Mateu 28
28
Kupinduka kwa Yesu kwafu
(Mar 16.1-10; Luk 24.1-12; Joh 20.1-10)
1Dyo Savata o ku di na pu, ruura mu diyuwa dyo kutanga mu sunda, a Madiya Magadalena na Madiya yumweya a thzire ku ka thzingura pa thsidi.
2Popo kwekarire kungangama kokukuru ko kaye, inene kangeru ka Fumu ka tundire ku wiru no ku na arumuna diwe ku thsidi no kwikarapo. 3Thsihanga thsako thsa monaharire eci kwethsa ko mvura, nevata yako nedi ikenu too. 4Akwakunyunga thsidi a yapire nene no ku tutuma, a pwererire no kuara eci ethzimbi.
5Unone kangeru ka amberire awo ambuyama ci: “Mwa yapa, inene ni na dimuka ci mwaa fota Yesu oya namba pa mbinda. 6Ka a dimo omu! Na pinduka kwafu eci diya a ambire. Mu keye na mu mone paya naa rara. 7Mu yokorore mu thze mu ka tongwere erongwa yenthzi ci o na pinduka kwafu, o na citangethza ku nGalileya oku mwaa ka mu monena. Eyi yo ni na keyera ku na mi tongwera.”
8Awo ambuyama a tundire pa thsidi wanguwangu. A yapire, unone ekarire no thsinyanyu thsothsikuru. A yokororire ku ka tongwera erongwa. 9Popo Yesu wa hokokire kukwo, wa wa vumenenine. Awo a mu henyenine no ku mu kwata kwidyato no ku mu rombera. 10Yesu ngou a wa amberire ci: “Mwa yapa! Mu thze pohuma, mu ka tongwere aenthzange ci a thze ku nGalileya, kodiyo aa ka ni monena.”
Muthzimbu wakwakunyunga
11Awo ambuyama o kwa di mu dikuñwa, amweya kwakwakunyunga thsidi a thzire mu mbongi no ku ka tongwera akuru o mapurisita yoihe eyi ya tendaharire. 12Akuru o mapurisita a ciwanine nakuru o mbunga ku ciyongora. Ngou a pire mashwarare madi oangi, 13no ku wa ambera ci: “Mu tongwere anu ci: ‘Erongwa yenthzi shime i na keye othsiku no ku nethza thsithzimbi atwe o ku tu na rara.’ 14Shaanga waa ku i yuve nguvuru, atwe kenge twa ku mu rakwithsa no ku mi tundithsa mukaru ouhe.” 15Mashwarare a shimbire ao madi no ku tenda eci edi a wa tongwerire. Mweyo, eyi ya yukire mu kaci ko Majuda, karo koku amba a i amba no rerodino.
Thsitumiwa thsoshokuru
(Mar 16.14-18; Luk 24.36-49; Joh 20.19-23; Ete 1.6-8)
16Erongwa yo dikumi na thsofoci ngou ya thzire ku nGalileya, ku mukinya ou a wa tongwerire Yesu. 17Ou ya mu monine, ya mu romberire, unone imweya ya mu tamangerire. 18Yesu wa henyenine kwirongwa yenthzi no ku i ambera ci: “Na ni piwa okoro ouhe mu wiru no pano pa kaye. 19Mweyo, mu thze mu ka rongithse anu o matunga oahe ci ekare erongwa yange. Mwa ku ka wa korovethze mu dithzina dya Tata nedi dya Mwana nedi dyo Mupepo Oukenu. 20Mu ka wa rongithse ku hengeka yoihe eyi na ni mi raerera. Mu dimuke ci kenge nikaranga nenu mayuwa oahe shime ku ka kuma ku mamaneneno o kaye.”
Currently Selected:
Mateu 28: mho
Highlight
Share
Copy
Want to have your highlights saved across all your devices? Sign up or sign in
©2023 The Seed Company
Mateu 28
28
Kupinduka kwa Yesu kwafu
(Mar 16.1-10; Luk 24.1-12; Joh 20.1-10)
1Dyo Savata o ku di na pu, ruura mu diyuwa dyo kutanga mu sunda, a Madiya Magadalena na Madiya yumweya a thzire ku ka thzingura pa thsidi.
2Popo kwekarire kungangama kokukuru ko kaye, inene kangeru ka Fumu ka tundire ku wiru no ku na arumuna diwe ku thsidi no kwikarapo. 3Thsihanga thsako thsa monaharire eci kwethsa ko mvura, nevata yako nedi ikenu too. 4Akwakunyunga thsidi a yapire nene no ku tutuma, a pwererire no kuara eci ethzimbi.
5Unone kangeru ka amberire awo ambuyama ci: “Mwa yapa, inene ni na dimuka ci mwaa fota Yesu oya namba pa mbinda. 6Ka a dimo omu! Na pinduka kwafu eci diya a ambire. Mu keye na mu mone paya naa rara. 7Mu yokorore mu thze mu ka tongwere erongwa yenthzi ci o na pinduka kwafu, o na citangethza ku nGalileya oku mwaa ka mu monena. Eyi yo ni na keyera ku na mi tongwera.”
8Awo ambuyama a tundire pa thsidi wanguwangu. A yapire, unone ekarire no thsinyanyu thsothsikuru. A yokororire ku ka tongwera erongwa. 9Popo Yesu wa hokokire kukwo, wa wa vumenenine. Awo a mu henyenine no ku mu kwata kwidyato no ku mu rombera. 10Yesu ngou a wa amberire ci: “Mwa yapa! Mu thze pohuma, mu ka tongwere aenthzange ci a thze ku nGalileya, kodiyo aa ka ni monena.”
Muthzimbu wakwakunyunga
11Awo ambuyama o kwa di mu dikuñwa, amweya kwakwakunyunga thsidi a thzire mu mbongi no ku ka tongwera akuru o mapurisita yoihe eyi ya tendaharire. 12Akuru o mapurisita a ciwanine nakuru o mbunga ku ciyongora. Ngou a pire mashwarare madi oangi, 13no ku wa ambera ci: “Mu tongwere anu ci: ‘Erongwa yenthzi shime i na keye othsiku no ku nethza thsithzimbi atwe o ku tu na rara.’ 14Shaanga waa ku i yuve nguvuru, atwe kenge twa ku mu rakwithsa no ku mi tundithsa mukaru ouhe.” 15Mashwarare a shimbire ao madi no ku tenda eci edi a wa tongwerire. Mweyo, eyi ya yukire mu kaci ko Majuda, karo koku amba a i amba no rerodino.
Thsitumiwa thsoshokuru
(Mar 16.14-18; Luk 24.36-49; Joh 20.19-23; Ete 1.6-8)
16Erongwa yo dikumi na thsofoci ngou ya thzire ku nGalileya, ku mukinya ou a wa tongwerire Yesu. 17Ou ya mu monine, ya mu romberire, unone imweya ya mu tamangerire. 18Yesu wa henyenine kwirongwa yenthzi no ku i ambera ci: “Na ni piwa okoro ouhe mu wiru no pano pa kaye. 19Mweyo, mu thze mu ka rongithse anu o matunga oahe ci ekare erongwa yange. Mwa ku ka wa korovethze mu dithzina dya Tata nedi dya Mwana nedi dyo Mupepo Oukenu. 20Mu ka wa rongithse ku hengeka yoihe eyi na ni mi raerera. Mu dimuke ci kenge nikaranga nenu mayuwa oahe shime ku ka kuma ku mamaneneno o kaye.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2023 The Seed Company