YEREMIA Dangphank
Dangphank
Lvpe Yeremia gas B.C. nyhet xobon vthang yahge khyuk xobon cangxeih vdoeus gyo lyis nyangh shoq Mangso muh wons khoq. Nyang gas Mangso dah dius jens lyis, nyamoq phvra paiq cho, yaunos gvng mas, nyamoq mau mas lvnyap jweh los das, yau cho yah sen lha zaih nhang. Babilon hwankti Nebukhaneza loq o mha Yerusalem wus gyoh cho, Yerusalem wus, Yhenmuh monh zis yah Yuda hwankti yah dvgeh dius jens nyoshoq Babilon pheh jonsdoeus loh das. Dius jens jonsdoeus masyah tauh los las dius nyau lyis doms toeu das ge eq pe toh.
Yeremia buk lyis o mha khyvlyis yoh gvn: (1) Yeremia lyis lui cho; (2) Yuda dius nyau jens, nyamoq dah guon bang: Yosia, Yehoiakim, Yehoiakhin yahge Zedekia moq zaih lyis Mangso jyank mas loeus; (3) Yeremia kang dwis yoq lyis pe cho vja ja, yhaugyen dah bweh cho bos, Yeremia dah muhsain Baruk cho comh yvmas dah cho jens; (4) Gohnyau bang cho Yhensain jyank mas dah nyoqnyvng; (5) Yerusalem gyoh das cho, Babilon pheh jonsdoeus das cho chixoeuq dah sungson vthang.
Yeremia gas ehnyet nhuk soeu nghuot. Nyang gas nyah dius lyis svsoh jyetdap las, nyamoq thoq mas soetuon cho ma mes bweh nhang. Mangso ka nyang lyis lvpe pe das zis khi yvmvyah, nyang xauh kham cho, ehnyet mas zangh cho taiq thuq yvlyis jyomp dang mas yoh nyvng. Mangso dang gas nyah ehnyet mas nyi soeh ngeh las hauh yvlyis ma yoh tsomh toh.
Haih buk mas Yeremia dah yaukyenh shanghsenh cho shishenh lyis lai las thanghchvp vsaiq yoh das shishenh lyis tuonh xoeuq dah dangzains tsain bos. Hau thanghchvp saiq lyis chank das xiklyis Mangso dah dius nyau lyis ma taiq kyingh noh: khasoeh ge lyis, hauh thanghchvp gas nyamoq dah nhaiqlom mas lhaih toh goeus.
Danggvn
Yeremia lyis lui yoeus 1:1-19
Yosia, Yehoiakim, Yehoiakhin, Zedekia moq zaih lyis pe cho 2:1-25, 38
Yeremia thungh phuh cho 26:1-45:5
Dius nyau jens lyis tyi lha pe cho 46:1-51:64
Yerusalem wus gyoh cho 52:1-34
Currently Selected:
YEREMIA Dangphank: NCB
Highlight
Share
Copy
Want to have your highlights saved across all your devices? Sign up or sign in
Ngochang Common Language Bible © Bible Society of Myanmar, 2010.