GYUNG Dangphank
Dangphank
Hai Gyung cho buk gas Israel jens Sina boms masyah thuq las, Mangso nyamoq lyis dyei das ge dangthoengh toh dah Khanan mau buisthuq shot maukyo jweh shoq vluk 40 zvn gyo lyis dah mvnyei taiq toh. Hai buk nyings gas nyamoq gyung ma toq shih lyis Sina boms mas Moshe Israel jens lyis nyings kui cho, dius caiq dvcaiq ko lai thang lhyi Yodan lvng buisthuq shot, Moab pa mha nyings doms kui cho yah sen zis nghuot. Hai nyings aiq lhain kui dah jo mas Israel jens gas Khanan mau mautyi shot maukyo nghuot dah Kadesh Barnea mha jweh nyeis. Nghuot laus eq hou mhayah dangthoengh toh dah Khanan mau mas ma xauh wvng. Nyamoq houmha nyoshoq zvn nyeis khoq thang lhyi, Yodan lvng buisthuq shot pheh jweh loh las dvyhamh houmha khyei khyoq nyeis goeus. Nyet bang gas Yodan lvng goeu las Khanan mau mas wvng das zis sont nyeis.
Gyung cho buk gas, dius gas shanghsenh cho xauh lyis nhaiqkuk yomgyau lwis las Mangso lhyi eq, dius lyis uhshe das xiklyis Mangso toeuq kat toh dah Moshe lhyi eq dvsoq soq lyis gomloeus toq dah dius nyau lyis chixoeuq toh. Israel jens mas yomnhuk cho yahge domsyos ma gyo dah wotwu bos laus eq Mangso ka nyah dius nyau lyis gomh nyeis cho, dvlhain lhain ma yoh jhen lo das shoq yomgyau cho thungh phuh laus eq Moshe ka Mangso yahge nyah dius nyau thoq mas toh dah wontang cho lhyi haih buk mas chixoeuq toh.
Danggvn
Israel jen Sina Boms masyah thuq sont 1:1-9:2
a. Cangxeih nyings kui 1:1-4:49
b. Lyi vja ja 5:1-8:26
c. Lhuiq Kat Pwe aiq vlhain 9:1-23
Sina Boms masyah Moab pa 10:1-21:35
Moab pa mha bweh cho 22:1-32:42
Egutu masyah Moab pa 33:1-49
Yodan lvng ma goeu shih lyi shet cho 33:50-36:13
Currently Selected:
GYUNG Dangphank: NCB
Highlight
Share
Copy
Want to have your highlights saved across all your devices? Sign up or sign in
Ngochang Common Language Bible © Bible Society of Myanmar, 2010.