Zaburi Sya Daud 109
109
Deus laudum.
1Usitama mbuuta:
Mlungu wa malumbo gangu.
2Ndawa pa ndomo pa wakuwipa, na pa ndomo pa wakuchenjela wapadindula panani pa nenga:
Wanijowa nenga ni lumilo lwa mageya.
3Wanisyungutileye kawili na malowe ga kufyoma:
Wakokite ngondo na nenga waka
4Pandu pa kugana kwangu wayii kunikanila:
Koma nenga nitama kiluwile.
5Niwawika panani pa nenga fiwifu pandu pa finofu:
Nu kufyoma pandu pa kugana kwangu.
6Ulolalese wakuwipa panani pa yombe:
Na wakukanila wakayime bahapa pa kiwoko kyako kya kigosi.
7Pala yawapaulike pa chengo, wawuke wawifu:
Ni liluwo lyake lipate kuya sambi.
8Magono gake gaye machoko‐choko:
Nu yungi atole lihengo lyake lya kulolela.
9Wana wake waye wakiwa:
Nu mhanu‐mundu mfwile.
10Wana wake waye wakusyungutila‐syungutila wake, wakaluwe:
Wakasape chakulya kyawe pandu pawe pakuhomeka.
11Wasiwakolesa fyoha fila ayii nafyo:
Na wageni wafufule fila atopela nafyo.
12Asitama wakuntambasulila lukolo:
Asitama baho wakuwagana wana wa kiwa.
13Wala wakunyuma kwa yombe waye kwa kudumulika:
Pa kihogosi kiyine lihina lyawe lisimike.
14Upulipuli wa wadadi wawe ukumbukisike kwa Bambo:
Ni sambi ya nyino isasimika.
15Watame pa longolo pa Bambo kitamile:
Akadumule kikumbukiso kyawe pa nndima.
16Pakukita nakukumbukila kukita lukolo:
Koma wannyakite wakuselela nu nngaju nu wakutenguka pa mwayo, kuwakoma.
17Naagana kulapila, ni kunchila:
Nakuyinamila kupela kihomo, ni kutalikana nako.
18Na ayifwatika ni kulumbilila ngati malaya gake:
Ni kuyingila mgati mwake ngati machi, na ngati mafuta mmafupa gake.
19Kutamile ngati malaya apyupaye nago:
Na ngati mpango ikunga nago kikungile.
20Iyi njombe kwa wala wakunihelalela kuhuma kwa Bambo:
Na kwa wala wakugujowa fiwifu umi wangu.
21Na wenga, Mlungu Bambo, ukite na nenga, ndawa ya lihina lyako:
Ndawa ya lukolo lwako lunofu, ukanifuule.
22Ndawa nenga wakuselela ni wakudula.
Nu mwoyo wangu wakuholoseka mugati mwangu.
23Ngati kifwili kitambaswike naagenda:
Naawingika ngati mapalasi.
24Mafugamilo gangu gakuwala kwa kwinota fyakulya:
Ni nyama yangu yigwalike mafuta.
25Na nenga nipatite kutama kwa wombe chakudoga nakyo:
Waniwona, wapukunya mutu wawe.
26Unitangatile, Bambo Mlungu wangu:
Ukaniyokole kwa nndingo wa lukolo lwako.
27Wakamanye kukita iki kiyile kiwoko kyako:
Kukita wenga, Bambo, ukikite.
28Walumbile wombe, koma wenga ukapeleke kihomo:
Ngati wayime, yawakosike lihamu, na wakukuhengela wako yaahekalele.
29Wafwate mihenje wakunibelalela:
Na wapyupe ni lihamu lyawe ngati chakufunakila panani.
30Yaninnsenguse Bambo munu munu pa nndima pangu:
Na pagati pa wingi yanindumbe.
31Ndawa yayime pa kiwoko kya nndilo kya wagaju:
Knnnjokela kwa wala waupaula unu wake.
Currently Selected:
Zaburi Sya Daud 109: MGSPSA
Highlight
Copy
Compare
Share
Want to have your highlights saved across all your devices? Sign up or sign in
First published in 1913, by the Universities' Mission to Central Africa Mission Press
