ዮኤል 1
1
1ዱቢ ዋቀዮ ከን ገረ ዮኤል እልመ ጴቱኤል ዹፌ።
ዌረረ ሀዋንሳ
2ያ ማንጉዶተ፣ ዋን ከነ ዸገኣ፤
ወር ብየቲ ኬሰ ጅራተን ሁንድኑ ዸጌፈዻ።
ወን አከና ተኩማ በረኬሰን ኬሰ
ዮካን በረ አቦቲኬሰኒ ኬሰ ተኤ ቤካ?
3እስን ዋን ከነ እጆሌኬሰንት ህማ፤
እጆሌንኬሰንስ እጆሌ ኦፊሳኒት ሃህመን፤
እጆሌንሳኒሞ ዸሎተ እት ኣኑት ሃደበርሰን።
4ዋን ቱትን ሀዋንሳ ዺሴ፣
ሀዋንስን ጉዳን ፍጤ፤
ዋን ሀዋንስን ጉዳን ዺሴ፣
ሀዋንስን ጥጥናን ኛቴ ፍጤ፤
ዋን ሀዋንስን ጥጥናን ዺሴሞ
ሀዋንስን ብራ ዹፌ ኛቴ።
5ያ መቾፍቶተ፣ ከኣቲ ቦኣ!
እስን ወር ዳዺ ወይኒ ዹግደን ሁንድኑ ወዋዻ፤
ሰበቢ ዳዺ ወይኒ ሃራቲፍ ወዋዻ፤
እን አፋንኬሰንራ ቡተሜራቲ።
6ሰብን ጀባን አከ መሌ ባይኤን ቶኮ
ብየኮ ዌረሬረ፤
እን እልካን ሌንጫ፣
ቀርፋ ሌንጨ ዸላ ቀበ።
7እን ሙከ ወይኒኮ ኦንሴ
ሀርቡኮስ በርበዴሴረ።
እን ቆለሳኒራ ቁንጭሴ ለፈት ገቴ
ደሜሌሳኒ ዱዋ ሀምብሴ።
8እስን አኩመ ዱርበ ወያ ገዳ ኡፈቴ
ዽርሰ እጆሉማሼቲፍ ገድቱት ቦኣ።
9ኬናን ምዻኒቲፊ ዽባዩን
መነ ዋቀዮራ ጭተኒሩ።
ሉቦትን ፉለ ዋቀዮ ዱረ ተጃጅለን
ቦኣ ጅሩ።
10ለፍት ቆቲሳ ኦኔረ፤
ለፍትስ ጎጌረ፤
ምዻን በርበዳኤረ፤
ዳዺን ወይኒ ሃራን ዹሜረ፤
ዘይቲንስ ዸበሜረ።
11ያ ቆናን ቡልቶተ፣ እስን ራፈማ፤
ወር ወይኒ ዻበተን ቦኣ፤
ሰበቢ ምዻን ለፈ ቆቲሳኬሰኒ
በርበዳኤፍ ቀመዲፊ ገርቡዻፍ ቦኣ።
12ወይኒን ጎጌረ፤
ሀርቡንስ ጮለጌረ፤
ሮማኒን፣ ሜጢፊ ሁዻን፣
ሙኬን ለፈ ቆቲሳ ሁንድኑ ጎገኒሩ።
ዹጉማን ገመቹን እልማን ነማ
እራ በዴረ።
ዋምቸ ቀልቢ ጅጂረቹ
13ያ ሉቦተ፣ ወያ ገዳ ኡፈዻቲ ቦኣ፤
እስን ወር እዶ ኣርሳ ዱረ ተጃጅልተን ወዋዻ።
እስን ወር ፉለ ዋቀኮ ዱረ ተጃጅልተን
ኮታቲ ወያ ገዳ ኡፈዻ ቡላ፤
ኬናን ምዻኒቲፊ ዽባዩን
መነ ዋቃራ ሀምብፈመኒሩቲ።
14ሶመ ቁልቁሉ ለብሳ፤
ወልዳ ቁልቁሉ ዋማ።
ማንጉዶታፊ
ወረ ብየቲ ኬሰ ጅራተን ሁንደ
ገረ መነ ዋቀዮ ዋቀኬሰኒት ዋማቲ
ዋቀዮት ቦኣ።
15በድኔካ! ጉያን ሱን ዽኣቴረ።
ጉያን ዋቀዮ ገኤራቲ፤
እን አኩመ በዲሳት ዋቀ ዋን ሁንደ ደንደኡ ብራ ዹፈ።
16እጁመኬኘ ዱረት
ኛትን ጭቴ፤
እልሌፊ ገመቹንስ
መነ ዋቀኬኛራ ህንጭትኔ?
17ሰኚን ለፈ ኬሰት
ቶርቶሬ ሀፌ።
መንኩስን ዲገሜረ፤
ጎምብሳን ጨጨቤረ፤
ምዻን ጎጌ ሀፌራቲ።
18ሎን አከም መርአቱ!
ከር ሎኒ ሰበቢ ዋን ዼዱ ዸቤፍ
አሲፊ አች ጆረ፤
ቡሻዬንስ ዽጰተኒሩ።
19ያ ዋቀዮ አን ስን ዋመዸ፤
እብድ ለፈ ዼዳ በርበዴሴ
አረብን እብዳሞ ሙኬን ዲዳ ሁንደ ጉቤ ፍጤራቲ።
20ብኔንሶትን ቦሶና ስት ገገቡ፤
ለግን ብሻኒ ጎጌረ፤
እብድስ ድሬ ዼዳ ጉቤ በሌሴረ።
Currently Selected:
ዮኤል 1: NOCV
Highlight
Share
Compare
Copy
Want to have your highlights saved across all your devices? Sign up or sign in
ክታበ ቁልቁሉ፣ ሂካ አመያ ሃራ™፣
ምርግ ሴራን ኤገመ © 2009፣ 2020፣ 2022 Biblica, Inc.
ኤየማን እት ፈየደሙ።
ምርግ ሁንድ አዱኛ ጉቱረት ከን ኤገሜዸ።
Holy Bible, New Oromo Contemporary Version™
Copyright © 2009, 2020, 2022 by Biblica, Inc.
Used with permission. All rights Reserved worldwide.
