DYUNG 2
2
Moshe Khoeu los
1Gvshih Israel vnyau Lewi vkoq vbusbih dvyuk gas Lewi vmesbih dvyuk lyis phoengh hwank. 2Hauh vmesbih ung mha loshang chi lha yukgis lo khoeu los. Hauh loshang yungh yvlyis nyah ungwes nyvng las nyang lyis lhamhmuh somh khyvp shung toh.#Lgy 7.20; Heb 11.23 3Hauh thang lhyi ma yoh shung lo lyis, jvmbu kyunk yoq las jyeih yahge saiq gyei cauh lho lha houmha loshang kat las Nile lvng yvm jvmbu gyomh mas nyoeu nhang toh. 4Nyah vbi eq nyang khasoeh bweh zis yoeuh das ge we we mas yap joq.
5Hauh uhlyis Pharao dah lonyi gas gungs cheih das ge Nile lvng pheh e loh. Nyang nyah jons nyhiq jens yah dvgeh jeislvng jyankyvm chank yah loh nyeis lyis jvmbu gyomh mas kyunk dvkoeuq lyis nyvng las nyah jyeidwis vmesbih lyis e yoeus los nhang. 6Kyunk nyheih phank yoeuh lyis nyang hauh loshang lhyi nyvng, yoeuh aq, hauh loshang eq ngaus nyeis. Housoeh nyang nhaiqnyen las taiq zis gas, Heika Hebre lo nghuot, ge.
7Nyah vbi eq Pharao lonyi lyis, Ngos nah xiklyis hauh loshang lhyi nauh gvmshuk das Hebre vmesbih dvyuk loh lhung dyei bah lheih, ge.
8Pharao lonyi eq, Loh lhung dyei aq, ge nhang kat lyis, hauh nyelo gas hauh loshang dah ungwes lyis loh shwih los dyei. 9Housoeh las Pharao lonyi gas, Nvng ngah xiklyis haih loshang loh shwih nyhoeu dyei aq, ngos nvng lyis uhkung phauh dyei das, ge kat zis yah dvyhangteh hauh vmesbih eq loshang yoeus loh las nauh gvmshuk dyei. 10Hauh loshang kuh los goeus ya, Pharao lonyi jyank mas shwih kat dyei las, nyah lo duot nyeis. Nyang hauh loshang lhyi Moshe ge nyhink. Houka, Ngos, nyang lyis jeis masyah siq yoeus ge zis nghuot.#Lgy 7.21
Moshe Midian pheh Phang
11Moshe kuh los lyis, nyah vnyau muh changh zwi nyeis yvlyis e yoeuh. Egutu dius dvyuk nyah vnyau Hebre dvyuk lyis bat nyeis zis nyvng.#Heb 11.24#Lgy 7.23-28 12Nyang vyvm vwi yoeuh lyis hank eq ma nyvng las Egutu dius lyis sat las sihsho yos mas shung. 13Nungs nyeih nyang doms thuq loh lyis Hebre aiq yuk bat goh nyeis las nyang gas shuot vyuk lyis, Nvng dyenschangh phoq lyis chamus bat, ge.
14Hauh soeu ka, Nvng lyis ngamoq thoq mas guon soeu yahge soetuon soeu hank kuot nhang? Nvng hau Egutu dius lyis sat teh ngos lyis eq sat bah oen sont lhyeh, ge toeuh. Housoeh las Moshe ka jyoengh haih cho vthang thuq soh bos goeus ge gyuk nyeis. 15Hauh cho Pharao xauhgyo lyis Moshe lhyi sat das ge xo nyeis. Moshe ka Pharao jyank masyah Midian mau mas loh phang nyeis.#Lgy 7.29; Heb 11.27
Houmha jweh lyis nyang jeis dwang dvkoeuq nvm mas loh no nyeis. 16Gvshih Midian phudyei soeu ka lonyi nyhet yuk yoh. Nyamoq gas nyamoq uwus dah yvng shvbeq khom lhyi jeis gvmshuk das ge lang mas jeis tsain kham tyink. 17Yvng yoeuh bang gas nyamoq lyis khat tyamp. Moshe ka nyelo jens dah yvng shvbeq khom lhyi jeis toq bos pangh gvmshuk. 18Nyamoq gas nyamoq uwus Reuel jyank mas jweh lyis, uwus gas, Khvnyhik namoq chamus hei iq noq jweh los goh lah, ge lhom nyei.
19Nyamoq gas, Egutu dius dvyuk ngamoq lyis yvng yoeuh bang loq masyah khyuot las, ngamoq dah yvng shvbeq phung lhyi jeis luk shoq bos kham gvmshuk, ge taiq kyoh.
20Nyang gas nyah lonyi jens lyis, Nyang khalhye nyeis? Nyang lyis chamus toh khoq? Nyang lyis e khi los geh, wom zo bas jungh, ge.
21Moshe hauh soeu jyank mas nyeis mes las nyang nyah lonyi Zipora Moshe lhyi dyeizo. 22Zipora eq yukgis lo khoeu lha, Moshe ka, Ngos lvbaus mau mas boengh duot nyeis ge, nyang lyis Gershom ge nyhink.
23Buisnyeis nyangh shoq thang lhyi Egutu hwankti shei goeus. Israel jens eq hau jons duot yvwons gvng mas noskyingh ngaus nyeis. Nyamoq jons duot las pangh aq ge dung dang gas nyamoq dah Mangso jyank jweh bangh loh. 24Nyamoq noskyingh dang Mangso xauhgyo dyei las, Abraham, Isak, Yakop moq yah toh dah thanghchvp lyis soh.#Vpm 15.13-14 25Mangso ka Israel jens lyis yoeuh las, nyamoq dah chojeis lyis pangh.
Currently Selected:
DYUNG 2: NCB
Highlight
Share
Copy
Want to have your highlights saved across all your devices? Sign up or sign in
Ngochang Common Language Bible © Bible Society of Myanmar, 2010.