Zaburi Sya Daud 115
115
Non nobis, Domine.
1Nakuya kwa tenga, Bambo, nakuya kwa tenga, koma kwa lihina lyako upeleke kukwisika:
Kwa ndawa ya lukolo lwako, na kwa fya chakaka fyako.
2Kwa kii wakitaga mihuko:
Ayii kuu Mlungu wawe.
3Koma Mlungu witu Kunani ayii:
Kyoha akiyinamila akikita.
4Fipwili fyawe ndalama ni gold:
Fyakukita fya mawoko ga wana wa adam.
5Pandomo wayii napo, ni nakujowa:
Miho wayii nago, ni nakulola.
6Makutu wayii nago, ni nakuyufwana:
Mbuno wayii naso, ni nakunusa.
7Ngonji wayii naso, ni nakupapasa; magulu wayii nago, ni nakugendagenda:
Nakwibelalela pa mikolomelo yawe.
8Wala wakufikita yawapate kuya ngati fila:
Ena, ayii ywoha wakufihuwalila.
9Israel umhuwalile Bambo:
Yombe wakutangatila wawe ni kikopa kyawe.
10Mwenga nyumba ya Harun, muhuwaliaye Bambo:
Yombe wakutangatila wawe ni kikopa kyawe.
11Mwenga wakunnjogopa Bambo, mumhuwaliaye Bambo:
Yombe wakutangatila wawe ni kikopa kyawe.
12Bambo wakutikumbukila, yaatipele kihomo:
Yaayipele kihomo nyumba ya Israel; yaayipele kihomo nyumba ya Harun.
13Yaapele kihomo awa wannjogopa Bambo:
Na wakulungu na wachoko.
14Bambo ayonjakese bahapa pa mwenga:
Bahapa pa mwenga na bahapa pa wana winu.
15Mwenga mupeliwe kihomo nu Bambo:
Wakukita Kunani nu nndima.
16Kunani kuyii Kunani kwake Bambo;
Koma agupelike kwa wana wa adam.
17Wakufwa nakundumba Bambo:
Haka wala woha wakuselela pa kutama nuu.
18Koma tenga yatindumbe Bambo ngati kihomo kyene:
Kitumbulile hino ni kitamile Mundumbaye Bambo.
Currently Selected:
Zaburi Sya Daud 115: MGSPSA
Highlight
Copy
Compare
Share
Want to have your highlights saved across all your devices? Sign up or sign in
First published in 1913, by the Universities' Mission to Central Africa Mission Press
