ໂອບາດີຢາ ຄຳນຳ
ຄຳນຳ
ເມື່ອນະຄອນເຢຣູຊາເລັມເມືອງຫລວງຂອງຢູດາພ່າຍແພ້ກອງທັບບາບີໂລນເມື່ອ 5876 ປີກ່ອນ ຄສ. ເພື່ອນບ້ານໃກ້ຄຽງຄືອານາຈັກເອໂດມໄດ້ເຂົ້າຮ່ວມປຸ້ນເຢຣູຊາເລັມ. ພວກເຂົາດັກຈັບຊາວຢູດາທີ່ລົບໜີ ແລະ ສົ່ງຕົວໃຫ້ກັບຊາວບາບີໂລນ. ຖ້າບໍ່ຖືກຂ້າຖິ້ມກໍຕ້ອງເປັນຊະເລີຍ. ຊາວເອໂດມບໍ່ໄດ້ສະແດງຄວາມເຫັນໃຈຕໍ່ຊາວຢູດາ ເຖິງແມ່ນວ່າພວກເຂົາຈະມີຄວາມກ່ຽວຂ້ອງກັນກໍຕາມ. ເພາະຊາວເອໂດມສືບເຊື້ອສາຍມາຈາກເອຊາວນ້ອງຊາຍຂອງຢາໂຄບຜູ້ເປັນບັນພະບູລຸດຂອງຊາວອິດສະຣາເອນ.
ເບິ່ງຄືວ່າຜູ້ທຳນວາຍໂອບາດີຢາຢູ່ໃນກຸ່ມຄົນທີ່ເຫລືອຢູ່ເມື່ອຊາວຢິວຖືກກວດຕ້ອນໄປເປັນຊະເລີຍ. ຄຳພະຍາກອນທຳອິດຂອງເພິ່ນແມ່ນຕຳໜິຊາວເອໂດມທີ່ປະຕິບັດຕໍ່ເພື່ອນບ້ານຜູ້ໝົດຫົນທາງຢ່າງໂຫດຮ້າຍ. ໂອບາດີຢາພະຍາກອນເຖິງຄວາມຈິບຫາຍຂອງເອໂດມ. ຫລັງຈາກນັ້ນ ກໍໄດ້ໃຫ້ຄວາມໝັ້ນໃຈກັບຄົນໃນຊຸມຊົນຂອງຕົນວ່າ ພຣະເຈົ້າຈະຟື້ນຟູຄວາມຈະເລີນຮຸ່ງເຮືອງໃຫ້ພວກເຂົາເໝືອນເດີມ ແລະ ຮັບປະກັນວ່າໃນທີ່ສຸດແລ້ວອານາຈັກຢູດາຈະເປັນຂອງພຣະເຈົ້າຢາເວ.
Currently Selected:
ໂອບາດີຢາ ຄຳນຳ: LCV
Highlight
Copy
Compare
Share
Want to have your highlights saved across all your devices? Sign up or sign in
Holy Bible, Lao Contemporary Version™| © 2023, 2025 by Biblica, Inc.|
Used with permission. All rights reserved worldwide.© 2023, 2025 by Biblica, Inc.