] 38Niŋ na, Ecopitɔnŋ ki i suuwotoro ki tu, Filipu i jɛri ntiŋ wu ju ki ru, ntiŋ i ntiŋ wu.
39Kí po san-i ju ki ru waarinŋ wɔ̀ ru, Ŋuntiŋ ki ɲini ki i Filipu shi tiri, Ecopitɔnŋ ki ntiŋ ja kili kì. Nka niŋ ciirudimaan i tiri awɔ saa fan. 40Filipu i ta a yɛri ja Ansɔti kili ki ra. Ntiŋ tirira ki Sensare, ntiŋ de-i kili woo kili la, ntiŋ i Kirinŋ wɔ Wulujii ki bi nini bataa ra.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.