Mabikiri 12
12
Yakuba kilɛn bi ki fa Pyɛɛri wɔ nkasu ru bo ki
1Niŋ waaci ki ru, masa Ɛrɔdi bilinatɔnŋ kiri bɛɛ ri pa wuru-i, ntiŋ i kí makwulujuu. 2Ntiŋ i Yuhana tindaŋ Yakuba kilɛn baamwuru ra. 3Ntiŋ ǹʼja-i tu niŋ di Yawutu kiri tɛ, ntiŋ i Pyɛɛri yɛri ki pa. Niŋ bi kiri ma-i bwuru tuutuubali ɲaannabyɛ ki waaci ki ru. 4Ɛrɔdi wuru ǹʼtɛ, a i ta ntiŋ wɔ kiti ki kwuru konaŋ ki ɲaanfɛ bwuru tuutuubali ɲaannabyɛ ki fwuudemaan ki kɔɔtɛ, niŋ ki ra, ntiŋ i ntiŋ de surudashi koŋ bwununtaanmani gbɛfɛ, tu nini ntiŋ kɔrɔshi-ri sun. 5Pyɛɛri wuru nkasu ki ru, bilinatɔnŋ kiri cɛrukɔlimaan i ji Kirinŋ nafɛ ki ra ntiŋ tɛ.
Pyɛɛri po sanka ɲaan ki nkasu ki ru
6Ɛrɔdi wuru ǹʼtɛ, a i ta Pyɛɛri wu konaŋ ki ɲaanfɛ jibi wɔ̀ ru siira, niŋ shikaŋ cii ki ru, Pyɛɛri ɲinintanmaan ki wuru surudashi fuuli faninmwuŋ, ntiŋ kɔlimaan ki i ji-i peejɔlɔkɔ fuuli la. Surudashi kiri bɛɛ ri i tu faatɔnŋ ki ra, kí i nkasufu ki pɛrɛkɛ-ri. 7Ŋuntiŋ ki wɔ mɛlɛkɛn ki bɛɛ i na de nkasufu ki ru. Manisarinŋ ki i nkasufu ki bataa faa. Mɛlɛkɛn ki i Pyɛɛri sunbwɔ bwɔ a yalaka ki ra, ŋì i ntiŋ ŋmɛni, ŋì i ǹʼbi : « Jɔrɔkɔ nukwululula. » Mìŋ manaanŋ tenŋ ki ru, jɔlɔkɔ kiri i fɛɛn san ntiŋ gbɛ kiri ra. 8Niŋ kɔɔtɛ, mɛlɛkɛn ki i ǹʼbi tu ntiŋ a rukɔli, tu ntiŋ i awɔ kari kiri ye a kanŋ na. Ntiŋ i ǹʼma ninkunŋ. Niŋ kɔɔtɛ, mɛlɛkɛn ki i ǹʼbi : « Nʼwɔ jɛrɛbi sinaŋ ki shi, ŋi i ǹʼpa míŋ cɛfan. »
9Pyɛɛri i ǹʼpa mɛlɛkɛn ki cɛfan. Mɛlɛkɛn ki wuru nwɔ̀ ma-a, ntiŋ ǹʼtɔ-ri tu niŋ sɛli i kì, ǹʼwuru ntiŋ cirasun tu afinŋ jii-ra. 10Kí i ta fwuude surudashi kwuru jɔnɔ ki sun, kí i ta fwuude kwuru fuluntɔnŋ ki sun, fɔ kí i ta so peebuŋ sinaŋ ki sun, ninwɔ̀ wuru rawwulu tiri-ra kili ki tɛ. Niŋ tɔnŋ ki i nawwulu a yɛrɛtɛ, kí i po taanna, kí i saa ki shi. Kí ta-i jɛŋ pyaanniŋ, mɛlɛkɛn ki i juu.
11Mɛlɛkɛn ki tirimaan ki kɔɔtɛ, Pyɛɛri ɲakili ki i waa, ntiŋ i ǹʼbi tu : « Míŋ ǹʼtɔ-i dɔnsaŋ, ŋí i ǹʼfɔɔ tu Ŋuntiŋ ki awɔ mɛlɛkɛn ki bɛɛ bo na, ŋì i na míŋ mwu Ɛrɔdi wɔ faan ki fa Yawutu kiri wɔ janfa kɔlimaan kiri bataa wu. »
12Niŋ na, ntiŋ i ta Mariyamu wɔ̀ mani nu. Yuhana wɔ̀ wuru dɔri-ra tu Maraka, niŋ ɲiŋ ki wuru niŋ Mariyamu ki i. Koŋ mwɔɔnna nakɔlimaan wuru niŋ mani nu, kí i Kirinŋ nafɛ-ri ntiŋ tɛ. 13Pyɛɛri so-i, ntiŋ i fu ki tɔnŋ nakɔkɔ. Jonmari bɛɛ wuru nmaŋ, niŋ tɔ ki wuru tu Oroda, niŋ i na tu a ra ǹʼnawwulu. 14Niŋ i Pyɛɛri wulu ki tɔ, nmari so fu ki tɔnŋ nawwulu-i ciirudibi ki gbɛɛra kì, nmari i bili tiri ǹʼbi fu ciiru wɔ̀ kiri tɛ, tu Pyɛɛri tu faatɔnŋ ki ra, tanŋ ki ra. 15Kí i ǹʼbi nmari tɛ : « Julu i bo-a miŋ nu dɛ! » Nka Oroda a san a wulu la kì, nmari tu sɛli yɛrima ki i. Kí tu : « Ŋì a ta ŋì i Pyɛɛri cɛfan mɛlɛkɛn ki tu kì! »#12.15 Niŋ waari ru konaŋ kiri bili wuru ǹʼna tu mɛlɛkɛn konaŋ bataa cɛfan, tu niŋ so-a a yɛri ji-i kpeeri wu ntiŋ beenimaan ki kɔɔtɛ miŋ tu yibɔɔ konminiŋ. 16Pyɛɛri i tu faatɔnŋ ki kɔkɔ-a nmaŋ. Kí na-i ǹʼnawwulu, kí i ntiŋ ja waarinŋ wɔ̀ ru, ŋì i bo kí bataa tɔnŋ sun. 17Ntiŋ a gbɛ ruti kí tɛ tu kí arì tɔɔnye. Ŋuntiŋ ki ntiŋ po san-i nkasu ki ru ɲaan wɔ̀ tɛ, ntiŋ i niŋ ɲaanbi kí tɛ. Ntiŋ tu kí ta ka wulu ka bi Yakuba#12.17 Yakuba wɔ̀ wulu i bi-a kwumaŋ, niŋ wuru Ŋuntiŋ Yesu pwaŋ i. fa tindaŋ pyɛ kiri tɛ. Niŋ kɔɔtɛ ntiŋ i po san niŋ mani nu, ntiŋ i tiri kankanŋ tɔri tɛ.
18Si ki sari-i, surudashi kiri Pyɛɛri ja kì. Ntiŋ ji wuru ɲaan wɔ̀ tɛ, kí tɔri dantenŋ niŋ tɔ-ri kì. Niŋ na, kí bataa ciirufɔnimaan i jɔrɔkɔ tu arì kanŋ sun, kí i ntiŋ ceeli de-ri mani ki bataa ru. 19Ɛrɔdi na-i ǹʼtɔ waarinŋ wɔ̀ ru, tu ntiŋ a mwu, ntiŋ tu ntiŋ ceeli, nka kí ntiŋ ja kì. Ntiŋ i nkasufu ki ɲaannasuutɔnŋ kiri dɔri na a tɛ, ntiŋ i kí ranɔri, ntiŋ wulu kila kí daru kì. Niŋ na, ntiŋ i ǹʼbi tu kí nini bataa pa kilɛn. Niŋ kɔɔtɛ, Pyɛɛri i po Yude, ntiŋ i ta Sensare, ntiŋ i ta waaci ma niŋ mani nu.
20Ɛrɔdi tɔnkwulu wuru Tiiritɔnŋ kiri fa Sidɔntɔnŋ kiri cɛfan kusɛbɛ. Nini i fu ǹʼsun, tu arì ta arì yɛri rafɛ ntiŋ gbɛ, sabu kɔ́ɔ́ kɛniŋ ki wɔ nubilaŋ ki wuru po-a ntiŋ wɔ kɛniŋ ki ru. Niŋ ɲaan ki tɛ, kí i masa ki wɔ kaniŋ ki ɲaannasuutɔnŋ Bilasitusi kila ji arɔɔ wɔshuru u, niŋ fa masa ki i ta bi fu jibi ra. 21Jibi kubilimaan ki so-i, Ɛrɔdi i awɔ masajɛrɛbi sinaŋ ki bo a sun, ntiŋ i ta sɔɔ awɔ masawaalinŋ ki sun, ntiŋ i wulu sinaŋ ni bi kí tɛ. 22Niŋ ma-i, konaŋ ki i ntiŋ sundɔri-ri tu : « Ka a konanmini wulu u kili kì, nka Kirinŋ wulu yɛ. » 23Mìŋ manaanŋ tenŋ ki ru, Ŋuntiŋ ki wɔ mɛlɛkɛn ki bɛɛ i na kira bo ntiŋ sun, sabu ntiŋ Kirinŋ wɔ gbɛbi ki ji wuru awɔ. Cininaŋ ni i ntiŋ ciiru finŋ kiri bataa nu, ntiŋ i beeni.
24Niŋ fa a fɔn na, Kirinŋ wɔ wulu ki kɔniŋ wuru jeɲe tiri-ra jɛŋ.
25Barinabasi fa Sɔɔli na wuru cinŋ wɔ̀ ma Yerusalɛmu, niŋ kɔ-i waarinŋ wɔ̀ ru, kí i arì pwulu tiri Antiyɔsi. Kí pwulula ki i ta Yuhana wu arì gbɛ, ninwɔ̀ wuru dɔri-ra sɛbɛ tu Maraka.
Currently Selected:
Mabikiri 12: JOB
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc.
Mabikiri 12
12
Yakuba kilɛn bi ki fa Pyɛɛri wɔ nkasu ru bo ki
1Niŋ waaci ki ru, masa Ɛrɔdi bilinatɔnŋ kiri bɛɛ ri pa wuru-i, ntiŋ i kí makwulujuu. 2Ntiŋ i Yuhana tindaŋ Yakuba kilɛn baamwuru ra. 3Ntiŋ ǹʼja-i tu niŋ di Yawutu kiri tɛ, ntiŋ i Pyɛɛri yɛri ki pa. Niŋ bi kiri ma-i bwuru tuutuubali ɲaannabyɛ ki waaci ki ru. 4Ɛrɔdi wuru ǹʼtɛ, a i ta ntiŋ wɔ kiti ki kwuru konaŋ ki ɲaanfɛ bwuru tuutuubali ɲaannabyɛ ki fwuudemaan ki kɔɔtɛ, niŋ ki ra, ntiŋ i ntiŋ de surudashi koŋ bwununtaanmani gbɛfɛ, tu nini ntiŋ kɔrɔshi-ri sun. 5Pyɛɛri wuru nkasu ki ru, bilinatɔnŋ kiri cɛrukɔlimaan i ji Kirinŋ nafɛ ki ra ntiŋ tɛ.
Pyɛɛri po sanka ɲaan ki nkasu ki ru
6Ɛrɔdi wuru ǹʼtɛ, a i ta Pyɛɛri wu konaŋ ki ɲaanfɛ jibi wɔ̀ ru siira, niŋ shikaŋ cii ki ru, Pyɛɛri ɲinintanmaan ki wuru surudashi fuuli faninmwuŋ, ntiŋ kɔlimaan ki i ji-i peejɔlɔkɔ fuuli la. Surudashi kiri bɛɛ ri i tu faatɔnŋ ki ra, kí i nkasufu ki pɛrɛkɛ-ri. 7Ŋuntiŋ ki wɔ mɛlɛkɛn ki bɛɛ i na de nkasufu ki ru. Manisarinŋ ki i nkasufu ki bataa faa. Mɛlɛkɛn ki i Pyɛɛri sunbwɔ bwɔ a yalaka ki ra, ŋì i ntiŋ ŋmɛni, ŋì i ǹʼbi : « Jɔrɔkɔ nukwululula. » Mìŋ manaanŋ tenŋ ki ru, jɔlɔkɔ kiri i fɛɛn san ntiŋ gbɛ kiri ra. 8Niŋ kɔɔtɛ, mɛlɛkɛn ki i ǹʼbi tu ntiŋ a rukɔli, tu ntiŋ i awɔ kari kiri ye a kanŋ na. Ntiŋ i ǹʼma ninkunŋ. Niŋ kɔɔtɛ, mɛlɛkɛn ki i ǹʼbi : « Nʼwɔ jɛrɛbi sinaŋ ki shi, ŋi i ǹʼpa míŋ cɛfan. »
9Pyɛɛri i ǹʼpa mɛlɛkɛn ki cɛfan. Mɛlɛkɛn ki wuru nwɔ̀ ma-a, ntiŋ ǹʼtɔ-ri tu niŋ sɛli i kì, ǹʼwuru ntiŋ cirasun tu afinŋ jii-ra. 10Kí i ta fwuude surudashi kwuru jɔnɔ ki sun, kí i ta fwuude kwuru fuluntɔnŋ ki sun, fɔ kí i ta so peebuŋ sinaŋ ki sun, ninwɔ̀ wuru rawwulu tiri-ra kili ki tɛ. Niŋ tɔnŋ ki i nawwulu a yɛrɛtɛ, kí i po taanna, kí i saa ki shi. Kí ta-i jɛŋ pyaanniŋ, mɛlɛkɛn ki i juu.
11Mɛlɛkɛn ki tirimaan ki kɔɔtɛ, Pyɛɛri ɲakili ki i waa, ntiŋ i ǹʼbi tu : « Míŋ ǹʼtɔ-i dɔnsaŋ, ŋí i ǹʼfɔɔ tu Ŋuntiŋ ki awɔ mɛlɛkɛn ki bɛɛ bo na, ŋì i na míŋ mwu Ɛrɔdi wɔ faan ki fa Yawutu kiri wɔ janfa kɔlimaan kiri bataa wu. »
12Niŋ na, ntiŋ i ta Mariyamu wɔ̀ mani nu. Yuhana wɔ̀ wuru dɔri-ra tu Maraka, niŋ ɲiŋ ki wuru niŋ Mariyamu ki i. Koŋ mwɔɔnna nakɔlimaan wuru niŋ mani nu, kí i Kirinŋ nafɛ-ri ntiŋ tɛ. 13Pyɛɛri so-i, ntiŋ i fu ki tɔnŋ nakɔkɔ. Jonmari bɛɛ wuru nmaŋ, niŋ tɔ ki wuru tu Oroda, niŋ i na tu a ra ǹʼnawwulu. 14Niŋ i Pyɛɛri wulu ki tɔ, nmari so fu ki tɔnŋ nawwulu-i ciirudibi ki gbɛɛra kì, nmari i bili tiri ǹʼbi fu ciiru wɔ̀ kiri tɛ, tu Pyɛɛri tu faatɔnŋ ki ra, tanŋ ki ra. 15Kí i ǹʼbi nmari tɛ : « Julu i bo-a miŋ nu dɛ! » Nka Oroda a san a wulu la kì, nmari tu sɛli yɛrima ki i. Kí tu : « Ŋì a ta ŋì i Pyɛɛri cɛfan mɛlɛkɛn ki tu kì! »#12.15 Niŋ waari ru konaŋ kiri bili wuru ǹʼna tu mɛlɛkɛn konaŋ bataa cɛfan, tu niŋ so-a a yɛri ji-i kpeeri wu ntiŋ beenimaan ki kɔɔtɛ miŋ tu yibɔɔ konminiŋ. 16Pyɛɛri i tu faatɔnŋ ki kɔkɔ-a nmaŋ. Kí na-i ǹʼnawwulu, kí i ntiŋ ja waarinŋ wɔ̀ ru, ŋì i bo kí bataa tɔnŋ sun. 17Ntiŋ a gbɛ ruti kí tɛ tu kí arì tɔɔnye. Ŋuntiŋ ki ntiŋ po san-i nkasu ki ru ɲaan wɔ̀ tɛ, ntiŋ i niŋ ɲaanbi kí tɛ. Ntiŋ tu kí ta ka wulu ka bi Yakuba#12.17 Yakuba wɔ̀ wulu i bi-a kwumaŋ, niŋ wuru Ŋuntiŋ Yesu pwaŋ i. fa tindaŋ pyɛ kiri tɛ. Niŋ kɔɔtɛ ntiŋ i po san niŋ mani nu, ntiŋ i tiri kankanŋ tɔri tɛ.
18Si ki sari-i, surudashi kiri Pyɛɛri ja kì. Ntiŋ ji wuru ɲaan wɔ̀ tɛ, kí tɔri dantenŋ niŋ tɔ-ri kì. Niŋ na, kí bataa ciirufɔnimaan i jɔrɔkɔ tu arì kanŋ sun, kí i ntiŋ ceeli de-ri mani ki bataa ru. 19Ɛrɔdi na-i ǹʼtɔ waarinŋ wɔ̀ ru, tu ntiŋ a mwu, ntiŋ tu ntiŋ ceeli, nka kí ntiŋ ja kì. Ntiŋ i nkasufu ki ɲaannasuutɔnŋ kiri dɔri na a tɛ, ntiŋ i kí ranɔri, ntiŋ wulu kila kí daru kì. Niŋ na, ntiŋ i ǹʼbi tu kí nini bataa pa kilɛn. Niŋ kɔɔtɛ, Pyɛɛri i po Yude, ntiŋ i ta Sensare, ntiŋ i ta waaci ma niŋ mani nu.
20Ɛrɔdi tɔnkwulu wuru Tiiritɔnŋ kiri fa Sidɔntɔnŋ kiri cɛfan kusɛbɛ. Nini i fu ǹʼsun, tu arì ta arì yɛri rafɛ ntiŋ gbɛ, sabu kɔ́ɔ́ kɛniŋ ki wɔ nubilaŋ ki wuru po-a ntiŋ wɔ kɛniŋ ki ru. Niŋ ɲaan ki tɛ, kí i masa ki wɔ kaniŋ ki ɲaannasuutɔnŋ Bilasitusi kila ji arɔɔ wɔshuru u, niŋ fa masa ki i ta bi fu jibi ra. 21Jibi kubilimaan ki so-i, Ɛrɔdi i awɔ masajɛrɛbi sinaŋ ki bo a sun, ntiŋ i ta sɔɔ awɔ masawaalinŋ ki sun, ntiŋ i wulu sinaŋ ni bi kí tɛ. 22Niŋ ma-i, konaŋ ki i ntiŋ sundɔri-ri tu : « Ka a konanmini wulu u kili kì, nka Kirinŋ wulu yɛ. » 23Mìŋ manaanŋ tenŋ ki ru, Ŋuntiŋ ki wɔ mɛlɛkɛn ki bɛɛ i na kira bo ntiŋ sun, sabu ntiŋ Kirinŋ wɔ gbɛbi ki ji wuru awɔ. Cininaŋ ni i ntiŋ ciiru finŋ kiri bataa nu, ntiŋ i beeni.
24Niŋ fa a fɔn na, Kirinŋ wɔ wulu ki kɔniŋ wuru jeɲe tiri-ra jɛŋ.
25Barinabasi fa Sɔɔli na wuru cinŋ wɔ̀ ma Yerusalɛmu, niŋ kɔ-i waarinŋ wɔ̀ ru, kí i arì pwulu tiri Antiyɔsi. Kí pwulula ki i ta Yuhana wu arì gbɛ, ninwɔ̀ wuru dɔri-ra sɛbɛ tu Maraka.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc.