ອົບພະຍົບ 32
32
ງົວຄຳ
1ເມື່ອປະຊາຊົນເຫັນວ່າໂມເຊນານລົງມາຈາກພູເຂົາ, ພວກເຂົາຈຶ່ງພາກັນໄປຫາອາໂຣນ ແລະ ເວົ້າວ່າ, “ຈົ່ງມາ, ສ້າງພະຂຶ້ນມາໃຫ້ພວກເຮົາ ຜູ້ຈະນຳໜ້າພວກເຮົາໄປ. ສ່ວນໂມເຊຜູ້ທີ່ໄດ້ນໍາເອົາພວກເຮົາອອກມາຈາກເອຢິບນັ້ນ, ພວກເຮົາບໍ່ຮູ້ວ່າມີຫຍັງເກີດຂຶ້ນກັບເພິ່ນ”.
2ອາໂຣນໄດ້ຕອບພວກເຂົາວ່າ, “ຈົ່ງຖອດຕຸ້ມຫູຄຳທີ່ບັນດາເມຍ, ລູກຊາຍ ແລະ ລູກສາວຂອງພວກເຈົ້າໃສ່ຢູ່ນັ້ນອອກ, ແລ້ວນຳເອົາຕຸ້ມຫູເຫລົ່ານັ້ນມາໃຫ້ຂ້ອຍ”. 3ດັ່ງນັ້ນ ປະຊາຊົນທັງໝົດຈຶ່ງໄດ້ປົດຕຸ້ມຫູຂອງພວກເຂົາອອກ ແລະ ເອົາຕຸ້ມຫູເຫລົ່ານັ້ນມາມອບໃຫ້ອາໂຣນ. 4ເພິ່ນຈຶ່ງໄດ້ເອົາສິ່ງທີ່ພວກເຂົາໄດ້ມອບໃຫ້ຕົນມາ ແລ້ວເອົາຕຸ້ມຫູເຫລົ່ານັ້ນມາຫລໍ່ເປັນຮູບເຄົາລົບງົວໂຕໜຶ່ງຂຶ້ນມາ, ໂດຍຕົບແຕ່ງງົວນັ້ນດ້ວຍເຄື່ອງມື. ຫລັງຈາກນັ້ນ ພວກເຂົາໄດ້ເວົ້າວ່າ, “ຊາວອິດສະຣາເອນເອີຍ, ສິ່ງເຫລົ່ານີ້ຄືພະ#32:4 ຫລື ນີ້ຄືພະຂອງພວກເຈົ້າ; ເໝືອນກັນໃນ ຂໍ້ 8ຂອງພວກເຈົ້າ ຜູ້ທີ່ໄດ້ນຳເອົາພວກເຈົ້າອອກມາຈາກເອຢິບ”.
5ເມື່ອອາໂຣນໄດ້ເຫັນເຊັ່ນນີ້, ເພິ່ນຈຶ່ງໄດ້ສ້າງແທ່ນບູຊາຂຶ້ນຕໍ່ໜ້າຮູບງົວຄຳ ແລະ ໄດ້ປະກາດວ່າ, “ມື້ອື່ນຈະມີງານສະຫລອງໃຫ້ແກ່ພຣະເຈົ້າຢາເວ”. 6ດັ່ງນັ້ນ ໃນມື້ຕໍ່ມາ ປະຊາຊົນຈຶ່ງຕື່ນຕັ້ງແຕ່ເຊົ້າ ແລະ ຖວາຍເຄື່ອງເຜົາບູຊາກັບຖວາຍເຄື່ອງບູຊາເພື່ອຄວາມສາມັກຄີທຳ. ຫລັງຈາກນັ້ນ ພວກເຂົາຈຶ່ງໄດ້ນັ່ງລົງກິນ ແລະ ດື່ມ ແລ້ວລຸກຂຶ້ນມ່ວນຊື່ນໃນງານລ້ຽງ.
7ແລ້ວພຣະເຈົ້າຢາເວໄດ້ເວົ້າກັບໂມເຊວ່າ, “ຈົ່ງລົງໄປ, ເພາະປະຊາຊົນຂອງເຈົ້າ ຜູ້ທີ່ເຈົ້າໄດ້ພາອອກມາຈາກເອຢິບໄດ້ກາຍເປັນຄົນເສື່ອມຊາມແລ້ວ. 8ພວກເຂົາໄດ້ຫັນໜີຈາກສິ່ງທີ່ເຮົາໄດ້ສັ່ງພວກເຂົາໄວ້ຢ່າງໄວວາ ແລະ ໄດ້ເຮັດຮູບເຄົາລົບງົວໂຕໜຶ່ງຂຶ້ນມາໃຫ້ຕົນເອງ. ພວກເຂົາໄດ້ກົ້ມຂາບຮູບເຄົາລົບ ແລະ ບູຊາຮູບນັ້ນແລ້ວເວົ້າວ່າ, ‘ຊາວອິດສະຣາເອນ, ນີ້ແມ່ນພະຂອງພວກເຈົ້າ, ຜູ້ທີ່ໄດ້ນຳເອົາພວກເຈົ້າອອກມາຈາກເອຢິບ’ ”.
9ພຣະເຈົ້າຢາເວໄດ້ເວົ້າກັບໂມເຊວ່າ, “ເຮົາໄດ້ເຫັນປະຊາຊົນເຫລົ່ານີ້ແລ້ວ ແລະ ພວກເຂົາກໍເປັນປະຊາຊົນທີ່ດື້ດ້ານແທ້. 10ບັດນີ້ ຈົ່ງປ່ອຍໃຫ້ເຮົາເຮັດ ເພື່ອວ່າຄວາມໂກດຮ້າຍຂອງເຮົາຈະເຜົາໄໝ້ພວກເຂົາ ແລະ ເຮົາຈະທຳລາຍພວກເຂົາ. ຫລັງຈາກນັ້ນເຮົາຈະເຮັດໃຫ້ເຈົ້າເປັນຊົນຊາດໃຫຍ່”.
11ແຕ່ໂມເຊໄດ້ຂໍຄວາມກະລຸນາຈາກພຣະເຈົ້າຢາເວ ພຣະເຈົ້າຂອງເພິ່ນ. ເພິ່ນເວົ້າວ່າ, “ຂ້າແດ່ພຣະເຈົ້າຢາເວ, ດ້ວຍເຫດໃດພຣະອົງຈຶ່ງໃຈຮ້າຍໃຫ້ປະຊາຊົນຂອງພຣະອົງ, ຜູ້ທີ່ພຣະອົງໄດ້ພາອອກມາຈາກເອຢິບດ້ວຍລິດອຳນາດອັນຍິ່ງໃຫຍ່ ແລະ ດ້ວຍມືທີ່ມີລິດອຳນາດຍິ່ງໃຫຍ່? 12ດ້ວຍເຫດໃດ ຊາວເອຢິບຈຶ່ງເວົ້າວ່າ, ‘ພຣະອົງໄດ້ນໍາເອົາພວກເຂົາອອກມາດ້ວຍເຈດຕະນາຊົ່ວ, ເພື່ອຂ້າພວກເຂົາຢູ່ໃນພູຕ່າງໆ ແລະ ເພື່ອກວາດລ້າງພວກເຂົາໃຫ້ໝົດໄປຈາກໜ້າແຜ່ນດິນໂລກ’? ຂໍລະງັບຄວາມໂກດຮ້າຍຂອງພຣະອົງ; ອົດກັ້ນ ແລະ ຂໍຢ່າໄດ້ນໍາເອົາໄພພິບັດມາໃສ່ປະຊາຊົນຂອງພຣະອົງ. 13ຂໍລະນຶກເຖິງອັບຣາຮາມ, ອີຊາກ ແລະ ອິດສະຣາເອນຜູ້ຮັບໃຊ້ຂອງພຣະອົງ, ຜູ້ທີ່ພຣະອົງໄດ້ປະຕິຍານໄວ້ກັບພວກເພິ່ນເຫລົ່ານັ້ນໂດຍອ້າງພຣະອົງເອງວ່າ: ‘ເຮົາຈະເຮັດໃຫ້ເຊື້ອສາຍຂອງພວກເຈົ້າມີຈໍານວນຫລວງຫລາຍເໝືອນດັ່ງດວງດາວໃນທ້ອງຟ້າ ແລະ ເຮົາຈະມອບດິນແດນທັງໝົດນີ້ໃຫ້ແກ່ເຊື້ອສາຍຂອງພວກເຈົ້າ ເຊິ່ງເຮົາໄດ້ສັນຍາໄວ້ກັບພວກເຂົາແລ້ວ ແລະ ດິນແດນນີ້ຈະເປັນມໍລະດົກຂອງພວກເຂົາຕະຫລອດໄປ’ ”. 14ແລ້ວພຣະເຈົ້າຢາເວຈຶ່ງໄດ້ຜ່ອນລົງ ແລະ ບໍ່ໄດ້ນຳເອົາໄພພິບັດມາໃສ່ປະຊາຊົນຂອງພຣະອົງດັ່ງທີ່ພຣະອົງໄດ້ຂົ່ມຂູ່ໄວ້.
15ໂມເຊຈຶ່ງໄດ້ກັບລົງມາຈາກພູເຂົາພ້ອມກັບຫີນສອງແຜ່ນທີ່ໄດ້ຈາລຶກພັນທະສັນຍາໄວ້ຢູ່ໃນມື. ຫີນທັງສອງແຜ່ນຖືກຈາລຶກໄວ້ທັງສອງດ້ານຄື, ດ້ານໜ້າ ແລະ ດ້ານຫລັງ. 16ຫີນທັງສອງແຜ່ນນັ້ນເປັນງານຂອງພຣະເຈົ້າ; ລາຍມືກໍເປັນລາຍມືຂອງພຣະເຈົ້າ, ເຊິ່ງໄດ້ສະຫລັກໄວ້ໃສ່ແຜ່ນຫີນນັ້ນ.
17ເມື່ອໂຢຊວຍໄດ້ຍິນສຽງປະຊາຊົນໂຫ່ຮ້ອງ, ເພິ່ນຈຶ່ງເວົ້າຕໍ່ໂມເຊວ່າ, “ມີສຽງສູ້ຮົບກັນຢູ່ໃນຄ້າຍພັກ”.
18ແຕ່ໂມເຊໄດ້ຕອບວ່າ:
“ມັນບໍ່ແມ່ນສຽງແຫ່ງໄຊຊະນະ,
ມັນບໍ່ແມ່ນສຽງແຫ່ງການພ່າຍແພ້;
ທີ່ເຮົາໄດ້ຍິນນັ້ນເປັນສຽງຂອງການຮ້ອງເພງ”.
19ເມື່ອໂມເຊໄດ້ເຂົ້າມາໃກ້ຄ້າຍພັກແລ້ວກໍໄດ້ເຫັນຮູບງົວ ແລະ ຄົນກຳລັງຟ້ອນລໍາຢູ່, ຄວາມໃຈຮ້າຍຂອງເພິ່ນກໍລຸກຂຶ້ນ ແລ້ວເພິ່ນຈຶ່ງໂຍນແຜ່ນຫີນອອກຈາກມື ຈົນແຜ່ນຫີນແຕກເປັນປ່ຽງໆຢູ່ທີ່ຕີນພູເຂົານັ້ນ. 20ແລະ ເພິ່ນໄດ້ເອົາຮູບງົວທີ່ຄົນຫລໍ່ຂຶ້ນນັ້ນມາເຜົາໃສ່ໄຟ, ຫລັງຈາກນັ້ນ ເພິ່ນກໍບົດໃຫ້ເປັນຝຸ່ນ, ແລ້ວໂຮຍຝຸ່ນນັ້ນໃສ່ນ້ຳ ແລະ ເອົາໃຫ້ຊາວອິດສະຣາເອນດື່ມນໍ້ານັ້ນ.
21ໂມເຊຖາມອາໂຣນວ່າ, “ຄົນເຫລົ່ານີ້ເຮັດຫຍັງໃຫ້ແກ່ເຈົ້າ, ເຈົ້າຈຶ່ງໄດ້ນຳພາພວກເຂົາເຂົ້າສູ່ບາບທີ່ໃຫຍ່ຫລວງເຊັ່ນນີ້?”
22ອາໂຣນໄດ້ຕອບວ່າ, “ນາຍເອີຍ, ຢ່າໃຈຮ້າຍເລີຍ. ເຈົ້າກໍຮູ້ຈັກຄົນເຫລົ່ານີ້ດີວ່າພວກເຂົາມີທ່າອ່ຽງໄປທາງຊົ່ວຫລາຍເທົ່າໃດ. 23ພວກເຂົາເວົ້າກັບຂ້ອຍວ່າ, ‘ຈົ່ງສ້າງພະຂຶ້ນສຳລັບພວກເຮົາ ເຊິ່ງຈະນຳພາພວກເຮົາໄປ. ເນື່ອງຈາກວ່າໂມເຊຜູ້ທີ່ນຳພວກເຮົາອອກມາຈາກເອຢິບນັ້ນ, ພວກເຮົາບໍ່ຮູ້ວ່າມີຫຍັງເກີດຂຶ້ນກັບເພິ່ນ’. 24ດັ່ງນັ້ນ ຂ້ອຍຈຶ່ງບອກພວກເຂົາວ່າ, ‘ຜູ້ໃດມີເຄື່ອງປະດັບທີ່ເປັນຄຳ, ຈົ່ງຖອດອອກມາ’. ແລ້ວພວກເຂົາຈຶ່ງໄດ້ເອົາຄຳມາໃຫ້ຂ້ອຍ ແລະ ຂ້ອຍກໍຖິ້ມຄຳນັ້ນລົງໃສ່ໄຟ, ແລ້ວກໍອອກມາເປັນຮູບງົວຄຳນີ້ແຫລະ!”
25ເມື່ອໂມເຊເຫັນວ່າປະຊາຊົນໄດ້ຕະເຫລີດໄປ ແລະ ອາໂຣນກໍໄດ້ປ່ອຍໃຫ້ພວກເຂົາຂາດການຄວບຄຸມ ແລະ ຈຶ່ງເປັນທີ່ຫົວສຳລັບສັດຕູຂອງພວກເຂົາ. 26ດັ່ງນັ້ນ ເພິ່ນຈຶ່ງໄປຢືນຢູ່ທີ່ທາງເຂົ້າຄ້າຍພັກ ແລະ ເວົ້າວ່າ, “ຜູ້ໃດກໍຕາມທີ່ຢູ່ເພື່ອພຣະເຈົ້າຢາເວ ຈົ່ງມາຫາເຮົາ”. ແລະ ຊາວເລວີທັງໝົດກໍໄດ້ມາໂຮມກັນກັບເພິ່ນ.
27ແລ້ວເພິ່ນຈຶ່ງໄດ້ເວົ້າຕໍ່ພວກເຂົາວ່າ, “ນີ້ແມ່ນສິ່ງທີ່ພຣະເຈົ້າຢາເວ ພຣະເຈົ້າຂອງອິດສະຣາເອນກ່າວຄື: ‘ໃຫ້ຜູ້ຊາຍແຕ່ລະຄົນຂັດດາບໃສ່ຂ້າງຂອງຕົນໄວ້. ຈົ່ງຍ່າງກັບໄປກັບມາທົ່ວຄ້າຍພັກຈາກສົ້ນເບື້ອງໜຶ່ງໄປຫາອີກສົ້ນເບື້ອງໜຶ່ງ, ໃຫ້ແຕ່ລະຄົນຂ້າອ້າຍ, ໝູ່ເພື່ອນ ແລະ ເພື່ອນບ້ານຂອງຕົນ’ ”. 28ຊາວເລວີໄດ້ປະຕິບັດຕາມທີ່ໂມເຊໄດ້ສັ່ງ ແລະ ໃນມື້ນັ້ນມີປະຊາຊົນປະມານສາມພັນຄົນໄດ້ຕາຍໄປ. 29ແລ້ວໂມເຊໄດ້ເວົ້າວ່າ, “ໃນວັນນີ້ພວກເຈົ້າໄດ້ຖືກແຍກໄວ້ສຳລັບພຣະເຈົ້າຢາເວ, ເພາະພວກເຈົ້າໄດ້ຕໍ່ສູ້ກັບບັນດາລູກຊາຍ ແລະ ບັນດາອ້າຍຂອງພວກເຈົ້າເອງ, ແລ້ວພຣະອົງກໍໄດ້ອວຍພອນພວກເຈົ້າໃນວັນນີ້”.
30ໃນມື້ຕໍ່ມາ ໂມເຊກໍໄດ້ເວົ້າກັບປະຊາຊົນວ່າ, “ພວກເຈົ້າໄດ້ເຮັດບາບອັນໃຫຍ່ແລ້ວ. ແຕ່ບັດນີ້ເຮົາຈະຂຶ້ນໄປພົບພຣະເຈົ້າຢາເວ; ບາງທີເຮົາສາມາດເຮັດການໄຖ່ບາບໃຫ້ພວກເຈົ້າໄດ້”.
31ດັ່ງນັ້ນໂມເຊຈຶ່ງກັບຄືນໄປຫາພຣະເຈົ້າຢາເວ ແລະ ເວົ້າວ່າ, “ໂອ, ປະຊາຊົນເຫລົ່ານີ້ໄດ້ເຮັດບາບອັນໃຫຍ່ແທ້! ຄືພວກເຂົາໄດ້ສ້າງພະຄຳສຳລັບພວກເຂົາເອງ. 32ແຕ່ບັດນີ້ ຂໍໃຫ້ອະໄພບາບຂອງພວກເຂົາດ້ວຍ ແຕ່ຖ້າບໍ່ດັ່ງນັ້ນແລ້ວ ກໍຂໍໃຫ້ລຶບຂ້ານ້ອຍອອກຈາກໜັງສືທີ່ພຣະອົງໄດ້ຂຽນໄວ້ນັ້ນ”.
33ພຣະເຈົ້າຢາເວໄດ້ຕອບໂມເຊວ່າ, “ຜູ້ໃດກໍຕາມທີ່ໄດ້ເຮັດບາບຕໍ່ເຮົາ ເຮົາຈະລຶບອອກຈາກໜັງສືຂອງເຮົາ. 34ບັດນີ້ ຈົ່ງໄປ, ນຳພາປະຊາຊົນໄປຍັງສະຖານທີ່ ເຊິ່ງເຮົາໄດ້ບອກໄວ້ນັ້ນ, ແລ້ວເທວະດາຂອງເຮົາຈະນຳໜ້າເຈົ້າໄປ. ເຖິງຢ່າງໃດກໍຕາມ, ເມື່ອເຖິງເວລາຂອງເຮົາທີ່ຈະລົງໂທດ, ເຮົາຈະລົງໂທດພວກເຂົາສຳລັບຄວາມບາບຂອງພວກເຂົາ”.
35ແລະ ພຣະເຈົ້າຢາເວໄດ້ຕີປະຊາຊົນດ້ວຍໄພພິບັດ ເພາະສິ່ງທີ່ພວກເຂົາໄດ້ກະທຳກັບງົວຄຳທີ່ອາໂຣນສ້າງຂຶ້ນ.
Currently Selected:
ອົບພະຍົບ 32: LCV
Highlight
Copy
Compare
Share
Want to have your highlights saved across all your devices? Sign up or sign in
Holy Bible, Lao Contemporary Version™| © 2023, 2025 by Biblica, Inc.|
Used with permission. All rights reserved worldwide.© 2023, 2025 by Biblica, Inc.
ອົບພະຍົບ 32
32
ງົວຄຳ
1ເມື່ອປະຊາຊົນເຫັນວ່າໂມເຊນານລົງມາຈາກພູເຂົາ, ພວກເຂົາຈຶ່ງພາກັນໄປຫາອາໂຣນ ແລະ ເວົ້າວ່າ, “ຈົ່ງມາ, ສ້າງພະຂຶ້ນມາໃຫ້ພວກເຮົາ ຜູ້ຈະນຳໜ້າພວກເຮົາໄປ. ສ່ວນໂມເຊຜູ້ທີ່ໄດ້ນໍາເອົາພວກເຮົາອອກມາຈາກເອຢິບນັ້ນ, ພວກເຮົາບໍ່ຮູ້ວ່າມີຫຍັງເກີດຂຶ້ນກັບເພິ່ນ”.
2ອາໂຣນໄດ້ຕອບພວກເຂົາວ່າ, “ຈົ່ງຖອດຕຸ້ມຫູຄຳທີ່ບັນດາເມຍ, ລູກຊາຍ ແລະ ລູກສາວຂອງພວກເຈົ້າໃສ່ຢູ່ນັ້ນອອກ, ແລ້ວນຳເອົາຕຸ້ມຫູເຫລົ່ານັ້ນມາໃຫ້ຂ້ອຍ”. 3ດັ່ງນັ້ນ ປະຊາຊົນທັງໝົດຈຶ່ງໄດ້ປົດຕຸ້ມຫູຂອງພວກເຂົາອອກ ແລະ ເອົາຕຸ້ມຫູເຫລົ່ານັ້ນມາມອບໃຫ້ອາໂຣນ. 4ເພິ່ນຈຶ່ງໄດ້ເອົາສິ່ງທີ່ພວກເຂົາໄດ້ມອບໃຫ້ຕົນມາ ແລ້ວເອົາຕຸ້ມຫູເຫລົ່ານັ້ນມາຫລໍ່ເປັນຮູບເຄົາລົບງົວໂຕໜຶ່ງຂຶ້ນມາ, ໂດຍຕົບແຕ່ງງົວນັ້ນດ້ວຍເຄື່ອງມື. ຫລັງຈາກນັ້ນ ພວກເຂົາໄດ້ເວົ້າວ່າ, “ຊາວອິດສະຣາເອນເອີຍ, ສິ່ງເຫລົ່ານີ້ຄືພະ#32:4 ຫລື ນີ້ຄືພະຂອງພວກເຈົ້າ; ເໝືອນກັນໃນ ຂໍ້ 8ຂອງພວກເຈົ້າ ຜູ້ທີ່ໄດ້ນຳເອົາພວກເຈົ້າອອກມາຈາກເອຢິບ”.
5ເມື່ອອາໂຣນໄດ້ເຫັນເຊັ່ນນີ້, ເພິ່ນຈຶ່ງໄດ້ສ້າງແທ່ນບູຊາຂຶ້ນຕໍ່ໜ້າຮູບງົວຄຳ ແລະ ໄດ້ປະກາດວ່າ, “ມື້ອື່ນຈະມີງານສະຫລອງໃຫ້ແກ່ພຣະເຈົ້າຢາເວ”. 6ດັ່ງນັ້ນ ໃນມື້ຕໍ່ມາ ປະຊາຊົນຈຶ່ງຕື່ນຕັ້ງແຕ່ເຊົ້າ ແລະ ຖວາຍເຄື່ອງເຜົາບູຊາກັບຖວາຍເຄື່ອງບູຊາເພື່ອຄວາມສາມັກຄີທຳ. ຫລັງຈາກນັ້ນ ພວກເຂົາຈຶ່ງໄດ້ນັ່ງລົງກິນ ແລະ ດື່ມ ແລ້ວລຸກຂຶ້ນມ່ວນຊື່ນໃນງານລ້ຽງ.
7ແລ້ວພຣະເຈົ້າຢາເວໄດ້ເວົ້າກັບໂມເຊວ່າ, “ຈົ່ງລົງໄປ, ເພາະປະຊາຊົນຂອງເຈົ້າ ຜູ້ທີ່ເຈົ້າໄດ້ພາອອກມາຈາກເອຢິບໄດ້ກາຍເປັນຄົນເສື່ອມຊາມແລ້ວ. 8ພວກເຂົາໄດ້ຫັນໜີຈາກສິ່ງທີ່ເຮົາໄດ້ສັ່ງພວກເຂົາໄວ້ຢ່າງໄວວາ ແລະ ໄດ້ເຮັດຮູບເຄົາລົບງົວໂຕໜຶ່ງຂຶ້ນມາໃຫ້ຕົນເອງ. ພວກເຂົາໄດ້ກົ້ມຂາບຮູບເຄົາລົບ ແລະ ບູຊາຮູບນັ້ນແລ້ວເວົ້າວ່າ, ‘ຊາວອິດສະຣາເອນ, ນີ້ແມ່ນພະຂອງພວກເຈົ້າ, ຜູ້ທີ່ໄດ້ນຳເອົາພວກເຈົ້າອອກມາຈາກເອຢິບ’ ”.
9ພຣະເຈົ້າຢາເວໄດ້ເວົ້າກັບໂມເຊວ່າ, “ເຮົາໄດ້ເຫັນປະຊາຊົນເຫລົ່ານີ້ແລ້ວ ແລະ ພວກເຂົາກໍເປັນປະຊາຊົນທີ່ດື້ດ້ານແທ້. 10ບັດນີ້ ຈົ່ງປ່ອຍໃຫ້ເຮົາເຮັດ ເພື່ອວ່າຄວາມໂກດຮ້າຍຂອງເຮົາຈະເຜົາໄໝ້ພວກເຂົາ ແລະ ເຮົາຈະທຳລາຍພວກເຂົາ. ຫລັງຈາກນັ້ນເຮົາຈະເຮັດໃຫ້ເຈົ້າເປັນຊົນຊາດໃຫຍ່”.
11ແຕ່ໂມເຊໄດ້ຂໍຄວາມກະລຸນາຈາກພຣະເຈົ້າຢາເວ ພຣະເຈົ້າຂອງເພິ່ນ. ເພິ່ນເວົ້າວ່າ, “ຂ້າແດ່ພຣະເຈົ້າຢາເວ, ດ້ວຍເຫດໃດພຣະອົງຈຶ່ງໃຈຮ້າຍໃຫ້ປະຊາຊົນຂອງພຣະອົງ, ຜູ້ທີ່ພຣະອົງໄດ້ພາອອກມາຈາກເອຢິບດ້ວຍລິດອຳນາດອັນຍິ່ງໃຫຍ່ ແລະ ດ້ວຍມືທີ່ມີລິດອຳນາດຍິ່ງໃຫຍ່? 12ດ້ວຍເຫດໃດ ຊາວເອຢິບຈຶ່ງເວົ້າວ່າ, ‘ພຣະອົງໄດ້ນໍາເອົາພວກເຂົາອອກມາດ້ວຍເຈດຕະນາຊົ່ວ, ເພື່ອຂ້າພວກເຂົາຢູ່ໃນພູຕ່າງໆ ແລະ ເພື່ອກວາດລ້າງພວກເຂົາໃຫ້ໝົດໄປຈາກໜ້າແຜ່ນດິນໂລກ’? ຂໍລະງັບຄວາມໂກດຮ້າຍຂອງພຣະອົງ; ອົດກັ້ນ ແລະ ຂໍຢ່າໄດ້ນໍາເອົາໄພພິບັດມາໃສ່ປະຊາຊົນຂອງພຣະອົງ. 13ຂໍລະນຶກເຖິງອັບຣາຮາມ, ອີຊາກ ແລະ ອິດສະຣາເອນຜູ້ຮັບໃຊ້ຂອງພຣະອົງ, ຜູ້ທີ່ພຣະອົງໄດ້ປະຕິຍານໄວ້ກັບພວກເພິ່ນເຫລົ່ານັ້ນໂດຍອ້າງພຣະອົງເອງວ່າ: ‘ເຮົາຈະເຮັດໃຫ້ເຊື້ອສາຍຂອງພວກເຈົ້າມີຈໍານວນຫລວງຫລາຍເໝືອນດັ່ງດວງດາວໃນທ້ອງຟ້າ ແລະ ເຮົາຈະມອບດິນແດນທັງໝົດນີ້ໃຫ້ແກ່ເຊື້ອສາຍຂອງພວກເຈົ້າ ເຊິ່ງເຮົາໄດ້ສັນຍາໄວ້ກັບພວກເຂົາແລ້ວ ແລະ ດິນແດນນີ້ຈະເປັນມໍລະດົກຂອງພວກເຂົາຕະຫລອດໄປ’ ”. 14ແລ້ວພຣະເຈົ້າຢາເວຈຶ່ງໄດ້ຜ່ອນລົງ ແລະ ບໍ່ໄດ້ນຳເອົາໄພພິບັດມາໃສ່ປະຊາຊົນຂອງພຣະອົງດັ່ງທີ່ພຣະອົງໄດ້ຂົ່ມຂູ່ໄວ້.
15ໂມເຊຈຶ່ງໄດ້ກັບລົງມາຈາກພູເຂົາພ້ອມກັບຫີນສອງແຜ່ນທີ່ໄດ້ຈາລຶກພັນທະສັນຍາໄວ້ຢູ່ໃນມື. ຫີນທັງສອງແຜ່ນຖືກຈາລຶກໄວ້ທັງສອງດ້ານຄື, ດ້ານໜ້າ ແລະ ດ້ານຫລັງ. 16ຫີນທັງສອງແຜ່ນນັ້ນເປັນງານຂອງພຣະເຈົ້າ; ລາຍມືກໍເປັນລາຍມືຂອງພຣະເຈົ້າ, ເຊິ່ງໄດ້ສະຫລັກໄວ້ໃສ່ແຜ່ນຫີນນັ້ນ.
17ເມື່ອໂຢຊວຍໄດ້ຍິນສຽງປະຊາຊົນໂຫ່ຮ້ອງ, ເພິ່ນຈຶ່ງເວົ້າຕໍ່ໂມເຊວ່າ, “ມີສຽງສູ້ຮົບກັນຢູ່ໃນຄ້າຍພັກ”.
18ແຕ່ໂມເຊໄດ້ຕອບວ່າ:
“ມັນບໍ່ແມ່ນສຽງແຫ່ງໄຊຊະນະ,
ມັນບໍ່ແມ່ນສຽງແຫ່ງການພ່າຍແພ້;
ທີ່ເຮົາໄດ້ຍິນນັ້ນເປັນສຽງຂອງການຮ້ອງເພງ”.
19ເມື່ອໂມເຊໄດ້ເຂົ້າມາໃກ້ຄ້າຍພັກແລ້ວກໍໄດ້ເຫັນຮູບງົວ ແລະ ຄົນກຳລັງຟ້ອນລໍາຢູ່, ຄວາມໃຈຮ້າຍຂອງເພິ່ນກໍລຸກຂຶ້ນ ແລ້ວເພິ່ນຈຶ່ງໂຍນແຜ່ນຫີນອອກຈາກມື ຈົນແຜ່ນຫີນແຕກເປັນປ່ຽງໆຢູ່ທີ່ຕີນພູເຂົານັ້ນ. 20ແລະ ເພິ່ນໄດ້ເອົາຮູບງົວທີ່ຄົນຫລໍ່ຂຶ້ນນັ້ນມາເຜົາໃສ່ໄຟ, ຫລັງຈາກນັ້ນ ເພິ່ນກໍບົດໃຫ້ເປັນຝຸ່ນ, ແລ້ວໂຮຍຝຸ່ນນັ້ນໃສ່ນ້ຳ ແລະ ເອົາໃຫ້ຊາວອິດສະຣາເອນດື່ມນໍ້ານັ້ນ.
21ໂມເຊຖາມອາໂຣນວ່າ, “ຄົນເຫລົ່ານີ້ເຮັດຫຍັງໃຫ້ແກ່ເຈົ້າ, ເຈົ້າຈຶ່ງໄດ້ນຳພາພວກເຂົາເຂົ້າສູ່ບາບທີ່ໃຫຍ່ຫລວງເຊັ່ນນີ້?”
22ອາໂຣນໄດ້ຕອບວ່າ, “ນາຍເອີຍ, ຢ່າໃຈຮ້າຍເລີຍ. ເຈົ້າກໍຮູ້ຈັກຄົນເຫລົ່ານີ້ດີວ່າພວກເຂົາມີທ່າອ່ຽງໄປທາງຊົ່ວຫລາຍເທົ່າໃດ. 23ພວກເຂົາເວົ້າກັບຂ້ອຍວ່າ, ‘ຈົ່ງສ້າງພະຂຶ້ນສຳລັບພວກເຮົາ ເຊິ່ງຈະນຳພາພວກເຮົາໄປ. ເນື່ອງຈາກວ່າໂມເຊຜູ້ທີ່ນຳພວກເຮົາອອກມາຈາກເອຢິບນັ້ນ, ພວກເຮົາບໍ່ຮູ້ວ່າມີຫຍັງເກີດຂຶ້ນກັບເພິ່ນ’. 24ດັ່ງນັ້ນ ຂ້ອຍຈຶ່ງບອກພວກເຂົາວ່າ, ‘ຜູ້ໃດມີເຄື່ອງປະດັບທີ່ເປັນຄຳ, ຈົ່ງຖອດອອກມາ’. ແລ້ວພວກເຂົາຈຶ່ງໄດ້ເອົາຄຳມາໃຫ້ຂ້ອຍ ແລະ ຂ້ອຍກໍຖິ້ມຄຳນັ້ນລົງໃສ່ໄຟ, ແລ້ວກໍອອກມາເປັນຮູບງົວຄຳນີ້ແຫລະ!”
25ເມື່ອໂມເຊເຫັນວ່າປະຊາຊົນໄດ້ຕະເຫລີດໄປ ແລະ ອາໂຣນກໍໄດ້ປ່ອຍໃຫ້ພວກເຂົາຂາດການຄວບຄຸມ ແລະ ຈຶ່ງເປັນທີ່ຫົວສຳລັບສັດຕູຂອງພວກເຂົາ. 26ດັ່ງນັ້ນ ເພິ່ນຈຶ່ງໄປຢືນຢູ່ທີ່ທາງເຂົ້າຄ້າຍພັກ ແລະ ເວົ້າວ່າ, “ຜູ້ໃດກໍຕາມທີ່ຢູ່ເພື່ອພຣະເຈົ້າຢາເວ ຈົ່ງມາຫາເຮົາ”. ແລະ ຊາວເລວີທັງໝົດກໍໄດ້ມາໂຮມກັນກັບເພິ່ນ.
27ແລ້ວເພິ່ນຈຶ່ງໄດ້ເວົ້າຕໍ່ພວກເຂົາວ່າ, “ນີ້ແມ່ນສິ່ງທີ່ພຣະເຈົ້າຢາເວ ພຣະເຈົ້າຂອງອິດສະຣາເອນກ່າວຄື: ‘ໃຫ້ຜູ້ຊາຍແຕ່ລະຄົນຂັດດາບໃສ່ຂ້າງຂອງຕົນໄວ້. ຈົ່ງຍ່າງກັບໄປກັບມາທົ່ວຄ້າຍພັກຈາກສົ້ນເບື້ອງໜຶ່ງໄປຫາອີກສົ້ນເບື້ອງໜຶ່ງ, ໃຫ້ແຕ່ລະຄົນຂ້າອ້າຍ, ໝູ່ເພື່ອນ ແລະ ເພື່ອນບ້ານຂອງຕົນ’ ”. 28ຊາວເລວີໄດ້ປະຕິບັດຕາມທີ່ໂມເຊໄດ້ສັ່ງ ແລະ ໃນມື້ນັ້ນມີປະຊາຊົນປະມານສາມພັນຄົນໄດ້ຕາຍໄປ. 29ແລ້ວໂມເຊໄດ້ເວົ້າວ່າ, “ໃນວັນນີ້ພວກເຈົ້າໄດ້ຖືກແຍກໄວ້ສຳລັບພຣະເຈົ້າຢາເວ, ເພາະພວກເຈົ້າໄດ້ຕໍ່ສູ້ກັບບັນດາລູກຊາຍ ແລະ ບັນດາອ້າຍຂອງພວກເຈົ້າເອງ, ແລ້ວພຣະອົງກໍໄດ້ອວຍພອນພວກເຈົ້າໃນວັນນີ້”.
30ໃນມື້ຕໍ່ມາ ໂມເຊກໍໄດ້ເວົ້າກັບປະຊາຊົນວ່າ, “ພວກເຈົ້າໄດ້ເຮັດບາບອັນໃຫຍ່ແລ້ວ. ແຕ່ບັດນີ້ເຮົາຈະຂຶ້ນໄປພົບພຣະເຈົ້າຢາເວ; ບາງທີເຮົາສາມາດເຮັດການໄຖ່ບາບໃຫ້ພວກເຈົ້າໄດ້”.
31ດັ່ງນັ້ນໂມເຊຈຶ່ງກັບຄືນໄປຫາພຣະເຈົ້າຢາເວ ແລະ ເວົ້າວ່າ, “ໂອ, ປະຊາຊົນເຫລົ່ານີ້ໄດ້ເຮັດບາບອັນໃຫຍ່ແທ້! ຄືພວກເຂົາໄດ້ສ້າງພະຄຳສຳລັບພວກເຂົາເອງ. 32ແຕ່ບັດນີ້ ຂໍໃຫ້ອະໄພບາບຂອງພວກເຂົາດ້ວຍ ແຕ່ຖ້າບໍ່ດັ່ງນັ້ນແລ້ວ ກໍຂໍໃຫ້ລຶບຂ້ານ້ອຍອອກຈາກໜັງສືທີ່ພຣະອົງໄດ້ຂຽນໄວ້ນັ້ນ”.
33ພຣະເຈົ້າຢາເວໄດ້ຕອບໂມເຊວ່າ, “ຜູ້ໃດກໍຕາມທີ່ໄດ້ເຮັດບາບຕໍ່ເຮົາ ເຮົາຈະລຶບອອກຈາກໜັງສືຂອງເຮົາ. 34ບັດນີ້ ຈົ່ງໄປ, ນຳພາປະຊາຊົນໄປຍັງສະຖານທີ່ ເຊິ່ງເຮົາໄດ້ບອກໄວ້ນັ້ນ, ແລ້ວເທວະດາຂອງເຮົາຈະນຳໜ້າເຈົ້າໄປ. ເຖິງຢ່າງໃດກໍຕາມ, ເມື່ອເຖິງເວລາຂອງເຮົາທີ່ຈະລົງໂທດ, ເຮົາຈະລົງໂທດພວກເຂົາສຳລັບຄວາມບາບຂອງພວກເຂົາ”.
35ແລະ ພຣະເຈົ້າຢາເວໄດ້ຕີປະຊາຊົນດ້ວຍໄພພິບັດ ເພາະສິ່ງທີ່ພວກເຂົາໄດ້ກະທຳກັບງົວຄຳທີ່ອາໂຣນສ້າງຂຶ້ນ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Holy Bible, Lao Contemporary Version™| © 2023, 2025 by Biblica, Inc.|
Used with permission. All rights reserved worldwide.© 2023, 2025 by Biblica, Inc.