Mabikiri 13
13
Sɔɔli fa Barinabasi ɲaannashi bi ki
1Kirinŋ wɔ cintɔnŋ ni fa kalimɔɔ ri wuru Antiyɔsi bilinatɔnŋ kiri ru. Nini bɛɛ ri tɔ ri wuru Barinabasi niŋ fa Simɔŋ, nwɔ̀ wuru dɔri-ra tu Ninshɛri#13.1 Ninshɛri kɔri ki i tu finŋ mini.. Ǹʼbɛɛ tɔ i ji Lusisi, niŋ wuru po-a Sirɛni sɔɔta ki ru, ǹʼbɛɛ tɔ i ji wuru tu Manahɛni, niŋ fa masa Ɛrɔdi Antipasi rakili wuru arìmaŋ fan. Ǹʼtɔri tɔ i ji wuru tu Sɔɔli.
2Jibi bɛɛ, ŋì i kí tu Ŋuntiŋ ki gbɛ ki fa sunŋ de ki ra, Ɲiniwɔlinŋ ki i wulubi kí tɛ tu : « Á Sɔɔli fa Barinabasi bo mɔ́ɔ́n bo ru, nwɔma míŋ kí dɔri-i cinŋ wɔ̀ ra, kí i so niŋ ma-i. »
3Bilinatɔnŋ kiri niŋ nama-i waarinŋ wɔ̀ ru, kí i waaci tɔri shi, kí i Kirinŋ nafɛ-ri, kí i sunŋ ki de-ri, niŋ kɔɔtɛ, kí i arì gbɛ bili Sɔɔli fa Barinabasi sun, kí i kí bo ta Kirinŋ wɔ baara ki ma.
Barinabasi fa Sɔɔli wɔ wulu ki Sipirɛ mari ki ru
4Ɲiniwɔlinŋ ki Sɔɔli fa Barinabasi cin-i niŋ ɲaan ki tɛ, kí i ta kili bɛɛ ra, nwɔ̀ tɔ i tu Selesi. Kí i po niŋ mani nu, kí i tiri kwurinŋ na Sipirɛ ju faninmwuŋ tintiŋ#13.4 ju faninmwuŋ tintiŋ : Niŋ i mani furu u, ju ki faninmwuŋ fɔ kili i so sɔɔ-ɔ nmaŋ. ki sun. 5Kí ta-i so Salamasi kili ki ru waarinŋ wɔ̀ ru, kí i Kirinŋ wɔ wulu ki sunjo-ri Yawutu kiri wɔ kalinfu kiri ru. Yuhana wɔ̀ wuru dɔri-ra tu Maraka, niŋ wuru kí fan niŋ mani nu, niŋ i ye-ri kí tɛ Kirinŋ wɔ baara ki ra.
6Kí Sipirɛ bataa rukwuru-i, kí i ta so kili bɛɛ ra, nwɔ̀ tɔ i tu Pafɔsi. Kí fa Yawutushuru bɛɛ i ta arìmaŋ ŋununfu, niŋ shuru ki tɔ ki wuru tu Bari-Yesu#13.6 Bari-Yesu : Bari-Yesu kɔri ki wuru niŋ koŋ kiri wɔ wulu ki ru tu Yesu daŋ i. Mìŋ koŋ tenŋ ki tɔ ki i tu Elimasi, Mabikiri ru sɔɔta 13.8 ki ru.. Ntiŋ wuru baabi ma-a, ntiŋ i konaŋ kiri sunnɛɛn-ni, tu afinŋ Kirinŋ wɔ cintɔnŋ ki bɛɛ ɛ. 7Niŋ donpatiŋ ki sɔɔ wuru ju faninmwuŋ tintiŋ ki kɛnintiŋ ki kankantɛ, ninwɔ̀ tɔ wuru tu Sɛrigusi Pɔlusi. Koŋ ɲakili sinantiŋ wuru-i, ntiŋ i Barinabasi fa Sɔɔli dɔri na a tɛ, sabu ntiŋ wuru ǹʼtɛ a i Kirinŋ wɔ wulu ki rama kí gbɛ. 8Nka, niŋ donpatiŋ ki, ninwɔ̀ i dɔri-ra tu Elimasi sɛbɛ, niŋ i tu, niŋ i Barinabasi fa Sɔɔli sɔsɔ-ri, sabu ntiŋ wuru ǹʼtɛ kɛnintiŋ ki i bilinabi ma Yesu ra kì.
9Niŋ ki ra, Sɔɔli, ninwɔ̀ i dɔri-ra sɛbɛ tu Pooli#13.9 Sɔɔli wuru cindaŋ Pooli wɔ Yawutu tɔ ki i. Pooli ki i ji ntiŋ wɔ Ɔrɔmu danjibi tɔ ki i., niŋ faamaan ki Ɲiniwɔlinŋ ki ra, ntiŋ i a ɲaniŋ da donpatiŋ ki ra, ntiŋ i ǹʼbi tu : 10« Miŋ koŋ juumaan daalintiŋ jɛ sarasari shitaannitiŋ kaa, telibi di nwɔ̀ tɛ kì, miŋ a Ŋuntiŋ ki wɔ saa telimaan ki kɛrimaanna ki tɔnbo kì wa? 11Ǹʼshɛɛli, Ŋuntiŋ ki ra a gbɛ bili miŋ sun dɔɔ. Miŋ a ji ɲaanfwuu u. Miŋ a waaci ma, miŋ a sunŋ sarinŋ ja kì. »
Mìŋ manaanŋ tenŋ ki ru, Elimasi ɲaanna i cin, ntiŋ i ji ɲaanfwuu, ntiŋ i a gbɛ maanni de-ri, nwɔma koŋ i a gbɛ pa. 12Pooli kalinŋ wɔ̀ wɔri-i Ŋuntiŋ ki bi ki sun, niŋ i kɛnintiŋ ki ŋununpa. Bi wɔ̀ ma-i donpatiŋ ki wu, ntiŋ niŋ ja-i waarinŋ wɔ̀ ru, ntiŋ i bili Ŋuntiŋ ki ra.
Pooli fa Barinabasi ta ki Antiyɔsi kili ki ra
13Pooli fa a tirishi kiri i de kwurinŋ bɛɛ ru Pafɔsi, kí i ta Pɛrinsi kili ki ra, Panfili kɛniŋ ki ru. Niŋ mani nu, Yuhana wɔ̀ i dɔri-ra sɛbɛ tu Maraka, niŋ a kila san-i kí ra, ntiŋ i a pwulu tiri Yerusalɛmu. 14Pooli fa Barinabasi i po Pɛrinsi kili ki ra, kí i ta kili bɛɛ ra, nwɔ̀ tɔ i tu Antiyɔsi, Pisidi sɔɔta ki ru.
Nufaan jibi ki bɛɛ so-i, kí i ta de sɔɔ kalinfu ki ru. 15Sariya kiri fa Kirinŋ wɔ cintɔnŋ kiri wɔ wulu kiri sɛbɛ ki kali kɔmaan ki kɔɔtɛ, kalinfu ki ŋununtiŋ kiri tu Pooli fa Barinabasi tɛ, tu wulu ji kí gbɛ, kí i ji-a konaŋ ki racin nwɔ̀ wu, tu wulu ki wɔri kí tɛ.
16Niŋ na, Pooli i jɔrɔkɔ tu, ntiŋ i a gbɛ fɛshi konaŋ ki tɛ, tu kí arì tɔɔnye. Ntiŋ tu : « Isirayɛlidaŋ ni, niŋ fa ábɛɛ shiya tɔri ru konaŋ wɔ̀ri i kɛni-na Kirinŋ jɛŋ, á á tɔɔnye míŋ tɛ.
17Isirayɛli wɔ Kirinŋ ki yibɛɛ tiŋ cɛɛnni kiri ɲaannashi-i, ŋì i kí bwuu Misira kɛniŋ ki ru. Niŋ kɔɔtɛ, ŋì i kí po san niŋ mani nu awɔ sotinbi ki wu. 18Ŋì i kɔ́ɔ́ bi kiri bataa kwun a ru, fɔ jiri yaafuuli. 19Niŋ kɔɔtɛ, ŋì i shiya jɔnpɔni haliki po san Kaanna kɛniŋ ki ru, ŋì i niŋ wɔri yibɛɛ tiŋ cɛɛnni kiri tɛ, niŋ i ji kɔ́ɔ́, jiri jankɔli fa jiri yaafuuli fa jiri byinŋ (450) bishi ciiru. 20Niŋ kɔɔtɛ, ŋì i ŋununtiŋ ni sɔɔ Isirayɛlidaŋ kiri ŋununu, fɔ ŋì i na so cintɔnŋ Samuyɛli wɔ sunŋ ki sun. »
21Ntiŋ tu sɛbɛ : « Niŋ waaci ki ru, yibɔɔ shiya ki i masa ceeli, Kirinŋ i Bɛnyamɛŋ nupo, Kiisi danshuru Sayuli wɔri kí tɛ. Niŋ i jiri yaafuuli ma masabi ki ra Isirayɛli ŋununu. 22Kirinŋ na-i Sayuli po san masabi ki ra waarinŋ wɔ̀ ru, ŋì i Dawuda wɔri kí tɛ. Niŋ Dawuda ki bidi wuru Kirinŋ tɛ, fɔ ŋì i ǹʼbi ninki bi sun tu : ‹ Míŋ i koŋ wɔ̀ tɛ, míŋ niŋ kila-i dɔɔ, niŋ i Yesayi danshuru Dawuda a. Ntiŋ a míŋ dintɛ bi kiri bataa maka shɔ. ›
23Kirinŋ Mwutɔnŋ Yesu po-i mìntiŋ ki nupo kiri ru, ŋì i kɛɲɛ awɔ tɔnwɔri ki wu Isirayɛli tɛ. 24Niŋ Mwutɔnŋ ki na ki jɛŋ, Yuhana wulubi-i Isirayɛlidaŋ kiri bataa tɛ, ntiŋ i kí racin tu kí ntɔri bi arɔɔ bijɛ kiri ra tu kí i arì wu.#13.24 Wurama ki i bi-a batisemaanna ki tɛ, ninwɔ̀ i Konfɔanwulu u. Jɔtɔnŋ kiri tu wurama, konfɔaŋ kiri tu batise. 25Waarinŋ wɔ̀ ru, Yuhana wɔ baara ki wuru ta-a a rakɔmaŋ nu, ntiŋ wuru ǹʼbi-a konaŋ kiri tɛ tu kíbɛɛ cirasun afinŋ nkɛnŋ? Tu kíbɛɛ koŋ wɔ̀ saarashɛɛli-la, tu afinŋ niŋ i kì, nka tu ntiŋ a na afinŋ kɔɔtɛ. Tu afinŋ ŋuniŋ kuru ntiŋ wɔ kari yaa pilitɔnŋ i#Yuhana 1.20–27.. »
26Niŋ kɔɔtɛ, Pooli tu : « Ńʼtindaŋ ni, ábɛɛ wɔ̀ri i Aburahamu nupo o, niŋ fa ábɛɛ shiya tɔri wɔ̀ri i kɛni-na Kirinŋ jɛŋ, Kirinŋ a tɔnŋ wɔri wuru koŋ mwu bi wɔ̀ bira, ǹʼyɔ niŋ wɔri-ra yibɛɛ kiri tɛ. 27Yerusalɛmutɔnŋ kiri fa arì ŋununtiŋ kiri Yesu bi ki ɲaantɔ-ri kì. Cintɔnŋ kiri wɔ wulu wɔ̀ri wuru kali-la Nufaan jibi kiri sun kí tɛ, kí ǹʼtɔ-ri tu nini wuru Yesu wulu bi-a kì. Kí i baa ntiŋ sun, kí i ntiŋ pa, kí i kiti ki fɛɛn ntiŋ sun, niŋ i ma miŋ tu cintɔnŋ kiri ǹʼbi wuru ntiŋ bi ki sun ɲaan wɔ̀ tɛ. 28Kí bijɛ tɔri tenŋ kila ntiŋ mwɔɔn nu tu nwɔ̀ a ntiŋ kilɛn ŋuŋ po kì, nka niŋ fa a fɔn na, kí i Pilati rafɛ, tu niŋ ncusun ntiŋ i kilɛn.
29Kí cintɔnŋ kiri wɔ wulu bimaan kiri bataa rafaa-a waarinŋ wɔ̀ ru, kí i ntiŋ jɛri san kpinkpisuu ki sun, kí i ta ntiŋ kwuu ki ye. 30Nka, Kirinŋ ntiŋ ŋmɛni po san-i konkwuu kiri ru. 31Ntiŋ fa koŋ wɔ̀ri yiri wuru Galile arìmaŋ fan, kí i na Yerusalɛmu, ntiŋ a yɛri ji-i nini wu jibi mwɔɔnna. Dɔnsaŋ, niŋ koŋ kiri i ntiŋ wulu ki bi-a Isirayɛlidaŋ kiri tɛ.
32Yibɛɛ yɛrima kiri i ka Wulujii ka bi-a ábɛɛ tɛ : Kirinŋ a tɔnŋ wɔri wuru yibɛɛ tiŋ cɛɛnni kiri tɛ bi wɔ̀ ra, 33ŋì i niŋ bataa rafaa-a yibɛɛ tɛ dɔɔ, yibɛɛ wɔ̀ri i kí nupo kiri i. Ŋì Yesu ŋmɛni po san-i konkwuu kiri ru. Kirinŋ tɛ shu kiri sɛbɛ fuluntɔnŋ ki i ǹʼbi-a Yesu bi ki sun tu :
‹ Minki i míŋ danshuru ki i.
Míŋ ǹʼji-i jiŋ ńʼtu míŋ miŋ tiŋ ki i. ›#Shu kiri 2.7.
34Kirinŋ ǹʼbi wuru tu afinŋ a ntiŋ ŋmɛni po san konkwuu kiri ru, ntiŋ fa gbɛ ta ru kì. Ŋì ninki bi wuru awɔ wulu ki ru tu :
‹ Míŋ yɛrima ki ǹʼbi wuru ńʼtɔnŋ na,
tu míŋ a bi wɔlinŋ wɔ̀ri ma Dawuda tɛ,
sɛli ki ra, míŋ a nini bataa ma ábɛɛ tɛ. ›#Esayi 55.3.
35Niŋ ki ra, ǹʼsɛbɛ-i Kirinŋ tɛ shu kiri mani tɔri ru tu :
‹ Miŋ a na ncusun nʼwɔ wɔlinŋ ki i gbɛ ta ru kì. ›#Shu kiri 16.10.
36Nwɔ̀ i Dawuda, niŋ kɔniŋ Kirinŋ wɔ bi gbɛbilimaan kiri bataa rafaa awɔ sunŋ ki ra. Niŋ kɔɔtɛ, ntiŋ i beeni. Kí i ntiŋ kwuu ki ye a tiŋ cɛɛnni kiri wɔ kiri tɔntɛ, ntiŋ kwuu ki fani i ji gbɛ#13.36 Ka mani ka i ǹʼji-a tu Shu kiri ru wulu ki wuru bi-a Dawuda bi sun kì.. 37Nka, Kirinŋ nwɔ̀ ŋmɛni po san-i konkwuu kiri ru, niŋ kɔniŋ gbɛ kì. 38-39Niŋ ki ra, ńʼtindaŋ ni, á ǹʼtɔ tu Yesu baraka ra, tu ábɔɔ bijɛ kiri so-a tu-i á tɛ. Sɛli ki ra, koŋ finŋ woo finŋ bili Yesu ra, ntiŋ i ji-a koŋ telimaan a Kirinŋ ɲaanfɛ, Musa wɔ sariya ki so ninwɔ̀ ma-i kì. 40Niŋ ki ra, á á yɛri paka shɔ, nwɔma cintɔnŋ kiri wɔ wulu ki fa á pa kì. Kí ǹʼbi wuru tu :
41‹ Á ǹʼshɛɛli, ábɛɛ wɔ̀ri i Kirinŋ wɔ bi kiri rufyɛ-a, á i á kaan-ni yìrì tɛ,
á á ciirufɔni, niŋ kɔɔtɛ, á tu i kɔ pewu!
Sabu míŋ a na bi bɛɛ ma ábɔɔ sunŋ ki ra,
hali koŋ niŋ nakali ábɛɛ tɛ, ábɛɛ ra bili ǹʼna kì. › »
42Pooli fa Barinabasi pora ki kalinfu ki ru, konaŋ kiri i kí rafɛ, tu Nufaan jibi wɔ̀ i saa ra, tu kí na mìŋ wulu tenŋ ki bi arì tɛ sɛbɛ. 43Konaŋ ki ji-i pyɛ-a waarinŋ wɔ̀ ru, Yawutu kiri fa shiya tɔri wɔ̀ri wuru kɛni-na Kirinŋ jɛŋ, nini mwɔɔnna i ǹʼpa Pooli fa Barinabasi cɛfan. Pooli fa Barinabasi i kí siratu, tu kí fa ncusun Kirinŋ wɔ shɔɔrinŋ ka i a mwu arì wu kì.
44Niŋ Nufaan jibi ki na-i so, ŋì i ji miŋ tu kili ki ru konaŋ ki bataa a rakɔli, kí i na arì tɔɔnye Ŋuntiŋ ki wɔ wulu kiri tɛ Pooli fa Barinabasi tɔnŋ na. 45Yawutu kiri niŋ konaŋ kiri ja-i waarinŋ wɔ̀ ru, tɛnbi i de kí ru, kí i Pooli sɔsɔ-ri, kí i ntiŋ nufyɛ-ri.
46Pooli fa Barinabasi i ǹʼfɔɔ bi kí tɛ tɔnnafurubi wu tu : « Kirinŋ wɔ wulu ki kakan wuru-i, ŋì i sunjo ábɛɛ Yawutu kiri tɛ sun. Nka, miŋ tu ábɛɛ á kaan-a ǹʼtɛ, á i á yɛri ji miŋ tu ɲaninkulutɔnbi kɔbali ki bi ábɛɛ ra kì, dɔnsaŋ, yibɛɛ ra yi ɲaannupwulu ta shiya tɔri#13.46 shiya tɔri : Shiya tɔri kiri i shiya ri i, nwɔ̀ri Yawutu ri kì. Kirinŋ Isirayɛli ɲaannashi wuru awɔ konanbi ki i, shiya pyɛ kiri bataa i dɔri-ri tu shiya tɔri ri. kiri tɛ. 47Sɛli ki ra, Ŋuntiŋ ki wɔ wulu ki ǹʼbi-i tu :
‹ Míŋ miŋ sɔɔ, ŋí i nʼji shiya kiri wɔ manisarinŋ i,
nwɔma ŋi i ta konanmini mwu wulu ki sunjo,
fɔ juniɲa mani ki bataa ru. ›#Esayi 49.6. »
48Shiya tɔri kiri niŋ wulu ki rama-i waarinŋ wɔ̀ ru, kí bataa ciiru i di, kí i Ŋuntiŋ ki wɔ wulu ki gbɛ-ri. Kirinŋ koŋ wɔ̀ri ɲaannashi wuru, nwɔma kí i ɲaninkulutɔnbi kɔbali ki kila, nini bataa i bilinabi ki ma Yesu ra.
49Niŋ ɲaan ki tɛ, Ŋuntiŋ ki wɔ wulu ki i jeɲe niŋ sɔɔta ki bataa ru. 50Mari tɔtiŋ wɔ̀ri fa shuru tɔtiŋ wɔ̀ri de wuru Yawutu kiri wɔ dinɛ ki ru, Yawutu kiri i ta nini nuye, kí i Pooli fa Barinabasi cɔɔri, kí i kí kalikali po san arɔɔ sɔɔta ki ru. 51Pooli fa Barinabasi pora ki, nini i arì kanŋ na fwuu ki tuntu san arì kanŋ kiri ra niŋ mani nmaŋ, niŋ kɔɔtɛ kí i tiri Ikoniyɔmu kili ki ra#13.51 Kanŋ na fwuu yuuyuu ki kɔri ki i tu Pooli fa Barabasi ǹʼji-a tu arìbɛɛ kanŋ niŋ kili ki ratɔnŋ kiri wɔ bi dantenŋ nu kili kì.. 52Nwɔ̀ wuru Antiyɔsi bilinatɔnŋ kiri, nini bataa ciirudimaan faamaan i ji-i Ɲiniwɔlinŋ ki ra.
Currently Selected:
Mabikiri 13: JOB
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc.
Mabikiri 13
13
Sɔɔli fa Barinabasi ɲaannashi bi ki
1Kirinŋ wɔ cintɔnŋ ni fa kalimɔɔ ri wuru Antiyɔsi bilinatɔnŋ kiri ru. Nini bɛɛ ri tɔ ri wuru Barinabasi niŋ fa Simɔŋ, nwɔ̀ wuru dɔri-ra tu Ninshɛri#13.1 Ninshɛri kɔri ki i tu finŋ mini.. Ǹʼbɛɛ tɔ i ji Lusisi, niŋ wuru po-a Sirɛni sɔɔta ki ru, ǹʼbɛɛ tɔ i ji wuru tu Manahɛni, niŋ fa masa Ɛrɔdi Antipasi rakili wuru arìmaŋ fan. Ǹʼtɔri tɔ i ji wuru tu Sɔɔli.
2Jibi bɛɛ, ŋì i kí tu Ŋuntiŋ ki gbɛ ki fa sunŋ de ki ra, Ɲiniwɔlinŋ ki i wulubi kí tɛ tu : « Á Sɔɔli fa Barinabasi bo mɔ́ɔ́n bo ru, nwɔma míŋ kí dɔri-i cinŋ wɔ̀ ra, kí i so niŋ ma-i. »
3Bilinatɔnŋ kiri niŋ nama-i waarinŋ wɔ̀ ru, kí i waaci tɔri shi, kí i Kirinŋ nafɛ-ri, kí i sunŋ ki de-ri, niŋ kɔɔtɛ, kí i arì gbɛ bili Sɔɔli fa Barinabasi sun, kí i kí bo ta Kirinŋ wɔ baara ki ma.
Barinabasi fa Sɔɔli wɔ wulu ki Sipirɛ mari ki ru
4Ɲiniwɔlinŋ ki Sɔɔli fa Barinabasi cin-i niŋ ɲaan ki tɛ, kí i ta kili bɛɛ ra, nwɔ̀ tɔ i tu Selesi. Kí i po niŋ mani nu, kí i tiri kwurinŋ na Sipirɛ ju faninmwuŋ tintiŋ#13.4 ju faninmwuŋ tintiŋ : Niŋ i mani furu u, ju ki faninmwuŋ fɔ kili i so sɔɔ-ɔ nmaŋ. ki sun. 5Kí ta-i so Salamasi kili ki ru waarinŋ wɔ̀ ru, kí i Kirinŋ wɔ wulu ki sunjo-ri Yawutu kiri wɔ kalinfu kiri ru. Yuhana wɔ̀ wuru dɔri-ra tu Maraka, niŋ wuru kí fan niŋ mani nu, niŋ i ye-ri kí tɛ Kirinŋ wɔ baara ki ra.
6Kí Sipirɛ bataa rukwuru-i, kí i ta so kili bɛɛ ra, nwɔ̀ tɔ i tu Pafɔsi. Kí fa Yawutushuru bɛɛ i ta arìmaŋ ŋununfu, niŋ shuru ki tɔ ki wuru tu Bari-Yesu#13.6 Bari-Yesu : Bari-Yesu kɔri ki wuru niŋ koŋ kiri wɔ wulu ki ru tu Yesu daŋ i. Mìŋ koŋ tenŋ ki tɔ ki i tu Elimasi, Mabikiri ru sɔɔta 13.8 ki ru.. Ntiŋ wuru baabi ma-a, ntiŋ i konaŋ kiri sunnɛɛn-ni, tu afinŋ Kirinŋ wɔ cintɔnŋ ki bɛɛ ɛ. 7Niŋ donpatiŋ ki sɔɔ wuru ju faninmwuŋ tintiŋ ki kɛnintiŋ ki kankantɛ, ninwɔ̀ tɔ wuru tu Sɛrigusi Pɔlusi. Koŋ ɲakili sinantiŋ wuru-i, ntiŋ i Barinabasi fa Sɔɔli dɔri na a tɛ, sabu ntiŋ wuru ǹʼtɛ a i Kirinŋ wɔ wulu ki rama kí gbɛ. 8Nka, niŋ donpatiŋ ki, ninwɔ̀ i dɔri-ra tu Elimasi sɛbɛ, niŋ i tu, niŋ i Barinabasi fa Sɔɔli sɔsɔ-ri, sabu ntiŋ wuru ǹʼtɛ kɛnintiŋ ki i bilinabi ma Yesu ra kì.
9Niŋ ki ra, Sɔɔli, ninwɔ̀ i dɔri-ra sɛbɛ tu Pooli#13.9 Sɔɔli wuru cindaŋ Pooli wɔ Yawutu tɔ ki i. Pooli ki i ji ntiŋ wɔ Ɔrɔmu danjibi tɔ ki i., niŋ faamaan ki Ɲiniwɔlinŋ ki ra, ntiŋ i a ɲaniŋ da donpatiŋ ki ra, ntiŋ i ǹʼbi tu : 10« Miŋ koŋ juumaan daalintiŋ jɛ sarasari shitaannitiŋ kaa, telibi di nwɔ̀ tɛ kì, miŋ a Ŋuntiŋ ki wɔ saa telimaan ki kɛrimaanna ki tɔnbo kì wa? 11Ǹʼshɛɛli, Ŋuntiŋ ki ra a gbɛ bili miŋ sun dɔɔ. Miŋ a ji ɲaanfwuu u. Miŋ a waaci ma, miŋ a sunŋ sarinŋ ja kì. »
Mìŋ manaanŋ tenŋ ki ru, Elimasi ɲaanna i cin, ntiŋ i ji ɲaanfwuu, ntiŋ i a gbɛ maanni de-ri, nwɔma koŋ i a gbɛ pa. 12Pooli kalinŋ wɔ̀ wɔri-i Ŋuntiŋ ki bi ki sun, niŋ i kɛnintiŋ ki ŋununpa. Bi wɔ̀ ma-i donpatiŋ ki wu, ntiŋ niŋ ja-i waarinŋ wɔ̀ ru, ntiŋ i bili Ŋuntiŋ ki ra.
Pooli fa Barinabasi ta ki Antiyɔsi kili ki ra
13Pooli fa a tirishi kiri i de kwurinŋ bɛɛ ru Pafɔsi, kí i ta Pɛrinsi kili ki ra, Panfili kɛniŋ ki ru. Niŋ mani nu, Yuhana wɔ̀ i dɔri-ra sɛbɛ tu Maraka, niŋ a kila san-i kí ra, ntiŋ i a pwulu tiri Yerusalɛmu. 14Pooli fa Barinabasi i po Pɛrinsi kili ki ra, kí i ta kili bɛɛ ra, nwɔ̀ tɔ i tu Antiyɔsi, Pisidi sɔɔta ki ru.
Nufaan jibi ki bɛɛ so-i, kí i ta de sɔɔ kalinfu ki ru. 15Sariya kiri fa Kirinŋ wɔ cintɔnŋ kiri wɔ wulu kiri sɛbɛ ki kali kɔmaan ki kɔɔtɛ, kalinfu ki ŋununtiŋ kiri tu Pooli fa Barinabasi tɛ, tu wulu ji kí gbɛ, kí i ji-a konaŋ ki racin nwɔ̀ wu, tu wulu ki wɔri kí tɛ.
16Niŋ na, Pooli i jɔrɔkɔ tu, ntiŋ i a gbɛ fɛshi konaŋ ki tɛ, tu kí arì tɔɔnye. Ntiŋ tu : « Isirayɛlidaŋ ni, niŋ fa ábɛɛ shiya tɔri ru konaŋ wɔ̀ri i kɛni-na Kirinŋ jɛŋ, á á tɔɔnye míŋ tɛ.
17Isirayɛli wɔ Kirinŋ ki yibɛɛ tiŋ cɛɛnni kiri ɲaannashi-i, ŋì i kí bwuu Misira kɛniŋ ki ru. Niŋ kɔɔtɛ, ŋì i kí po san niŋ mani nu awɔ sotinbi ki wu. 18Ŋì i kɔ́ɔ́ bi kiri bataa kwun a ru, fɔ jiri yaafuuli. 19Niŋ kɔɔtɛ, ŋì i shiya jɔnpɔni haliki po san Kaanna kɛniŋ ki ru, ŋì i niŋ wɔri yibɛɛ tiŋ cɛɛnni kiri tɛ, niŋ i ji kɔ́ɔ́, jiri jankɔli fa jiri yaafuuli fa jiri byinŋ (450) bishi ciiru. 20Niŋ kɔɔtɛ, ŋì i ŋununtiŋ ni sɔɔ Isirayɛlidaŋ kiri ŋununu, fɔ ŋì i na so cintɔnŋ Samuyɛli wɔ sunŋ ki sun. »
21Ntiŋ tu sɛbɛ : « Niŋ waaci ki ru, yibɔɔ shiya ki i masa ceeli, Kirinŋ i Bɛnyamɛŋ nupo, Kiisi danshuru Sayuli wɔri kí tɛ. Niŋ i jiri yaafuuli ma masabi ki ra Isirayɛli ŋununu. 22Kirinŋ na-i Sayuli po san masabi ki ra waarinŋ wɔ̀ ru, ŋì i Dawuda wɔri kí tɛ. Niŋ Dawuda ki bidi wuru Kirinŋ tɛ, fɔ ŋì i ǹʼbi ninki bi sun tu : ‹ Míŋ i koŋ wɔ̀ tɛ, míŋ niŋ kila-i dɔɔ, niŋ i Yesayi danshuru Dawuda a. Ntiŋ a míŋ dintɛ bi kiri bataa maka shɔ. ›
23Kirinŋ Mwutɔnŋ Yesu po-i mìntiŋ ki nupo kiri ru, ŋì i kɛɲɛ awɔ tɔnwɔri ki wu Isirayɛli tɛ. 24Niŋ Mwutɔnŋ ki na ki jɛŋ, Yuhana wulubi-i Isirayɛlidaŋ kiri bataa tɛ, ntiŋ i kí racin tu kí ntɔri bi arɔɔ bijɛ kiri ra tu kí i arì wu.#13.24 Wurama ki i bi-a batisemaanna ki tɛ, ninwɔ̀ i Konfɔanwulu u. Jɔtɔnŋ kiri tu wurama, konfɔaŋ kiri tu batise. 25Waarinŋ wɔ̀ ru, Yuhana wɔ baara ki wuru ta-a a rakɔmaŋ nu, ntiŋ wuru ǹʼbi-a konaŋ kiri tɛ tu kíbɛɛ cirasun afinŋ nkɛnŋ? Tu kíbɛɛ koŋ wɔ̀ saarashɛɛli-la, tu afinŋ niŋ i kì, nka tu ntiŋ a na afinŋ kɔɔtɛ. Tu afinŋ ŋuniŋ kuru ntiŋ wɔ kari yaa pilitɔnŋ i#Yuhana 1.20–27.. »
26Niŋ kɔɔtɛ, Pooli tu : « Ńʼtindaŋ ni, ábɛɛ wɔ̀ri i Aburahamu nupo o, niŋ fa ábɛɛ shiya tɔri wɔ̀ri i kɛni-na Kirinŋ jɛŋ, Kirinŋ a tɔnŋ wɔri wuru koŋ mwu bi wɔ̀ bira, ǹʼyɔ niŋ wɔri-ra yibɛɛ kiri tɛ. 27Yerusalɛmutɔnŋ kiri fa arì ŋununtiŋ kiri Yesu bi ki ɲaantɔ-ri kì. Cintɔnŋ kiri wɔ wulu wɔ̀ri wuru kali-la Nufaan jibi kiri sun kí tɛ, kí ǹʼtɔ-ri tu nini wuru Yesu wulu bi-a kì. Kí i baa ntiŋ sun, kí i ntiŋ pa, kí i kiti ki fɛɛn ntiŋ sun, niŋ i ma miŋ tu cintɔnŋ kiri ǹʼbi wuru ntiŋ bi ki sun ɲaan wɔ̀ tɛ. 28Kí bijɛ tɔri tenŋ kila ntiŋ mwɔɔn nu tu nwɔ̀ a ntiŋ kilɛn ŋuŋ po kì, nka niŋ fa a fɔn na, kí i Pilati rafɛ, tu niŋ ncusun ntiŋ i kilɛn.
29Kí cintɔnŋ kiri wɔ wulu bimaan kiri bataa rafaa-a waarinŋ wɔ̀ ru, kí i ntiŋ jɛri san kpinkpisuu ki sun, kí i ta ntiŋ kwuu ki ye. 30Nka, Kirinŋ ntiŋ ŋmɛni po san-i konkwuu kiri ru. 31Ntiŋ fa koŋ wɔ̀ri yiri wuru Galile arìmaŋ fan, kí i na Yerusalɛmu, ntiŋ a yɛri ji-i nini wu jibi mwɔɔnna. Dɔnsaŋ, niŋ koŋ kiri i ntiŋ wulu ki bi-a Isirayɛlidaŋ kiri tɛ.
32Yibɛɛ yɛrima kiri i ka Wulujii ka bi-a ábɛɛ tɛ : Kirinŋ a tɔnŋ wɔri wuru yibɛɛ tiŋ cɛɛnni kiri tɛ bi wɔ̀ ra, 33ŋì i niŋ bataa rafaa-a yibɛɛ tɛ dɔɔ, yibɛɛ wɔ̀ri i kí nupo kiri i. Ŋì Yesu ŋmɛni po san-i konkwuu kiri ru. Kirinŋ tɛ shu kiri sɛbɛ fuluntɔnŋ ki i ǹʼbi-a Yesu bi ki sun tu :
‹ Minki i míŋ danshuru ki i.
Míŋ ǹʼji-i jiŋ ńʼtu míŋ miŋ tiŋ ki i. ›#Shu kiri 2.7.
34Kirinŋ ǹʼbi wuru tu afinŋ a ntiŋ ŋmɛni po san konkwuu kiri ru, ntiŋ fa gbɛ ta ru kì. Ŋì ninki bi wuru awɔ wulu ki ru tu :
‹ Míŋ yɛrima ki ǹʼbi wuru ńʼtɔnŋ na,
tu míŋ a bi wɔlinŋ wɔ̀ri ma Dawuda tɛ,
sɛli ki ra, míŋ a nini bataa ma ábɛɛ tɛ. ›#Esayi 55.3.
35Niŋ ki ra, ǹʼsɛbɛ-i Kirinŋ tɛ shu kiri mani tɔri ru tu :
‹ Miŋ a na ncusun nʼwɔ wɔlinŋ ki i gbɛ ta ru kì. ›#Shu kiri 16.10.
36Nwɔ̀ i Dawuda, niŋ kɔniŋ Kirinŋ wɔ bi gbɛbilimaan kiri bataa rafaa awɔ sunŋ ki ra. Niŋ kɔɔtɛ, ntiŋ i beeni. Kí i ntiŋ kwuu ki ye a tiŋ cɛɛnni kiri wɔ kiri tɔntɛ, ntiŋ kwuu ki fani i ji gbɛ#13.36 Ka mani ka i ǹʼji-a tu Shu kiri ru wulu ki wuru bi-a Dawuda bi sun kì.. 37Nka, Kirinŋ nwɔ̀ ŋmɛni po san-i konkwuu kiri ru, niŋ kɔniŋ gbɛ kì. 38-39Niŋ ki ra, ńʼtindaŋ ni, á ǹʼtɔ tu Yesu baraka ra, tu ábɔɔ bijɛ kiri so-a tu-i á tɛ. Sɛli ki ra, koŋ finŋ woo finŋ bili Yesu ra, ntiŋ i ji-a koŋ telimaan a Kirinŋ ɲaanfɛ, Musa wɔ sariya ki so ninwɔ̀ ma-i kì. 40Niŋ ki ra, á á yɛri paka shɔ, nwɔma cintɔnŋ kiri wɔ wulu ki fa á pa kì. Kí ǹʼbi wuru tu :
41‹ Á ǹʼshɛɛli, ábɛɛ wɔ̀ri i Kirinŋ wɔ bi kiri rufyɛ-a, á i á kaan-ni yìrì tɛ,
á á ciirufɔni, niŋ kɔɔtɛ, á tu i kɔ pewu!
Sabu míŋ a na bi bɛɛ ma ábɔɔ sunŋ ki ra,
hali koŋ niŋ nakali ábɛɛ tɛ, ábɛɛ ra bili ǹʼna kì. › »
42Pooli fa Barinabasi pora ki kalinfu ki ru, konaŋ kiri i kí rafɛ, tu Nufaan jibi wɔ̀ i saa ra, tu kí na mìŋ wulu tenŋ ki bi arì tɛ sɛbɛ. 43Konaŋ ki ji-i pyɛ-a waarinŋ wɔ̀ ru, Yawutu kiri fa shiya tɔri wɔ̀ri wuru kɛni-na Kirinŋ jɛŋ, nini mwɔɔnna i ǹʼpa Pooli fa Barinabasi cɛfan. Pooli fa Barinabasi i kí siratu, tu kí fa ncusun Kirinŋ wɔ shɔɔrinŋ ka i a mwu arì wu kì.
44Niŋ Nufaan jibi ki na-i so, ŋì i ji miŋ tu kili ki ru konaŋ ki bataa a rakɔli, kí i na arì tɔɔnye Ŋuntiŋ ki wɔ wulu kiri tɛ Pooli fa Barinabasi tɔnŋ na. 45Yawutu kiri niŋ konaŋ kiri ja-i waarinŋ wɔ̀ ru, tɛnbi i de kí ru, kí i Pooli sɔsɔ-ri, kí i ntiŋ nufyɛ-ri.
46Pooli fa Barinabasi i ǹʼfɔɔ bi kí tɛ tɔnnafurubi wu tu : « Kirinŋ wɔ wulu ki kakan wuru-i, ŋì i sunjo ábɛɛ Yawutu kiri tɛ sun. Nka, miŋ tu ábɛɛ á kaan-a ǹʼtɛ, á i á yɛri ji miŋ tu ɲaninkulutɔnbi kɔbali ki bi ábɛɛ ra kì, dɔnsaŋ, yibɛɛ ra yi ɲaannupwulu ta shiya tɔri#13.46 shiya tɔri : Shiya tɔri kiri i shiya ri i, nwɔ̀ri Yawutu ri kì. Kirinŋ Isirayɛli ɲaannashi wuru awɔ konanbi ki i, shiya pyɛ kiri bataa i dɔri-ri tu shiya tɔri ri. kiri tɛ. 47Sɛli ki ra, Ŋuntiŋ ki wɔ wulu ki ǹʼbi-i tu :
‹ Míŋ miŋ sɔɔ, ŋí i nʼji shiya kiri wɔ manisarinŋ i,
nwɔma ŋi i ta konanmini mwu wulu ki sunjo,
fɔ juniɲa mani ki bataa ru. ›#Esayi 49.6. »
48Shiya tɔri kiri niŋ wulu ki rama-i waarinŋ wɔ̀ ru, kí bataa ciiru i di, kí i Ŋuntiŋ ki wɔ wulu ki gbɛ-ri. Kirinŋ koŋ wɔ̀ri ɲaannashi wuru, nwɔma kí i ɲaninkulutɔnbi kɔbali ki kila, nini bataa i bilinabi ki ma Yesu ra.
49Niŋ ɲaan ki tɛ, Ŋuntiŋ ki wɔ wulu ki i jeɲe niŋ sɔɔta ki bataa ru. 50Mari tɔtiŋ wɔ̀ri fa shuru tɔtiŋ wɔ̀ri de wuru Yawutu kiri wɔ dinɛ ki ru, Yawutu kiri i ta nini nuye, kí i Pooli fa Barinabasi cɔɔri, kí i kí kalikali po san arɔɔ sɔɔta ki ru. 51Pooli fa Barinabasi pora ki, nini i arì kanŋ na fwuu ki tuntu san arì kanŋ kiri ra niŋ mani nmaŋ, niŋ kɔɔtɛ kí i tiri Ikoniyɔmu kili ki ra#13.51 Kanŋ na fwuu yuuyuu ki kɔri ki i tu Pooli fa Barabasi ǹʼji-a tu arìbɛɛ kanŋ niŋ kili ki ratɔnŋ kiri wɔ bi dantenŋ nu kili kì.. 52Nwɔ̀ wuru Antiyɔsi bilinatɔnŋ kiri, nini bataa ciirudimaan faamaan i ji-i Ɲiniwɔlinŋ ki ra.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc.