Yiib 11

Kum kʋ Egipt dim bikpɛɛmnam si'em

1Ka Zugsɔb yɛl Moses ya'as ye, “M na kɛ ka namistita'ar ayinne sig Na'ab Faaro nɛ Egipt teŋin na. Ka lin nya'aŋ o na kɛ ka ya wʋsa yi. Hali o na kadi ya yis o teŋin la. 2Yɛlim nidib la wʋsa, dap nɛ pu'ab, ye ba yɛli ba kpi'es ka ba tisi ba anzurifa nɛ sanlima.” 3Zugsɔb la da kɛ ka Egipt dim la gɔs nidib la sʋ'ʋŋa, hali ka Faaro kpɛɛmnam nɛ o nidib la wʋsa tis Moses girima. 4Ka Moses yɛl Faaro ye, “Zugsɔb la yɛl si'eli nwa', ‘Yʋ'ʋŋ kaŋa m na gilig Egipt teŋ la wʋsa, 5ka Egipt dim bikpɛɛmnam wʋsa na kpi, lin yi Na'ab Faaro onɛ zin' na'am gbauŋ zug la biribiŋ kpɛɛm kem paae pu'a onɛ an yammʋg biribiŋ kpɛɛm, hali nɛ niigi bikpɛɛmnam wʋsa. 6Ka Egipt wʋsa na mɔr sʋnsa'aŋ kanɛ ka li taab nan zi' bɛ teŋ la nii, ka mɛ kʋ lɛm bɛ ya'asɛ. 7Amaa Israel dim la san'an, hali baa kʋ wɛsi vɔlis saal bɛɛ bʋnkɔnbʋgɔ’; ala ka ya na baŋ ye Zugsɔb bak Egipt dim nɛ Israel dim. 8Ka fʋ kpɛɛmnam la na kena igin mam tuon ka nwɛ' nu'ug ka ye, ‘Fʋn nɛ fʋ nya'andɔlib la wʋsa yimi!’ Ka li nya'aŋ ka m yʋ'ʋn na yi.” Ka Moses sʋʋnr duoe ka o yi Na'ab Faaro san'an.

9Ka Zugsɔb yɛl Moses ye, “Na'ab Faaro kʋ siakɛ, dinɛ mɛ na kɛ ka m tʋʋmnyalima la nɔbig Egipt pʋʋgin.” 10Moses nɛ Aaron tʋm tʋʋm nyalim bama wʋsa Na'ab Faaro nifin, amaa Zugsɔb kɛ nɛ ka Faaro sʋnf digilim ka o pʋ kɛ ka nidib la yii o teŋinɛ.

Currently Selected:

Yiib 11: kus_gh

Highlight

Copy

Compare