MIKHA 2
2
Zaiq bang dah uhpui loqkyoq
1Ma gis cho toeuq las gying lhain toh bang xiklyis kha iq gyuk chank bos das lah! Nyoqnyvng los lyis, nyamoq toeuh yoh yah dvyih, nyamoq toeuq dah ma gis cho lhyi tsain kuot. 2Nyamoq maunyeis o lhyi hauh yvlyis lhuot yoeus. Nyamoq yhen o lyis eq yoeus tyamp. Hank yhenbang, nghuot ya kyahsoe eq jesluiq zis ma bos.
3Housoeh las Yhensain taiq, Ngos namoq thoq mas dyoqbis zainsmuh she kat das zis toeuq nyeis. Namoq hauh yvlyis ma yoh phang luiq das. Namoq gas yau cho xauh das zis tsain xo nyeis. Housoeh lyis namoq gas khwank zis yah ma suh lo das. 4Hauh shishenh jweh lyis dius jens gas namoq dah mvnyei dyoqbis zainsmuh yikhyoh khyvlyis yhung lha taiq das. Nyamoq gas hai namoq thungh phuh dah nhaiqlom thank cho lhyi lvkhyank kat das.
Ngamoq gas thank shoq thyoqpi zis xauh goeus!
Yhensain ka ngamoq dah maunyeis yoeus tyamp las
ngamoq lyis shwih jons loh bang lyis dyei goeus, ge.#2.4 Jons shwih doeus loh bang lyis Hebre mas gomloeus toq bang, ge toh.
5Housoeh las Yhensain dah dius jens lyis hauh maunyeis tauh dyei shishenh jweh lyis namoq hank nyhenshang eq gvmboms ma bos.
6Dius jens ngos lyis lhah las taiq, Ngamoq lyis vlhah, Hauh cho dvnganh vlhah. Mangso ngamoq lyis xoq ma phuh nhang das. 7Israel dius jens eh, namoq housoeh taiq gis lhyeh? Yhensain ka ma yoh jhen lo lhyeh? Nyang jyoengh housoeh kuot das lhyeh? Jus zis kuot bang lyis nhaiqbos bos ma taiq lhyeh?
8 Yhensain phuk taiq, Namoq ngah dius jens lyis jeswus lyis teh zan. Jeszan masyah tauh los bang gas yhen mha jesluiq goeus ge nghamh, laus eq namoq gas nyamoq nunghkhung mha dah thoq dyi khauh yoeus das ge langh nyeis.#2.8 Hebre mas ma bvng. 9Namoq gas ngah dius vmesbih jens lyis nyamoq jyet dah yhen mhayah khat tyamp. Ngah dah vcaiq vto shvmanh nghuot dah nyamoq loshang jens lyis namoq lhuot yoeus. 10Toq las loh lo geh; haih yvmas jesluiq joqyos ma nghuot lo. Namoq dah yaunos gas haih joqyos lyis dyoqbis tyamp nhang lo das.
11Haih dius jens o dah lvpe ja gas, Namoq xiklyis zvbiq yahge yhei yaus das oen ngos pe ge, mhuih cho dyingh dyingh yah hwah pe lha taiq yenh dah soeu nghuot.
12Nghuot laus eq ngos namoq nyet joq dah Israel dius jens dvnganh lyis dvgeh tsainh toh das. Ngos namoq lyis yvng jens gas yvng zungs mas tauh los teh dvgeh shwih los das. Katjang mas yvng jens dyingh teh, namoq mau mas dius nyoshoq dvlhain doms dyingh nhang das.
13Mangso ka nyamoq xiklyis cho phank dyei las, nyamoq lyis jonsdoeus masyah choshe thuq das. Nyamoq gas wus khomh lyis thyoq las shot shot loh das. Nyamoq dah hwankti, Yhensain nyang nyamoq lyis uhshe thuq loh das.
Currently Selected:
MIKHA 2: NCB
Highlight
Share
Copy
Want to have your highlights saved across all your devices? Sign up or sign in
Ngochang Common Language Bible © Bible Society of Myanmar, 2010.