Zaburi Sya Daud 132
132
Memento, Domine.
1Bambo; unkumbukile Daud:
Kuseleseka kwake kyoha.
2Umu akitile kilapo kwa Bambo:
Umu andapalile Wakupambana wa Yakobo.
3Nasiyingila pa hema ya nyumba yangu:
Nasikwelela pa kitala kila unitandakile.
4Nasigapele miho gangu kugona lugono:
Haka ngopi syangu kugochela;
5Mpaka yanikolele pandu kwa Bambo:
Pakuwela kwa Wakupambana wa Yakobo.
6Lola, tapayufwine kukita payile pa Ephratah:
Tipakolile pa lundika lwa pa dasi.
7Yatiyingile pa kuwela pake:
Yatigwile kimbo pa nsamilo wa njoyo pake.
8Wuka, Bambo, kuyingila pa kutulila pako:
Wenga, ni kasha lya malagano lya mbafu syako.
9Wakulekela nyambiko wako wafwate kukita malinga:
Na wa lukolo wako wakululute.
10Kwa ndawa ya Daud wakukuhengela wako:
Usikilausa kyene kya wakubakalika wako.
11Bambo ankitile Daud kilapo kya fya chakaka nakukilaukila baho:
Fipambiko fya lileme lyako yaniwike pa kitihu kyako kya kiutwa.
12Wana wako wakalindilile malagano gangu na malowe gangu gakulasa ulungamakiso gala yaniwayigise:
Wana wawe kawili yawatame kitamile pela pa kitihu kyako kya kiutwa.
13Ndawa Bambo aguhawile Zion:
Apalondite pakutama mwene.
14Pala pa kutulila pangu kitamile pela:
Bahapa yanitame pasi; ndawa nipalondite.
15Kupela kihomo mipako yake yanipele kihomo:
Wagaju wake yaniwatupalise ni chakulya.
16Wakulekela nyambiko wake kawili yaniwafwatike nu uyokosi:
Na wa lukolo wake yawalulute.
17Pala yanimmelesele Daud linyelo:
Niyitendikise nyali kwa wakubalika wangu.
18Wakummbipila wake yaniwafwatike ni lihamu:
Na panani pa yombe mwene yakiwale kyakunienga kyake.
Currently Selected:
Zaburi Sya Daud 132: MGSPSA
Highlight
Copy
Compare
Share
Want to have your highlights saved across all your devices? Sign up or sign in
First published in 1913, by the Universities' Mission to Central Africa Mission Press
