Zaburi Sya Daud 94
94
Deus ultionum.
1Mlungu mwene kwikiliusila, Bambo:
Mlungu mwene kwikiliusila uwalise.
2Winyanyamule, wakupagula ndima:
Ukawakiliusile awa wawikwisa fyawayenela.
3Mpaka lii wawifu, Bambo:
Mpaka lii wawifu yawagihe?
4Walapukisa lilowe, wajowa fyakugana:
Wala wakiteye fyawaka woha wamanya kwikwesa.
5Ugukaywile kaywile nnsafi gwako, Bambo:
Nu uselise lipwela lyako lya kugawa.
6Wawasyangalila wafwile na wawihadisa:
Na wakoma umi gwa wakiwa.
7Na wakita, Bambo nakuwona lepe:
Mlungu wa Yakobo nakuwalalila lepe.
8Muwalalile, wakutowesa pa nnsafi:
Na mwawahimu yamuchenjele lii?
9Wakuwika likutu, nakuyufwana:
Wakuwumba liho, nakugelewana?
10Wakuwalanga mihuku, nakukiliusa:
Ena, wakunjigilisa mwana wa adam kumanya?
11Bambo amanya maholo ga mwana wa adam:
Kukita wombe mfuke wakape.
12Wakusenga nngosi yula unjambulisa, Bambo:
Nu unjigisa pa torah yako.
13Kukita umpele kutama pilolo kuyokola pa ligono lya fiwifu:
Mpaka liwumba yaligimike kwa wawifu.
14Ndawa Bambo nakutaga pasi nnsafi gwake:
Nakuleka lepe lipwela lyake lya kugawa.
15Ndawa kupagula yakukiliukile kukita malinga:
Na woha wakugoloka mumwoyo yawakukise.
16Nna yaniyimilile kuwakanila wala wakuwipa?
Nna yayimi pamonga nu nenga kuwakanila wala wakiteye fya waka?
17Ngati Bambo ayanitangatilaye lepe:
Umi gwangu ngaguwelite pakutama teke nyata.
18Baho nakite, Kigulu kyangu kiyii mukaseleleka:
Lukolo lwako, Bambo, wanikangamise.
19Pa kuyoloka makolo ga kupatuka‐patuka mgati mwangu:
Fyakunyamasa fyako, fyakuganisa umi wangu.
20Kitihu kya kiutwa kya filugu yakitepulane nu wenga:
Wakuwumba matata kuselesa kudumula?
21Wakokana pa mapuga kukanila umi gwa wala wakukita malinga:
Nu mwasi wangali ni ndawa ya muhalo wagupisa mbifu.
22Koma atemi pa kukwelela pangu:
Nu Mlungu wangu liganga lila nikimbilila.
23Wawakiliusila fya waka fyawe, na yawalasili ngani pa fiwifu fyawe:
Bambo Mlungu witu yawalasile ngani.
Currently Selected:
Zaburi Sya Daud 94: MGSPSA
Highlight
Copy
Compare
Share
Want to have your highlights saved across all your devices? Sign up or sign in
First published in 1913, by the Universities' Mission to Central Africa Mission Press
