Mabikiri 20
20
Pooli tiri wɔ̀ tan-i Maseduwanɛ fa Girɛki kɛniŋ kiri ru
(Ɔrɔmutɔnŋ kiri 15.25–27)
1Wulu mwɔɔnna ki kɔ-i waarinŋ wɔ̀ ru, Pooli i bilinatɔnŋ kiri rakɔli, ntiŋ i kí racin, ntiŋ i kí siratu. Niŋ kɔɔtɛ, ntiŋ i saa ki mwu kí wu, ntiŋ i tiri Maseduwanɛ kɛniŋ ki ru. 2Pooli fwuuderama ki niŋ mani kiri ru, ntiŋ i ta bilinatɔnŋ kiri siratu fan wulu li wu, fɔ ntiŋ i ta so Girɛki kɛniŋ ki ru. 3Ntiŋ i ɲɛ byaŋ ma niŋ mani nu. Ntiŋ wuru ǹʼtɛ a i de kwurinŋ nu, a i ta Siri kɛniŋ ki ru. Nka waarinŋ wɔ̀ ru, ntiŋ na-i ǹʼtɔ tu Yawutu kiri lude afinŋ sun, ntiŋ tu a ra a pwulu Maseduwanɛ kɛlintɛ saa ki fan.
4Koŋ wɔ̀ri fa ntiŋ wuru tiri ki sun, nini tɔ kiri wuru kari i : Pirusi wɔ̀ i po-a Bere kili ki ru, niŋ danshuru Sopatɛri wuru nmaŋ, niŋ fa Tesalonikitɔnŋ bɛɛ ri, nwɔ̀ri tɔ ri wuru tu Arisitariki fa Sekundusi, ŋì i bo Gayusi sun, ninwɔ̀ wuru po-a Dɛribi kili ki ru, ŋì i ta so Timote sun. Asi sɔɔta ki ru koŋ bɛɛ ri i ji wuru nmaŋ, nwɔ̀ri tɔ i tu Tisike fa Torofime. 5Niŋ shuru jɔnpɔni ki i arì bo yibɛɛ jɛŋ, kí i ta yi suu-ri Torohasi kili ki ru. 6Bwuru tuutuubali ɲaannabyɛ ki fwuudemaan ki kɔɔtɛ, yibɛɛ i de kwurinŋ bɛɛ ru Filipi kili ki ra, yi i ta kí cɛfan, yi i sunŋ taanŋ ma, yi i kila yi i de Torohasi. Yibɛɛ so-i niŋ mani nu, yi i nini kila nmaŋ, yi fa kí i kufuluntɔnŋ ma.
Etiyusi kwuu ki ŋmɛni bi ki
7Nufaan jibi ki sisarifuluntɔnŋ ki bilana ki ru, yibɛɛ yi rakɔli-i, yi i ta Ŋuntiŋ ki wɔ fani wɔlinŋ ki nu yimaŋ fan. Pooli wuru ǹʼtɛ a i tiri niŋ sisarifuluntɔnŋ ki i. Niŋ ki ra, ntiŋ i wulubi bilinatɔnŋ kiri tɛ, fɔ ntiŋ i wɔkila ki so. 8Yibɛɛ bataa rakɔlimaan wuru sankasoŋ bɛɛ ciiru. Sifilɛn mwɔɔnna cu sɔɔ sɔɔ ta wuru fu ki ru. 9Niŋ ta wuru fa ɲɔrɔkɔ bɛɛ wu yibɛɛ fan, nwɔ̀ tɔ wuru tu Etiyusi. Niŋ sɔɔ wuru kafarinta ki tɔnŋ ki sun. Pooli i cin awɔ wulu ki ra. Ɲɔrɔkɔ ki i ɲinintan, niŋ i a ɲakili fɔni a yɛri tɛ, niŋ i po kafarinta ki sun, fu sɔɔmaŋ sun byantɔnŋ ki ŋununu, niŋ i na fɛɛn fwuniŋ ki sun. Kí i na ɲɔrɔkɔ ki shi, kí i ǹʼja tu ǹʼbeeni kɔ. 10Niŋ ki ra, Pooli i jɛri, ntiŋ i ta a sunsan ɲɔrɔkɔ ki kwuu ki ŋununu, ntiŋ ǹʼshi a gbɛɛra, ntiŋ tu yibɛɛ tɛ : « Á fa á ciirufɔni kì, ǹʼɲini ki a pwulu na-i, ǹʼŋmɛni-i. »
11Niŋ kɔɔtɛ, Pooli fa bilinatɔnŋ kiri i tunpa ta sankasoŋ ki ciiru, kí i ta Ŋuntiŋ ki wɔ fani wɔlinŋ ki nu arìmaŋ fan. Ntiŋ i wulu ki tɔnpa kí tɛ sɛbɛ, fɔ si ki i ta sari. Si ki sari-i, Pooli i tiri. 12Pooli tirimaan ki kɔɔtɛ, Etiyusi wɔ mani nu tɔnŋ kiri i ntiŋ ɲaninkulutɔnŋ pa tiri kulu. Niŋ i ji kíbɛɛ gbɛ siratubi sinaŋ i.
Yibɛɛ po ki Torohasi, yi i ta Milɛti kili ki ru
13Yibɛɛ pyɛ kiri i de kwurinŋ bɛɛ ru, yi i tiri Pooli jɛŋ fɔ mani bɛɛ ru, nwɔ̀ tɔ i tu Asɔsi. Pooli ǹʼbi wuru tu afinŋ a tiri ta a kanŋ na fɔ niŋ kili ki ra, a i ta de yibɛɛ fan kwurinŋ ki ru niŋ mani nu. 14Ntiŋ ta-i bo yibɛɛ ru Asɔsi, ntiŋ i de yi fan kwurinŋ ki ru, yi i tiri Mitilɛni kili ki ra. 15Yibɛɛ po-i niŋ mani nu jibi wɔ̀, niŋ sisarifuluntɔnŋ ki, yi i so Kiyɔsi ɲaninkileŋ nu. Niŋ sisarifuluntɔnŋ tɔri ki, yi i so Samɔsi. Yibɛɛ po ki sunŋ byantɔnŋ ki, yi i so Milɛti kili ki ra.
16Pooli niŋ ma wuru-i, sabu ntiŋ wuru ǹʼtɛ a i de Efɛsi kɛlina, a ra tu niŋ mani nu kili kì, nwɔma a fa cinka jitan Asi sɔɔta ki ru kì. Ntiŋ kɔrɔtɔ wuru a so ki ra Yerusalɛmu, sabu ntiŋ wuru ǹʼtɛ a i Pantikɔti jibi ki ŋununafu nmaŋ.
Pooli wɔ racinwulu kiri Efɛsi bilinatɔnŋ cɛɛnni kiri tɛ
17Niŋ ki ra, Pooli i tu Milɛti kili ki ra, ntiŋ i dɔri bo Efɛsi bilinatɔnŋ cɛɛnni kiri tɛ. 18Kí na-i ntiŋ maŋ ki ru waarinŋ wɔ̀ ru, ntiŋ tu kí tɛ : « Ńʼtindaŋ ni, míŋ na sun Asi sɔɔta ki ru, kabi ǹʼjibi jɔnɔ ki, ŋì i na so jiŋ sun, niŋ waarinŋ ki bataa ru, míŋ ńʼwɔ ɲaninkulutɔnbi ki ma-i ábɛɛ kanfɛ ɲaan wɔ̀ tɛ, ábɛɛ niŋ ja-i. 19Míŋ Ŋuntiŋ ki wɔ baara ki ma-i sunjɛribi fa ɲaannaju wu. Yawutu kiri fani i ji lude míŋ sun waaci mwɔɔnna nu, kí i ŋununbi mwɔɔnna sɔɔ míŋ sun. 20Niŋ fa a fɔn na, ábɛɛ maku i finŋ woo finŋ na, míŋ niŋ tɔri tenŋ nadu ábɛɛ sun kì. Míŋ Kirinŋ wɔ wulu ki bi-i ábɛɛ tɛ furuba maŋ kiri ru, ŋí i á kali áwɔ mani kiri ru. 21Míŋ ǹʼbi-i Yawutu kiri fa shiya tɔri kiri tɛ tu kí ntɔri bi arɔɔ bijɛ kiri ra Kirinŋ ɲaanfɛ, ńʼtu kí i bili yibɛɛ Ŋuntiŋ Yesu ra.
22Dɔnsaŋ, míŋ tirira i Yerusalɛmu, sabu Ɲiniwɔlinŋ ki i míŋ curu ta-a nmaŋ. Bi wɔ̀ i míŋ jɛŋ, míŋ niŋ tɔ kì. 23Míŋ i ka bantenŋ tɔ-a, míŋ de-i kili woo kili la, Ɲiniwɔlinŋ ki ǹʼji-i míŋ wu, tu nkasu ru bo fa ɲaanfɛkwulu míŋ jɛŋ. 24Niŋ fa a fɔn na, míŋ ńʼyɛri ki ɲini ki ja-a finŋ tɔri kì. Míŋ tɔnnabi ki i, nwɔma ŋí i so ńʼwɔ baara ki rakɔ-i. Ŋuntiŋ Yesu awɔ cinŋ wɔ̀ biye-i míŋ gbɛsun, tu míŋ Kirinŋ wɔ shɔɔrinŋ ki Wulujii ki sunjo konaŋ ki bataa tɛ, míŋ i ninki shɛɛli-la. »
25Pooli tu sɛbɛ : « Míŋ Kirinŋ wɔ Masabi wulu ki sunjo-i ábɛɛ finŋ woo finŋ tɛ, míŋ ǹʼtɔ-i dɔɔ ńʼtu ábɛɛ tɔri ɲaniŋ na bili míŋ sun kili kì. 26Niŋ ki ra, míŋ a ǹʼbi, ŋí i ǹʼfɔɔ ábɛɛ tɛ, ńʼtu koŋ teennaanŋ cunŋ yɛkɛ míŋ sun kì, 27sabu Kirinŋ i ǹʼtɛ a i nwɔ̀ ma, míŋ niŋ bataa bi-i ábɛɛ tɛ, míŋ finŋ tɔri tenŋ nadu ábɛɛ sun kì.
28Á á ɲakili tu á yɛri ra dɛ! Niŋ fa Ɲiniwɔlinŋ ki ábɛɛ sɔɔ saa kwuru wɔ̀ri ŋununu, á i á ɲakili tu nini na. Á á ɲakili tu Kirinŋ wɔ egilisi#20.28 Kirinŋ wɔ konanbi ki i ǹʼwɔ egilisi ki i, fu ki i kì. ki ra, á i ǹʼgbɛrinpaka shɔ, ŋì ninwɔ̀ sa-i a yɛri ki cunŋ ki wu. 29Míŋ ǹʼtɔ-i tu míŋ tirimaan ki kɔɔtɛ, koŋ fɔnitiiri ra na de ábɛɛ kanfɛ, miŋ tu kpalinŋ juumaan ni de-a saa kwuru ru ɲaan wɔ̀ tɛ, yìrì i bi li. 30Hali ábɛɛ ru kwumaŋ, ǹʼbɛɛ ri a na jɔrɔkɔ puru ri wu, kí i bilinatɔnŋ kiri bɛɛ ri sunnɛɛn bo arì cɛfan. 31Niŋ ki ra, á á ɲakili tu á yɛri ra, á i ǹʼtu á ciiru tu jiri byaŋ ciiru, tu míŋ ábɛɛ bataa tenŋ tenŋ nacin cii fa sunŋ, fɔ ŋí i ɲaannaju po á bira.
32Dɔnsaŋ, míŋ i ábɛɛ biye-a Kirinŋ sun, niŋ fa míŋ ǹʼwɔ shɔɔrinŋ wɔ̀ wulu bi-i ábɛɛ tɛ. Ninki a so baraka wɔri-i ábɛɛ tɛ, á i ta jɛŋ bilinabi ki ru, niŋ fa ŋì a tɔnŋ wɔri-i finŋ woo finŋ bira awɔ kiri tɛ, niŋ i ji áwɔ.
33Míŋ ɲaninpo koŋ tɔri tenŋ wɔ warifɔ walima sɛniŋ walima juulinŋ tɛ kì. 34Ábɛɛ yɛrima kiri ǹʼtɔ-i tu míŋ wuru baara ma-a ńʼgbɛ kari ra, ŋí i ńʼyɛri ki fa ńʼtirishi kiri maku shɔ-ri#20.34 Pooli wuru juulinfu ri ramɔnitɔnŋ i. Niŋ mani ki i kila-a Mabikiri 18.3 ki ru sɛbɛ.. 35Niŋ ɲaan ki tɛ, míŋ ǹʼji-i ábɛɛ wu tu yi kakan yi i baara ma, nwɔma yi i so ye-i gbɛwɔ kiri tɛ, yi i yi ɲakili tu Ŋuntiŋ ki yɛri ki wɔ wulu bimaan ki ra tu : ‹ Gbɛ wɔ̀ i wɔri ki tan-a, baraka i niŋ nu, ŋì i fwuu gbɛ wɔ̀ i ǹʼmwu-a. › »
36Niŋ wulu bimaan ki kɔɔtɛ, Pooli fa Efɛsi bilinatɔnŋ cɛɛnni kiri i arì kwushiri, ntiŋ i Kirinŋ nafɛ kí tɛ. 37Niŋ kɔɔtɛ, kí bataa ɲaannajutiŋ ni i arì kɔlɔkɔli#20.37 Niŋ wuru kɔ́ɔ́ bidintɛbi coolinŋ tanka ɲaan ki i. Kí i arì kɔlɔkɔli-la arìmaŋ wu, kí i arì tɔnda walima arìmaŋ cufɛ ri si-ri. ntiŋ wu. 38Kí ciirudi-ri kì, sabu Pooli ǹʼbi wuru tu, kí ɲaniŋ na tu afinŋ na kili kì. Niŋ kɔɔtɛ, kí i ta ntiŋ bosaara kwurinŋ ki tɔnŋ na. Ntiŋ i tiri.
Currently Selected:
Mabikiri 20: JOB
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc.
Mabikiri 20
20
Pooli tiri wɔ̀ tan-i Maseduwanɛ fa Girɛki kɛniŋ kiri ru
(Ɔrɔmutɔnŋ kiri 15.25–27)
1Wulu mwɔɔnna ki kɔ-i waarinŋ wɔ̀ ru, Pooli i bilinatɔnŋ kiri rakɔli, ntiŋ i kí racin, ntiŋ i kí siratu. Niŋ kɔɔtɛ, ntiŋ i saa ki mwu kí wu, ntiŋ i tiri Maseduwanɛ kɛniŋ ki ru. 2Pooli fwuuderama ki niŋ mani kiri ru, ntiŋ i ta bilinatɔnŋ kiri siratu fan wulu li wu, fɔ ntiŋ i ta so Girɛki kɛniŋ ki ru. 3Ntiŋ i ɲɛ byaŋ ma niŋ mani nu. Ntiŋ wuru ǹʼtɛ a i de kwurinŋ nu, a i ta Siri kɛniŋ ki ru. Nka waarinŋ wɔ̀ ru, ntiŋ na-i ǹʼtɔ tu Yawutu kiri lude afinŋ sun, ntiŋ tu a ra a pwulu Maseduwanɛ kɛlintɛ saa ki fan.
4Koŋ wɔ̀ri fa ntiŋ wuru tiri ki sun, nini tɔ kiri wuru kari i : Pirusi wɔ̀ i po-a Bere kili ki ru, niŋ danshuru Sopatɛri wuru nmaŋ, niŋ fa Tesalonikitɔnŋ bɛɛ ri, nwɔ̀ri tɔ ri wuru tu Arisitariki fa Sekundusi, ŋì i bo Gayusi sun, ninwɔ̀ wuru po-a Dɛribi kili ki ru, ŋì i ta so Timote sun. Asi sɔɔta ki ru koŋ bɛɛ ri i ji wuru nmaŋ, nwɔ̀ri tɔ i tu Tisike fa Torofime. 5Niŋ shuru jɔnpɔni ki i arì bo yibɛɛ jɛŋ, kí i ta yi suu-ri Torohasi kili ki ru. 6Bwuru tuutuubali ɲaannabyɛ ki fwuudemaan ki kɔɔtɛ, yibɛɛ i de kwurinŋ bɛɛ ru Filipi kili ki ra, yi i ta kí cɛfan, yi i sunŋ taanŋ ma, yi i kila yi i de Torohasi. Yibɛɛ so-i niŋ mani nu, yi i nini kila nmaŋ, yi fa kí i kufuluntɔnŋ ma.
Etiyusi kwuu ki ŋmɛni bi ki
7Nufaan jibi ki sisarifuluntɔnŋ ki bilana ki ru, yibɛɛ yi rakɔli-i, yi i ta Ŋuntiŋ ki wɔ fani wɔlinŋ ki nu yimaŋ fan. Pooli wuru ǹʼtɛ a i tiri niŋ sisarifuluntɔnŋ ki i. Niŋ ki ra, ntiŋ i wulubi bilinatɔnŋ kiri tɛ, fɔ ntiŋ i wɔkila ki so. 8Yibɛɛ bataa rakɔlimaan wuru sankasoŋ bɛɛ ciiru. Sifilɛn mwɔɔnna cu sɔɔ sɔɔ ta wuru fu ki ru. 9Niŋ ta wuru fa ɲɔrɔkɔ bɛɛ wu yibɛɛ fan, nwɔ̀ tɔ wuru tu Etiyusi. Niŋ sɔɔ wuru kafarinta ki tɔnŋ ki sun. Pooli i cin awɔ wulu ki ra. Ɲɔrɔkɔ ki i ɲinintan, niŋ i a ɲakili fɔni a yɛri tɛ, niŋ i po kafarinta ki sun, fu sɔɔmaŋ sun byantɔnŋ ki ŋununu, niŋ i na fɛɛn fwuniŋ ki sun. Kí i na ɲɔrɔkɔ ki shi, kí i ǹʼja tu ǹʼbeeni kɔ. 10Niŋ ki ra, Pooli i jɛri, ntiŋ i ta a sunsan ɲɔrɔkɔ ki kwuu ki ŋununu, ntiŋ ǹʼshi a gbɛɛra, ntiŋ tu yibɛɛ tɛ : « Á fa á ciirufɔni kì, ǹʼɲini ki a pwulu na-i, ǹʼŋmɛni-i. »
11Niŋ kɔɔtɛ, Pooli fa bilinatɔnŋ kiri i tunpa ta sankasoŋ ki ciiru, kí i ta Ŋuntiŋ ki wɔ fani wɔlinŋ ki nu arìmaŋ fan. Ntiŋ i wulu ki tɔnpa kí tɛ sɛbɛ, fɔ si ki i ta sari. Si ki sari-i, Pooli i tiri. 12Pooli tirimaan ki kɔɔtɛ, Etiyusi wɔ mani nu tɔnŋ kiri i ntiŋ ɲaninkulutɔnŋ pa tiri kulu. Niŋ i ji kíbɛɛ gbɛ siratubi sinaŋ i.
Yibɛɛ po ki Torohasi, yi i ta Milɛti kili ki ru
13Yibɛɛ pyɛ kiri i de kwurinŋ bɛɛ ru, yi i tiri Pooli jɛŋ fɔ mani bɛɛ ru, nwɔ̀ tɔ i tu Asɔsi. Pooli ǹʼbi wuru tu afinŋ a tiri ta a kanŋ na fɔ niŋ kili ki ra, a i ta de yibɛɛ fan kwurinŋ ki ru niŋ mani nu. 14Ntiŋ ta-i bo yibɛɛ ru Asɔsi, ntiŋ i de yi fan kwurinŋ ki ru, yi i tiri Mitilɛni kili ki ra. 15Yibɛɛ po-i niŋ mani nu jibi wɔ̀, niŋ sisarifuluntɔnŋ ki, yi i so Kiyɔsi ɲaninkileŋ nu. Niŋ sisarifuluntɔnŋ tɔri ki, yi i so Samɔsi. Yibɛɛ po ki sunŋ byantɔnŋ ki, yi i so Milɛti kili ki ra.
16Pooli niŋ ma wuru-i, sabu ntiŋ wuru ǹʼtɛ a i de Efɛsi kɛlina, a ra tu niŋ mani nu kili kì, nwɔma a fa cinka jitan Asi sɔɔta ki ru kì. Ntiŋ kɔrɔtɔ wuru a so ki ra Yerusalɛmu, sabu ntiŋ wuru ǹʼtɛ a i Pantikɔti jibi ki ŋununafu nmaŋ.
Pooli wɔ racinwulu kiri Efɛsi bilinatɔnŋ cɛɛnni kiri tɛ
17Niŋ ki ra, Pooli i tu Milɛti kili ki ra, ntiŋ i dɔri bo Efɛsi bilinatɔnŋ cɛɛnni kiri tɛ. 18Kí na-i ntiŋ maŋ ki ru waarinŋ wɔ̀ ru, ntiŋ tu kí tɛ : « Ńʼtindaŋ ni, míŋ na sun Asi sɔɔta ki ru, kabi ǹʼjibi jɔnɔ ki, ŋì i na so jiŋ sun, niŋ waarinŋ ki bataa ru, míŋ ńʼwɔ ɲaninkulutɔnbi ki ma-i ábɛɛ kanfɛ ɲaan wɔ̀ tɛ, ábɛɛ niŋ ja-i. 19Míŋ Ŋuntiŋ ki wɔ baara ki ma-i sunjɛribi fa ɲaannaju wu. Yawutu kiri fani i ji lude míŋ sun waaci mwɔɔnna nu, kí i ŋununbi mwɔɔnna sɔɔ míŋ sun. 20Niŋ fa a fɔn na, ábɛɛ maku i finŋ woo finŋ na, míŋ niŋ tɔri tenŋ nadu ábɛɛ sun kì. Míŋ Kirinŋ wɔ wulu ki bi-i ábɛɛ tɛ furuba maŋ kiri ru, ŋí i á kali áwɔ mani kiri ru. 21Míŋ ǹʼbi-i Yawutu kiri fa shiya tɔri kiri tɛ tu kí ntɔri bi arɔɔ bijɛ kiri ra Kirinŋ ɲaanfɛ, ńʼtu kí i bili yibɛɛ Ŋuntiŋ Yesu ra.
22Dɔnsaŋ, míŋ tirira i Yerusalɛmu, sabu Ɲiniwɔlinŋ ki i míŋ curu ta-a nmaŋ. Bi wɔ̀ i míŋ jɛŋ, míŋ niŋ tɔ kì. 23Míŋ i ka bantenŋ tɔ-a, míŋ de-i kili woo kili la, Ɲiniwɔlinŋ ki ǹʼji-i míŋ wu, tu nkasu ru bo fa ɲaanfɛkwulu míŋ jɛŋ. 24Niŋ fa a fɔn na, míŋ ńʼyɛri ki ɲini ki ja-a finŋ tɔri kì. Míŋ tɔnnabi ki i, nwɔma ŋí i so ńʼwɔ baara ki rakɔ-i. Ŋuntiŋ Yesu awɔ cinŋ wɔ̀ biye-i míŋ gbɛsun, tu míŋ Kirinŋ wɔ shɔɔrinŋ ki Wulujii ki sunjo konaŋ ki bataa tɛ, míŋ i ninki shɛɛli-la. »
25Pooli tu sɛbɛ : « Míŋ Kirinŋ wɔ Masabi wulu ki sunjo-i ábɛɛ finŋ woo finŋ tɛ, míŋ ǹʼtɔ-i dɔɔ ńʼtu ábɛɛ tɔri ɲaniŋ na bili míŋ sun kili kì. 26Niŋ ki ra, míŋ a ǹʼbi, ŋí i ǹʼfɔɔ ábɛɛ tɛ, ńʼtu koŋ teennaanŋ cunŋ yɛkɛ míŋ sun kì, 27sabu Kirinŋ i ǹʼtɛ a i nwɔ̀ ma, míŋ niŋ bataa bi-i ábɛɛ tɛ, míŋ finŋ tɔri tenŋ nadu ábɛɛ sun kì.
28Á á ɲakili tu á yɛri ra dɛ! Niŋ fa Ɲiniwɔlinŋ ki ábɛɛ sɔɔ saa kwuru wɔ̀ri ŋununu, á i á ɲakili tu nini na. Á á ɲakili tu Kirinŋ wɔ egilisi#20.28 Kirinŋ wɔ konanbi ki i ǹʼwɔ egilisi ki i, fu ki i kì. ki ra, á i ǹʼgbɛrinpaka shɔ, ŋì ninwɔ̀ sa-i a yɛri ki cunŋ ki wu. 29Míŋ ǹʼtɔ-i tu míŋ tirimaan ki kɔɔtɛ, koŋ fɔnitiiri ra na de ábɛɛ kanfɛ, miŋ tu kpalinŋ juumaan ni de-a saa kwuru ru ɲaan wɔ̀ tɛ, yìrì i bi li. 30Hali ábɛɛ ru kwumaŋ, ǹʼbɛɛ ri a na jɔrɔkɔ puru ri wu, kí i bilinatɔnŋ kiri bɛɛ ri sunnɛɛn bo arì cɛfan. 31Niŋ ki ra, á á ɲakili tu á yɛri ra, á i ǹʼtu á ciiru tu jiri byaŋ ciiru, tu míŋ ábɛɛ bataa tenŋ tenŋ nacin cii fa sunŋ, fɔ ŋí i ɲaannaju po á bira.
32Dɔnsaŋ, míŋ i ábɛɛ biye-a Kirinŋ sun, niŋ fa míŋ ǹʼwɔ shɔɔrinŋ wɔ̀ wulu bi-i ábɛɛ tɛ. Ninki a so baraka wɔri-i ábɛɛ tɛ, á i ta jɛŋ bilinabi ki ru, niŋ fa ŋì a tɔnŋ wɔri-i finŋ woo finŋ bira awɔ kiri tɛ, niŋ i ji áwɔ.
33Míŋ ɲaninpo koŋ tɔri tenŋ wɔ warifɔ walima sɛniŋ walima juulinŋ tɛ kì. 34Ábɛɛ yɛrima kiri ǹʼtɔ-i tu míŋ wuru baara ma-a ńʼgbɛ kari ra, ŋí i ńʼyɛri ki fa ńʼtirishi kiri maku shɔ-ri#20.34 Pooli wuru juulinfu ri ramɔnitɔnŋ i. Niŋ mani ki i kila-a Mabikiri 18.3 ki ru sɛbɛ.. 35Niŋ ɲaan ki tɛ, míŋ ǹʼji-i ábɛɛ wu tu yi kakan yi i baara ma, nwɔma yi i so ye-i gbɛwɔ kiri tɛ, yi i yi ɲakili tu Ŋuntiŋ ki yɛri ki wɔ wulu bimaan ki ra tu : ‹ Gbɛ wɔ̀ i wɔri ki tan-a, baraka i niŋ nu, ŋì i fwuu gbɛ wɔ̀ i ǹʼmwu-a. › »
36Niŋ wulu bimaan ki kɔɔtɛ, Pooli fa Efɛsi bilinatɔnŋ cɛɛnni kiri i arì kwushiri, ntiŋ i Kirinŋ nafɛ kí tɛ. 37Niŋ kɔɔtɛ, kí bataa ɲaannajutiŋ ni i arì kɔlɔkɔli#20.37 Niŋ wuru kɔ́ɔ́ bidintɛbi coolinŋ tanka ɲaan ki i. Kí i arì kɔlɔkɔli-la arìmaŋ wu, kí i arì tɔnda walima arìmaŋ cufɛ ri si-ri. ntiŋ wu. 38Kí ciirudi-ri kì, sabu Pooli ǹʼbi wuru tu, kí ɲaniŋ na tu afinŋ na kili kì. Niŋ kɔɔtɛ, kí i ta ntiŋ bosaara kwurinŋ ki tɔnŋ na. Ntiŋ i tiri.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc.