1 KOR 15
15
Niinyo Almaseho a tina wa
1Ɗǝm waso ɓaata ɓǝna, kǝnǝsǝ ɗim ma mara kwalari u nǝ nkeesǝsǝ wa, u sǝ konsǝ wa, ɗǝm u sǝn bǝɗsǝ wa. 2Ma lau mara kwalari siso sǝn taasǝ kon nkweera wa, me sǝn ma mara nǝ nkeesǝsǝ ra ɓong. Me sem maaso ra, na ɓongtǝra waaso tommon sal.
3Mbu yǝ faɗsǝ yaɓto a mbu nǝ nkeesǝsǝ ɓa, ndǝ siso u nǝ konsǝ wa, me, Almaseho yǝ woɗ men tenatenato waando, nga ɓaa nyorsǝ a likarkar Kaa ɓa wa, 4me ɓaa hoksǝ, ɓaa niki a kaa taatǝn ɓa, nga ɓaa nyorsǝ a likarkar Kaa wa ɓa, 5yǝ ɗǝm weɗɗa ee usu a Kefas ni, ɗǝm pa a ɓaa pu a nhaa raɓ sǝɓa ni. 6Pa yǝ weɗɗa ee usu a ɓaata ni u faɗsǝ pusa pu wonon a fer fino, ɓaata dem a ɗaaso ɓoso ɓǝ ma huurtu ding waso, pa ɓaata ɓǝ tǝr munɗan. 7Pa yǝ weɗɗa ee usu a Yakubu ni, ɗǝm pa a ɓahona ni nsaad. 8A feɗefeɗe nsaad, yǝ weɗɗa ee usu a nani, hanaka nǝsǝ nga ete yaa ɓaa haasǝsǝ a fer pam ra wa ya.
9Nǝ nkee maaso me ndǝ nase yaa ngeekǝlek ya a ɗaaso ɓahona Yeso ɓa, nǝ maa ǝnǝ nkee me nǝ ɓahone ra, me nǝ na kongsa kwauwo ɓan bǝɗ Kaa ɓan. 10Pa me ndǝ kwasira Kaa ra nǝ kangsǝ nga nǝsǝ waso wa, ɗǝm kwasira yǝ tomnǝsǝ ra sem u sal wa ra. Kwasira sǝra kwanǝ nǝ faɗ ɓahona Yeso ɓa tinima nsaad, hanaka sem niina ra, ndǝ kwasira Kaa ra u yǝsǝ ke ma niina wa. 11To, hana niina, hana ndǝ ɓosa, maaso tǝn nkeesǝsǝ mara Kaa ra wa, ma lau siso ɗǝm sǝn nasǝ ɓongtǝra wa.
Niinyo a Tina wa
12Pa me ǝn nkee mara a ɗuura niinyo Almaseho a tina ra wa, pa tomtomni ɗaaso waaso ɓǝn nkeesǝ me niinyo a tina wa sem rau? 13Me niinyo a tina wa sem ra, hankara, Almaseho yǝ nii a tina ra me maaso. 14Pa me Almaseho yǝ nii a tina ra, hankara, nkee mara kwalari waato tommon sal, na ɓongtǝra waaso ɗǝm, tommon sal. 15Pa kǝ tom nga tǝ nkee mara para ra a ɗuura Kaa ra, me ka tǝ nkee me Kaa yǝ nik Almaseho a tinan, u yǝ niksǝ ra wa, me ndǝ ɓongtǝra ɓaa niiyaa a tina ra. 16Me ɓaa nikaa wote a tina ra, hankara, Almaseho kǝn ɓaa niksǝ a tina ra. 17Ɗǝm me ɓaa nik Almaseho ra, hankara, naɓongtǝra waaso tommon sal, ɗǝm ding waso, sǝ ɗaan a tenatenato waaso. 18Me maaso, ɓaa ɓǝ woɗsǝ ma lau Almaseho ɓa, ɓǝ tummun. 19Me ti kanggo waato ma lau Almaseho wa, ǝn u kaɗɗo taandi wa seɗɗe, ai, ndǝ faɗ hana nyamni kaɗɗo mbu manyamanyato ɓan.
20Pa ǝn ɓongtǝra ɓaa nik Almaseho a tinan. Ndǝ sase weeyo ntiiri wa, a ɓaa ɓǝ woɗsǝ ɓa. U nwa weɗɗa me, pepere ɓeta ya, ɓaa kǝɓǝ nik a munda kǝn. 21Tom maaso me, woɗɗa wo ma lau ete wa, maaso ɗǝm niinyo a tina wa, yǝ wo ma lau ete wa. 22Nga nsaad ɓaa woɗsǝ a ɗuura Adamu ra wa, maaso ɗǝm, ɓaa ka nik ɓeta nsaad ma lau Almaseho wa. 23Pa ɓaa kǝ nik hana nyamni bǝɗɗe bǝɗɗe, Almaseho ndǝ sase weeyo ntiiri wa, pa ɓaa ɓǝsǝn usu ɓa, a kaa kiyaa wo ɓa. 24Pa feɗefeɗe aa wo, a fer kiyaa kang kuɓsutu Kaa Papa wa, ndiira yǝ tumsǝ nsaad ɓaa ɓǝn tomsǝ kuɓsutu ɓa, ma kuɓsutu ma kwangto. 25Tommon ɗaɗ Almaseho yǝ tom kuɓsutu, ɗǝm yǝ ti ɓaataker ɓisa nsaad aa kunda natsa isa. 26Ateker a feɗefeɗe u kasa tum wa, ǝn woɗɗa. 27Nga ɓaa nyorsǝ likarkar Kaa wa me, “Kaa yǝ ti mbusa nsaad aa kunda kuɓsutu usu wa.” Pa me ɓǝ nkee me, “Mbusa nsaad yaa kunda kuɓsutu usu wa,” a talte u yǝ nkeesǝ me, yaa yǝ nasǝsǝ kwangto a ɗuura mbusa nsaad ya, yǝ sem aa kunda kwangto usu wa ra. 28Fer Kaa kiyaa kang mbusa nsaad aa kunda ira wa, pa Au kaya sase kǝn, kiyǝ kang aa kunda Kaa ra, yaa yǝ kangsǝ mbusa nsaad aa kunda ira ya, me Kaa yǝ weɗɗan me ndǝ sase mbusa nsaad.
29Me sem maaso ra, ǝn mbi ɓet ɓa kǝɓaa tommou, ɓaa ɓaa soɓɓǝsǝ ɗuura a ɗuura wote ɓau? Me ɓaa nikaa wote ra, tomtom ni ɓan soɓsǝ ɗuura ɓeta a ɗuura ɓosau? 30Ɗǝm tomtomni ndǝn tisǝ ɗuura nda a kongsa nfeeu? 31Naa woɗɗa nfee. Ɓongtǝra ɓaata ɓǝna nga nkeesǝ me nǝn nheu ma saase ma lau Almaseho Yeso Ankundi yaande wa. 32Me a senda ete ra, nǝ sǝukǝ ɓeta ɓolɓol a Afisa, ɓaa ɓǝn yausǝ kito nga emnama a sanglo ɓa, ǝn mbi kǝna taa a sǝu? Me aa nkaa aa nik wote a tina ra,
“Para ndǝ tomma se ma weeyo,
me ɗen kǝ ndǝ woɗɗau?”
33Sǝ kong lee yaake sǝ nlaa ra. “Kaɗɗo ma ɓaa kwalakwala ɓa, ǝn tǝblǝ senta yaɓ ta.” 34Sǝ kang a senta saa u yaɓto wa, sǝ lee tom tenatenato wa. Ding siso, ɓaata kǝn a ɗaaso waaso ɓaa ɓǝ maa Kaa ra ɓa. Nǝ nkee mbusa maaso me ɗuura sǝ nwaa.
Nkaamǝra maabiri u niiyo a tina wa
35Pa minda ɓaataka ɓǝ taa me, “Ɓaan nik wote a tina mini miniu? Ma nkaamǝra maabiri nara ɓǝn fiɗsǝ wau?” 36Ngase haura! Mbu ngǝ rǝksǝ ɓa, yǝ nhaa ra, ndub me yǝ woɗɗon nhe. 37Me ngǝ tom rǝko, ngǝ rǝkaa maabiri u nhaasǝ wa ra, pa ǝn nkaama maɗ, hana u koma wa, hana nkaama kǝra ɓol. 38Pa Kaa yǝn na nkaama maabiri nga yǝn yausǝ wa, hana nkaama nara, yǝ ma nkamǝra maabiri isi. 39Nsaad maabiri sem u fino ra, ɓeta ɓǝ ma nkamǝra ɓora, emnama ma nkamǝra ɓora, rǝmba ma nkamǝra ɓora, ɗǝm nseenya ma nkamǝra ɓora. 40Mbu ɓaa marsǝ ɓa kǝn ɓolɓol a liura, ɗǝm mbusa kǝn a put taandi wa. Pa nkamǝra too u a liura wa yǝ ɓol, ɗǝm nkamǝra too u put taandi wa yǝ ɓol. 41Too u kaa wa yǝ ɓol, u ofe wa yǝ ɓol, u seklǝmeta wa ɗǝm yǝ ɓol, seklǝmera kǝra yǝn tom ɓol ma ate a ɗuura too ra.
42Mbusa yǝ maaso ɗǝm ma niinyo wote a tina wa. Maabiri ɓaa rǝksǝ ya yǝn nhoo, maabiri ɓaa niksǝ ya, yǝ nhoowa ra. 43Ɓan rǝksǝ aa wallo too wa, ɓan niksǝ ma lau too wa. Ɓan rǝksǝ aa wallo kokrokto wa, ɓan niksǝ a kokrokto. 44Ɓan rǝksǝ a maabiri ete ete ya, ɓan niksǝ a maabiri wiso ya.
Me maabiri ete ete ya kǝn, tumoto, maabiri wiso ya kǝn ɗǝm. 45Nga ɓaa nyorsǝ a likarkar Kaa wa me, “Adamu, ǝn eɗ a ntiiri ya, yǝ kaɗ yaa ma huurtu ya.” Ɗǝm Adamu a feɗefeɗe ya, ǝn wiso, yaa yǝn nasǝ huurtu ya. 46Pa sem yaa ma wiso ya a ntiiri ra, ǝn u ete ete wa, pa u wiso wa, yǝ wo. 47Eɗ a ntiiri ya, yǝ fiɗɗa tula putu ra, ɗǝm yaa raɓte ya, yǝ fiɗ ɓoti a liura. 48Nga sase yaa yǝ fiɗsǝ a tula putu ya yǝsǝ wa, ɗǝm maaso ɓaa ɓǝsǝ u tula ɓa, ɓǝsǝ wa. Nga sase yaa yǝ fiɗsǝ ɓoti a liura ya yǝsǝ wa, ɗǝm maaso ɓaa ɓǝsǝ u ɓoti a liura ɓa, ɓǝsǝ wa. 49Nga ndǝ toosǝ oota u tula siya wa, maaso ɗǝm kǝ nda too oota yaa yǝ fiɗsǝ ɓoti a liura ya.
50Ɓaata ɓǝna, mbu nǝn nkeesǝsǝ ɓa ǝn siso me, aa pǝta tommo maabiri yaande ma monma yǝ taa kangge a kuɓsutu Kaa wa ra, maaso ɗǝm mbu yǝn nhoosǝ ɓa, yǝ pǝta tom kangge mbu yǝn nhoowa ra ɓa. 51Sǝ kura, kǝ nǝsǝ nkee mbu a nhuukǝra ɓa! Sem nsaad kǝ nda woɗɗo wa ra, pa nsaad ɓaa kǝ ndǝ paaki maabiri, 52a ferko ngeek maɗ nga liki nuuwa wa, a fer kǝ nda kura hur pamra u feɗefeɗe wa, me ɓaa hur pamran, ɓaa kǝ nik wote ma nkamǝra maabiri u nhoowa ra wa, ɗǝm ɓaa kǝ ndǝ paki oota nda. 53Tommon ɗaɗ maabiri u yǝn nhoosǝ wa, yǝ paki yǝ kang u nhoowa ra wa, maabiri u woɗɗa wa ɗǝm, yǝ paki yǝ kang u woɗɗaa ra wa. 54A fer maabiri u yǝn nhoosǝ wa, kiyaa paki yǝ kang u nhoowa ra wa, ɗǝm maabiri yǝn woɗsǝ ya, yǝ kang u woɗɗa ra wa, a fer siso mara ra u ɓaa nyorsǝ ɗaan a mara Kaa ra wa, kǝ kunggu me,
Ɓaa tum woɗɗan, ɗǝm ɓaa nkaasǝn.
55Ngase woɗɗa, nkaa waango nau?
Ngase woɗɗa, kana ngaa nau?
56Ai, tenatenato ndǝ kana u woɗɗa wa. Ɗǝm tenatenato yǝ taa kwangto usu ma lau masaka wa. 57Pa aa lee himara yǝ kaɗ a Kaa ni, yaa yǝn nandǝsǝ nkaawo ma lau Ankundi yaande Yeso Almaseho wa.
58Me maaso, ɓaata ɓǝna ɓaa nǝn yausǝsǝ ɓa, sǝ nǝɗ kokrok, sǝ lee mbukake sǝ nyaa ra, hana kamni sǝn na ɗuura saa nsaad a tinima Ankundi ma, me sǝ maan me kongsa sǝn weesǝ a ɗuura Ankundi ra wa, sem sal ra.
Currently Selected:
1 KOR 15: LLA
Highlight
Share
Copy
Want to have your highlights saved across all your devices? Sign up or sign in
©2023 Seed Company in collaboration with Language Developers and Bible Translators Association
1 KOR 15
15
Niinyo Almaseho a tina wa
1Ɗǝm waso ɓaata ɓǝna, kǝnǝsǝ ɗim ma mara kwalari u nǝ nkeesǝsǝ wa, u sǝ konsǝ wa, ɗǝm u sǝn bǝɗsǝ wa. 2Ma lau mara kwalari siso sǝn taasǝ kon nkweera wa, me sǝn ma mara nǝ nkeesǝsǝ ra ɓong. Me sem maaso ra, na ɓongtǝra waaso tommon sal.
3Mbu yǝ faɗsǝ yaɓto a mbu nǝ nkeesǝsǝ ɓa, ndǝ siso u nǝ konsǝ wa, me, Almaseho yǝ woɗ men tenatenato waando, nga ɓaa nyorsǝ a likarkar Kaa ɓa wa, 4me ɓaa hoksǝ, ɓaa niki a kaa taatǝn ɓa, nga ɓaa nyorsǝ a likarkar Kaa wa ɓa, 5yǝ ɗǝm weɗɗa ee usu a Kefas ni, ɗǝm pa a ɓaa pu a nhaa raɓ sǝɓa ni. 6Pa yǝ weɗɗa ee usu a ɓaata ni u faɗsǝ pusa pu wonon a fer fino, ɓaata dem a ɗaaso ɓoso ɓǝ ma huurtu ding waso, pa ɓaata ɓǝ tǝr munɗan. 7Pa yǝ weɗɗa ee usu a Yakubu ni, ɗǝm pa a ɓahona ni nsaad. 8A feɗefeɗe nsaad, yǝ weɗɗa ee usu a nani, hanaka nǝsǝ nga ete yaa ɓaa haasǝsǝ a fer pam ra wa ya.
9Nǝ nkee maaso me ndǝ nase yaa ngeekǝlek ya a ɗaaso ɓahona Yeso ɓa, nǝ maa ǝnǝ nkee me nǝ ɓahone ra, me nǝ na kongsa kwauwo ɓan bǝɗ Kaa ɓan. 10Pa me ndǝ kwasira Kaa ra nǝ kangsǝ nga nǝsǝ waso wa, ɗǝm kwasira yǝ tomnǝsǝ ra sem u sal wa ra. Kwasira sǝra kwanǝ nǝ faɗ ɓahona Yeso ɓa tinima nsaad, hanaka sem niina ra, ndǝ kwasira Kaa ra u yǝsǝ ke ma niina wa. 11To, hana niina, hana ndǝ ɓosa, maaso tǝn nkeesǝsǝ mara Kaa ra wa, ma lau siso ɗǝm sǝn nasǝ ɓongtǝra wa.
Niinyo a Tina wa
12Pa me ǝn nkee mara a ɗuura niinyo Almaseho a tina ra wa, pa tomtomni ɗaaso waaso ɓǝn nkeesǝ me niinyo a tina wa sem rau? 13Me niinyo a tina wa sem ra, hankara, Almaseho yǝ nii a tina ra me maaso. 14Pa me Almaseho yǝ nii a tina ra, hankara, nkee mara kwalari waato tommon sal, na ɓongtǝra waaso ɗǝm, tommon sal. 15Pa kǝ tom nga tǝ nkee mara para ra a ɗuura Kaa ra, me ka tǝ nkee me Kaa yǝ nik Almaseho a tinan, u yǝ niksǝ ra wa, me ndǝ ɓongtǝra ɓaa niiyaa a tina ra. 16Me ɓaa nikaa wote a tina ra, hankara, Almaseho kǝn ɓaa niksǝ a tina ra. 17Ɗǝm me ɓaa nik Almaseho ra, hankara, naɓongtǝra waaso tommon sal, ɗǝm ding waso, sǝ ɗaan a tenatenato waaso. 18Me maaso, ɓaa ɓǝ woɗsǝ ma lau Almaseho ɓa, ɓǝ tummun. 19Me ti kanggo waato ma lau Almaseho wa, ǝn u kaɗɗo taandi wa seɗɗe, ai, ndǝ faɗ hana nyamni kaɗɗo mbu manyamanyato ɓan.
20Pa ǝn ɓongtǝra ɓaa nik Almaseho a tinan. Ndǝ sase weeyo ntiiri wa, a ɓaa ɓǝ woɗsǝ ɓa. U nwa weɗɗa me, pepere ɓeta ya, ɓaa kǝɓǝ nik a munda kǝn. 21Tom maaso me, woɗɗa wo ma lau ete wa, maaso ɗǝm niinyo a tina wa, yǝ wo ma lau ete wa. 22Nga nsaad ɓaa woɗsǝ a ɗuura Adamu ra wa, maaso ɗǝm, ɓaa ka nik ɓeta nsaad ma lau Almaseho wa. 23Pa ɓaa kǝ nik hana nyamni bǝɗɗe bǝɗɗe, Almaseho ndǝ sase weeyo ntiiri wa, pa ɓaa ɓǝsǝn usu ɓa, a kaa kiyaa wo ɓa. 24Pa feɗefeɗe aa wo, a fer kiyaa kang kuɓsutu Kaa Papa wa, ndiira yǝ tumsǝ nsaad ɓaa ɓǝn tomsǝ kuɓsutu ɓa, ma kuɓsutu ma kwangto. 25Tommon ɗaɗ Almaseho yǝ tom kuɓsutu, ɗǝm yǝ ti ɓaataker ɓisa nsaad aa kunda natsa isa. 26Ateker a feɗefeɗe u kasa tum wa, ǝn woɗɗa. 27Nga ɓaa nyorsǝ likarkar Kaa wa me, “Kaa yǝ ti mbusa nsaad aa kunda kuɓsutu usu wa.” Pa me ɓǝ nkee me, “Mbusa nsaad yaa kunda kuɓsutu usu wa,” a talte u yǝ nkeesǝ me, yaa yǝ nasǝsǝ kwangto a ɗuura mbusa nsaad ya, yǝ sem aa kunda kwangto usu wa ra. 28Fer Kaa kiyaa kang mbusa nsaad aa kunda ira wa, pa Au kaya sase kǝn, kiyǝ kang aa kunda Kaa ra, yaa yǝ kangsǝ mbusa nsaad aa kunda ira ya, me Kaa yǝ weɗɗan me ndǝ sase mbusa nsaad.
29Me sem maaso ra, ǝn mbi ɓet ɓa kǝɓaa tommou, ɓaa ɓaa soɓɓǝsǝ ɗuura a ɗuura wote ɓau? Me ɓaa nikaa wote ra, tomtom ni ɓan soɓsǝ ɗuura ɓeta a ɗuura ɓosau? 30Ɗǝm tomtomni ndǝn tisǝ ɗuura nda a kongsa nfeeu? 31Naa woɗɗa nfee. Ɓongtǝra ɓaata ɓǝna nga nkeesǝ me nǝn nheu ma saase ma lau Almaseho Yeso Ankundi yaande wa. 32Me a senda ete ra, nǝ sǝukǝ ɓeta ɓolɓol a Afisa, ɓaa ɓǝn yausǝ kito nga emnama a sanglo ɓa, ǝn mbi kǝna taa a sǝu? Me aa nkaa aa nik wote a tina ra,
“Para ndǝ tomma se ma weeyo,
me ɗen kǝ ndǝ woɗɗau?”
33Sǝ kong lee yaake sǝ nlaa ra. “Kaɗɗo ma ɓaa kwalakwala ɓa, ǝn tǝblǝ senta yaɓ ta.” 34Sǝ kang a senta saa u yaɓto wa, sǝ lee tom tenatenato wa. Ding siso, ɓaata kǝn a ɗaaso waaso ɓaa ɓǝ maa Kaa ra ɓa. Nǝ nkee mbusa maaso me ɗuura sǝ nwaa.
Nkaamǝra maabiri u niiyo a tina wa
35Pa minda ɓaataka ɓǝ taa me, “Ɓaan nik wote a tina mini miniu? Ma nkaamǝra maabiri nara ɓǝn fiɗsǝ wau?” 36Ngase haura! Mbu ngǝ rǝksǝ ɓa, yǝ nhaa ra, ndub me yǝ woɗɗon nhe. 37Me ngǝ tom rǝko, ngǝ rǝkaa maabiri u nhaasǝ wa ra, pa ǝn nkaama maɗ, hana u koma wa, hana nkaama kǝra ɓol. 38Pa Kaa yǝn na nkaama maabiri nga yǝn yausǝ wa, hana nkaama nara, yǝ ma nkamǝra maabiri isi. 39Nsaad maabiri sem u fino ra, ɓeta ɓǝ ma nkamǝra ɓora, emnama ma nkamǝra ɓora, rǝmba ma nkamǝra ɓora, ɗǝm nseenya ma nkamǝra ɓora. 40Mbu ɓaa marsǝ ɓa kǝn ɓolɓol a liura, ɗǝm mbusa kǝn a put taandi wa. Pa nkamǝra too u a liura wa yǝ ɓol, ɗǝm nkamǝra too u put taandi wa yǝ ɓol. 41Too u kaa wa yǝ ɓol, u ofe wa yǝ ɓol, u seklǝmeta wa ɗǝm yǝ ɓol, seklǝmera kǝra yǝn tom ɓol ma ate a ɗuura too ra.
42Mbusa yǝ maaso ɗǝm ma niinyo wote a tina wa. Maabiri ɓaa rǝksǝ ya yǝn nhoo, maabiri ɓaa niksǝ ya, yǝ nhoowa ra. 43Ɓan rǝksǝ aa wallo too wa, ɓan niksǝ ma lau too wa. Ɓan rǝksǝ aa wallo kokrokto wa, ɓan niksǝ a kokrokto. 44Ɓan rǝksǝ a maabiri ete ete ya, ɓan niksǝ a maabiri wiso ya.
Me maabiri ete ete ya kǝn, tumoto, maabiri wiso ya kǝn ɗǝm. 45Nga ɓaa nyorsǝ a likarkar Kaa wa me, “Adamu, ǝn eɗ a ntiiri ya, yǝ kaɗ yaa ma huurtu ya.” Ɗǝm Adamu a feɗefeɗe ya, ǝn wiso, yaa yǝn nasǝ huurtu ya. 46Pa sem yaa ma wiso ya a ntiiri ra, ǝn u ete ete wa, pa u wiso wa, yǝ wo. 47Eɗ a ntiiri ya, yǝ fiɗɗa tula putu ra, ɗǝm yaa raɓte ya, yǝ fiɗ ɓoti a liura. 48Nga sase yaa yǝ fiɗsǝ a tula putu ya yǝsǝ wa, ɗǝm maaso ɓaa ɓǝsǝ u tula ɓa, ɓǝsǝ wa. Nga sase yaa yǝ fiɗsǝ ɓoti a liura ya yǝsǝ wa, ɗǝm maaso ɓaa ɓǝsǝ u ɓoti a liura ɓa, ɓǝsǝ wa. 49Nga ndǝ toosǝ oota u tula siya wa, maaso ɗǝm kǝ nda too oota yaa yǝ fiɗsǝ ɓoti a liura ya.
50Ɓaata ɓǝna, mbu nǝn nkeesǝsǝ ɓa ǝn siso me, aa pǝta tommo maabiri yaande ma monma yǝ taa kangge a kuɓsutu Kaa wa ra, maaso ɗǝm mbu yǝn nhoosǝ ɓa, yǝ pǝta tom kangge mbu yǝn nhoowa ra ɓa. 51Sǝ kura, kǝ nǝsǝ nkee mbu a nhuukǝra ɓa! Sem nsaad kǝ nda woɗɗo wa ra, pa nsaad ɓaa kǝ ndǝ paaki maabiri, 52a ferko ngeek maɗ nga liki nuuwa wa, a fer kǝ nda kura hur pamra u feɗefeɗe wa, me ɓaa hur pamran, ɓaa kǝ nik wote ma nkamǝra maabiri u nhoowa ra wa, ɗǝm ɓaa kǝ ndǝ paki oota nda. 53Tommon ɗaɗ maabiri u yǝn nhoosǝ wa, yǝ paki yǝ kang u nhoowa ra wa, maabiri u woɗɗa wa ɗǝm, yǝ paki yǝ kang u woɗɗaa ra wa. 54A fer maabiri u yǝn nhoosǝ wa, kiyaa paki yǝ kang u nhoowa ra wa, ɗǝm maabiri yǝn woɗsǝ ya, yǝ kang u woɗɗa ra wa, a fer siso mara ra u ɓaa nyorsǝ ɗaan a mara Kaa ra wa, kǝ kunggu me,
Ɓaa tum woɗɗan, ɗǝm ɓaa nkaasǝn.
55Ngase woɗɗa, nkaa waango nau?
Ngase woɗɗa, kana ngaa nau?
56Ai, tenatenato ndǝ kana u woɗɗa wa. Ɗǝm tenatenato yǝ taa kwangto usu ma lau masaka wa. 57Pa aa lee himara yǝ kaɗ a Kaa ni, yaa yǝn nandǝsǝ nkaawo ma lau Ankundi yaande Yeso Almaseho wa.
58Me maaso, ɓaata ɓǝna ɓaa nǝn yausǝsǝ ɓa, sǝ nǝɗ kokrok, sǝ lee mbukake sǝ nyaa ra, hana kamni sǝn na ɗuura saa nsaad a tinima Ankundi ma, me sǝ maan me kongsa sǝn weesǝ a ɗuura Ankundi ra wa, sem sal ra.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2023 Seed Company in collaboration with Language Developers and Bible Translators Association