በኡ 6
6
1 ዋቀዮስ ሙሴዻን፣ “አመ ዋን አን ፈረኦንረት ሆጄዹ አት ንአርግተ፦ ሰበቢ እሬኮ ጀባ ሰናቲፍ ሞትች ገድ እሳን ዺሰ፤ ሰበቢ እሬኮ ጀባ ሰናቲፍስ ሞትች ብየሳ ኬሳ እሳን አርአ” ጄዼ።
2ዋቅን አመስ ሙሴዻን አከነ ጄዼ፤ “አን ዋቀዮ። 3አን አከ ዋቀ ዋን ሁንደ ደንደኡተን አብረሃምት፣ ይስሃቅቲፊ ያቆብት ሙልአዼ፤ ገሩ መቃኮ ዋቀዮን እሳንት ኦፍ ህንቤክስፍኔ። 4አከሱመስ አን ብየ ከነኣን ለፈ እሳን አከ አለጋት ኬሰ ጅራተን ሰነ እሳኒ ኬኑፍ ጄዼ እሳን ወጅን ከኩ ገሌረ። 5ከነረትስ፣ አን ኣዱ ሰበ እስራኤል ከኔን ወረ ግብጢን ገርቦምፈመን ሰና ዸገኤ ከኩኮ ያደዼረ።
6“ከናፉ ሰበ እስራኤሊን አከነ ጄዽ፦ ‘አን ዋቀዮ፤ ዋንጆ ወረ ግብጥ ጀላ እስን ነንባሰ፤ አን ገርቡማሳኒ ጀላ እስን ነንባሰ፤ እሬ ድሪራፊ ሙርቲ ጀባዻንስ እስን ነንፉረ። 7አን አከ ሰበ ኦፊኮት እስን ፉዸዸ፤ ዋቀኬሰን ነንተአ። ዬሮ ሰነ እስን አከ አን ዋቀዮ ዋቀኬሰን ከን ዋንጆ ወረ ግብጥ ጀላ እስን ባሴ ተኤ ንቤክቱ። 8አን ብየ እሰን አብረሃሚፍ፣ ይስሃቂፊ ያቆቢፍ ኬኑፍ ሀርከኮ ኦል ቀበዼ ከከዼ ሰነት እስን ነንገልቸ። ዻለ ጎዼስ እስኒፍ ኬነ። አን ዋቀዮ።’ ”
9ሙሴንስ ዋን ከነ ሰበ እስራኤልት ህሜ፤ እሳን ገሩ ዋን አብዲ ኩተተኒፊ ገርቡማ ሀማ ኬሰ ቱረኒፍ እሰ ህንዸጌኜ።
10 ዋቀዮ ሙሴዻን አከነ ጄዼ፤ 11“ዸቂቲ አከ እን ብየሳ ኬሳ እስራኤሎተ ገድ ለክሱፍ ፈረኦን ሞትቸ ግብጥት ህም።”
12ሙሴን ገሩ ዋቀዮን፣ “ኩኖ እስራኤሎትን ነ ህንዸጌኜ፤ ዮስ ፈረኦን አከምት ነ ዸገአሬ? አፋንኮ ቀጄልቼ ህንዱበተቱቲ” ጄዼ።
ህደ ዸሎተ ሙሴፊ አሮን
13 ዋቀዮ ገሩ ዋኤ እስራኤሎታቲፊ ዋኤ ፈረኦን ሞትቸ ግብጥ ሙሴፊ አሮንት ዱበቴ አከ እሳን ሰበ እስራኤል ግብጢ ባሰን እሳን አጀጄ።
14ሀንገፎትን በልበለወንሳኒ ከኔኒዸ፦
እልማን ሩቤን እልመ እስራኤል ሀንገፍትቻ፦
ሄኖክ፣ ፈሉስ፣ ሄዝሮኒፊ ከርሚ።
ወር ኩኔን ጎሶተ ሩቤን።
15እልማን ስምኦን፦
ዬሙኤል፣ ያሚን፣ ኦሀድ፣ ያኪን፣ ዞሀር፣ ሻዉል እልመ ዱበርትቲ ከነኣን።
እሳን ኩኔን ማቲወን ስምኦን።
16መቃን እልማን ሌዊስ አኩመ ዸሎተሳኒት ከናዸ፦
ጌርሾን፣ ቆሃቲፊ ሜራሪ።
ሌዊን ወጋ 137 ጅራቴ።
17እልማን ጌርሾን አኩመ ማቲሳኒት፦
ሎቤኒፊ ሽሜኢ።
18እልማን ቆሃት፦
አምራም፣ ይዝሃር፣ ኬብሮኒፊ ኡዚኤል።
ቆሃት ወጋ 133 ጅራቴ።
19እልማን ሜራሪ፦
መህሊፊ ሙሲ።
እሳን ኩኔንስ አኩመ ዸሎተሳኒት ማቲወን ሌዊት።
20አምራም ኦቦሌቲ አባሳ ዮኬቤድን ፉዼ፤ እሼንስ አሮኒፊ ሙሴ ዴሴፍ።
(አምራም ወጋ 137 ጅራቴ።)
21እልማን ይዝሃር፦
ቆራህ፣ ናፌጊፊ ዝክሪ።
22እልማን ኡዚኤል፦
ሚሻኤል፣ ኤልዛፋኒፊ ስትሪ።
23አሮን እንተለ አሚናዳብ ኦቦሌቲ ነህሾን ኤሊሼባ ፉዼ፤ እሼንስ ናዳብ፣ አቢሁ፣ ኤሌኣዛሪፊ ኢታማርን ዴሴፍ።
24እልማን ቆራህ፦
አሲር፣ ኤልቃናፊ አቢኣሳፍ።
እሳን ኩኔንስ ማቲወን ቆራሂት።
25ኤሌኣዛር እልም አሮን እንተለን ፉትኤል ኬሳ ቶኮ ፉዼ፤ እሼንስ ፊኔሃስን ዴሴፍ።
እሳን ኩኔንስ አኩመ ማቲወንሳኒት ሀንገፎተ በልበለ ሌዊት።
26አሮኒፊ ሙሴን ወር ዋቀዮ፣ “እስን አኩመ ኩታ ኩታሳኒት ግብጥ ኬሳ እስራኤሎተ ባሳ” ጄዼን ሱን እሳኑመ ከነ። 27እሳንስ ወረ ዋኤ ግብጥ ኬሳ እስራኤሎተ ባሱ ፈረኦን ሞትቸ ግብጥት ዱበተን ሰናዸ። ሙሴፊ አሮን እሳኑመ ከነ።
አሮን ቆደ ሙሴ ዱበቹሳ
28 ዋቀዮ ዬሮ ግብጥ ኬሰት ሙሴት ዱበቴ ሰነ 29አከነ ጄዼን፤ “አን ዋቀዮዸ። ዋን አን ስት ህሙ ሁንደ ፈረኦን ሞትቸ ግብጥት ህም።”
30ሙሴን ገሩ ዋቀዮን፣ “ኩኖ፣ አን ዋን አፋንኮ ቀጄልቼ ዱበቹ ህንደንዴኜፍ ፈረኦን አከሚን ነ ዸገአ?” ጄዼ።
Currently Selected:
በኡ 6: NOCV
Highlight
Copy
Compare
Share
Want to have your highlights saved across all your devices? Sign up or sign in
ክታበ ቁልቁሉ፣ ሂካ አመያ ሃራ™፣
ምርግ ሴራን ኤገመ © 2009፣ 2020፣ 2022 Biblica, Inc.
ኤየማን እት ፈየደሙ።
ምርግ ሁንድ አዱኛ ጉቱረት ከን ኤገሜዸ።
Holy Bible, New Oromo Contemporary Version™
Copyright © 2009, 2020, 2022 by Biblica, Inc.
Used with permission. All rights Reserved worldwide.
