Matius 10

Opulu om duo pinongoorapan

(Mrk 3:13-19; Luk 6:12-16)

1Ido runat, inimpug ni Yisus opulu om duo mompomaid Niyo ri. Tinaakan Niyo nosiro nu kopogboya'an monusub nu moinat, momali' nu koginisan nu osakit, om onu ya sonsala' so koyuwan. 2Ngaran-o po nu ongo pinongoorapan iiri, si Simun (ngaran koduo si Pitrus), si Andrias sulod ni Simun, si Yakubus om si Yuanis, iri inonakan ni Jibidius, 3si Pilipus, si Bartulumius, si Tumas, aku si Matius iri baya' moomumpung nu sukai, si Yakubus anak ni Alpius, si Tadius, 4si Simun iri lobuw kiat so puimpugan lumawan nu lobuw Ruum,#10:4 lobuw kiat so puimpugan lumawan nu lobuw Ruum; intawa: lobuw nu Jilut. om si Yudas Iskariut, iri minongoraai so si Yisus.

Gogoma'on nu pinongoorapan

(Mrk 6:7-13; Luk 9:1-6)

5Suuo yo ni Yisus popanou pinongoorapan iiri om kodawi yo Niyo nu, “Ikod kou yo kiian so tontong nu okon-a ko lobuw Yaudi, intawa so bandar polak nu lobuw Samaria. 6Nga ian kou yo so lobuw Israil, nosiro nu dai po poimaid-o. 7Tuturani muyu nosiro nu oduruk-o Kinoringan mogkuasa soko raja. 8Polii muyu yo lobuw sumakit, lulii muyu yo lobuw minatoi, om susubo muyu yo komoinatan. Kiawi' kopogboya'an oono nitaak-a tomod, indadi ponabang kou yo nu lobuw, om adang-o mokitapi. 9Ikod kou yo pongowit nu siin, 10ombubut, imoraan, kasut, intawa susukud, so' kolobuwan mugogoma'on-o, tantu insukupan-a nu kiawi' oono,” koo.#1 Kur 9:14; 1 Tim 5:18

11Mutongaro po si Yisus nu, “Bang kologa' kou so bandar, intawa kampung, podium kou yo nu lobuw oingin polakan muyu, om ogol kou yo nai musingkologa' nu lombusan muyu. 12Bang masuw kou so ido waloi, tongaro muyu yo lobuw nai no nu, ‘Borokatan kou yo nu Kinoringan,’ koo yo muyu ya. 13Bang poosuwon kou nu songapan nu waloi oono, oborokatan nosiro, nga bang dai kou poosuwon nosiro, dikou ya dikou so borakat oono. 14Bang dai kou pologa'on nu lobuw intawa dai mongkinongou so kou, laiwi muyu ya nosiro, om puyas-o muyu koris so rompam muyu no, pongilaan nu insaadan nosiro nu Kinoringan.#P'rapan 13:51 15Ondomo muyu yo nu, ologa' yo Runat Pongukuman nu Kinoringan, ogaan po nai' ponginsaadan so lobuw so Sodom om Gumura ko' lobuw so bandar oono,” koo si Yisus.#Mat 11:24; Pgn 19:24-28 #Luk 10:4-12

Osonsara' pinongoorapan ni Yisus

(Mrk 13:9-13; Luk 21:12-17)

16Mutongaro po si Yisus nu, “Orotio muyu yo itu! Poianon Ku kou so lobuw mononsara' so kou soko kulos-kulos#10:16: kulos-kulos; intawa: sotua orongit. Ono yo ko' mingat-ingat kou yo nga maid nu owarong inowoon.#Luk 10:3 17Koingat-ingat-o muyu, so' okomon om owiton kou so poongobisora'an, om sonsora'on kou so ongo waloi sosombooyangan. 18Owiton kou so tiningkuangon nu ongo momogkuasa om raja, so' poimaid kou so Aku, om ono yo su kosiwatan muyu potuturan nu Abar Owarong suat so Aku so nosiro om so lobuw dai po kotondu' nu Kinoringan. 19Bang owiton kou so poongobisora'an, ikod kou yo kigagau ong onu tongaron muyu. Tudukan kou ya nu ono ong ologa' yo putongaran muyu, 20so' mutotongaron nu iya oono okon ko kou, nga Atod nu Kinoringan suu'on Niyo, ono Amo muyu so surga no, su montuduk so kou.#Mrk 13:9-11; Luk 12:11-12; 21:12-15

21Iya oono, pokomouli' lobuw nu sulod niyo so poomatoi, om soko ono ya amo pokomouli' nu anak niyo no so poomatoi, om inonakan pokomouli' nu ino amo nosiro no so poomatoi.#Mrk 13:12; Luk 21:16 22Bisigon kou nu kiawi' lobuw so' mompomaid Ku kou, nga isai yo po tumaan poimaid so Aku musingkopupus nu kosonsora'an oono, osopulan nu Kinoringan.#Mat 24:9,13; Mrk 13:13; Luk 21:17 23Bang indoraayon kou so ido bandar, pulaiw kou so bandar wokon. Mongaabar Aku so kou nu, dai kou po kolongkop so wonuo nu Israil, kologa' Aku yo, Anak nu Riniba.

24D'ado murid moilo po ko' moomontuduk so iyo no, intawa uripon oogot po ko' tuan niyo no.#Luk 6:40; Yns 13:16; 15:20 25Musuat-o ong koinong-o murid-o nu moomontuduk so iyo no, om uripon-o nga koinong-o nu tuan niyo no. Bang Aku kondiri tuan muyu nga ingoranan so si Biiljibul, ingkororaai po pongingoranan so kou, mompomaid Ku,” koo.#Mat 9:34; 12:24; Mrk 3:22; Luk 11:15

Lumaa' yo nu Kinoringan okon ko lobuw

(Luk 12:2-7)

26Mutongaro po si Yisus nu, “Adang-o lumaa' nu inong-a lobuw ong mononsara' nosiro so kou, so' onu yo po liningkuman, kousit-a kiawi'. Om onu yo po nisusut, oilaan-a nu kiawi' lobuw.#Mrk 4:22; Luk 8:17 27Onu yo po tongaron Ku so kou nu kou ya kou, tongaro muyu po so lobuw suang. Om onu yo po orongou muyu nu kou ya kou, imbosangi muyu po so kiawi' lobuw. 28Ikod kou yo kilaa' so nosiro ono kopomatoi so kou no, nga d'ado kuasa posubo so kou so noraka. Kinoringan-o yo su kolaa'an muyu, so' Iyo yo su kikuasa momatoi om posubo so kou so noraka. 29Duo pirit owoli nu ido yo siin. Soko ono pona, bang okon-a ko lila' nu Kinoringan, Amo so surga, ido pona nga d'ado ya matoi opitak so tana' no. 30Nga suat so kou, pudi obuk muyu no noiap-o kiawi'. 31Ono yo ko' ikod kou yo kilaa', so' boorogo kou po ko' ongo pirit,” koo si Yisus.

Mongakun so si Yisus so lobuw

(Luk 12:8-9)

32Mutongaro po si Yisus nu, “Isai mongakun so tiningkuangon nu lobuw suang nu poimaid iyo so Aku, Aku nga mongakun-a so Kinoringan, Amo Ku so surga nu mompomaid Ku iyo. 33Nga isai mongolim so tiningkuangon nu lobuw suang nu mompomaid Ku iyo, olimon Ku ya iyo so tiningkuangon nu Kinoringan, Amo Ku so surga,” koo.#2 Tim 2:12

Koputondiangan, okon ko kopusulutan

(Luk 12:51-53; 14:26-27)

34Mutongaro po si Yisus nu, “Ikod kou yo ponokod nu kopusulutan su inowit Ku so wonuo tu, sondiang ko koputondiangan. 35Kologa'an Ku kourug nu anak kusoi lumawan nu amo niyo no, anak woinoi lumawan nu ino niyo no, om woinoi kotakin lumawan nu iwan niyo woinoi. 36Om anak sawo niyo no yo su alod-alod niyo.#Mi 7:6

37Isai monamod nu ino amo niyo no kaalib nu poonamod so Aku, dai otoop nu mompomaid Ku. Soko ono ya pudi lobuw monamod nu inonakan niyo kaalib so poonamod so Aku. 38Isai dai olila' poogol nu koinginan kondiri, om runat-runat soko monimban nu salib, orati maid so Aku sumonsara' musingkopatoi so' mongimaid so Aku, dai otoop nu mompomaid Ku.#Mat 16:24; Mrk 8:34; Luk 9:23 39Isai landu momikir suat so kowiawan niyo, oliongan nai' nu kowiawan. Nga isai dai landu momikir nu kowiawan niyo so' osulut so Aku, kikowiawan iyo musingkolaid,” koo.#Mat 16:25; Mrk 8:35; Luk 9:24; 17:33; Yns 12:25

Koompusan nu gogoma'on owarong

(Mrk 9:41)

40Mutongaro po si Yisus nu, “Isai moingin loga'an muyu, ono yo su loga'an Ku. Om isai pologa' so Aku, pologa' ya nu Kinoringan ono minonuu' so Aku no.#Mrk 9:37; Luk 9:48; 10:16; Yns 13:20 41Isai monorima' nu poo'abar nu Kinoringan, so' oilaan niyo nu lobuw oono poo'abar nu Kinoringan, koompit nu nitaak so poo'abar nu Kinoringan. Om isai monorima' nu lobuw owarong, so' oilaan niyo nu lobuw owarong-a, koompit iyo nu onu nitaak so lobuw owarong. 42Isai yo po poinum nu lobuw ado pangkat, insan sungoi-a otamis, so' mompomaid Ku iyo, tantu taakan iyo nu Kinoringan nu tutungkap,” koo si Yisus.

Currently Selected:

Matius 10: TomPWPgLgPn

Highlight

Copy

Compare