በኡ 4
4
መለቶ ሙሴዻፍ ኬነሜ
1ሙሴን፣ “ዮ እሳን፣ ‘ዋቀዮ ስት ህንሙልአትኔ’ ጄዸኒ ነ አመኑ ዮካን ነ ዸገኡ ድደንሆ?” ጄዼ ዴብሴ።
2ከነረት ዋቀዮ፣ “ወንት ሀርከኬ ኬሰ ጅሩ ሱን ማል?” ጄዼን።
ሙሴንሞ፣ “ኡሌዸ” ጄዼ ዴብሴ።
3 ዋቀዮስ፣ “ለፈ ቡስ” ጄዼን።
ሙሴን ለፈ ቡፍናን ኡሌን ሱን ቦፈ ተኤ፤ እንስ እራ በቀቴ። 4ዋቀዮ ገሩ ሙሴዻን፣ “ሀርከኬ ሂጠዹቲ ኤጌሳ ቀብ” ጄዼ። ሙሴንስ ሂጠቴ ቦፈ ሰነ ቀቤ፤ ቦፍት ሱንስ ሀርከሳ ኬሰት ዴብኤ ኡሌ ተኤ። 5ዋቀዮስ፣ “ኩን አከ እሳን ዋቀዮ ዋቅን አቦቲሳኒ፣ ዋቅን አብረሃም፣ ዋቅን ይስሃቅ፣ ዋቅን ያቆብ ስት ሙልአቴ አከ አመነኒፍ” ጄዼ።
6 ዋቀዮስ ሙሴዻን፣ “ሀርከኬ ቦባኬ ኬሰ ካአዹ” ጄዼ። ሙሴንስ ሀርከሳ ቦባሳ ኬሰ ካአቴ፤ ዮሙ እን ባፈቴትስ፣ ኩኖ ሀርክሳ ለምጢ አከ ጨቢ ተኤ።
7እንስ ሙሴዻን፣ “ሀርከኬ ዴብሲ ቦባኬ ኬሰ ካአዹ” ጄዼ፤ ሙሴንስ ዴብሴ ሀርከሳ ቦባሳ ኬሰ ካአቴ፤ ዮሙ እን ባፈቴትስ፣ ኩኖ ሀርክሳ ዴብኤ አኩመ ዸግነሳ እሰ ካኒ ተኤ።
8 ዋቀዮስ አከነ ጄዼ፤ “እሳን ዮ ስ አመኑ ባተኒ መለቶ እሰ ጀልቀባ ፉዸቹ ድደን መለቶ ለመፋ ንአመኑ ተአ። 9ዮ እሳን መለቶ ከነ ለማን አመኑ ባተኒ ስ ዸገኡ ድደን ብሻን ለገ አበያ ቡዱቅሲቲ ለፈ ጎጋረት ዸንገላስ። ብሻን አት ለግቸራ ቡዱቅስቴ ሱንስ ለፈ ጎጋረት ዺገ ተአ።”
10ሙሴንስ ዋቀዮን፣ “ያ ጎፍታ፣ አን ዱርስ ተኡ ዮካን ኤርገ አት ገርብቸኬት ዱበቹ ጀልቀብዴ አስ ነመ አረበ ቀጄሉ ምት። አን ነመ አፋንሳ ህዸሜ አረብንሳስ እት ኡልፋቱዸ” ጄዼ።
11 ዋቀዮስ አከነ እሳን ጄዼ፤ “ከን አፋን ነማ ኡሜ ኤኙ? ከን አከ ነምን አረብ-ድዳ ተኡ ዮካን ዱዱ ጎዹ ኤኙ? ከን አገርቱ እጃ ነማፍ ኬኑ ዮካን ጃምሱ ኤኙ? አኑመ ዋቀዮ ምቲ? 12አመ ዸቅ፤ አን አፋንኬ ወጅን ነንተአ፤ ዋን አት ጄቱስ ስን በርሲሰ።”
13ሙሴን ገሩ፣ “ያ ጎፍታ፣ ማሎ ነመ ብራ ኤርግ” ጄዼ።
14ዼከምስ ዋቀዮስ ሙሴረት ቦበኤ፤ እንስ አከነ ጄዼ፤ “ኦቦሌስኬ አሮን ሌዊች ጅረ ምቲ? አን አከ እን አከ ጋሪት ዱበቱ ነንቤከ። ኩኖ፣ እን ገረኬ ዹፉት ጅረ። እን ዮሙ ስ አርጉት ንገመደ። 15አት እሰት ዱበቴ አፋንሳ ኬሰ ዱቢ ንኬሰ፤ አንስ አፋንኬቲፊ አፋንሳ ወጅን ነንተአ፤ ዋን እስን ሆጄተንስ እስን ነንበርሲሰ። 16እን ኡመተት ሲፍ ዱበተ፤ እን አፋን ሲፍ ተአ፤ አትሞ እሳፍ አከ ዋቃ ንታተ። 17አት ኡሌ እቲን መለቶ አርግሲፍቱ ከነ ሀርከት ቀበዹ።”
ሙሴን ግብጥት ዴብኤ
18ሙሴን ገረ አባ ኒቲሳ ገረ ዬትሮት ዴብኤ፣ “አከ አን ገረ ሰበኮ ወረ ግብጥ ጅራተንት ዴብኤ ሀመ አማት ሉቡን ጅራቹሳኒ አርጉፍ ማሎ ና ኤየም” ጄዼን።
ዮቶርስ፣ “ነጋን ዸቅ” ጄዼን።
19 ዋቀዮ ምድያንት ሙሴዻን፣ “ነሞትን ስ አጄሱ በርባደን ሁንድ ዱአኒሩቲ ግብጥት ዴብእ” ጄዼ ቱሬ። 20ከናፉ ሙሴን ኒቲሳቲፊ እልማንሳ ፉዸቴ ሀሬረ ካኤ ግብጥት ዴብኤ። እንስ ኡሌ ዋቃ ሀርከት ቀበቴ ቱሬ።
21 ዋቀዮ ሙሴዻን አከነ ጄዼ፤ “አት ዬሮ ግብጥት ዴብቱት ድንቂወን አን አከ አት ሆጄቱፍ ሁምነ ሲፍ ኬኔ ሰነ ሁንደ ፉለ ፈረኦን ዱረት ሆጄዹ። አን ገሩ አከ እን ሰበ ሰነ ገድ ህንለክፍኔ መተ ጀቤሰ እሰ ነንጎዸ። 22አት ፈረኦኒን አከነ ጄዽ፤ ‘ዋቀዮ አከነ ጄዸ፦ እስራኤል እልመኮ ሀንገፈ፤ 23አንስ፣ “አከ እልምኮ ነ ተጃጅሉፍ ገድ ለክስ” ጄዼ ስት ህሜረ። አት ገሩ እሰ ገድ ለክሱ ድዴ፤ ከናፉ፣ ኩኖ አን እልመኬ ሀንገፈ ነንአጄሰ።’ ”
24 ዋቀዮ ከራረት እዶ ቡልቲት ሙሴት ዹፌ እሰ አጄሱ በርባዴ። 25ዝጶራ ገሩ ዸጋ ቀረ ቀቡ ፉዸቴ ቆለ ዸግነ እልመሼ ኩቴ እቲን ሚለ ሙሴ ቱቅጤ። እሼንስ፣ “አት ዹጉማን አናፍ ምስርቸ ዺጋት” ጄቴ። 26ዋቀዮስ እሰ ዺሴ። ዬሮ ሰነ እሼን ዋኤ ዸግነ ቀባቲፍ፣ “ምስርቸ ዺጋት” ጄቴ።
27 ዋቀዮስ አሮኒን፣ “አት ሙሴ ስመቹፍ ገረ ገሞጂ ዸቅ!” ጄዼ። እንስ ዸቄ ቱሉ ዋቃረት ሙሴ አርገቴ እሰ ዹንገቴ። 28ዬሮ ሰነ ሙሴን ዱቢ ዋቀዮ አከ እን ዱበቱፍ እሰ ኤርጌ ሁንዳፊ መለቶወን አከ እን ሆጄቱፍ እሰ አጀጄ ሁንደ አሮንት ህሜ።
29ሙሴፊ አሮን ማንጉዶተ እስራኤል ሁንደ ወልት ቀበን፤ 30አሮንስ ዋን ዋቀዮ ሙሴት ህሜ ሁንደ ጀረት ህሜ። መለቶወንስ ፉለ ነሞታ ዱረት ሆጄቴ፤ 31እሳንስ ንአመነን። ጀርስ ዮሙ አከ ዋቀዮ ሰበ እስራኤል እላሌፊ አከ እን ረክነሳኒስ አርጌ ዸገአንት ገድ ጄዸኒ ሰገደን።
Currently Selected:
በኡ 4: NOCV
Highlight
Copy
Compare
Share
Want to have your highlights saved across all your devices? Sign up or sign in
ክታበ ቁልቁሉ፣ ሂካ አመያ ሃራ™፣
ምርግ ሴራን ኤገመ © 2009፣ 2020፣ 2022 Biblica, Inc.
ኤየማን እት ፈየደሙ።
ምርግ ሁንድ አዱኛ ጉቱረት ከን ኤገሜዸ።
Holy Bible, New Oromo Contemporary Version™
Copyright © 2009, 2020, 2022 by Biblica, Inc.
Used with permission. All rights Reserved worldwide.
