Mabikiri 19
19
Efɛsi bilinatɔnŋ kiri bi ki
1Waarinŋ wɔ̀ ru Apolɔsi wuru Korɛnti, Pooli i fwuude Asi sɔɔta ki tɔnŋ maŋ kiri ru, ntiŋ i ta Efɛsi kili ki ru. Ntiŋ i ta bilinatɔnŋ kiri bɛɛ ri kila niŋ mani nu. 2Ntiŋ i nini nanɔri tu : « Ábɛɛ bilinabi ki ma-i waarinŋ wɔ̀ ru, ábɛɛ Ɲiniwɔlinŋ ki kila-i wa? »
Kí i ntiŋ wɔ wulu ki rupwulu tu : « Yibɛɛ yɛri ǹʼnama ja-i sun tu Ɲiniwɔlinŋ ki nmaŋ kì. »
3Ntiŋ i kí ranɔri sɛbɛ tu : « Ábɛɛ wu wuka ɲaan danwɔ tɛ? »
Kí i ǹʼnupwulu tu : « Wutɔnŋ Yuhana wɔ ki. »
4Ntiŋ tu kí tɛ : « Wutɔnŋ Yuhana wɔ wumaanna ki wuru ǹʼji-a tu konaŋ kiri ntɔri bi arɔɔ bijɛ mamaan kiri ra, kí i na Kirinŋ tɛ. Ntiŋ wuru ǹʼbi-a konaŋ kiri tɛ tu koŋ wɔ̀ a na afinŋ kɔɔtɛ, tu kí i na bili niŋ na. Ntiŋ wuru koŋ wɔ̀ wulu bi-a, ninki i Yesu. »
5Kí niŋ wulu ki rama-i waarinŋ wɔ̀ ru, kí i wu Ŋuntiŋ Yesu tɔ ra. 6Pooli i a gbɛ kiri bili kí sun, ntiŋ i Kirinŋ nafɛ kí tɛ. Kí bataa i Ɲiniwɔlinŋ ki kila, kí i wulu tɔri ri fa cintɔnbi wulu li bi-ri, ŋì i kɛɲɛ Kirinŋ nwɔ̀ de wuru kí daru. 7Niŋ koŋ kiri wuru koŋ bwununfuuli bishi i.
8Pooli i ɲɛ byaŋ ma niŋ kili ki ra, ntiŋ i ta-ri Kirinŋ wɔ Masabi ki sunjo-ri konaŋ ki tɛ kalinfu ki ru, ŋununfurubi niŋ fa ŋununsɔɔbi wu, nwɔma kí i ji ǹʼtɛ. 9Nka koŋ mwɔɔnna wuru nmaŋ, nwɔ̀ri wuru ǹʼtɛ arì i bili Yesu bi ki ra kì. Niŋ koŋ kiri wuru Ŋuntiŋ ki wɔ saa kiri fyiisan-a konaŋ ki ru. Niŋ ɲaan ki tɛ, Pooli i kí tu nmaŋ, ntiŋ i tiri bilinatɔnŋ kiri wu arì cinancinŋ, ntiŋ i ta kí kali-li jibi woo jibi Tiranusi wɔ koŋ kalimaŋ ki ru. 10Pooli i jiri fuuli ma niŋ na, fɔ Asi sɔɔta ki ru konaŋ ki bataa, Yawutu bo shiya tɔri kiri sun, kí bataa i Ŋuntiŋ ki wɔ wulu ki rama.
Senfa danshuru kiri bi ki
11Kirinŋ wuru kabakobi sinaŋ mwɔɔnna ma-a Pooli gbɛfɛ Efɛsi kili ki ru, 12fɔ juulinŋ walima fatari wɔ̀ri myɛ-ni Pooli firi ki ra, konaŋ kiri wuru nini shi-a, kí i ta yìrì myɛ-ni arɔɔ kiratɔnŋ kiri fa arɔɔ ɲinijɛtiŋ kiri ra, nini i kene-ni.
13Yawutu bɛɛ ri wuru nmaŋ sɛbɛ, nini wuru arì maanni de-a tu arì ɲinijɛ ri kalikali po san-a kpeeri ru. Jibi bɛɛ, nini bɛɛ ri i ǹʼnaki shɛɛli, tu arì ra ɲinijɛ bɛɛ kalikali Ŋuntiŋ Yesu tɔ ki wu. Kí tu ɲinijɛ ki tɛ tu : « Pooli i Yesu wɔ̀ wulu sunjo-a, yibɛɛ tu, niŋ tɔ ki ra, po! » 14Yawutu kiri wɔ sarakawɔrɔtɔnŋ ŋununtiŋ Senfa danshuru jɔnpɔni ki wuru niŋ baara ki ma shɛɛli-la. 15Ɲinijɛ ki i kí rupwulu tu : « Yesu, míŋ i niŋ tɔ-i, Pooli i nwɔ̀, ŋí i niŋ tɔ-ri. Nka, ábɛɛ, ábɛɛ nkɛnŋ ni? » 16Ɲinijɛtiŋ ki i bili bo kí sun, ntiŋ i kí sungbɛri gbɛri, fɔ kí tatiŋ ni sunwɔ ri i bili po san fu ki ru. 17Efɛsitɔnŋ kiri bataa i niŋ bi ki rama, Yawutu bo shiya tɔri sun, kɛmi sinaŋ i de koŋ bataa ru. Niŋ i ji sababu, kí i Ŋuntiŋ Yesu tɔ ki gbɛ-ri.
18Koŋ wɔ̀ri wuru bilinabi ki ma-a Yesu ra, nini mwɔɔnna wuru na-a tu-ri konaŋ ki ɲaanfɛ, kí i arì tu-ri arɔɔ bijɛ mamaan kiri ra. 19Kí ru donpatiŋ kiri mwɔɔnna wuru na-a arɔɔ baabi ma sɛbɛ kiri wu, kí i na yìrì bilituru-ri konaŋ ki ɲaanna. Niŋ sɛbɛ kiri bomaan ki arìmaŋ sun, yìrì jumaan ki wuru-ra miliyɔnŋ mwɔɔnna po. 20Niŋ ɲaan ki tɛ, Ŋuntiŋ ki wɔ sotinbi ki baraka ra, Kirinŋ wɔ wulu ki wuru baraka kila-a, mwɔɔnna i bo-ri bilinatɔnŋ kiri sun.
Wulu mwɔɔnna wɔ̀ jɔrɔkɔ-i Efɛsi kili ki ru
21Niŋ bi kiri bataa kɔɔtɛ, Ɲiniwɔlinŋ ki baraka ra, Pooli i ǹʼbi tu a tirira ki Yerusalɛmu, tu a ra fwuude Maseduwanɛ fa Akayi kɛniŋ kiri ru. Ntiŋ tu sɛbɛ tu afinŋ so niŋ mani nu waarinŋ wɔ̀ ru, tu a kakan a i so Ɔrɔmu.
22Niŋ ki ra, ntiŋ i a yentɛtɔnŋ fuuli ki, Timote fa Erasitusi cin ta Maseduwanɛ kɛniŋ ki ru sun, ntiŋ yɛri ki i tu kí kɔɔtɛ pyaanniŋ Asi sɔɔta ki ru.
23Niŋ waaci ki ru, wulu mwɔɔnna i jɔrɔkɔ Efɛsi, Yesu wɔ saa ki tiritɔnŋ kiri cɛfan. 24Sɛniŋ kilɛntɔnŋ bɛɛ wuru nmaŋ, nwɔ̀ tɔ wuru tu Demetirusi. Efɛsitɔnŋ kiri wɔ pɛlimari wɔ̀ tɔ wuru tu Aritɛmisi, ntiŋ wuru niŋ fu ki bishi#19.24 Niŋ koŋ ki wuru fuanaŋ bishi ri ramɔni-na, ntiŋ i yìrì ju-ri konaŋ ki sun. Niŋ fuanaŋ ki ji-ri konwɔtiŋ gbɛ, niŋ wuru ǹʼji-a tu pɛli ki nintiŋ gbɛ. ri pyaanŋ namɔni-na warifɔ ra, ntiŋ i nini ju-ri konaŋ ki sun. Demetirusi fa a tɛ baara matɔnŋ kiri wuru nafulu mwɔɔnna kila-a niŋ finŋ kiri jumaan ki ra. 25Demetirusi i a tɛ baara matɔnŋ kiri rakɔli, ŋì i bo kpeeri sun, nwɔ̀ri wuru niŋ baara kwuru ki ma-a, ntiŋ i ǹʼbi kí tɛ :
« Ábɛɛ yɛrima kiri i ǹʼtɔ-a tu yibɔɔ finŋ bataa kila-a ka baara ka ru. 26Nka dɔnsaŋ, Pooli tɔ ka i bi kwuru wɔ̀ri ma-a, ábɛɛ ɲaniŋ i niŋ na, á i ǹʼnama-ni. Ntiŋ tu kirinŋ#19.26 Kí wuru arɔɔ pɛli kiri ji-a arɔɔ kirinŋ kiri i. wɔ̀ri ramɔni konanmini gbɛɛra, tu nini kirinŋ sɛlɛsɛli li kì. Ntiŋ koŋ mwɔɔnna ɲakilila ki rapwulu-i kɔ, kwumaŋ Efɛsi bantenŋ i kì, ntiŋ i juu-ra Asi sɔɔta ki bataa rapo. 27Míŋ i kɛni-na ńʼtu ŋì a yibɔɔ baara ki li, niŋ bantenŋ i kì, konaŋ kiri a Aritɛmisi wɔ fu ki ji finŋ sinaŋ i kili kì. Asi sɔɔta ki ru tɔnŋ kiri fa juniɲa ciiru tɔnŋ kiri bataa i Aritɛmisi wɔ̀ gbɛ-a, niŋ yɛri ki a ji finŋ gbansanŋ i. »
28Demetirusi niŋ wulu kiri bi de-i konaŋ ki ŋununu waarinŋ wɔ̀ ru, kí i arì tɔnkwulu, kí i fali-li, kí i ǹʼbi-ri tu : « Efɛsitɔnŋ kiri wɔ Aritɛmisi bishi nmaŋ kì! » 29Wulu mwɔɔnna ki i kili ki bataa ɲaanmi. Konaŋ ki i ta a rakɔli kili ki ru manjamaŋ ki ru. Tirishi fuuli wɔ̀ri wuru Pooli fan, Gayusi fa Arisitariki, nini wuru Maseduwanɛtiiri i. Konaŋ ki i nini pa tiri arì gbɛɛra. 30Pooli tu a ra ta konaŋ ki ru, nka bilinatɔnŋ kiri ncusun ntiŋ i niŋ ma kì. 31Niŋ fa Asi sɔɔta ki ru koŋ sinaŋ wɔ̀ri wuru Pooli wɔ wɔshuru ri i, nini i ǹʼbi ntiŋ tɛ tu ntiŋ fa ta manjamaŋ ki ru kì.
32Konaŋ ki i a wulu ki ye amaŋ na, koŋ fɔn i a ɲaanna wulu bi-ri, mwɔɔnna yɛri wuru arì rakɔli ŋuŋ ki tɔ-a kì. 33Yawutu bɛɛ ri i wulu bɛɛ bi Alɛkisandiri tɔ bɛɛ tɛ, kí i niŋ curu ta konaŋ ki ɲaanfɛ. Niŋ i a gbɛ fɛshi, tu a ra wulubi konaŋ ki tɛ. 34Nka konaŋ ki ǹʼtɔ-i tu Yawutu i waarinŋ wɔ̀ ru, kí bataa i fali jɔrɔkɔ tu : « Efɛsitɔnŋ kiri wɔ Aritɛmisi bishi nmaŋ kì! » Kí i lɛɛri fuuli ma niŋ na.
35Kili ki ru faan wulu bitɔnŋ ki i na a banba, niŋ i so konaŋ ki gbansan-i. Ntiŋ tu kí tɛ : « Efɛsitiiri, nkɛnŋ nmaŋ, tu nwɔ̀tiŋ ǹʼtɔ-a tu Aritɛmisi wɔ fu ki niŋ fa ǹʼyɛri ki bishi wɔ̀ saa yiri-i kirinpɔlila, tu Efɛsi kili ki nini tiŋ ki fa yìrì ɲaannasuutɔnŋ i kì? 36Koŋ tɔri tenŋ a so niŋ sɔsɔ-i kì. Niŋ ki ra, ábɛɛ kakan-i á i á tɔnsunfili, á fa bi ma bo-ri á ŋununtɛ kì. Á á miiri sun. 37Ábɛɛ baa-a shuru fuuli kari sun, á i kí pa na kwumaŋ, niŋ i faa kí finŋ tɔri tenŋ kwun Aritɛmisi tan fu ki ru kì, kí fani ǹʼtɔ jɛ bi kì.
38Niŋ na, a koŋ ji bi pɔlimaan ma Demetirusi fa a baara mashi kiri wu, kiti kwuru jibi kiri i nmaŋ, kitikwurutɔnŋ kiri fani i ji nmaŋ. Kí tiri niŋ wulu ki wu nini tɛ. 39Walima, a bi tɔri ji nmaŋ, á ra so na-i niŋ wu yibɔɔ maŋ ŋununafu jibi ki sun. 40A niŋ ji-i kì, yibɛɛ yɛri wulu mwɔɔnna wɔ̀ jɔrɔkɔ-i jiŋ, niŋ a so yibɛɛ ŋuniŋ nu-i, ŋì a bi tu yibɛɛ wuru ǹʼceeli-la yi i konaŋ ki ruye. Yibɛɛ rakɔli ŋuŋ ja konaŋ ki ra jiŋ, tu yibɛɛ ra so nwɔ̀ ɲaanbi-i koŋ tɛ kì. » 41Ntiŋ kɔ-i niŋ wulu ki ra waarinŋ wɔ̀ ru, ntiŋ tu konaŋ ki pyɛ.
Currently Selected:
Mabikiri 19: JOB
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc.
Mabikiri 19
19
Efɛsi bilinatɔnŋ kiri bi ki
1Waarinŋ wɔ̀ ru Apolɔsi wuru Korɛnti, Pooli i fwuude Asi sɔɔta ki tɔnŋ maŋ kiri ru, ntiŋ i ta Efɛsi kili ki ru. Ntiŋ i ta bilinatɔnŋ kiri bɛɛ ri kila niŋ mani nu. 2Ntiŋ i nini nanɔri tu : « Ábɛɛ bilinabi ki ma-i waarinŋ wɔ̀ ru, ábɛɛ Ɲiniwɔlinŋ ki kila-i wa? »
Kí i ntiŋ wɔ wulu ki rupwulu tu : « Yibɛɛ yɛri ǹʼnama ja-i sun tu Ɲiniwɔlinŋ ki nmaŋ kì. »
3Ntiŋ i kí ranɔri sɛbɛ tu : « Ábɛɛ wu wuka ɲaan danwɔ tɛ? »
Kí i ǹʼnupwulu tu : « Wutɔnŋ Yuhana wɔ ki. »
4Ntiŋ tu kí tɛ : « Wutɔnŋ Yuhana wɔ wumaanna ki wuru ǹʼji-a tu konaŋ kiri ntɔri bi arɔɔ bijɛ mamaan kiri ra, kí i na Kirinŋ tɛ. Ntiŋ wuru ǹʼbi-a konaŋ kiri tɛ tu koŋ wɔ̀ a na afinŋ kɔɔtɛ, tu kí i na bili niŋ na. Ntiŋ wuru koŋ wɔ̀ wulu bi-a, ninki i Yesu. »
5Kí niŋ wulu ki rama-i waarinŋ wɔ̀ ru, kí i wu Ŋuntiŋ Yesu tɔ ra. 6Pooli i a gbɛ kiri bili kí sun, ntiŋ i Kirinŋ nafɛ kí tɛ. Kí bataa i Ɲiniwɔlinŋ ki kila, kí i wulu tɔri ri fa cintɔnbi wulu li bi-ri, ŋì i kɛɲɛ Kirinŋ nwɔ̀ de wuru kí daru. 7Niŋ koŋ kiri wuru koŋ bwununfuuli bishi i.
8Pooli i ɲɛ byaŋ ma niŋ kili ki ra, ntiŋ i ta-ri Kirinŋ wɔ Masabi ki sunjo-ri konaŋ ki tɛ kalinfu ki ru, ŋununfurubi niŋ fa ŋununsɔɔbi wu, nwɔma kí i ji ǹʼtɛ. 9Nka koŋ mwɔɔnna wuru nmaŋ, nwɔ̀ri wuru ǹʼtɛ arì i bili Yesu bi ki ra kì. Niŋ koŋ kiri wuru Ŋuntiŋ ki wɔ saa kiri fyiisan-a konaŋ ki ru. Niŋ ɲaan ki tɛ, Pooli i kí tu nmaŋ, ntiŋ i tiri bilinatɔnŋ kiri wu arì cinancinŋ, ntiŋ i ta kí kali-li jibi woo jibi Tiranusi wɔ koŋ kalimaŋ ki ru. 10Pooli i jiri fuuli ma niŋ na, fɔ Asi sɔɔta ki ru konaŋ ki bataa, Yawutu bo shiya tɔri kiri sun, kí bataa i Ŋuntiŋ ki wɔ wulu ki rama.
Senfa danshuru kiri bi ki
11Kirinŋ wuru kabakobi sinaŋ mwɔɔnna ma-a Pooli gbɛfɛ Efɛsi kili ki ru, 12fɔ juulinŋ walima fatari wɔ̀ri myɛ-ni Pooli firi ki ra, konaŋ kiri wuru nini shi-a, kí i ta yìrì myɛ-ni arɔɔ kiratɔnŋ kiri fa arɔɔ ɲinijɛtiŋ kiri ra, nini i kene-ni.
13Yawutu bɛɛ ri wuru nmaŋ sɛbɛ, nini wuru arì maanni de-a tu arì ɲinijɛ ri kalikali po san-a kpeeri ru. Jibi bɛɛ, nini bɛɛ ri i ǹʼnaki shɛɛli, tu arì ra ɲinijɛ bɛɛ kalikali Ŋuntiŋ Yesu tɔ ki wu. Kí tu ɲinijɛ ki tɛ tu : « Pooli i Yesu wɔ̀ wulu sunjo-a, yibɛɛ tu, niŋ tɔ ki ra, po! » 14Yawutu kiri wɔ sarakawɔrɔtɔnŋ ŋununtiŋ Senfa danshuru jɔnpɔni ki wuru niŋ baara ki ma shɛɛli-la. 15Ɲinijɛ ki i kí rupwulu tu : « Yesu, míŋ i niŋ tɔ-i, Pooli i nwɔ̀, ŋí i niŋ tɔ-ri. Nka, ábɛɛ, ábɛɛ nkɛnŋ ni? » 16Ɲinijɛtiŋ ki i bili bo kí sun, ntiŋ i kí sungbɛri gbɛri, fɔ kí tatiŋ ni sunwɔ ri i bili po san fu ki ru. 17Efɛsitɔnŋ kiri bataa i niŋ bi ki rama, Yawutu bo shiya tɔri sun, kɛmi sinaŋ i de koŋ bataa ru. Niŋ i ji sababu, kí i Ŋuntiŋ Yesu tɔ ki gbɛ-ri.
18Koŋ wɔ̀ri wuru bilinabi ki ma-a Yesu ra, nini mwɔɔnna wuru na-a tu-ri konaŋ ki ɲaanfɛ, kí i arì tu-ri arɔɔ bijɛ mamaan kiri ra. 19Kí ru donpatiŋ kiri mwɔɔnna wuru na-a arɔɔ baabi ma sɛbɛ kiri wu, kí i na yìrì bilituru-ri konaŋ ki ɲaanna. Niŋ sɛbɛ kiri bomaan ki arìmaŋ sun, yìrì jumaan ki wuru-ra miliyɔnŋ mwɔɔnna po. 20Niŋ ɲaan ki tɛ, Ŋuntiŋ ki wɔ sotinbi ki baraka ra, Kirinŋ wɔ wulu ki wuru baraka kila-a, mwɔɔnna i bo-ri bilinatɔnŋ kiri sun.
Wulu mwɔɔnna wɔ̀ jɔrɔkɔ-i Efɛsi kili ki ru
21Niŋ bi kiri bataa kɔɔtɛ, Ɲiniwɔlinŋ ki baraka ra, Pooli i ǹʼbi tu a tirira ki Yerusalɛmu, tu a ra fwuude Maseduwanɛ fa Akayi kɛniŋ kiri ru. Ntiŋ tu sɛbɛ tu afinŋ so niŋ mani nu waarinŋ wɔ̀ ru, tu a kakan a i so Ɔrɔmu.
22Niŋ ki ra, ntiŋ i a yentɛtɔnŋ fuuli ki, Timote fa Erasitusi cin ta Maseduwanɛ kɛniŋ ki ru sun, ntiŋ yɛri ki i tu kí kɔɔtɛ pyaanniŋ Asi sɔɔta ki ru.
23Niŋ waaci ki ru, wulu mwɔɔnna i jɔrɔkɔ Efɛsi, Yesu wɔ saa ki tiritɔnŋ kiri cɛfan. 24Sɛniŋ kilɛntɔnŋ bɛɛ wuru nmaŋ, nwɔ̀ tɔ wuru tu Demetirusi. Efɛsitɔnŋ kiri wɔ pɛlimari wɔ̀ tɔ wuru tu Aritɛmisi, ntiŋ wuru niŋ fu ki bishi#19.24 Niŋ koŋ ki wuru fuanaŋ bishi ri ramɔni-na, ntiŋ i yìrì ju-ri konaŋ ki sun. Niŋ fuanaŋ ki ji-ri konwɔtiŋ gbɛ, niŋ wuru ǹʼji-a tu pɛli ki nintiŋ gbɛ. ri pyaanŋ namɔni-na warifɔ ra, ntiŋ i nini ju-ri konaŋ ki sun. Demetirusi fa a tɛ baara matɔnŋ kiri wuru nafulu mwɔɔnna kila-a niŋ finŋ kiri jumaan ki ra. 25Demetirusi i a tɛ baara matɔnŋ kiri rakɔli, ŋì i bo kpeeri sun, nwɔ̀ri wuru niŋ baara kwuru ki ma-a, ntiŋ i ǹʼbi kí tɛ :
« Ábɛɛ yɛrima kiri i ǹʼtɔ-a tu yibɔɔ finŋ bataa kila-a ka baara ka ru. 26Nka dɔnsaŋ, Pooli tɔ ka i bi kwuru wɔ̀ri ma-a, ábɛɛ ɲaniŋ i niŋ na, á i ǹʼnama-ni. Ntiŋ tu kirinŋ#19.26 Kí wuru arɔɔ pɛli kiri ji-a arɔɔ kirinŋ kiri i. wɔ̀ri ramɔni konanmini gbɛɛra, tu nini kirinŋ sɛlɛsɛli li kì. Ntiŋ koŋ mwɔɔnna ɲakilila ki rapwulu-i kɔ, kwumaŋ Efɛsi bantenŋ i kì, ntiŋ i juu-ra Asi sɔɔta ki bataa rapo. 27Míŋ i kɛni-na ńʼtu ŋì a yibɔɔ baara ki li, niŋ bantenŋ i kì, konaŋ kiri a Aritɛmisi wɔ fu ki ji finŋ sinaŋ i kili kì. Asi sɔɔta ki ru tɔnŋ kiri fa juniɲa ciiru tɔnŋ kiri bataa i Aritɛmisi wɔ̀ gbɛ-a, niŋ yɛri ki a ji finŋ gbansanŋ i. »
28Demetirusi niŋ wulu kiri bi de-i konaŋ ki ŋununu waarinŋ wɔ̀ ru, kí i arì tɔnkwulu, kí i fali-li, kí i ǹʼbi-ri tu : « Efɛsitɔnŋ kiri wɔ Aritɛmisi bishi nmaŋ kì! » 29Wulu mwɔɔnna ki i kili ki bataa ɲaanmi. Konaŋ ki i ta a rakɔli kili ki ru manjamaŋ ki ru. Tirishi fuuli wɔ̀ri wuru Pooli fan, Gayusi fa Arisitariki, nini wuru Maseduwanɛtiiri i. Konaŋ ki i nini pa tiri arì gbɛɛra. 30Pooli tu a ra ta konaŋ ki ru, nka bilinatɔnŋ kiri ncusun ntiŋ i niŋ ma kì. 31Niŋ fa Asi sɔɔta ki ru koŋ sinaŋ wɔ̀ri wuru Pooli wɔ wɔshuru ri i, nini i ǹʼbi ntiŋ tɛ tu ntiŋ fa ta manjamaŋ ki ru kì.
32Konaŋ ki i a wulu ki ye amaŋ na, koŋ fɔn i a ɲaanna wulu bi-ri, mwɔɔnna yɛri wuru arì rakɔli ŋuŋ ki tɔ-a kì. 33Yawutu bɛɛ ri i wulu bɛɛ bi Alɛkisandiri tɔ bɛɛ tɛ, kí i niŋ curu ta konaŋ ki ɲaanfɛ. Niŋ i a gbɛ fɛshi, tu a ra wulubi konaŋ ki tɛ. 34Nka konaŋ ki ǹʼtɔ-i tu Yawutu i waarinŋ wɔ̀ ru, kí bataa i fali jɔrɔkɔ tu : « Efɛsitɔnŋ kiri wɔ Aritɛmisi bishi nmaŋ kì! » Kí i lɛɛri fuuli ma niŋ na.
35Kili ki ru faan wulu bitɔnŋ ki i na a banba, niŋ i so konaŋ ki gbansan-i. Ntiŋ tu kí tɛ : « Efɛsitiiri, nkɛnŋ nmaŋ, tu nwɔ̀tiŋ ǹʼtɔ-a tu Aritɛmisi wɔ fu ki niŋ fa ǹʼyɛri ki bishi wɔ̀ saa yiri-i kirinpɔlila, tu Efɛsi kili ki nini tiŋ ki fa yìrì ɲaannasuutɔnŋ i kì? 36Koŋ tɔri tenŋ a so niŋ sɔsɔ-i kì. Niŋ ki ra, ábɛɛ kakan-i á i á tɔnsunfili, á fa bi ma bo-ri á ŋununtɛ kì. Á á miiri sun. 37Ábɛɛ baa-a shuru fuuli kari sun, á i kí pa na kwumaŋ, niŋ i faa kí finŋ tɔri tenŋ kwun Aritɛmisi tan fu ki ru kì, kí fani ǹʼtɔ jɛ bi kì.
38Niŋ na, a koŋ ji bi pɔlimaan ma Demetirusi fa a baara mashi kiri wu, kiti kwuru jibi kiri i nmaŋ, kitikwurutɔnŋ kiri fani i ji nmaŋ. Kí tiri niŋ wulu ki wu nini tɛ. 39Walima, a bi tɔri ji nmaŋ, á ra so na-i niŋ wu yibɔɔ maŋ ŋununafu jibi ki sun. 40A niŋ ji-i kì, yibɛɛ yɛri wulu mwɔɔnna wɔ̀ jɔrɔkɔ-i jiŋ, niŋ a so yibɛɛ ŋuniŋ nu-i, ŋì a bi tu yibɛɛ wuru ǹʼceeli-la yi i konaŋ ki ruye. Yibɛɛ rakɔli ŋuŋ ja konaŋ ki ra jiŋ, tu yibɛɛ ra so nwɔ̀ ɲaanbi-i koŋ tɛ kì. » 41Ntiŋ kɔ-i niŋ wulu ki ra waarinŋ wɔ̀ ru, ntiŋ tu konaŋ ki pyɛ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc.