EPH 5
5
Sǝ tom kaɗɗo ɗekɗekto wa
1Me maaso, sǝ tom kaɗɗo waaso nga u Kaa wa, me sǝn em ɓisa u yǝn yausǝsǝ dem wa. 2Sǝ tom kaɗɗo u yauta wa ma ɓaatǝ, nga Almaseho yǝ yau ndǝsǝ wa, yǝ ɗǝm na ɗuura ira men ndase, baiko u nseera yaɓ wa, haɗaya ɗǝm me Kaa.
3Sǝ kong fǝta kan mara pepeto ra ra, hana nkamǝra mara tulato nara ra, hana tom nɗeura mbu ɓaata ɓa a ɗaaso waaso ra, me mbusǝsa pam ma ɓet bǝɗ Kaa ɓa wa ra. 4Maaso ɗǝm ma mara hautǝma ra ma u sal ra wa, me mbusǝsa pam ma sase ra. Pa me maaso, para sǝ na himara a Kaa ni. 5Sǝ maa ɓong me, yaake sem kǝn, yaa yǝn tomsǝ pepeto ya, hana yaa yǝn tomsǝ tulato ya, hana yaa yǝn tomsǝ nɗeura mbu ate ɓa ya, me nkamǝra eɗ sisi ra, yǝ keke ma yaa yǝn nyoosǝ kwanda ya, nsaad ɓoso ɓǝ sem ma kangge hana ngeek a kuɓsutu Almaseho wa ma u Kaa wa ra. 6Sǝ kong fǝta lee yaake yǝsǝ nlaa ma mara sal ra ra, me a nkamǝra tenatenato siso ra, nfiima Kaa ma ǝn ham a ɗuura ɓaa ma ɗuura kwakwa ra ɓa. 7Me maaso, sǝ tǝmba ɗuura ma ɓosa ra.
8Meka saa han teptep ɓa, pa waso, sǝ taa ɗekɗekton ma lau Ankundi wa. Sǝ tom kaɗɗo nga em ɗekɗekto ɓa, 9me ɗekɗekto yǝn haa tinimsa yaɓ ma sase, ma tom mbu yǝsǝ keke a wiiyo a Kaa ni ɓa, ma mara ɓongtǝra ra, 10ɗǝm sǝ kǝr sǝ maa mbu ǝn tǝǝsǝ Ankundi ɓa wa. 11Sǝ ɓaa ma tom tinimsa teptep u sal wa, pa me maaso, para sǝ ɓǝ nwanyǝ a talte. 12Me ǝn mbu ɗuuranwaara ɓa, hana a nkee mbu ɓan ma ɗuura kwakwa ra ɓǝn tomsǝ a nhuukǝra ɓa. 13Pa nsaad mbu ɓaa nwanyǝsǝ a han ɗekɗekto ɓa ya, ɓaa kǝ wǝr a talte, 14me han ɗekɗekto ɓa, ndǝ sase yǝn nwanyǝsǝ a wǝr mbusa a talte wa ya. Ən siso mbu kwaasǝ ɓaa nkeesǝ me.
“Ngase ngǝ saa munda ya, aa kuma,
aa nii a woɗɗa,
ɗǝm Almaseho kǝ weɗ a ɗuura nga.”
15Pa me maaso, sǝ nhii nwaa ɓong ma kaɗɗo waaso. Sǝ kaɗ nga hauta ra, pa nga ɓaa ɓǝ weesǝ nuuwa ɓa. 16Sǝ tom tinima ma hana ɗǝɗa nara sǝ taasǝ ngeek me sǝ tom kwasira wa, me tǝromse ndǝsǝ ɗaan waso ya, ɓǝ kwalakwala. 17Me maaso, sǝ tom mbuka nga hauta ɓeta ta ra, pa pamman me sǝ maa mbu Ankundi yǝn yausǝ me aa tom ɓa ya. 18Pa sǝ wee mbraa emngwate inabi ma sǝ taa ra, u kǝ nkaa sǝ ti sǝ tom mbu ɗuura nwaara ɓa ra. Me maaso, para sǝ kung ma Wis Ɗekɗekto wa. 19Sǝ kan mara ɓaatǝ ma lau kǝɗ pinamse u zabura wa, ma pinamse nyoota sa, ma pinamse u wiso wa. Sǝ kǝɗ pinamse ma hur tilo wa Ankundi ma kuti yaase nsaad. 20Nfee sǝ tomma na himara wa Kaa Paapa a ɗuura mbusa ra nsaad, a ɗǝnda Ankundi yaande Yeso Almaseho ra.
21Sǝ na ɗuura saa ɓaatǝ me aa wǝro mbarta Almaseho wa.
Kera ma toona
22Saase toona, sǝ na ɗuura saa ker ɓǝsaa, nga sǝn tomsǝ Ankundi wa. 23Me kere ndǝ sase ɗuura toone ra, nga Almaseho ndǝ sase ɗuura ɓan bǝɗ Kaa ɓa ya wa, u yǝsǝ maabiri isi ya. Sase ɗǝm, ndǝ sase An Kon Nkweera maabiri siso ya. 24Pa nga ɓan bǝɗ Kaa ɓa ɓǝn nasǝ ɗuura ɓora a Almaseho ni wa, maaso kǝn, toona ɓǝ na ɗuura ɓora ker ɓosa a mbusa nsaad.
25Saase kera, sǝ yau toona ɓǝsaa keke nga Almaseho yǝ yausǝ ɓan bǝɗ Kaa ɓa wa, ɗǝm yǝ na ɗuura ira men ɓosa, 26me yǝɓǝ kang ɗekɗek, yǝɓǝ soɓ ma mbraa ma lau mara wa. 27Yǝ tom mbusǝsǝ maaso me a fer kiyaa na nkweera ira ɓet bǝɗ Kaa ɓa wa, aa tom ma mbarta yaɓ, ɗǝm ɓǝ tom ma lambo hana ma mbuka ke u yauwa senggo ra wa, pa ɓǝ ɓaa ɗekɗek ɓa, ɓaa sem ma hana lambo ra. 28Maaso ɗǝm, pamman me kera ɓǝ yau toona ɓosa nga ɓǝn yausǝ maabiri ɓose wa. Ai, yaa yǝ yausǝ toone si ya, yǝn yau nkweere si. 29Ndǝ maan me, yaake sem kǝn yǝ pǝtasǝ mbisi nkweera ira wa ra, pa yǝn nse ɗǝm yǝ sengge maabiri isi yaɓ, keke nga Almaseho yǝn senggǝsǝ ɓan bǝɗ Kaa ɓa wa, 30me ndase nɗǝn kakta maabiri isi ta. 31Nga ɓaa nyorsǝ wa me, “U nwa ndǝ siso mbu kwaasǝ ete kiyaa lee papisi ma maasi yǝ tǝmba ma toonesi, ɓosa raɓ siso, ɓǝ kang maabiri fin.” 32Mara ra, ǝn mbu a nhuukǝra ɓa kututub, pa waano nǝn kan a ɗuura Almaseho ra ma ɓan bǝɗ Kaa ɓa. 33Pa hana maaso, tommon ɗaɗ me, hana yamni a ɗaaso waaso, yǝ yau toonesi nga yǝn yausǝ nkweera ira ya, ɗǝm tommon ɗaɗ me toone kǝn, yǝ na mbarta kerisi.
Currently Selected:
EPH 5: LLA
Highlight
Share
Copy
Want to have your highlights saved across all your devices? Sign up or sign in
©2023 Seed Company in collaboration with Language Developers and Bible Translators Association
EPH 5
5
Sǝ tom kaɗɗo ɗekɗekto wa
1Me maaso, sǝ tom kaɗɗo waaso nga u Kaa wa, me sǝn em ɓisa u yǝn yausǝsǝ dem wa. 2Sǝ tom kaɗɗo u yauta wa ma ɓaatǝ, nga Almaseho yǝ yau ndǝsǝ wa, yǝ ɗǝm na ɗuura ira men ndase, baiko u nseera yaɓ wa, haɗaya ɗǝm me Kaa.
3Sǝ kong fǝta kan mara pepeto ra ra, hana nkamǝra mara tulato nara ra, hana tom nɗeura mbu ɓaata ɓa a ɗaaso waaso ra, me mbusǝsa pam ma ɓet bǝɗ Kaa ɓa wa ra. 4Maaso ɗǝm ma mara hautǝma ra ma u sal ra wa, me mbusǝsa pam ma sase ra. Pa me maaso, para sǝ na himara a Kaa ni. 5Sǝ maa ɓong me, yaake sem kǝn, yaa yǝn tomsǝ pepeto ya, hana yaa yǝn tomsǝ tulato ya, hana yaa yǝn tomsǝ nɗeura mbu ate ɓa ya, me nkamǝra eɗ sisi ra, yǝ keke ma yaa yǝn nyoosǝ kwanda ya, nsaad ɓoso ɓǝ sem ma kangge hana ngeek a kuɓsutu Almaseho wa ma u Kaa wa ra. 6Sǝ kong fǝta lee yaake yǝsǝ nlaa ma mara sal ra ra, me a nkamǝra tenatenato siso ra, nfiima Kaa ma ǝn ham a ɗuura ɓaa ma ɗuura kwakwa ra ɓa. 7Me maaso, sǝ tǝmba ɗuura ma ɓosa ra.
8Meka saa han teptep ɓa, pa waso, sǝ taa ɗekɗekton ma lau Ankundi wa. Sǝ tom kaɗɗo nga em ɗekɗekto ɓa, 9me ɗekɗekto yǝn haa tinimsa yaɓ ma sase, ma tom mbu yǝsǝ keke a wiiyo a Kaa ni ɓa, ma mara ɓongtǝra ra, 10ɗǝm sǝ kǝr sǝ maa mbu ǝn tǝǝsǝ Ankundi ɓa wa. 11Sǝ ɓaa ma tom tinimsa teptep u sal wa, pa me maaso, para sǝ ɓǝ nwanyǝ a talte. 12Me ǝn mbu ɗuuranwaara ɓa, hana a nkee mbu ɓan ma ɗuura kwakwa ra ɓǝn tomsǝ a nhuukǝra ɓa. 13Pa nsaad mbu ɓaa nwanyǝsǝ a han ɗekɗekto ɓa ya, ɓaa kǝ wǝr a talte, 14me han ɗekɗekto ɓa, ndǝ sase yǝn nwanyǝsǝ a wǝr mbusa a talte wa ya. Ən siso mbu kwaasǝ ɓaa nkeesǝ me.
“Ngase ngǝ saa munda ya, aa kuma,
aa nii a woɗɗa,
ɗǝm Almaseho kǝ weɗ a ɗuura nga.”
15Pa me maaso, sǝ nhii nwaa ɓong ma kaɗɗo waaso. Sǝ kaɗ nga hauta ra, pa nga ɓaa ɓǝ weesǝ nuuwa ɓa. 16Sǝ tom tinima ma hana ɗǝɗa nara sǝ taasǝ ngeek me sǝ tom kwasira wa, me tǝromse ndǝsǝ ɗaan waso ya, ɓǝ kwalakwala. 17Me maaso, sǝ tom mbuka nga hauta ɓeta ta ra, pa pamman me sǝ maa mbu Ankundi yǝn yausǝ me aa tom ɓa ya. 18Pa sǝ wee mbraa emngwate inabi ma sǝ taa ra, u kǝ nkaa sǝ ti sǝ tom mbu ɗuura nwaara ɓa ra. Me maaso, para sǝ kung ma Wis Ɗekɗekto wa. 19Sǝ kan mara ɓaatǝ ma lau kǝɗ pinamse u zabura wa, ma pinamse nyoota sa, ma pinamse u wiso wa. Sǝ kǝɗ pinamse ma hur tilo wa Ankundi ma kuti yaase nsaad. 20Nfee sǝ tomma na himara wa Kaa Paapa a ɗuura mbusa ra nsaad, a ɗǝnda Ankundi yaande Yeso Almaseho ra.
21Sǝ na ɗuura saa ɓaatǝ me aa wǝro mbarta Almaseho wa.
Kera ma toona
22Saase toona, sǝ na ɗuura saa ker ɓǝsaa, nga sǝn tomsǝ Ankundi wa. 23Me kere ndǝ sase ɗuura toone ra, nga Almaseho ndǝ sase ɗuura ɓan bǝɗ Kaa ɓa ya wa, u yǝsǝ maabiri isi ya. Sase ɗǝm, ndǝ sase An Kon Nkweera maabiri siso ya. 24Pa nga ɓan bǝɗ Kaa ɓa ɓǝn nasǝ ɗuura ɓora a Almaseho ni wa, maaso kǝn, toona ɓǝ na ɗuura ɓora ker ɓosa a mbusa nsaad.
25Saase kera, sǝ yau toona ɓǝsaa keke nga Almaseho yǝ yausǝ ɓan bǝɗ Kaa ɓa wa, ɗǝm yǝ na ɗuura ira men ɓosa, 26me yǝɓǝ kang ɗekɗek, yǝɓǝ soɓ ma mbraa ma lau mara wa. 27Yǝ tom mbusǝsǝ maaso me a fer kiyaa na nkweera ira ɓet bǝɗ Kaa ɓa wa, aa tom ma mbarta yaɓ, ɗǝm ɓǝ tom ma lambo hana ma mbuka ke u yauwa senggo ra wa, pa ɓǝ ɓaa ɗekɗek ɓa, ɓaa sem ma hana lambo ra. 28Maaso ɗǝm, pamman me kera ɓǝ yau toona ɓosa nga ɓǝn yausǝ maabiri ɓose wa. Ai, yaa yǝ yausǝ toone si ya, yǝn yau nkweere si. 29Ndǝ maan me, yaake sem kǝn yǝ pǝtasǝ mbisi nkweera ira wa ra, pa yǝn nse ɗǝm yǝ sengge maabiri isi yaɓ, keke nga Almaseho yǝn senggǝsǝ ɓan bǝɗ Kaa ɓa wa, 30me ndase nɗǝn kakta maabiri isi ta. 31Nga ɓaa nyorsǝ wa me, “U nwa ndǝ siso mbu kwaasǝ ete kiyaa lee papisi ma maasi yǝ tǝmba ma toonesi, ɓosa raɓ siso, ɓǝ kang maabiri fin.” 32Mara ra, ǝn mbu a nhuukǝra ɓa kututub, pa waano nǝn kan a ɗuura Almaseho ra ma ɓan bǝɗ Kaa ɓa. 33Pa hana maaso, tommon ɗaɗ me, hana yamni a ɗaaso waaso, yǝ yau toonesi nga yǝn yausǝ nkweera ira ya, ɗǝm tommon ɗaɗ me toone kǝn, yǝ na mbarta kerisi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2023 Seed Company in collaboration with Language Developers and Bible Translators Association