Matius 20

Salig-salig suat nu kukumoraja so tonoman nu anggur

1Mutongaro po si Yisus nu, “Soko salig-salig iitu yo ong mogkuasa yo Kinoringan, ono yo ido koyuwan kitonoman nu anggur. Osarap-sarap po mungkoyaso yo iyo modium nu lobuw popukorojaan niyo so tonoman nu anggur oono. 2Nookunan-o po niyo mongogaji nu songkaping siin pirok sondunat, popukorajaa yo niyo nosiro so tonoman nu anggur oono. 3Nologa' mirotu, momponowo po lobuw songapan nu anggur oono, om nokosiou nu tinu-tinu koyuwan songogom-ogom so pasar d'ado goma'on. 4Tongaro yo sono niyo nosiro nu, ‘Ian kou yo mukoraja so tonoman ku nu anggur-i. Gojian ku ya kou nu mutoop-o,’ koo. 5Miano yo nosiro kumoraja. Nopangging, momponowo yo iyo modium nu lobuw, om umpak nu awi-awi soko ono ya winaal niyo. 6Mintutuong-i, momponowo po iyo om nokosiou nu kolobuwan ado goma'on. Duato yo sono niyo nosiro nu, ‘Nokuro su soro sondunat kou songundii-dii tuui ado goma'on?’ koo. 7Sumombuto yo kolobuwan ono nu, ‘Ado lobuw popukoraja so kai,’ koo. ‘Bang soko ono, ian kou yo mukoraja so tonoman ku nu anggur-i,’ koo songapan nu anggur oono.

8Tumuongi po sono, tongaro yo nu lobuw songapan nu tonoman oono wowaidon nu ongo pinopukoraja niyo ri nu, ‘Paawo yo kiawi' lobuw kinumoraja ri om gojii yo nosiro soro ido-ido koyuwan, ungkiat so nokotoudi ri kumoo so gulu nokologa' ri,’ koo.#Ot 19:13; Pom 24:15 9Minulologa' yo sono ongo lobuw kinumoraja nu mintutuong-i, om nokotorima' ya soro songkopingan nu siin pirok. 10Indadi, lumogaa yo ongo minukoraja nu ungkiat po nu susuab-i. Intaman nosiro ong osuang po gaji nosiro ko' nokoongotoudi ri ya, ampa nosiro nga soro songkopingan-a. 11Naalap-o po nosiro gaji iiri, rinumoraayan sono nosiro so songapan nu tonoman-i, om mutongaro yo nu, 12‘Ongo lobuw nokotoudi sobana no, sonjaam-o laid mukoraja, om kai su soro sondunat nokodatan, nga muinong-a pinongogaji mu so nosiro om kai,’ koo. 13Sumombuto yo songapan nu tonoman ono nu, ‘Oo lakitu, rongowo yo! D'ado ya kosola'an ku so kou so' iri yo nima su pinuokunan toko, soro songkopingan-a siin pirok nigaji ku sondunat. 14Indadi, olapo yo gaji muyu tu, om panou kou yo. Muinong-a pongogaji ku so kou om kolobuwan nokotoudi no. 15Opogboya'an ku ya onu yo po songapan ku. Mokimurindi ko gaam nu obintaak aku no,’ koo songapan nu tonoman-i.

16Soko ono yo lobuw nu ono sono tu nu kipangkat ourug nu ado pangkat, om lobuw ado pangkat-o ourug nu kipangkat,” koo si Yisus.#Mat 19:30; Mrk 10:31; Luk 13:30

Ponuturanan kointolu ni Yisus

nu kopotoyan Niyo

(Mrk 10:32-34; Luk 18:31-34)

17Laid ni Yisus manou-panou mian so Yirusalim, paawo yo Niyo popuimpug opulu om duo mompomaid Niyo ri, om tongaro yo nu, 18“Rongowo muyu yo! Kosiono sundur toko so Yirusalim. Dii yo pokomouli'an so Aku, Anak nu Riniba, so ongo wowaidon nu imam om moomontuduk nu Ukum, om ukumon nu potoyon. 19Opupus ono, ikomouli' Aku so kolobuwan okon ko Yaudi. Nosiro yo su monoruru om mononsara' so Aku om ipopak so kayu salib, nga so kotolu no oluli'an Aku ya,” koo.

Inindamo nu ino ni Yakubus om ni Yuanis

(Mrk 10:35-45)

20Lumogaa yo sono sawo ni Jibidius maid nu inonakan niyo ri dii si Yisus. Sumurukudo yo iyo so tiningkuangon ni Yisus mindamo.

21Duato yo sono iyo ni Yisus nu, “Oo inan, onu indomoon mu?” koo.

Sumombuto yo woinoi-i nu, “Moingin aku nu kiduo-duo nu anak ku tu nga kopusompodi ya so obi' Mu no ong mogkuasa Ko soko raja ong wagu,” koo.

22Mutongaro yo Iyo so nosiro nu, “Dai muyu ya oilaan ong onu indomoon muyu no. Kotaan kou ya ka mongirasa nu kosonsora'an Ku no?” koo.

“Oo, kotaan-a,” koo nosiro.

23Mutongaro po Iyo nu, “Koirasa ya nai' pudi kou nu kosonsora'an Ku oono. Nga suat so isai su koogom umpak so gibang wanan Ku, okon ko Aku su koilo, nga Kinoringan, Amo Ku so surga no,” koo.

24Norongou-o po nu opulu mompomaid Niyo wokon-i inindamo nu duo musulod-i, mungoto yo nosiro. 25Soginaa yo sono Niyo nosiro om mutongaro yo nu, “Oilaan muyu nu, ongo wowaidon nu lobuw dai poimaid, kikuasa om kikopogboya'an so nosiro, 26nga adang kou yo soko nosiro. Ono ya nga, bang kuwai so kou mokipongkaton, subai murug nu uripon so kiawi' inong niyo.#Luk 22:25-26 27Om bang kuwai so kou mokisisiliw nu wowaidon, subai musimbaba' mugogoma'on suat so kiawi' inong niyo.#Mat 23:11; Mrk 9:35; Luk 22:26 28Soko Aku, Anak nu Riniba, linumoga' so wonuo tu okon ko monguripon, ono ya nga muripon, monganggur matoi mongolukat nu lobuw suang,” koo.

Minomali' si Yisus nu duo lobuw bolou

(Mrk 10:46-52; Luk 18:35-43)

29Mungkayas si Yisus om mompomaid Niyo ri kiat so Yiriku, osuang lobuw minaid so nosiro. 30So imbing nu lalan-i mogom-ogom duo koyuwan bolou. Norongou-o po nosiro nu tumalib si Yisus, gumonsoko yo nosiro nu, “Oo Mongkupu ni Raja Daud. Luluudi kai yo!” koo.

31Sowoyo yo nu lobuw suang-i duo koyuwan iiri, nga sumangat nai' nosiro gumonsok nu, “Oo Tuan, Mongkupu ni Raja Daud. Luluudi kai!” koo.

32Mintorono yo sono si Yisus om mongoduato yo so nosiro nu, “Onu ka indomoon muyu?” koo.

33Sumombuto yo nosiro nu, “Oo Tuan, moingin kai kosiou!” koo.

34Noluluudan sono Iyo so nosiro, nadi topopo yo Niyo mato nosiro ri, om iya ya iiri kosiou-o sono nosiro, om maido yo so Iyo.

Currently Selected:

Matius 20: TomPWPgLgPn

Highlight

Copy

Compare