Zaburi Sya Daud 140
140
Eripe me, Domine.
1Unifuwule, Bambo, pa mwana wa adam mmbifu:
Ukanigohe kwa mgosi wa kilugo.
2Wala waluka fiwifu pa mwoyo wawe:
Ligono ni ligono wiwunganisa kwa ngondo.
3Wanola lumilo lwawe ngati liyoka:
Uhungu hungu wa limoma pasi pa milomo yawe.
4Unilindilile kuhuma pa mawoko gawawifu, Bambo:
Ukanigohe kwa mawoko ga nngosi wa filugo,
5wala wapanga malango wasikange njayo syangu:
Wakwikwisa wanifihila ntego, ni migoyi:
Mumakiye mwa mboyo watandika lipilili; wanitegala mapogolo:
6Nakite kwa Bambo, Wenga Mlungu wangu:
Utege likutu kwa njwawila ya mapembeso gangu Bambo.
7Bambo Mlungu, makakala ga uyokosi wangu:
Wanikinga mutu pa ligongo lya kukoka ngondo.
8Usipeleka, Bambo, fila wagana wakuwipa:
Usakilongosa kila aholelela kiwifu, wasikwesa.
9Munu‐munu mutu wa wakunisungutila.
Matata ga milomo yawe gawafunikile.
10Makenye ga mwoto gagwe panani pawe:
Watagike pa mwoto; pa kwemo wakunyoleka nyahope, wasiwuka kawili.
11Mundu wa lumilo asiwikika nganila pa nndima:
Kiwifu yakimhunge mundu wa lugo kunng’anamula.
12Nimanya kukita Bambo yaajowele wakuselela mihalo:
Ni kupagulika wichu kwa wala wakuhumbusika.
13Chakaka wakukita malinga yawalisenguse lihina lyako:
Wala wakugoloka yawatame pasi pa kyene pako.
Currently Selected:
Zaburi Sya Daud 140: MGSPSA
Highlight
Copy
Compare
Share
Want to have your highlights saved across all your devices? Sign up or sign in
First published in 1913, by the Universities' Mission to Central Africa Mission Press
