ມາລາກີ 3:17-18

ພຣະເຈົ້າ​ຢາເວ​ຜູ້​ມີ​ລິດອຳນາດ​ຍິ່ງໃຫຍ່​ກ່າວ​ວ່າ, “ພວກເຂົາ​ຈະ​ເປັນ​ຂອງ​ເຮົາ​ໃນ​ວັນ​ທີ່​ເຮົາ​ລົງ​ມື​ກະທຳ, ພວກເຂົາ​ຈະ​ເປັນ​ກຳມະສິດ​ອັນ​ລ້ຳຄ່າ​ຂອງ​ເຮົາ. ເຮົາ​ຈະ​ໄວ້​ຊີວິດ​ພວກເຂົາ​ເໝືອນ​ພໍ່​ທີ່​ເມດຕາ​ສົງສານ ແລະ ໄວ້​ຊີວິດ​ລູກຊາຍ​ຂອງ​ຕົນ​ທີ່​ຮັບໃຊ້​ຕົນ. ແລ້ວ​ພວກເຈົ້າ​ກໍ​ຈະ​ເຫັນ​ສິ່ງ​ເຫລົ່ານີ້​ອີກ​ຄັ້ງ​ໜຶ່ງ ຄື​ຄວາມ​ແຕກຕ່າງ​ລະຫວ່າງ​ຄົນ​ຊອບທຳ​ກັບ​ຄົນອະທຳ, ລະຫວ່າງ​ບັນດາ​ຜູ້​ທີ່​ຮັບໃຊ້​ພຣະເຈົ້າ​ກັບ​ບັນດາ​ຜູ້​ທີ່​ບໍ່​ຮັບໃຊ້​ພຣະອົງ”.