Matius 18

Isai su oogot so Kinoringan

(Mrk 9:33-37; Luk 9:46-48)

1Iya oono lumogaa yo mompomaid ni Yisus mongoduat so Iyo nu, “Isai ka su oogot so kiawi' lobuw so Pogkuosaan nu Kinoringan?” koo.#Luk 22:24

2Paawo yo sono ni Yisus ido lolaing, om poundiio yo so tiningkuangon nosiro ri, 3om mutongaro yo nu, “Ondomo muyu yo! Tadi' ya kowaid kou so Pogkuosaan nu Kinoringan ong rumorogo kou, om minsuw soko lolaing iitu.#Mrk 10:15; Luk 18:17 4Isai musimbaba' soko lolaing itu, iyo yo su oogot so kiawi' lobuw iri maid so Pogkuosaan nu Kinoringan. 5Om isai monorima' om owarong inowoon so lobuw soko lolaing iitu, so' poimaid s'Aku, monorima' ya so Aku,” koo.

Gogoma'on koowit nu lobuw momaal

nu koraayan

(Mrk 9:42-48; Luk 17:1-2)

6Mutongaro po si Yisus nu, “Isai koowit-owit nu lobuw wokon momaal nu koraayan om dai yo sono poimaid so Aku, om oinsaadan nu Kinoringan, owarong po korobotuan liou niyo no nu watu maayo om itobung so raat. 7Bana ko oraai kolobuwan dai poimaid so wonuo tu koowit nu lobuw wokon momaal nu koraayan, om dai sono poimaid. Kuwai soko ono dadan so wonuo tu, nga aagut sobana kolobuwan pourug nu koraayan oono.

8Bang longon intawa akod mu no su koowit so kou momaal nu koraayan, totoko yo om odai. Owarong po sompopodi longon intawa akod mongimaid so Kinoringan ko' kiakod kilongon kou kiduo nga kosubo so noraka.#Mat 5:30 9Sungkito om odai yo mato mu no nu koowit so ikau momaal nu koraayan. Owarong po sompopodi mato mongimaid so Kinoringan, ko' duo maam mato, nga kosubo so noraka,” koo.#Mat 5:29

Salig-salig suat so dumba noliong

10Mutongaro po si Yisus nu, “Otago muyu yo! Adang-o pobaba' nu lobuw dai oogot, so' poilo Aku so kou nu ipatan-a nosiro dadan nu susuu'on nu Kinoringan so tiningkuangon nu Amo Ku so surga, [ 11so' Aku, Anak nu Riniba, linumoga' monapul nu lobuw dai po poimaid.]#Luk 19:10

12Onu ponokod muyu? Bang kuwai lobuw kidumba maatus, om noliong ido no, onu goma'on nu lobuw songapan nu dumba oono? Tantu iogol po niyo siwoi nopulu om siwoi oono, om diumon niyo dumba noliong-i. 13Pokoilo aku so kou nu, koduung ooyangan niyo noliong oono, osudu' po iyo suat so noliong oono ko' siwoi nopulu om siwoi dai noliong-i. 14Soko ono ya Amo muyu#18:14: Amo muyu; so tinu-tinu solinan laid, Amo Ku. so surga dai moingin pudi ido ya obinasa nu lobuw wagu ya poimaid so Aku,” koo.

Mongobiat nu lobuw nokopomaal

nu koraayan

15Mutongaro po si Yisus nu, “Bang kuwai inong muyu poimaid nokopomaal nu koraayan, biati yo iyo suat nu koraayan niyo oono nu kou ya kou. Bang musimaid-a iyo nu pongobiatan mu no, kopusulod kou ya koimbagu.#Luk 17:3 16Nga bang dai iyo musimaid, mongowit ko ido intawa duo koyuwan inong poimaid, so' itu yo nokosurat so Buuk nu Kinoringan nu, ‘Subai duo intawa tolu koyuwan maid mongorongou nu puupokatan ong kuwai otapud nu kikoraayan,’ koo ri.#Pom 19:15 17Bang dai ya iyo musimaid nu biatan nu kolobuwan oono, obari yo so puimpugan nu lobuw poimaid. Om bang dai ya iyo musimaid nu pongobiatan nu lobuw so puimpugan oono, tokodo muyu ya iyo nu soko lobuw dai poimaid nu Kinoringan intawa moomumpung nu sukai,” koo si Yisus.

Nipogos om nilila'

18Mutongaro po si Yisus nu, “Mongaabar Aku so kou nu, onu yo po nipogos muyu so wonuo tu, nipogos-a so surga. Om onu yo po nilila' muyu so wonuo tu, nilila' ya so surga.#Mat 16:19; Yns 20:23

19Om mongaabar Aku ya so kou nu, bang muupakat duo koyuwan mindamo so Kinoringan nu onu-onu ya indomoon nosiro, tumbaidon-a nu Kinoringan. 20Ono yo ko' insan duo intawa tolu pona koyuwan muimpug so' poimaid nosiro so Aku, nai Aku ya,” koo.

Salig-salig suat so uripon dai moongampun nu lobuw

21Lumogaa yo sono si Pitrus dii si Yisus mongoduat nu, “Oo Tuhan, bang kikoraayan sulod ku no so aku, intinu aku ka mongampun so iyo? Inturu ka?” koo.

22Sumombuto yo si Yisus nu, “Okon ko inturu ya, nga inturu kointuru nopulu,#Luk 17:3-4 23so' bang lumoga' yo Kinoringan mogkuasa soko raja, gama' Niyo soko ido raja mokipopongiap ong komuro utang nu kouriponan niyo no. 24Tumimpuun iyo mongiap nu utang, owito yo dii so iyo uripon kiutang boribu-ribu ri. 25Dai noborayan nu uripon iiri koosuang nu utang niyo ri. Pagka soko iri, ukumi yo nu raja ri nu iwoli uripon iiri maid nu anak sawo niyo om kiawi' gonggamon niyo, pongobarai nu utang niyo ri. 26Sumurukudo yo sono uripon iiri so tiningkuangon nu raja ri mokiampun nu, ‘Oo tuan, tonggu-tonggui aku po. Kisiin aku yo om puuron ku nai' mongobarai utang ku ri,’ koo. 27Noluluudan sono raja ri om dai yo sono minokibarai so uripon-i.

28Nokolabus-o po uripon oono, om nosambat niyo una'-una' niyo kiutang nu owako ya so iyo, kotolo yo sono niyo om mutongaro yo nu, ‘Borayi yo utang mu so aku ri!’ koo. 29Sumurukudo yo una'-una' niyo oono so tiningkuangon niyo ri mokiampun nu, ‘Oo lakitu, tonggu-tonggui aku po! Borayan ku ya ong kisiin aku yo,’ koo. 30Nga dai ya tinumanggu uripon iiri, ala' nai' nipojiil niyo una'-una' niyo iiri musingkobarai nu utang niyo ri. 31Nosiou-o po nu wokon kouriponan-i, noluluudan sono nosiro om obari yo iri nosiro so raja ri. 32Paawo yo sono nu raja ri uripon oraai akal iiri om tongaro yo nu, ‘Oo su uripon oraai akal! Dai yo su minokibarai so ikau nu utang mu ri so' minokiampun ko so aku. 33Indadi ikau nga otoop-a oluluudan nu una'-una' mu ri soko koluluud ku so ikau,’ koo raja ri. 34Sobana ko minungot raja ri, om pojiili yo niyo uripon-i, musingkobarai nu utang niyo ri,” koo.

35Ompusi yo ni Yisus salig-salig iiri nu, “Soko ono ya pudi gama' nu Amo Ku so surga so ido soido, ong dai kou mongampun nu sulod muyu nu otoroido inawo,” koo.

Currently Selected:

Matius 18: TomPWPgLgPn

Highlight

Copy

Compare