1 TIMOTHI Dangphank
Dangphank
Timothi gas Asia ngis munghdan mas dah Khristan wotyamh dvyuk nghuot. Nyah uwus gas Greek, ungwes gas Yuda vnyau nghuot. Nyang Lvgyo Paulo yah chank las sasvna muh mas pangh soeu eq nghuot. Lvgyo Paulo dah Timothi lyis cangxeih huon maussauh mas cho somh khvt lyis vgungs toh las lhaih.
Cangxeih vcho ka:- Phung khau mha shuot dah jyauh cho bos las zaih nhang. Houka Yuda jens dah nghamh cho yahge Yuda ma nghuot bang dah nghamh cho xonh mhayah thuq los dah cho nghuot. Hau shuot dah jyauh cho jens gas, Hai nyoq yah yoh nyvng dah mungkvn gas ma shop las dius dvyuk khyuot yoeus zis xauh das nyhenshang gohtseq nghuot las yau zis yahge noq thank dah seq cho yoh chah. Hauh thoq lyis zonoms dvkhamh lyis jhank chah, nyi ma gis yoeus, ge yvlyis vgungs toh dah lomsjingh cho tsain nghuot. Aiq vcho ka:- Phung lhyi guon cho yahge paiq cho, tsai phung lhyi shwih bang yahge pangh thuk bang mas bos chah dah wotwu teh zis yah sen lha taiq shet cho tsain bos. Thang thank Timothi gas Yhensain Yesu dah lvgyo dvyuk khasoeh bweh chah cho yahge lomsjingh dah Khristan phung dius vja ja lyis shwih uhshe soeu kuot chah dah yvwons yah sen lha joeui dyei cho tsain nghuot.
Danggvn
Dangphank 1:1-2
Phung yahge phung mha shwih uhshe bang yah sen zis 1:3-3:16
Timothi kuot nyeis dah muhzoh yah sen lha taiq shet cho 4:1-6:21
Currently Selected:
1 TIMOTHI Dangphank: NCB
Highlight
Share
Copy
Want to have your highlights saved across all your devices? Sign up or sign in
Ngochang Common Language Bible © Bible Society of Myanmar, 2010.