Zaburi Sya Daud 138
138
Confitebor tibi.
1Yanikusenguse nu mwoyo wangu wa mfilamile:
Palongolo pa milungu yanikuyimbile zabur.
2Yanigwile kimbo kulosa ku hekalu yakuwalala yako, yanikalasenguse lihina lyako bahapa pa lukolo lwako na fya chakaka fyako:
Ndawa ukwisise lila ukite panani pa lihina lyako lyoha.
3Pa ligono nakemile wanihigite:
Wanitupise na makakala pa mwoyo wangu.
4Watwa woha wa mdima yawakusenguse, Bambo:
Ndawa wafiyufwine fyakuu fya pa ndomo pako.
5Ena, yawayimbile pa ndila sya Bambo:
Ndawa kukulungu kukwisika kwa Bambo.
6Ndawa ndakayii muno Bambo atutausike, awawona wakukilamika:
Koma wala wakwikwisa awamanya pala wayile patali.
7Haka nigenda‐genda pagati pa kufinyika, yaunilamise:
Yaukitambasule kiwoko kyako panani pa kudada kwa wakuniwipila wangu, ni kiwoko kyako kya nndilo yakiniyokole.
8Bambo yakite kilinganile pa mhalo wangu kuniyimalila; Bambo, lukolo lwako kitamile mumu pela:
Usigaleka mahengo ga mawoko gako.
Currently Selected:
Zaburi Sya Daud 138: MGSPSA
Highlight
Copy
Compare
Share
Want to have your highlights saved across all your devices? Sign up or sign in
First published in 1913, by the Universities' Mission to Central Africa Mission Press
