1 THESALONI Dangphank
Dangphank
Thesaloni wus gas Roma munghdan vkhau mha Makedoni mau dah wusmuh nghuot. Lvgyo Paulo ka Philipi wus masyah thuq los las hauh wus mas phung dvkoeuq kuot toh. Nghuot laus eq ma nyangh lyis Thesaloni wus mas Yuda loms noq thungh mas nhaiq wvng zoh loh dah Yuda dius ma nghuot bang mas Khristu dah gausyis dang lyis Paulo taiq kyoh lyis ung los yvmvyah Yuda jens noh las Paulo lhyi tyixo cho bos los. Housoeh las Lvgyo Paulo ka Thesaloni wus masyah Berea wus pheh jhank loh chah. Hou mhayah Korinthu wus pheh jweh loh lyis nyah muh wons changh Timothi chank jweh los. Nyang gas Thesaloni wus mas bweh cho lhyi taiq kyoh las Paulo yoh seq yoeus.
Lvgyo Paulo Thesaloni bang lyis cangxeih huon maussauh dah toeuqkhom ka, Thesaloni wus mas dah phung dius jens lyis yomdyei, womh ehnyet bos los nhang das xiklyis lhaih kat. Hauh maussauh mas nyang gas hauh dius jens dah lomsjingh cho yahge jyetdap ehnyet gvng mas jyehjuh chungh nyeis. Nyang nyamoq yah nyeis shih yoq lyis nyang kang khasoeh dwis xoeuq lai loh goeus cho lhyi doms taiq kyingh kat. Hauh thang lhyi Khristan dvyuk yuk gas, Khristu ma jweh los shih gyo lyis shei loh lyis, Yhensain doms jweh los lyis dyei das ge dah vcaiq vto kang lhyi xauh yoeus das lah, ge dah nyeidang Khristan phung khau mha nyei nyeis dang lyis phuk taiq nyeis. Paulo ka haih toeuh lyis yoeus las, Khristan jens gas Khristu doms jweh los das shishenh lyis langh uhjyangh kuot chah dah muh lyis samlo tsoq kuot loh chah cho taiq shet toh.
Danggvn
Dangphank 1:1
Nhaiqshoqlang sang dang 1:2-3:13
Khristan wotwu yah sen lha taiq kyingh cho 4:1-12
Khristu doms jweh los das cho jyauh 4:13-5:11
Thang thank taiq kyingh dang 12-22
Dang thang sau 5:23-28
Currently Selected:
1 THESALONI Dangphank: NCB
Highlight
Share
Copy
Want to have your highlights saved across all your devices? Sign up or sign in
Ngochang Common Language Bible © Bible Society of Myanmar, 2010.